[ALIGN=CENTER]الله يمسيكم بالخير ...
قريت مثل غيري الكثير من الكلام عن اللاعب احمد الصويلح ،،، فيه ناس اعطوه القاب مثل مارادونا الهلال وغيرها وفي ناس صنفته على انه من افضل النجوم اللي مروا بتاريخ الزعيم وفيه ناس حطته الافضل بالهلال حالياً وغيرها من صفات المدح .
ولكن هل هذا منطق ؟؟
أحمد الصويلح يا ناس لاعب فنان بالفطره وموهوب ماشاء الله ولكن يبقى صغير بالسن وأي موضوع يكتب عنه سواء في جريده او منتدى صدقوني بيكون له التأثير الكبير على احمد الصويلح ومسيرته الكرويه .
انا ماقلت ما يستاهل المدح لا وربي ولكن مو بهالطريقه .
إذا كان اللاعب الكبير بالسن والخبير يطير من هالكلام فما بالك بلاعب عمره 17 سنه وفي اول دراسته الثانويه الى الآن ؟؟؟
وفيه لاعبين كثار دمرتهم الصحافه تدمير بعد مااوصلتهم لمرحله من الغرور غير طبيعيه وبالتالي الضياع ،،،، والمشكله ان الصحافه بس كانت تمدح اللاعب في ذاك الوقت والحين الصحافه والمنتديات والقنوات الفضائيه فأكيد بيكون تأثيرها أكبر سواء على احمد الصويلح او على اي لاعب موهوب وعمره صغير مثله .
مااقول الا الله يستر عليه من هالشي وصدقوني الانسان بطبعه ينفتن بهذي الأمور سواء لاعب كوره او غيره ،،، وانا كا كتبت هذا الكلام إقلال في نجومية الصويلح لا والله لأني اكثر شخص صفق له بعد هدفه في الجيش ولكني ودي نحافظ عليه ونتركه بعيد عن مثل هذه المواضيع حتى ما نقول بعدين احمد الصويلح لاعب فاشل
ودمتم سالمين [/ALIGN]
رحال.....انت ساحر؟؟؟؟ تقرأ أفكارنا....(انشاء الله مكرم عن الساحر)والله نفس الكلام اللي أنا كنت ناوي أكتبه....بس فيك الخير والبركه سبقتنا انت...وأعتقد هذا هو رأي أغلب الهلاليين ومحبي الزعيم...يجب على ادارة الهلال احتواء اللاعب وعليه أن لا يلتفت لتلك الاشادات والالقاب التى منحتها ايها الجماهير الهلاليه ونفخ الصحافه ...وان كان لا بد من النظر اليها...فلينظر اليها بكل تواااااااااااضع ويجعلها طريقه المنير باذن الله الى النجوميه...أتمنى من كل قلبي أن تهتم الاداره بهذا اللاعب حتى لا نفقده من كثرة المدح.
مايكل اوين لعب مع منتخب بلاده في كاس العالم وهو في السابعة عشره
من عمره مو في بطولة العرب !!!
ولاعبين بنفس عمره احترفو با الخارج
اخوي المعترض انا ما سويت فيها ولا شي ،،، وبعدين متى صرنا نقارن كورتنا باوروبا ؟؟
هم عندهم احتراف واحنا للأسف عندنا الاحتراف بالاسم ،،، وبكره لا سمح الله اذا صار شي بتتذكرني وببتذكر الخراشي ومحمد التمياط وغيرهم كثير
انا اقول احمد الصويلح فنان مبدع ويستحق المدح .....لكن مدح من دون مبالغه .....بل مدح لتشجيعه على اللعب بقوه وشجاعه ...........حتى لايصل به الامر الغرور لكثرة المدح به
احمد الصويلح لاعب فنان وهداف ويستاهل ارتداء شعار الزعيم وهو لاعب صغير في السن والمستقبل امامه ولكن ياجماهير الزعيم الأوفياء.........
لا تأخذكم غيرتكم على ناديكم الى حرق النجوم في المهد اصبروا على احمد الصويلح وشجعوه وارفعوا معنوياته ولكن ليس بطريقة الحرق..............
طريقة الحرق انا افسرها لكم بأمثلة بسيطة:ـ
الآن تقولون الصويلح من أفضل اللاعبين اللي مروا على تاريخ الهلال ؟؟؟؟؟؟؟؟؟
لا ياجماعة بكذا راح يؤثر على الصويلح وهو صغير كونه لو نزل في مباراه مصيرية والجماهير تعتقد انه سيفعل بالفريق المنافس مايفعله وهو بداخلة نفس الشعور ولكن تجري الرياح بما لاتشتهي السفن وحسب طريقة لعب الفريق المقابل وتحدث المفاجئة للاعب والجماهير ولم يفعل الصويلح شي في تلك المباراه ومتأكد ان بعض الجماهير راح تهتف ضده ومن بعدها تبداء قصة النهاية للاعب والجماهير...........
مثال بسيط:ـ أول ماشفنا لاعب النصر البيشي قال عنه النصراويين انه من افضل اللاعبين وهداف بارع ومن كلمات المديح ولكن اللاعب احترق قبل ان يبداء وسبه بعض جماهير النصر وانهالوا علية البعض الآخر بالأتهامات انه غير وفي لناديه وهكذاا حتى اصبح اللاعب لايستفاد منه..........
وكم من الأمثلة تنطبق على اغلب اللاعبين الذين بداوا ثم اختفوا فجاءة والسبب التمجيد ورفع اللاعب وكأن لايوجد لاعب مثلة يمر بتاريخ النادي وتحدث المفاجأه للجماهير........
أخيراً اقول لكم (لاعبكم ممتاز للغايه ونتمنى من الله ان يوفقة في مسيرته مع الزعيم وتمثيل المنتخب ورفع اسمه عالياً ) ولكن اعطوا الصويلح حقه ولاتزيدوا المديح الأنفعالي والى الأمام ياصويلح....
انا اقول احمد الصويلح فنان مبدع ويستحق المدح .....لكن مدح من دون مبالغه .....بل مدح لتشجيعه على اللعب بقوه وشجاعه ...........حتى لايصل به الامر الغرور لكثرة المدح به
رحال 
للأسف احمد الصويلح لاعب فاشل 
[/ALIGN]
الوضع المتطور
