[ALIGN=CENTER]
بالخير يا صفر ستة ومبارك عليكم الشّهر
على فكرة بداح القحطاني هذا قلب دفاع لعب بالهلال جنب بشير الغول وصالح النعيمة جاء بعد اعتزالة للمعلوميّة فقط واخترت هالاسم للتذكير
بما إنّي عووووووووووووود شوي وذاكرتي حليلة ابعطيك من هاللي براسي
سجّل ابقول الاهداف والوصف
1-هدف ريفيلينو في مبروك التّركي ((ويطلق على هذا الهدف هدف المدرّعات))نسبة إلى لوحة سلاح المدرعات التي في وسط الملعب
يعني قول من النّص تصدقون ياشباب الكاميرا مالحقت الكورة يعني ما درينا الا الكورة مبنطة من العارضة بااشّبكة ومبروك التركي الله يرحمة منبطح بالقوووووووووول
النتيجة 1 /0 للازرق اييييييييييييية
2-فية هدف سلطان بن نصيب على الشّباب نهائي الكاس عام 1399 اول مباراة تلعب تحت الانوار الكاشفة ((قراوا)) منوّل ((هذا الظاهر انّة غير هدف خالد الغانم ))لا ان تسان ذاكرتي بدت تخور ذكرونا ياناس عاد انا ابتأكّد من هالقول >>بدا يخور
المهم النتيجة كانت 1/0 للشّباب والدقيقة 43 الشوط الثّاني سجّل سلطان هدف خرافي من ورا خط الثمان طعش خخخخخخخخخخ
وبالماريّة الكورة نشبت بالشّبكة المباراة كانت روعة وانتهت هلاليّة 3/1 بعد ما تعادلو بالوقت الاصلي 1/1 وبعدها سجّل نجيب الامام هدف ثاني وختمها سلطان بن تصيب بالهدف الثّالث هدف الشّباب سجّلة البرازيلي برونو الشّوط الاول تقريبا اول عشر دقايق
واستلم الهلال الكاس من المغفور لة الملك خالد طيّب الله ثراة كان نجم المباراة حارس الشّباب سليمان الصقير
على فكرة يا صفر ستّة هدف نجيب الدبلكيك النتيجة انتهت 2/2 للتصحيح فقط وتراي حاضرن المباراة وفعلا الهلال اخذ الدوري بعدها
3-هدف صالح النعيمة ضد الاهلي النتيجة 3/1 للهلال فاول شقّت الحيطة خلّا عادل روّاس يعض الارض
كان ابو فهد توّة جديد................. لول
4-هدف يوسف الثّنيان الأعجب وهو منسدح تصدقون عاد والله العظيم ضد الاتحاد بالرياض والمباراة انتهت 1/0 للهلال ابو يعقوب لة اهداف لاكنّه غير
برضوة يوسف على النّصر انتهت 1/0 للازرق يوسف جر ابن دحم ودخل على نص الملعب وسحب ثلاثة بعدة ومن ورا خط الثمان طعش سدّد بقوة ارضية على يمين سالم مروان
5-الهدف المهبووووووووووول قوّة
هدف منصور بشير بالنّصر النتيجة3/1 برضوة للأزرق
قسم بالله يا جماعة مستحيل انسى هالقوووووووووووول
منصور بشر استلم كورة من عبد الرحمن العمّار ((ظهير ايمن )) معلومة للصغيّرين
المهم وهو على خط التماس حول لوحة المدرّعات خخخخخخخخخخ
المهم وياخذ النصر قطوعة بالدّور نسف يمين ويسار ويجي توفيق يزبد ويرعد ((كان كبتن المنتخب)) المهم ويجي منصور يغسلة على النّاشف بخط الثمان طعش الزّبدة ويدخل على سالم مروام وحطها بالقول وهالهدف اللي خلى النثراويّة يستسلمون
نسيت أقول لكم بعد الهدف منصور راح لم الجمهور وتوفيق لاحقة يبي يعضّة لان اللي ما يدري كانو النصر يستخدمون العضّ من أوّل والله يرحم مبروك اللي عضّ متخب العراق يوم يدقّوننا ب 7/1 بدورة الخليج الرابعة((قطر)) يوم المنتخب الرّمزي اللي كلّة من النّصر تدرون ليش لأن رئيس الوفد هاك السّنة ابو ثمامة
6-خلونا ابموضوعنا اية يارب وش بعد
نسيتو سامي وش سوّا بشاكر العليّان المباراة 4/1 للهلال يوم آخر المباراة شاكر طاح بالمرمى وبرطمة منفل تقل طاقة شمغ خخخخخخخخخخخخخخخخ
دخل ابو عبد الله ((يوم هو جديد وتوّنا مفتكّين من جازع)) وجر كالعادة النّصر وحطها قووووووووول هالمباراة اوّل ما جاء موسى نضاو تراها ما ابطت هالمباراة
7-اوووووووووووووووة نسيت هدف سعد مبارك اللي جاب لنا بطولة الخليج 1406
على العربي الكويتي 1/0 بالرّاس جابها من على القائم الاوّل لكنّة هدف بطولة
8-اية برضو اللي ما يعرف عبد الرّحمن اليوسف((الرّاجمة))
معة رجل تشم القول ورصاص >> خوش وصف
جاب قول على الاتحاد بجدة 1405 شق الشّبكة والى هالحين الاتحادية يحتجون على هالقووووووووووول
نهاية الموضوع ياشباب فية لاعب اسمة سمير سلطان شكّل ثنائي مع سلطان بن نصيب
ارعب الفرق وهالاثنين جو بعد اعتزال محسن بخيت الكورة في عز عطائة واعتزال مبارك عبد الكريم قبلة ومستعد اعطيكم عن بعض اهدافهم بعدين <<<شكلي اخذت السّالفة عنكم
المهم القافلة تسير ويبقى الهلال منبعا للمواهب والنجوم على مر التّاريخ
ولا تخافون اللي نبية ادارة مخلصة وعمل مخلص ورجال يتحملون المسؤوليّة واللي مشغول يفتح لمجال لغيرة
عاد ياشباب اعتذر لأنّي طولت لاكن عساي جبت شي افاد او ما ضر احد على الاقل
ومشكورين [/ALIGN]
الوضع العادي
