حسين العلي كّنك طولتها000000
 

قريت ياأخوان اليوم في الرياضيه ان حسين العلي رفع صوته على رئيس النادي الأمير عبدالله بن مساعد يطلب فيه

اما يلعب او يرحل والله نبت لك ريش الدعوه صارت ملطشه كلن يهوش على كيفه اذا كان العلي وهو من برى النادي يبي كل شي على كيفه

اجل ما نلوم ابوعنتر0والله مهزله اللي العلي يتكلم على سمو الامير الله يرحم والديكم اقلعوه باللي ما يحفظه من زينه وزين لعبه
والا وش رايكم؟؟؟

(العلي) يطلب الرحيل بعد (مشادة كلامية) مع رئيس الهلال.
 

[ALIGN=CENTER]السلام عليكم ،،[/ALIGN]


[ALIGN=CENTER][TABLE=width:70%;background-color:transparent;background-image:url(backgrounds/8.gif);][CELL=filter: glow(color=skyblue,strength=5);][ALIGN=center]هدد مهاجم فريق الهلال الكروي الأول (( حسين العلي )) بمقاطعة التدريبات وترك النادي نهائياً بعد (( مشادته الكلامية )) مع رئيس النادي (( الأمير عبدالله بن مساعد )) عقب تدريب الفريق أمس ، والذي جرى على أرض ملعب الأمير فيصل بن فهد لانشغال ملعب النادي بلقاء صغار النادي مع الفتح ضمن دوري الناشئين لكرة القدم.
ووقعت (( المشادّة )) خلال اجتماع بين الجانبين ، قال خلالها العلي لرئيس النادي وبصوت مسموع (( إذا كنتم لا تريدونني ... أخلوا سبيلي )).
ويأتي الخلاف بين الطرفين بسبب التجاهل الذي يجده اللاعب من الجهازين الفني والإداري ، وتدخل الإداري خـــــالد المغيربي ، وسحب اللاعب إلى غرفة الملابس. [/ALIGN][/CELL][/TABLE][/ALIGN]


تحياتي،،



هــــــــــــلالـــــــ2008ـــــــــي

انا لله وانا اليه راجعون

حسبنا الله ونعم الوكيل

لا حول ولا قوة الا بالله

من سبب هذه المهازل ؟

تكابلت عليك الضروف يالزعيم !!

الله يستر من اللي جاي ..

لاكن ما زلنا صابرين على هذا القدر ..

ونقول : (( الحمد لله على قضاءه ))

الرياضية وعالم الرياضة والإقتصادية تلعب ادوار قذرة لإستغلال اوضاع الهلال المتأزمة والخبر ملفق بالكامل من ابو التلفيق عبدالله الشعلان وحسين العلي أخلاقه رفيعه وأكبرمن ترهات الرياضية وشقيقاتها

الشعلان والمصلح والنمر والنيجيري = تلفيق + أرانب

اولا انا استغرب من الاشخــاص الي حضروا الموقف انهم ساكتين وكأنهم موافقين لكلام الجريدة

مادري كره بالهلال ولا كره بحسين العلي

اولا حسين العلي
ماصرخ هذا اولا

حسين العلي كان يكلمة عبدالله بن مســاعد (وعلى قولتهم كثرالدق يفك اللحام يابن مساعد

حسين العلي قال بصوت نفس علو صوت عبدالله بن مســاعد

انه إذا انتم ماتبوني بالفريق قولولي وابعدوني وريحوني وريحوا انفسكم وابعدوا حسين العلي

اسمعني كلمة بحق اللاعب

حسين العلي انظلــم واي ظلم

تذكر السنه اللي طافت كان احتياطي وكان هو هداف الفريق

فماادري وشاللي بيصير اخرتها مع هالرئيس

نبي نحبه غصــب نلاقيه يحطنا بمواقف تكرهنا فيه غصب عنا

كل مانقول الامير عبدالله متعقـتل نلاقيه والله موسائل بالمصلحة وهمه مبدئه

استغرب طفش ضاري وبكره العلي

والمصيبه انه ابقى على عزيز والنزهان والمفرج والمسعري

واللهي مسخرة ولاتعليق

بالنسبة لحسين العلي هو مهاجم جيد .لكن في الوقت الحالي يوجد مهاجمين أفضل منه مستوى أنتم عارفين إن الهلال يلعب بلاعبين فقط في الهجوم ولو نذكرلاعبي الهجوم في الهلال نجد : سامي الجابر ,الشيحان ,تراوري,وأحيانا سعد الدوسري و الشلهوب ,وأحمد الصويلح .وهالمهاجمين أفضل من العلي لانه لاهو لاعب سريع ولا عنده مهارات ,الميزة الوحيدة فيه هي إنه وفي بعض المباريات يتمركز تمركز جيد داخل الصندوق_______هذا رأيي

بالعكس العلي ما صرخ ولا قال شيء

وبعدين من حقه يطالب بانه يلعب أو يطلب الانتقال لفريق ثاني

كل اللي اقوله حسين العلي اخلاقه ارفع من كذا يا اخوان
وانتم بانفسكم قلتوا انه في ناس حاقدين على الهلال وخصوصا في هذي الظروف
يهمهم اثارت الاشاعات لهز الكيان الهلالي
اما بخصوص العلي والله انه مظلوم في الهلال والله انه لاعب فنان ولاعب وقت الحسم
كلكم يذكر من اتى ببطولة اسيا للهلال
لكن اللعب يحتاج الى فرصه
اتمنى ان يكون الشيحان بجانبه غدا في الهجوم

جاءت منه والله

الحمد لله الله يكرهه بالزين ( الزعيم)

والباب يوسع جمل ومابقاء الا هي ينفخ على الرئيس

ينفخ على رمز الهلال

والله مشكله

لا تصدقوا ابو هيا كان معاهم اسألوه

من حق حسين العلي ان يضمن مستقبله وان يطالب بحقوقه. وهذه نتيجه طبيعيه للوضع الماسوي الذي يعيشه الزعيم فنيأ واداريا.

حسين العلي مايسويها والي سواه مايسويه اي لاعب عادي الهداااااااااااف وهوه على دكة الأحتياط مو طبيعي واخلاااااقه اخلااااااق ممتازة وعالمية واتمنى اشراكه في المباريات القادمة

كن هل يريد حسين العلي من عبد الله بن مساعد
ينزله ويتجاوز المدرب المدرب له نظرة وهي انه لا يرى
فائدة من حسين العلي وبعدين عقدة ساري وراتبه مدفوع
واللعب ياخي سامي جلس احتياطي وغيره يثبت نفسه ويصبر
حتى ريفالدوا جلس احتياط

والله انتــم غريبين ياجماعة الخير

الحين تراه هذا كلام جريــدة وانتم ماصدقتوا خبر

واللهي ماينلام جحــا يلعب بعقول بعض الهلاليين ويوصل لمبتغاااه

كبروا روسكم وعقولكم

وليكــن حسين العلي رفع صوته بوجه ابن مســاعد


الثنيـــــــــان كان يرفع صوته على عبدالله بن سعــــد ولاتقولون لي ابن مساعد مو مثل ابن سعــد

فترى الاول مابعد جابتـــه امه الي يقول فيه شـــي


بعدين انا مع اي لاعب هلالي ضد الإدارة الحاليــة

لانه إذا كان لاعب مثل العلي هدااف وهو بالاحتياط وقاعد يشوف هالظـــلم

اتوقع من الغبــاء الدفاع عن رئيس النــادي

وعلى العموم يالملمعين لعبدالله بن مســاعد شبعنا مدح ودفاع عنه

تراها ايــام وبيروح يعني اللاعب أهم من الرئيس افهموها دايما

اللاعب يسوي شي بالملــعب اما الرئيس فهو مايسوي شي ابدا

غير التحدث عن مبدء العقل والتجــارة
اي تجارة من يوم جيت والهلال بإنحداار وازمات ماليه

واللهي لاتعليق