|
ماذا حقق تايسون الجمعان للهلال 00000؟؟؟؟؟؟؟؟؟ أعزائي جماهير الهلال ( الواعية ) قرأت جميع المقالات والردود بعد حادثة كبير الجسم صغير العقل ( تايسون حميد الجمعان ) بعضها أنصف العقل وألأخلاق والبعض الأخر حدث ولا حرج ! ومع هذا اريد أن أطرح سؤالاّ 0 كم مرة خذل الهلال وشوه سمعة النادي هذا الغر التعيس ؟؟؟؟؟؟ في إنتظار الأجابة 0 |
ياخي هذا شوه سمعه الهلال والكره السعوديه المفروض يشطب مدري ليه صابرين عليه هو مكانه الحواري هو قاعدته ( أبلعب ولا أبخرب ) |
انا اقولك انه للاسف اسلوبه مازال اسلوب شوارع لكن للاســف بسبب النقص الرهيب في لاعبين الهلال ((يقولون؟؟) فحنا مظطرين نتحمـــــل هالمعوق عقليا الجمعــان لين مايجي رئيس ويعرف شلون يتعامل مع هالاشكال لكن الله يسامح خالدبن الوليـــد وبس |
يااخوان انا معاكم ان تصرفاته غبيه وتصرفات لاعب حواري بس لاتنسون الجمعان سجل اهداف كثيرررره تسببت في فوز الهلال لكثير من البطولات , مباراته مع النصر في نهائي البطوله العربيه ومباراته مع الشباب 1418وكان الهدف الذهبي وهدفه في مرمى الاتحاد في نهائي الدوري واهدااف كثيررررره , يعني "امسكوا العصا من النصف" مثل مايقولون . وتقبلوا تحياتي |
توتي حنا ندري ان له أهداف جابت بطولات لكن لاتنسى وانا اخوك انه له بعد امور ضيعت بطولات من الهلال كاس اسيا بالعين ؟؟ كاس الخليج بقطر؟؟ اما عن المباريات المحليــة فحــــــدث ولا حرج احنا معترفين انه له دور كبير بتشكيلة الهلال لكن للاسف هاللاعب معوق فكريا ماعتقد انه يحترم الشعار الي يلبسه لكن الشكوى لله وين الرادع الي يوقف هالاشكــال لان الجمعــان مايسيء الا لنا كهلاليين يوم يطرد الفريق الي يتضرر ويوم يتنرفز لاعبينه الي يتاثرون بنفسيته ويوم يوقف الهلال الي بينحرم من عضو المفروض يكون عضو بارز بالتشكيله الهلاليه خصوصا انه لاعب منتخب لكن وخسارة ياكابتن عبدالله الي هذي اخرتها واحنا طول عمرنا ندافع عنــك (( بس بيني وبينكم وبعيد عن العقــل)) والله انه برد قلبي بوقتها بس الشكوى لله يبرد قلوبنا بدقايق ويحميها بايام وشهور |
بطولة كأس دوري خادم الحرمين الشريفين عام 1418 بطولة الاندية العربية 2000 اهدافه العالميه التي قالو يوجد مدفعجي بالهلال رفع اسم الهلال عاليا ودائما لكن فيه مثل يقول (اخذنا حاجتنا ونسينا جارتنا) اعتقد ان اخذنا ضمير يعود على جمهور الهلال وجارتنا اقصد اللاعب الكبير وان اخطأ عبدالله الجمعان مارادونا كان يحشش ويحبب ولا يزال ابرو عمالقة كرة القدم حرام عليكم يا جمهور الهلال |
رد على الأخ : HILAL MADRED اما حديثك ان الجمعان سجل اهداف كثيره ...فأقول يا اخي المشكله مهيب في الجمعان المشكله انا مافهمنا كرة القدم صح تذكر فهد الحمدان لاعب نادي الرياض تدري انه أخذ هداف الدوري السعودي في عام من الاعوام ...كذلك اخذ وصيف الهداف حوالي خمس مرات ..خمس مرات الوصيف ..!! وهو وفي نادي الرياض الضعيف الي بالكاد يفوز ...!!!! وش رايك في مستواه كلاعب ....اكيد كثير من الناس بيقول مستواه عادي او اقل من العادي ..ومعروف نظرية الجماهير في فهد الحمدان بدليل حتى انه لم يختر ويمثل المنتخب تمثيل حقيقي ... طيب سعود الحماد لاعب الهلال في اعوام 1409 الي ما يسجل الا براسه فقط كم سجل من هدف للهلال ...؟؟؟ حسين العلي اذا لعب اساسي لابد ان يسجل ...وكثير فعلها هل نقول على هؤلاء ..انهم هم غاية وامنية الزعيم .... ان تسجل فهذا من يستطيعه الكثير الكثير من الاعبين لكن السؤال كيف سجلت ...؟؟؟ كيف اخذت وبسرعه مكان مناسب ورائع وذكي للتسجيل وسجلت كيف لعبت على مدافع وعلى الحارس وسجلت هدف تقريا هو من مجهودك الخاص كيف ارتقيت عاليا بشكل يستغرب وقذفت الكره في زاويه صعبه جدا جدا على الحارس كيف توغلت وسحبت مدافين او ثلاثه وسجلت او صلحت كوره على الأقل .... ومن التلبيس على عقول الناس ان هذا اللاعب اذا سجل من فاول هدف رضوا بسرعه عنه الجماهير وحسوا انه نجم لايشق له غبار ..ويتناسون انه يسدد كل فاولات الهلال... تضييع عشرين كوره وتجي كوره ...وهذي الطريقه لو قلت للدعيع سويها كان سجل اهداف كذلك من كرات ثابته ..خل الدعيع ...لو جبت واحد من الحواري وطلبت منه انه يشوت عشرين كوره ..كان جاب هدفين منها بعد ان مانطلبه لاعب يجيد المهارت الفرديه والتسديد الجدي وال تحرك من غير كره ..اي يفهم بالتحرك من غير كره ويفهم كيف يلعب |
لقد ضقتا بهذا اللاعب ذرعاٌ ولي وقفه مع هذا اللاعب ةلكم جزيل الشكر |
يا جماعة الخير لاعب همجي معلكم بس................................. لا تنسون كم اهداف جاب بس المشكلة انة ما لقي شخص ( يروضة ) |
معليش شباب انا اوافق اخي HILAL MADRED الراي يا خي شف حسين عبد الغني يا خي شوفوا محمد نور لهم مشاكل كثيره لكنهم فايدين الفريق هو الجمعان يبغاله من يهديه اعصابه بس تحياتي |
اي يروضه الله يهديكم الظاهر احنا نتعامل مع بشر لهم عقول ما نتعامل حمير وحشيه الجمعان هذا ما منه فايده والله لو يدري انه بجيه شطب ولا حسم ثلاثة رواتب على اقل تقدير كان رجع لعقله ولكن من امن العقوبه اسااء الادب ولازي الجمعان مكانه في غبير والحله وتخب عليه بعد |
الله يستر على الهلال من جمهوره :cry::cry: |
مع شكري وتقدير لكل من مر على الموضوع- الأعزاء الرايق /00مشكلتة الأزلية في مضره نفسه قبل الغير0000! عبدالله التويجري / حسب علمي حتى خالد إبن الوليد تبرى من تصرفاتة وقال بعض إللآعبين يبغنا نحط رضاعه في فمه ! توتي الملك / كثيير من البطولات ذكرت منها إثنتان فقط000!!! HLAL MADRED / هل تؤيد سلوك مارادونا ؟ وماذا كانت نهايتة ؟ المجهر / أخلاق إللآعب قبل الأهداف وطريقة تسجيلها 00فهو يلعب للهلال وليس لـ0000 أبو نايف في إنتظار وقفتك وأرجو ألآ تكون أقسى مني عليه 0 سايق الخير / ؟؟؟؟؟ عاشق الهلال 15 / وماهو الحل الأمثل لذالك وكل الإ دارت التي مرت لم تجد العلآج ؟ بنت المطر / خسر أكثر من مليون ريال وليس 3 رواتب فقط 000ولا كن حماقتة من يداويها ؟ شرشبيل / وأنا أولهم 00ولاكن من العشق ما قتل 0 وأخيرآ وليس آخرآ 00يعلم الله انه ليس كرهآ في الجمعان ولاكن مللنا تصرفاتة وزلاتة وعثراتة وإدعو معي في هاذا الشهر الفظيل أن يهدينا الله ويهديه لما يحب ويرضا00الله إما آمين0 وتقبلوا خالص تحياتي ,,,,,,,,,, |
إقتباس:
|
اتمنى من الجمهور الهلالي العدل ومراعاة الله في كل كلامهم اليوم نتسائل ماذا قدم لنا الجمعان!!!!!؟؟؟؟؟ الجمعان قدم الكثير وان شالله سيقدم الكثير صحيح انه عليه اخطاء وهفوات كثيره لكن هذا لا يقلل من مستواه كلاعب بالهلال وكل الاشخاص الذين يطالبون بشطب الجمعان هم سيكونون اول المعارضين لو اتى له عرض من احد الانديه السعوديه للانتقال اليه..... (روماريو - دي كانيو- كانتونا..... والكثير الكثير منهم) نجوم ولكن كانت لهم اخطاء فادحه من ضرب للحكام وغيرهم ولكننا لم نسمع يوما بمن يطالب بشطبه وايقافه او ينكر ما قدموه لفرقهم ومنتخباتهم |
| الوقت المعتمد في المنتدى بتوقيت جرينتش +3.
الوقت الان » 07:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd