قناة الرياضة والشباب
 

السلام عليكم ورحمة الله وبركاته
تقبل الله صيامنا وصيامكم ان شاء الله
والله ياشباب انا فيه كلام بقلبي لازم اطلعه ولو ماطلعته يمكن يصير لي شي لاسمح الله
ياشباب بذمتكم ماتتفشلون اذا كنتم تتابعون مباراة ومعكم واحد مصري او اماراتي او حتى هندي وفجأة وبدون مقدمات تتفاجأ ان المباراة اختفت نهائيا وبدون كلمتهم الشهيرة نتمنى منكم متابعة ماتبقى من المباراة على القناة الثانية !!! قسماً بالله فشيلة مابعدها فشيلة وحنا قلنا يمكن تنحل المشكلة بعد ماتجي قناة الرياضة والشباب لكن للاسف زادت فشيلتنا ... فدولة بحجم المملكة العربية السعودية انشأت قناة رياضية يقال انها (ثالثة) وماادري كيف ثالثة وهي قاطة مع القناة الثانية .. يعني معقولة مصر والامارات والبحرين وقطر والامارات وعمان واغلب دول العالم الثالث حتى تتمتع بقنوات لها استقلاليتها التامة ويوفون بوعودهم وهذا اهم شي .. ياخي قناتنتا الغبية ومذيعها الشهير الهويمل قال انهم بينقلون مباراة الهلال وفجأة وحنا بانتظار المباراة نتفاجأ ان موعد بث القناة الرياضية لم يبدأ بعد . ياخي طيب ماتقدرون توفون بوعودكم لاتوعدون من الاساس . ياخي الناس تبغا كلام صحيح ولا تبغا سكوت ارحم من الف وعد وكلها خراط فاضي . يعني بذمتكم وش ذنبنا نكون جالسين ننتظر المباراة وبعدين ماينقلونها مما اجبرنا للذهاب الى المقاهي لاستكمال مافاتنا بسبب وعود هذه القناة اللي والله استحي ان اقول ان عندنا قناة ثالثة لانها فشيلة
قناة ماقدروا يحطون لها تردد فضائي قلنا معليش توها في البداية
اما انهم يخلون القناة قطة مع القناة الثانية فهذي والله عيب عليهم .
انا اضمن ان اصغر دولة في العالم ومااعرف اسمها ماتسوي مثل اللي سووه ربعنا
فما بالك بدولة انتاجها النفطي في اوبك يزيد على انتاج جميع الدول العربية في اوبك وماقدروا يسوون قناة منفردة وغير كذا الوعود اللي اتعبتنا والكلام الفاضي
فما اقول الا حسبنا الله ونعم الوكيل
وياليت تعطونا ارائكم في هذه القناة البايخة .. ولا بعد ناويين يفتحون قناة اخبار وقناة اطفال
والله مشكلة صدق .. يعني تتوقعون تكون قناة الاخبار مشتركة مع قناة الرياضة والقناة الثانية ومستقبلا مع قناة الاطفال ليدخلوا موسوعة جينيس لغرائب القنوات ويشكلون اول حالة في عالم القنوات وهي : مشاركة 3 قنوات في قناة واحدة .. يعني قطة محترمة
حسبنا الله ونعم الوكيل وياشباب نصيحة لكم اذا سألكم احد وقال عندكم قناة رياضية قولوا لا ماعندنا الا قناتين غصب 1 وغصب 2
حسبنا الله ونعم الوكيل
اسف على الاطالة
لاتنسون ياشباب تبدون ارائكم في وضع هذه القناة وتوقعاتكم حولها
تحياتي للجميع

^

^

^

ياأخى هذا طبعهم

إلا عندى سؤال

مبارة الهلال مع الجيش يوم الأحد منقوله على الرياضيه؟؟؟؟

الله المستعان

للمعلوميه ترى متوسط دخل الفرد السعودي الشهري يحتل المركز قبل الأخير على مستوى الخليج ,,

__________


وأي قناه رياضيه ياعمي وشو له الخساير مادام المباريات والأسلوب نفسه ,,

وياقلب لاتحزن ,,,

على العموم اخواني
توقعاتي ان القناة ستشفر لكثرة الطلب عليها من الناس ولكثرة البطولات الحصرية عليها
ولكثرة وفائها بوعودها لمشاهديها .. واتوقع ان نظام التشفير سيكون فيدو جارد او احد الانظمة التشفيرية القوية لانه يلزم قناة مثل هذه القناة المحترمة والقوية جدا نظام يضاهيها بالقوة
وبالنسبة لاستفسار بعض الاخوة عن نقل مباراة الهلال القادمة فانا اقول لهم اطمئنوا فكل المباريات في كل دول العالم منقولة على القناة الرياضية الثالثة ... يعني لاتشيلون هم
تحياتي للجميع

ياشباب تكفون طلعوا اللي في قلوبكم على هالقناة البايخة
تحياتي لكم

ترى القناه الرياضيه جيده جدا ماهي بالدرجه السيئه اللي انتم تتصورونها وتابعوا البرامج وراح تعرفوا بس يبي لها شئ من الوقت والجهد فقط ,,,,,,,

اقول اخوي توتي الملك
تكفى روقنا ياشيخ
والله انهم فاشلين بمعنى الكلمة
انت ماتذكر البطولات اللي قالوا انهم بينقلونها
انا قلت اكيد ابو ظبي الرياضية بتسكر عقب هالوعود والمباريات
لكنني تفاجأت للاسف بأن ولا مباراة اوفوا في وعدهم بنقلها واصبحنا مانشوف الا تسجيل
الا الدوري الفرنسي (ابيخ دوري اوروبي تقريبا)
حسبنا الله ونعم الوكيل
تحياتي للجميع

اولا ياشبــاب القناة ليست رياضية فقط وانما شباب ورياضة

والله مادري انا لي تحفظــات كثيرة على هالقنــاة

لكن اضحكني اخوي الغالي M.A.M
على قولته انا بتتشفر وبنظام قوي

انا اتوقــع يمكن تتشفر وماتبث الابسطــح القــــمر لانه للاسف ماتوافي احداث تصير بسطح الكرة الارضية وانما فقــط بالاوهام والخيال


نسمع هالبطولات الي بتنقلها وهالبرامج وووووو وبالاخير النتيجــة وحده قناة على قد الحال

واللهي قناة الكويت على انها ماتمتلك ربع ميزانية هالقناة الا انها تضاهي اكبر شبكة قنوات رياضية في الشرق الاوسط

مثلا الكويت تنقل بقناتها الرياضية

الدوري الانجليزي مباشر
الدوري الاسباني مباشر
الوري البرتغالي مباشر
الدوري الفرنسي
الدوري الهولندي مباشر
الدوري الايطالي مباشر
الدوري البرازيلي مباشر
الدوري الارجنتيني
بطولة التشامبيون ليجا او بطول ابطال اندية اوروبا وهي اقوى بطولة اندية بالعالم (مباشر)
بطولة الويفا وهي بطولة ابطال الكأس لاندية اوروبا (مباشر)

اضف إلى ذلك عشرات البرامــج المترجمه بداخل القناااة والي القناة الثالثة تشتري البث الاسبوعي للبرامج المترجمة


يعني الفرق شاســــــع رغم اعتراف وزير الاعلام بانه ميزانية القناة الرياضية ميزانية تكاد تكون من اكبر الميزانيات للقنوات العربية

ومع ذلك ماشفنا شي اللهم انه إعادة لمباريات الدوري الايطالي بعد 3 ايام لكل مباراة

واللهي ياجماعة فشــل ذريع

الحمدلله ياربي مشترك بالاي ارتي واتاابع مباريات الدوري الانجليزي وبطولة اندية اوروبا الابطال مع احلى استوديو تحليل

ومشترك بالشوتايم علشان ابوظبي واشوف اقوى دوري بالعالم مع احلى تعليق

وزيدان ورونالدو ورونالدينهو وفيجو وووووو ابطال الدوري الاسباني اشوفهم على قناة الجزية وبث فضائي احلى مليون مرة من انتل واريل

يعني وانا اخوكم قناة مهب فضائية لاتهمكم قناة الاريــل والمعلاق ماتوكل عيش


اما عن مباراة الهلال بالبطولة العربية

فهي حصررررررررررررريا على الاي ارتي ياجماعة الخير افهموها كم مرة نقول حصرررري

وهالشي كرره اكثرمن مرة على داواد بالاستديو التحليل اللي للاسف مايزال النعيمه فيه يتهجم على الزعيم

خخخخخخخخخخخخخخخ :D :D
لاتكون صدقت بس اخوي عبدالله التويجري :) ترا امزح :D
وعلى العموم الله يصبرنا على بلوانا هذي ويغير الوضع ان شاء الله
تحياتي للجميع

قنااااااااااااااااه مبدعه (( امحق ))

عورت قلبي

الاخ الغالي m.
ليه معصب من القناة الرياضية !!

والا ما تشوفها زين اولا انا اقنعك وبالادلةاننا نختلف عن قنوات الخليج الرياضية وحتى اوربت والارتي :

اولا هم ما عندهم نقل حصري لمباريات الدوري السعودي القوية !!

هم ما عندهم افضل مذيع عربي على مر التاريخ وهو سليمان الهويمل (( مواعيد عرقوب ))

هم ما عندهم الا نقل الدوري الاسباني وابطال اوربا والدوري الايطالي وكأس العالم وهالخرابيط اللي ما تهم الجمهور العالمي يكفي ان عندنا برنامج شهير جدا وعلى الهواء عن اقوى دوري في العالم دوري الدرجة الاولى (( خخخخخخخخخخخخخخ ))

هم ما عندهم فقرة وين رايح ولا يروحون لبيوت خلق الله ولا يلتقيون بهنود وصعايده خخخخخخخ

بالحقيقة قناة فشيلة فشيلة وكذب ودجل ووالله لو يسكرونها افضل لانها فقط دعاية للشمغ وانواعه والنشاء لا ولنقلون حتى اضعف دوري اوربي فرنسا ما ينقلونه هذاك اول الان بس دورينا السخيف وبرنامج شباب والانترنت وقهوة المساء اللي ما ادري وش تبي يلتقون مع اللاعبين القديمين ووخذ يا سخافة ويا تريقة وين درست في الابتدائي ؟
وين كليت فطورك يوم عمرك عشر سنين وخمسة اشهر وثلاثة ايام !!!
ومن بعد يروحون لبيوت مهجورة الله يكفينا الشر ويخوفون العيال الصغار !!
بالله عليكم وش نستفيد من لقاءات تتكلم عن بيوت ومدارس مهجورة انا نبي مباريات مباريات تفهمون !!
على الاقل الدوري القطري ويكفينا ..
ووقفوا السخافات شباب وبنات والخراط الفاضي ترانا عيال مسلمين وخشنيين ولسنا بنات اقصد شباب ...

وبعدين قناة القطة سخيفة ويكفي انها في رمضان خمس ساعات وارفع يدك اسرع قناة في العالم اللهم لك الحمد خلوني صايم افضل لي والا والله لو اقول اللي في خاطري مايفيه منتدى كامل لانهم حقيقة يستفزون الجمهور بالمواعيد الكاذبة قناة القطة ..


للحديث بقية ...................

وســـــــــــــــــــــــــــــــــــــــــــــــــــــــــــــــــــــــــــــــــــــــــع صدرك يالغالي ،،،،،
قال تبابعوووووووووا المباراة على القناة الثانية قال،،،،

موضوع جيد
للرفع