مساء الخير...

حقيقة يااخواني....احترنا بالهلال..وحيرنا معاه....

على الرغم من كثرة المدربين اللي تعاقبوا عليه....وعلى الرغم من ان فيهم اسماء لامعه ( يوردانيسكو - يوزيك - هانجيم ..الخ )....

الا ان الهلال لا زال يتخبط بخطة اللعب......

يعني مو معقول اننا نصدق هالاسطوانة المشروخة اللي تقال لنا...وهي ان الهلال لا يجيد اللعب بالخطة العالمية 3-5-2 !!!!


الخطة اللي تلعب بها اغلب فرق ومنتخبات العالم....حتى بالبرازيل نفسها...ومنتخب البرازيل بكبره لعب بها في كاس العالم 98 ..وحقق بها الكاس...


ماخش مزاجي ان فريق الشباب يلعب بها ويجيدها....والهلال بما يتوفر عنده من امكانيات بشرية وفنية هائلة....مايقدر عليها....


والمشكلة حتى الاتحاد...اللي ماعنده الا لاعبين ولا ثلاثة عليهم الكلام...جت فترة وصار يلعب بنفس الخطة...


العيب مو من لاعبينا....العيب من العقليات المتحجرة اللي ترفض السماح للمدربين بنقل الفريق وتطويره....

لا زال البعض من اصحاب القرار يصرون على لعب منول ( جنح يالثنيان وارفع .وانت يالحماد براسك ...وهدف ملعوب ) !!!!!

ياناس الوقت تغير...والخطط تغيرت...والتكتيك تغير.....ولاعبين الهلال برضه تغيروا...



خل نلقي نظرة على لاعبين فريقنا....

بنلقى ان عندنا خمسة سناترة ممتازين...اربعه منهم مستواهم متقارب ( الشريدة - خليل - سليمان - المفرج ....واخيرا ..الصويلح )


المفروض والعقل والمنطق يقول انه حرام تترك ثلاثه من هذولا احتياط....في ظل الضعف الدفاعي (الواضح) من قبل اظهرتنا ( النزهان - الدوخي - لطف )

الاظهرة ذولا ضعاف دفاعيا...متميزين جدا هجوميا...وهذا شي واضح للجميع...

من الظلم ان نربطهم بالدفاع..ونغفل واجباتهم الهجومية....

المفروض ان المدرب يضع ثلاثه سناترة بالخلف....ويقدم الاظهرة الى منتصف الملعب....علشان يستفيد من امكانياتهم الهجومية..وبنفس الوقت علشان يسد الثغرات الدفاعية اللي تنتج عنهم....


غير كذا مااشوف بالهلال محور عليه الكلام ...غير فيصل ابو اثنين...

من الظلم ان نلعب بمحورين...واحد منهم محترم....والثاني درجه ثالثة لم تربح ...مثل الشهراني والا القحطاني...


ومنطقة الوسط مثل ماحنا نعرف....هي مفتاح الفوز....والهزيمة....


المفروض تكثيف التواجد بهالمنطقه بخمسه لاعبين...لكل واحد منهم ادوار مختلفه عن الاخرين....

وعندنا بفريقنا اسماء لامعه في خط النص

الثنيان - نواف - الشلهوب - الغامدي - توليو - ابو اثنين - والافضل منهم جميعا.....سامي...اذا لزم الامر


خلطة تتكون من هالاسماء...اعتقد بتقدر تمسك زمام الامور في اي مباراة...وقدام اي فريق....


عاد يكون بالهجوم لاعبين اثنين نشيطين واصحاب تحركات مزعجة....علشان يفتحون المجال لتقدم نواف ولا الثنيان من الوسط....



انا شخصيا اقترح ان تكون تشكيلة الهلال بالشكل هذا ..


الحراسة : الدعيع

الدفاع : الشريده (مساك ايسر )....سليمان ( مساك ايمن)....وخليل...خلف الاثنين

الوسط : الدوخي...ايمن...ولطف....ايسر....وابو اثنين ...محور....والثنيان...ونواف ...كمساندين للهجوم

الهجوم : نجم النجوم ...سامي....مع اي شخص يثبت جدارته باللعب....مثل حسين العلي...والا الجمعان...والا لاعب اجنبي





من كل قلبي اتمنى ان اشوف الهلال يلعب بهالطريقه وهالتشكيلة لو خمس مباريات متواصلة....وانا متاكد ان النتائج راح تكون باهره...





اعتذر على فلسفتي الزايده ...لكن اعتبروها فضفضة عما بالقلب....