ما هقيتها منكم يا جمهور الزعيم با الرياض؟؟؟؟
 

مساكم الله بالخير يا شباب.....
أفا يا جمهور الزعيم.....أفا والله عليكم......بالله عليكم ..أنتو مقتنعين من تشجيعكم للزعيم في مباراته السابقه أما الاتحاد؟؟؟؟....وش ها التشجيع....مغصوبين أنتم عليه؟؟؟هذا وهو قريب منكم...ويلعب على أرضه وبين جمهموره....على أرضه ايه...بس بين جمهوره...ما أضن!!!!! الظاهر انه بين خصومه؟؟؟ وش ها التشجيع....على الاقل اذا ما شجعتو...لا تصارخونن على اللاعبين؟؟؟معقوله جمهور الاتحاد على انه أقل يكون فعال أكثر من جمهور الزعيم؟؟؟ألا هازيج عند مشجعي الاتحاد مغطيه على صوت المعلق....وجمهور الزعيم (طاق اللطمه با الشماغ...وياكل فصفص...ويسب ويلعن في اللاعبين) لا ..ويبون الفريق يقدم مستويات حلوه؟؟؟؟ وشلون يصير هذا...وبعدين اللاعبين أعتقد في ها المباره مثل ما شفت اناو غيري من المحايدين...أشوف المستوى تحسن...أحسن من اللي قبل وانشاء الله مع مؤازرتكم وتشجيكم للزعيم بتشوفون أحسن انشاء الله....مو معقوله أنتم يا جمهور مع التحكيم تصيرون ضد الفريق؟؟
يجب علينا جميعا نحن جمهور الزعيم ان نشارك بفعاليه أكبر وأكثر من كذا حتى نرى ما يسرنا عن قريب انشاء الله....
على فكره أنا والله العظيم لو في الرياض...والله ما تفوتني مبا ره للزعيم الا وحاضرها ...بس وش أقول...العين بصيره...واليد قصيره؟؟؟
شباب...لازم تغيرون من أسلوبكم با التشجيع الى الاحسن ...مو حضور وسب ولعن با اللاعبين وتففص حب شرب تتن وتبون فوز بدون تعب...ما يصير يا شباب

تحياتي وأشواقي الحاره لكم


أخوكم / بومحمد / الاحساء

اخوي ابو محمد

انا اشوف اننا قفلنا على هالموضوع من زماااان0000وقلنا لازم نبتعد عن كلمة جمهور الرياض وجمهور الغربية وووالشرررقية وووووو0000

اما ردي عليك ياعزيزي فهو:

جمهور الاتحاد اللي تكلمت عنه هذا مو محبين حاضرين لاجل الاتحاد هذه رابطة مشجعين تحضر لاجل الفلووووس ولامانع من انها تشجع الاتحاد000والرابطة على الاقل تتكون من 30 شخص همهم الوحيد هو التشجيع والهتاف للفريق طوووال المباراة ويفزع معهم باقي المحبين،،،

والهلال للاســـــــف وللمرة المليووووون نقوووول بلا رابطة جماهير تنظم التشجيع وانا اضمن ان الجمهووور بيشجع طوال التسعين دقيقة اذا وجدت رررابطة0

اخوي العزيز أبو لمياء.....تحياتي واشواقي لك....وشكرا لك على تفاعلك مع الموضوع...وأنا معك بأن جمهور الزعيم واحد وما تفرقه مناطق....بس ياخوي بو لمياء....جمهور الرياض مع احترامي الشديد له....غيييييييييييييييييييييير فعال؟؟؟؟ولا أقصد بذالك جمهور الزعيم بس.....حتى جمهور النصر...الرياض...الشباب....غير مؤثرين.ولا يبثون روح الحماس بااللا عبين؟؟؟ومعروف ان جمهور المناطق الثانيه أنشط وفعاله اكثر من جمهور الرياض(ولا أقصد في ذالك التفرقه بين المناطق...لا والله العظيم يا اخوي أبو لمياء حشا لله وانما هذه هي الحقيقه)وها انت تلاحظ بنفسك وترى...اذا لعب الزعيم خارج ارضه .فانك ترى وتسمع تشجيع الجمهور بأعلى صوته وتفاعلاته مع كل هجمه أو لعبه حلوه وفي اغلب اوقات المباراه.

أما من ناحية ان ما فيه رابطة مشجعين للزعيم في الرياض .فذالك مصيبه؟؟؟؟وان كانت الاداره على علم بذالك فالمصيبه اعظم؟؟!!! لماذا لا تخصص رابطة مشجعين بالرياض للزعيم.خصوصا وان مقر الزعيم هو الرياض. وبالتالي سوف يكون جمهور الزعيم با لالاف؟؟؟
يجب على اداره الزعيم النظر في تلك القضيه المهمه للغايه لكي يتمكن جمهور الزعيم من المساهمه في تشجيع ورفع الروح المعنويه لدى اللاعبين في المستقبل العاجل.

ولكم خالص تحياتي.



أخوكم / بومحمد / الاحساء

هلا ومرحبا ابو محمد



وكل عام وانت بخير ومبرووك عليك الشهر



وكلا اااا مك صحيح ولكن لو ان الهلال يقدم مستوياته المعهوده


والنجوم المعروفه عنه لما وجدت مكانا خاليا




تحياتي لك



وللجميع




سلا اااااااااااااااااااااااا م

هلا بك اكثر اخوي المعترض.....كل عام وأنت بخير اخوي بمناسبة الشهر الفضيل....الله يتقبل منا ومنك ومن جميع أخوننا المسلمين خالص العمل والدعاء...
حبيبي المعترض....مستوى الزعيم مع الاتحاد ..ترا ما كان بطال...تراه مستوى جيد .قياسا على المستويات اللي كان يقدمها من قبل ...يعني المستوى انشاء الله بيتحسن....ولازم نضحي من اجل الزعيم....لانه فريقنا اللي كلنا نحبه....واللي يحب .لازم يضحي من اجل حبيبه؟؟؟ وانشاء الله يرجع لنا بدرا كما عهدناه...بس انتو لا تيأسون....خلوكم متفائلون وانشاء الله بيرجع الزعيم من اول زعيم النوادي.


ولكم خالص تحياتي


أخوكم / بومحمد / الاحساء

لا يا جماعة لا تربطون الحظور الجماهيري بمستوى الفريق في المباريات لان اللاعب الهلا لي يحركة جمهورة فقط
يعني حظور فعال = مستوى عالي+أداء قتالي+ فوز مؤكد بمشيئة اللة
حظور عادي = مستوى عادي ونتايج عادية

حبيبي الجمهور ما قصر ...

حضرنا مباراة الطائي وكان الحضور ممتاز وما جانا الا ارتفاع بالضغط :upset:

اذا قدم اللاعبين مستوى جيد مهوب ممتاز " جيد " ذيك الساعة يطالبون بالجمهور...

تحياتي:)

أتمنى ان للمرة الألف ان نبتعد عن تقسيم الجمهور الهلالي على حسب المناطق

واذا كان لابد من هذا التقسيم فالمقارنة ظالمة بكل تأكيد

فكيف تقارن جمهور يلعب الهلال على ارضه 14 مباراة في الدوري فقط وقد تكون مباراتين في الاسبوع بجمهور يلعب له الهلال في ارضه مباراتين او ثلاث؟؟؟

نعلم ان الجمهور مطالب بالحضور ولكن ما يدريك بان نفس الحضور هو الذي يتكرر؟ قد يحضر 10الاف في مباراة و10الاف غيرهم في مباراة أخرى فالمشاغل والظروف الله اعلم بها . اما جمهور الهلال في الغربية والشرقية يقوم بعمل المستحيل ليرى الهلال في الملعب لأنها فرصة قد لا تتكرر الا مرتين او ثلاث في الموسم الكامل.
فقليل من الواقعية يا عالم.

جمهور الهلال في الرياض يضمن على الاقل 25 مباراة في الموسم ليرى زعيمه .بالعربي(لاحقين خير) :)

كلنا مع الحضور الجماهيري ونتمنى من كل قلوبنا ان يمتلئ كل ملعب يلعب فيه الزعيم بمحبيه ولكن (وش نسوي)

اااااااااااااااااااااااااااه يا قلبي بس
سنتين في الامارات وحضرت للهلال مباريات في الامارات اكثر من المباريات اللي حضرتها للهلال في السعودية. :( :( :(

زعيمكم عندكم يا عالم ولو انكم في الشرقية تقدرون تشوفونه تراها كلها 3 ساعات رايح و3ساعات راجع. ووالله ميب كثيرة على الزعيم.

اسف على الاطاله ودمتم

ياابن الحلال جمهور الاتحاد مو مشجعين لا ذولا فرقة شعبية..


ازعجونا بالمكرفونات والتطبيل والله هذا اسلووب مو حضاري ابدا


الأسلوب الحضاري والرائع بالتشجيع لما بس الجمهور لحاله ومع بعض وصوت واحد يهتفون بالفريق..


اما اسلوب مشجعين الاتحاد واحد يطبل من جهه والثاني معه المكرفون يزاعق والثالث يصفق..يعني خبصه


بالـعـكس انا يـمـتعـني الجمهور الهلالي لما يقولون بصوت واحد ومع بعض (( يــاهــلال ))


اشوفها تخوف وتحمس اكثر من اهازيج الفرقه الشعبية مشجعين الاتحاد..



بس الجمهور يوم بمباراة الهلال والاتحاد بالرياض الصراحه الجمهور الهلالي كان قليل..


معقولة مباراة الطائي كان في اكثر جماهير لا وكانت المباراة بوسط الاسبوع


ومباراة الهلال والاتحاد مباراة قويه ووسط الاسبوع وليلة جمعه ومافي جمهور..!!


غريـب امر الجمهور الهلالي غريب جداً



انا عن نفسي ماأفوت ولا مباراة للهلال بالرياض الا وحضرهااااااا


تحياتي