السلام عليكم

ضغطي ارتفع وانا اقرا المواضيع الي تطالب برحيل اد دي موس ....

خاصه وان اغلبها يمكن من اعضاء ما حضروا المباراة ولم يشاهدوها ...

انا حضرت المباراة ,,, المدرب لا يتحمل أي مسؤوليه اطلاقا ... فرص بالجملة ضاعت من هجوم الهلال خاصه العنزي ...

والهدف الثاني للطائي كان بسبب خطأ أحمق من الدفاع الهلالي .. اد دي موس ماله ذنب يا عالم .

الفريق ماله قائد في الملعب ... تعاقدات مع لاعبين لم يطلبهم المدرب ... جمهور زعول ... هذه كلها مشاكل الهلال ...

يا ناس ما يصير كذا ... وقسم بالله اني بديت امل من تشجيع الهلال والسبب كل يومين مدرب جديد وكل يومين طقم اجانب جديد ... الي متى بنتم على هالحاله ؟؟ يا ناس اتركوا المدرب خلوه يخسر عشرين الف مره لان بعدها بأذن الله بينتصر 100 الف انتصار .

يعني ما بعد استوعبتوا ان الهلال من بعد مباراة نهائي السوبر وهو من جفره لدحديره ؟ كم مدرب جربناه ؟ متورانا , ارثر , بلاتشي .... متورانا مدرب كولمبيا وبطل امريكا الجنوبيه , بلاتشي حقق في السابق انجازات مع الهلال , ارثر له انجازاته في بلده ... اذن البلا والخلل ماهو في المدربين , البلا ان الفريق ماله قائد سامي غايب , نواف نفس الشي , مدير الكره ما يدري وين الله حاطه

والمصيبه الكبرى هي الجمهور الهلالي الدلوووووووووووووع
ايه نعم ... جالسين في بيوتهم ويبون بطولات ... لا وياااا ويييل المدرب اذا اخفق الفريق ... سبحان الله مرات احس ان الجمهور الهلالي ما يعرف في الكوره الا المدرب اذا فشل الفريق قاموا يسبون ويلعنون في المدرب...

والكارثه ان اغلب المطالبين برحيل اد دي موس ما حضروا المباراة
ولا شافو الفرص الضائعه للفريق الهلالي ولا شافو مستوى الفريق !!!! ولا يدرون ان الهدف الثاني كان غلطه دفاعيه ويتحمل الدعيع ايضا جزء من الخطأ .


انا اطالب بعودة المصيبيح وفي أقرب فرصه ممكنه , سامي لازم يرجع ويكفي اجازات , نواف كان يتمرن مع الفريق ليه ما يلعب لو ربع ساعه ؟ .

اذا المدرب اخطأ فخطأه الوحيد هو انه كان يعتمد على الشيحان والدوسري ونواف في تمارين الفريق الأخيره ... وفجأه اشرك محلهم الشلهوب و العلي والجمعان الي توهم راجعين من المنتخب !!

أخيرا اتركوا المدرب في حاله المدرب ماله اي ذنب ...

مهلك مهلك
وانا
حضرت المباراة . وقبل كذا الاتفاق هزمناااااااااا

وقبل كذا الوحده هزمنا

ليتك لأ تتبع ) خالف تعرف(

خذ مني علم المدرب عالمي لكن خواف طريقته تنفع مع أي فريق قوي الأ الفرق الضعيه مثل الطائي
يجب أن يلعب الهلال براسي حربه إذا اراد الفوز وبكميه وافره من الاهداف مع الفرق الضعيفه
يجب على الإدارة محاسبة المدرب ومطالبته بتغيير خطته بحيث تكون 442
اخوي صحن قلابه أنا معك في بقاء ادموس لكن يجب تغيير خطته الهلال فيه نجوم ولكن في الاحتياط

تحياتي ،،،

بالله واحد صحن قلابه وكثر الزيت

إقتباس انا اطالب بعودة المصيبيح وفي أقرب فرصه ممكنه , سامي لازم يرجع ويكفي اجازات , نواف كان يتمرن مع الفريق ليه ما يلعب لو ربع ساعه ؟ .

؛؛؛؛ أحس أنك على هالكلام رئيس النادي والله لو تكتب مليون موضوع تقول سووا وحطوا ماقرا إلى جمهور مثلك مابيديهم شيء إلا الصياح وسع صدرك وكافي قرارات ؛؛؛؛؛؛

إقتباس اذا المدرب اخطأ فخطأه الوحيد هو انه كان يعتمد على الشيحان والدوسري ونواف في تمارين الفريق الأخيره ... وفجأه اشرك محلهم الشلهوب و العلي والجمعان الي توهم راجعين من المنتخب !! أخيرا اتركوا المدرب في حاله المدرب ماله اي ذنب

كل ذا وماسوى شيء؟؟؟

ا
لاء والف لأ

لبقاء ادمووووووووس


تكلموا بواقع يانااس

المشكله توها قلت بلسانك يركز في التمارين على تشكيله و يلعب بتشكيله في المباراه بالله هذا مدرب

و الله ماله عذر هذا المدرب غبي على باله قاعد يدرب ضمك ( مع احترامي لهذا الفريق ) كل مباراه يلعب بخطه دفاعيه حتى قدام الطائي

ترى المدرب باقي ما يعرف اهمية الهلال صيحواا في اذنه قولوه هذا الهلاااااااااااااااااااااااااااال العالمي الزعيم

و الي قاعد يقول سامي و نواف و الله مو لحالهم قادرين ينقذون الفريق من هذا الوضع اذا ما فيه تعاون من باقي اللاعبين

انا لو محل سامي و نواف راح اتاخر في الرجعه عشان ما يكون العشم كله عليهم و بعدين ما يسون شي و خصوصا توهم راجعين من الاصابه و ما راح ارجع الا اذا تحسن شوي وضع الفريق و شكرا

اقول روقنا الله يرحم والديك انا حضرت المباراة وقبلها مباراة الاتفاق

يلعب بمهاجم واحد اما الطائي!!!!!!!!!

تغيير اللاعب المتحرك عبدالعزيز الخثران

عدم اشراك عبدالله الجمعان وتراوري من بداية المباراة

اصراره على اشراك محمد العنزي !!!!!!!!!!!!


لعب بمحورين ومن المفروض ان يلعب بمحور واحد وصانعي العاب

الفلسفه اللي مالها داعي و و و و و الخ........................

شى اكيد ان المدرب يتحمل جزء من الخساره

لكن عندك واحد زى العزى والجمعان تلعبهم فى فريق الهلال كيف تبى تفوووووز


لا وى يبى مقدم عقد ياااااشيخ لو مااااتسرى

ما انت فالح الى فى الفاولات والخروج من المعسكرات والزعل


لاعب غير متحرك لاعب غير مفيد للفريق لاعب غر جماعى مع المجموعه


الى متى والواسطه شغاله



تحياتى

a9999
الأتفاق اظنها وديه ولا ؟؟؟؟؟

والوحده ما كنا متقدمين ؟؟ لكن استهتار الدفاع الهلالي نكبنا .. وش دخل ام المدرب ؟؟؟؟؟؟؟؟؟؟؟؟

الخبير
لو ان الطريقه هذه ما نفعت مع بلاتشي كان قلت كلامك صحيح 100% ... لكنها نجحت مع بلاتشي وحققنا بها بطولات اذن الخلل في اللعيبه الي يطبقونها مهب في الخطه . ونجحت ايضا في كاس ولي العهد . بعدين هذا الفريق لعب بخطه دفاعيه على قولتك وخسر ؟؟ اجل لو لعب هجوم وش بيصير ؟؟

بعدين من قال ان 4-5-1 دفاعيه ؟؟ بالعكس ممتازه ... عندك ثنين محاور يغطون الدفاع والأظهره اذا تقدموا .. وعندك جناحين يرفعون كور للثلاث مهاجمين الي وسط الصندق ( المهاجم الأساسي ومعه صانع الألعاب الي خلفه و الجناح الأخر ) بس مافيه لعيبه تطبقها صح

وشكرا لك

يخوي حضرت المباراة لكن العيب في المدرب

تقول وشلون من الي اختار التشكيله 0000ومن الي حط طريقة اللعب اما الطائي مدافع اجل مع

الاتحاد وش بي يسوي كل الخطه واللاعبين مدافعين

وبعدين من حق الجماهير الهلاليه تحتج على المدرب لانه ماااااينفع الهلال لان طريقته ماتناسب

اللاعبين لان كل مباراة لها ظروفهااا بس مدربنا مايدري وش السالفه 000

وبعدين 000

مدير الكره اليوسف تراه مايدري وش الطبخه 00 يعني عنده الحظور والغياب وبس

وين هلال ابومحمد اه اه اه اه اه ه

يعني تمل من تشجيع الهلال ولا تمل من الهزايم
الفرق الهابطة تكفخنا ياهوه
يا بختنا يهيك جمهور اي والله

هلالي جداوي , متيم بالزعيم

ايه نعم اخطأ في هذه ,, لكن هذه مباراة وحده وحاله استثنائيه لأن الدوليين رجعوا ... معقوله تقيل مدرب بسبب هذه ؟؟

قاهر اسيا

المهاجم الواحد ماجاب لك كاس ولي العهد ؟؟ ماجاب لك بطولات مع بلاتشي ؟؟

وبعدين مهب بس انت الي يبي من يروقه .... كل الجمهور الهلالي الي كل ما طق عود في عود قال المدرب !

لاعب الحسم

ايه المدرب الي حط الخطه ... لكن عندك لاعيبه ما تعرف تطبق ... او بمعنى اصح ما اختار التشكيله المناسبه .. يناااس الطريقه هذي جابتلكون بطولاااات مع بلاااتشي .. والعام جابت كاس ولي العهد

بعدين اذا الجمهور يشوف ان طريقة اد دي موس ما تناسب اتركوه في حاله واصبروا الين يلقا الطريقه المناسبه على قولتكم !! لازم يعني خساير على الفاضي ؟؟

والله حاااله ... كل ثلاث اشهور مدرب !!! وطقم اجانب !!

الماهر
لا يكثر

إقتباس .. اد دي موس ماله ذنب يا عالم .

من المــذنــب .. أذا .... ؟