السلام عليكم
بعد خروجي من المدرجات وانا متجه الى السيارة بعد مباراة الاتحاد فجأه شفت فاندرليم في
سيارته ووقفت عنده وسالته عن المباراة وقال لي هذة افضل مباراة في الدوري الى الآن
وسألته شفت الدعيع وش سوى اليوم قال الحقيقة افضل لاعب في المباراة هو محمد الدعيع
وقلتله طيب ليش ماتضمه الى المنتخب قال طيب شف مستواه في مباراة الطائي كان سيء
للغايه قلتله كل الفريق كان مستواه سيء ولازم الحارس يتأثر بمستوى الفريق
وفي النهاية قال فاندرليم في الحقيقه انا معجب في الدعيع واذا استمر مستواه زي
مباراة الاتحاد راح اضمه للمنتخب في دورة الخليج

تكفى يا فان درليم لا تعجب ولا تضم
اش كسبنا من الضم الا الاصابات والمشاكل
اقول يمدحون زايد

الدعيع موب في المنتخب عشانه معتزل دوليا موب عشان مستواه نازل

مـرحـبـاً أخ مـشـعـل ,,

فـانـدرليـم من فتـره طالـب بالدعيع وسامـي

وحـسـب عـلـمـي الدعيع .. معتـزل دولياً

والـود .. ودنـا يمسـك عـريـن الأخضـر مجـدداً ;)

هذا فاندرليم غبي ولا وشلون؟؟؟؟

توه قبل اسبوعين يقول لا تزعجوني بالدعيع وسامي لأنهم معتزلين دوليا والحين يقول ابي اضمه للمنتخب!!!!

ولا القصة فيها إنّ؟؟؟

اولا: اللي صار بيني وين فاندرليم بالحرف قلته لكم
ثانيا: متى قال فاندرليم ابغى الدعيع؟؟؟؟
ثالثا: الدعيع قال انا بعتزل اللعب دوليا لأنه مجبور بعد ضغوط عليه بعد مباراة المانيا
رابعا:أكثر من لاعب قال انا معتزل اللعب دوليا ورجع للمنتخب مثل:
خميس العويران
وبعدين كل اللاعبين يتمنون انهم يمثلون المنتخب ولو عمرهم 40 واقولكم لو قال فاندرليم ابغى
الدعيع صدقوني انه راح يروح للمنتخب مادام انه يلعب كورة هو او اي لاعب يلعب في اي نادي



يا هلالي الرياض وش قصدك أن الموضوع فيه أن؟؟؟؟؟

الا ابد لايضمه ولا نبيه يضمه وش اخذنا من المنتخب تكفون ؟ هزائم واصابات بعدين يحطونها برس ابو دعيع مسيكين مثل المانيا انصك وقالوا الدعيييييع ابد لايضم احد الله يجزاه خير تكفى ياهلمنتخب الي الحين من منصه لمنصه فكونا تكفون الله يوفقهم انشاءلله حنا الله يوفقنا

هههههههههههههههههههههه

هدي اعصابك يالغالي ولا تفهمني غلط

انا ما قصدت اني اشكك في كلامك او اكذبك

"القصة فيها إنّ " كنت اقصد فيها لا يكون عطاك اي كلام بس كذا عشان يرضيك كهلالي ومعجب بالدعيع بالعربي (صرفك)

اعتذر مرة ثانية اذا كنت فهمتني غلط وووووووووووووووسع صدرك

اولا: هلالي بوي حبيت اقولك لاتنسى ان الدعيع ما اشتهر الا من المنتخب
واقولك مهوب شرط انه اذا راح المنتخب لازم يتعور يمكن يتعور في تدريب
(( وبيني وبينك فيه فايده علشان يكون عميد لاعبي العالم))
ثانيا:هلالي الرياض انا شكيت يوم قلت الموضوع فيه أن لأنك قهرتني لاني كاتب الموضوع
وانا متحمس ومهما يصير تكون أخ عزيز و غاااااااااااااااااااااالي

[ALIGN=CENTER]يا خي الله يهديك بس



ليش تسأله ياخي ؟؟؟


خله على عماه وخل الدعيع للهلال ;)


الهلال وش أخذ من مشاركات لاعبيه مع المنتخب غير النكران وتضييع الحقوق [/ALIGN]

إقتباس إقتباس من مشاركة الماهر تكفى يا فان درليم لا تعجب ولا تضم اش كسبنا من الضم الا الاصابات والمشاكل اقول يمدحون زايد

أتمنى عودة الدعيع إلى المنتخب بأقرب وقت ممكن

إقتباس إقتباس من مشاركة الماهر تكفى يا فان درليم لا تعجب ولا تضم اش كسبنا من الضم الا الاصابات والمشاكل اقول يمدحون زايد

تبون الصراحة الدعيع احسن له انه بدون المنتخب
على الاقل يشوف الهلال شوي انا والله اقول انه قرار سليم مية بالمية اعتزاله اللعب دوليا
ويسلمووووووووا اخوي مشعل على هالموضوع

اخواني الدعيع قال انه بيقود المنتخب في كاس العالم 2006 وتمنى انه المجموعة تضم المانيا لكي يرد الثأر