[ALIGN=CENTER]على ايش يا حسره ؟[/ALIGN]

عارف انو اغلبكم راح يردد هالكلام ويقول , وش فيها الست ليلى زود ككاتبة علشان تكون محط عيون الحساد وكارهي النجاح

وانا أقول هو صحيح انو الدكتوره ليلى قصصها كلها هم وتقل دم

وتبالغ بشكل فضييييع في تصوير شخصيات قصصها سواء الشخصية الطيبه او الشريره

وما تعرف ابد تصيغ حوار جيد يقولونه ممثليها , لدرجة ان الممثل يكون اشبه بالرجل الالي وهو يردد ماصاغتها اناملها النحاسيه من حوار رديء

بالاضافة الى انها شكلت من زوجها عامر الحمود ثنائي متفاهم لأبعد الحدود , ييعرف أسرع الطرق المؤديه الى الفشل ويفهم ترنيمة السقوط ويصمها عن ظهر قلب


لدرجة ان اول ما تبدا الحلقه في مسلسل زي مسلسل ( درب المحبة ) ما تبدا بالاحداث بل تبدا على طول بومسيقى التصوير الحزينة او الشريرة مع تعابير عنفوصيه تكشيرية على وجه الممثل وهو يمطط وجهه يمين ويسار ويسند الجدران يقالنه عايش الدور


وان الدكتوره ليلى تجمع اكثر من قضية اجتماعية في حلقاتها تحت سقف واحد , حتى ان بعض هالقضايا قد تكون لفقت بالمجتمع السعودي ولا تمت له بصله

فمره نشوف أحد شخصيات حلاقاتها النسائية راعية عروس ولا تعرف تقر في بيتها أبد ومهملة بيتها وعيالها , ولا همها الا حضور العروس والقرق بالتلفون مع فلانه وعلانه .

وثانيه نشوفها ماسكه هالتلفون وتغازل وتكسر وتغنج , وهالمشهد يتكرر بأغلبية اعمالها وكانها بكذا تبي تقنع العالم اننا شعب بالحضيض لا اخلاق ولا دين يردعنا وبناتنا وعيالنا رايحين فيها ,

وثالثه ماهمها الا مسك كتلوجات الازياء وتفتيش فيه واذا شافت زوجها تسأله وش تبي عشاك ووش تبي غداك , وكانها تبي تفهم العالم ان الحرمه عندنا مهمشه ومظلومه ودورها بالمجتمع خرطي وسطحي , محصور في اللبس والاكل والشرب بس .


لدرجة اني صرت اتخيل المجتمع النسائي السعودي من خلال قصصها ومسلسلاتها على انه مجتمع سخييييييييف ومسكييييييييييين واهتماماته سحطيه وغبيه .


ولو اني ماني من اهل البلد وعارف وشايف الواقع كان ترسخ هالمفهوم في بالي .


وصحيح الشي الي يفطر الكبد من الضحك ويخلي لسانك يالواحد يلهج بقول أهل العقول براحه هو انتقاء للمثلين والممثلات

فسبحان الله نشوف اختين كل وحده منهن لها لهجه , الاخت الكبيره تقول لأختها ( شلونج اختي ) وترد عليها اختها الحمد لله ( كيفك ) انتي ؟؟؟ ولاحظو على بالهم من الرياض !!

اجناس مختلفه ولهجات متعدده جمعهم عمل يظنون انهم يمثلون فيه المجتمع السعودي الي هو بريء من سخافاتهم ومن هرطقاتهم .

وان البنت تطلع تروح مثلا للجامعه وهي حاطه الطرحه على خشمها كنها شامه ريحه , وبالسياره بقدرة قادر نلقاها فاتشه وانواع السفور , شوهو الحجاب ولعبو بحسبته وصورو البنت السعوديه اسوأ تصوير .


لكن مع كل ذلك تبقى ميزتها الوحيده انها اذا جاء وقت حلقتها أقدر اسكر التلفزيون بدون اي عتاب من اهلي وأطفالي الي يعطونها هي وسخافاتها أشكل

عقلونا اكبر
من
مسلسل

والله متعوب على هالموضوع

بس دامه بهالروعة ..

ما راح تعبك خسارة