يا جماعه كنت اذان المغرب عند بوابة ملعب الملز

ومسكت راسي من هول الصدمه

قعدت اضرب اخماس في اسداس وقعدت ابرق في الفيصليه والمملكه عشان اتاكد ان حنا في الرياض محناب في جده :sad::sad:

تصورو البزران اللي باسطين باعلام وطرابيش وشالات اغلبها اتحاديه يمكن بنسبة 70 في الميه



وش دعوه حنا في الرياض والا في جده

وبعدين في مشجعين اتحاديين واجد اللي بعلمه واللي لابس فنيلة الاتحاد واللي لاف الشال على رقبته
والهلاليين ما حولك احد

المهم البوابه للحين ما فتحت للحين

واتضح لي والله اعلم ان باص الهلال للحين ما وصل

بس الشي المضحك المبكي ان اعلام النصر واجد يمكن قد اعلام الهلال

ضعيفين ما افلح ناديهم قلبوا يوم اهلاويين ويوم اتحاديين


المهم اي واحد في الرياض الحين ينقز زي الذيب للملعب ترى والله فشيله يا عيال فشيله

جماهيرهم اكثر منا والمباراه على ارضنا


يلله عن اذنكم بلحق ارجع للملعب

سلاااااااااااام

الانتصارات تجلبُ الجماهير.

العكس صحيح اخوي ابو عبدالرحمن الجماهير تجلب الانتصارات

الان انا ابطلع للمباراة على اذنكم عسى الوقت يمدي لانني في الروضة بااااااااااااااااااااااااي

الضوء انا تاكي في الملز من صلاة العصر في كوفي جنب الملعب

ما فيه الا نت وشاهي

يا جماعه اليوم انا منيب صاحي
يا انا متحمس للمباراه من جد

والله من العصر وانا بالملز

ماكم داعي يا جماهير الرياض الهلاليه..............

اليوم يومكم .................. من جد ... من جد.......فشيله..........

تكفووووووووون لا تفشلووووووونا........

نبغى اهازيج هلاليه.........مو ( طنكرة) تطبيل اتحادي........يووووووووووه مالها داعي والله....

ما عليكم من اوربت وتحليلها ( امحق تحليل ) ولا الثالثه وفلسفتها ( تــعطيك )


و مشكورررين.

يله شدو حيلكم بس لاتكثرو من الفصفص والكوكاكولا لانه بتشغلكم عن التشجيع.

يله ياجمعان نبي هدفين .

كل الاثنين000
الانتصارات+الجماهير00
ولكن وشلون اروح الملعب وفريقي بينهزم 00
والله اعلم00

يا او او او

في ذمتك في جمهور يحضر للملعب وهو ضامن الفوز
في العالم كله

يا اخي هذا في علم الغيب واحنا نسوي اللي علينا والباقي على الله

الجماهير والانتصارات وجهان لعملة واحدة


وبالحقيقة أنا أتصورها سابقة أن يكون جمهور الفريق المنافس أكثر من جمهور الهلال وبالرياض


أنا مثلا : ذهبت عدة مرات للملعب وعدت مكسور الخاطر والآن تعبت

فلم أعد أتحمل

لا ان شاء الملعب يمتلي وسلام انا الحين بروح الملعب






سلاااااااااااااااااام

وانا مثلك يا شحته
بس ترى كل نادي ومنتخب في العالم تصير لها هالنكبات

وعندك مثلا جمهور النصر ناديهم له قرن ما جاب بطوله

ومع هذا للحين يحضرون

وش نقول حنا وحنا العام ماخذين بطوله

الله على البعض منكم والله مخلصيين للهلال وبعدين لو انا في الرياض كان رحت ياخوي على الاقل رح هناك سولف فصفص اسمع الطبول ارقص بس نبي جماهير موبعدين انا يوم كنت في الرياض حضرت مباراة الهلال والنصر
تكفوووون نبي نقطع الشك باليقين بأن جمهور الهلال اكثر من الاتههاااااد




يلة سلااااااااااااااااااااام

ان شاء الله يفوز الهلال--

2 صفر للهلال

وتذكروني

هابق

بالنسبه للاخلاص اخوي الذيب وبس

احب اقول لك شي مهم ونقطه جوهريه

الهلال هذا حاله خاصه من العشق

لا يمكن تمر على جماهير الانديه الثانيه

ولا عمرهم حسو فيها

فيه موقف بهذي المناسبه ما راح انساه طول حياتي

نهائي الهلال والترجي

كنا عند باب الملعب الساعه ثلاث العصر

والمباره تبدا بعد صلاة المغرب

واللجنه المنظمه اللي هي طبعا تبع النصر لانه هو المنظم ما فتحو البوابه

وصلينا العصر عند باب الاستاد

والله كان معنا شيبان كبار في السن

الشيب مالي وجيههم

ويدعون على الرمز المزعوم

الشاهد من هذا ان المباراة كانت يوم اربعاء

طبعا دوامات واخوكم في الله منحاش من المدرسه

ثالث ثانوي ذيك السنه

لكن الزبده هالشيبان وش اللي مسحبهم لين الاستاد وقت دوامات وتاركين عيالهم واهلهم

اكيد شي كبير ما حسو فيه جماهير الانديه الثانيه


لين جمهور هالايام يتعلم منهم