يوردانيسكو لا يزال مرتبط بعقد &&& وهذا اللي صار معي في المنتدى الروماني
[ALIGN=CENTER]بسم الله الرحمن الرحيم
لي فترة طويلة ما كتبت في المنتدى ، وان كنت لا ازال متابع جيد لما يكتب لكن مصيبة الامس نفضت عني الزولنة
وخلتني اتحرك شوي
بعد خسارة الهلال امس وبعد الاشاعات اللي صدرت باقالة اد ديموس
ما جا في بالي الا هذا الشخص :
7
7
7
انجيل يوردانيسكو
اعتقد انه جا في بال الكثير من الهلاليين لانه كان مدرب صاحب تكتيك هجومي عالي ، ومميز في اعداد اللاعبين نفسيا ومعنويا ، وتشكيلته دائما طبيعية ( بدون اختراعات ) ومرضية لجميع الجماهير
ايضا يوردانيسكو زي ما تتذكرون جاء للهلال وهو في وضع اسوأ من وضعه الحالي وقلب الفريق بشكل خيالي وحصل على 3 بطولات في كم شهر ( المؤسس والاسيوية وولي العهد ) وخسرالخليجية مع انه يستحقها وقدم فيها احلى المستويات
ولاننا بعد رحيله صراحة ماشفنا مدرب مثل الاوادم ، واخر موسم شفت فيه الهلال على مايرضيني هو موسم 1420 بقيادته وتحديدا كانت اخر مباراة له مع الهلال على نهائي كاس ولي العهد امام الشباب 3 صفر بمستوى خرافي من الهلال
فقلت خلني احاول اتطقس اخباره ، واشوف وش وضعه بالضبط وهل هو لا زال مرتبط مع منتخب رومانيا بعد خروجهم من تصفيات كاس اوروبا
فدخلت على منتدى روماني وسالتهم عن اذا ماكان يدربهم الى الان وايضا طلبت ايمايله
<==== ماهوب عاقل بيفاوضه
المهم اختصارا للكلام رد علي المشرف حقهم وقال لي انه لايزال هو المدرب وعقده حتى 2005
وبالنسبة للايمايل قال لي انه مايتوقع ان احد عنده ايمايله الخاص !
وذب علي قال وش تبي بايمايله لا تكون بس معجب فيه
وعطاني ايمايل للاتحاد الروماني و قال اذا بغيته يرد عليك حدد الايمايل له شخصيا ، بس انه ما يضمن ان الموظفين بيوصلون الايمايل له
بعدين انا رديت عليه وخريت له السالفة كلها
قلت له اني مشجع للهلال وانه ما مر علينا مثل مدربكم ذا واني بس حبيت ارسل له واساله هل هو ممكن يرجع لنا ولا لا
فرد علي ان يوردانيسكو يمكن انه مايستمر مع المنتخب خاصة بعد خروجه من التصفيات ( وان كان المشرف لايرى انه هو السبب في الخروج ، ويعتبره مدرب ممتاز )
ولكن الخبر السيء ان يوردانيسكو صرح من فترة انه لن يدرب خارج رومانيا لانه يريد قضاء وقته مع عائلته مهما كانت المغريات
عموما .. حتى لو صحت المعلومة فهذا لايمنع من مفاوضته وتجربة حظنا معه
والايمايل اللي عطاني اياه هو :
[email protected]
وعطاني بعد تليفون :
0040213250678
وفاكس :
0040213250679
اتمنى من الادارة سرعة مفاوضته قبل ان ندخل في معمعة البطولات
<== ضامن الرجال انهم بيقشعون اد ديموس
[/ALIGN]
الوضع العادي
