كـشـف حقـائـق ... (( آدمــيـوس )) ،،،،،
 

لم استـعجل بالكتابه بعد مباراة الأمس .. بل اخذت استراحه وترويت حتى مساء هذا اليوم لعلي استطيع قراءة الاحـداث ومسببات الخـساره فالحديث بعد المباراة وفي وضع مثل الأمس سيكون انفعالي جدا .. لهـذا اكتب بهـدوء تـام .. وأرى ان مسببات الخساره تـكمن في :

@ آدميوس .. دفاعـنا عنه كثيرا وقلـنا أعطوه فرصه ، الفريق به اصابات .. لا يزال الدوري في بداياته صحيح كان الفريق يرتفع مستواه تدريجي لكن ببطء جديد مع تخبط في كل مباراة مرت الايام وتوقف الدوري و قلنا سيراجع حساباته وسنشاهد هلال آخر .... المهم أن مباراة الطـائي كشـفت لنا جزء كبـير من حقيقية آدميـوس ..

فمدرب الطائي و لاعبي الطـائي كانوا متراجعين للدفاع وكانوا يقولون .. يله يالهــلال سجـل هدف .. لكن استحاله ان تسجل وانت تلعب بمهاجم واحد و 3 مـحـاور .. و لاعب واحد هو الذي يتحرك هو الشلهوب .. أم العـنزي .. فالحديث عنها مللنا منه .. فهو لاعـب وعفوا على كلمة لاعـب .. فهو بالاصـح .. سـاحر آدمـيوس !!!

غير كذا ..

@ آدمـيوس يلعب مع فريق اقل هزيمه اخذهـا هي 4 أهـداف ، الشباب فـاز بالـ8 وغيره .. ويلعـب معه بهذه التـشكيله 4 - 5 - 1 !!!

يعنـي العنزي مايقدر يقوم بدوره حتى يعتمد عليه والشيء الثاني انت الهلال .. زعيم آسيا تلعب مع الطـائي بـ 5 وسط !!!

يعني كنا نسمع بأن كل مباراة لها تـكتيكها و ظروفهـا .. لكن مع آدميوس منذ العام الماضي وهذا هو لاعـبيه و خطته ، حتى مدربي الانديه الثانيه عرفوهـا .. فلم يغير خطته ولم يتـفاعل مع مجريات المباراة .. العجلان مدرب الطائي كان ينافس مشجع الهلال العنزي بالتـوجيهات وكان يوجه وبصوت مسموع ويحمس لاعبـيه .. حتى كسـب الـ3 نقـاط .. اما ادميوس ... فمحـلك سر .. لم اشاهده يوجه بوضوح الا عند توقف احد الكرات عندما استدعى عمر الغـامدي !!

@ آدميوس لم يلعب تراوري بسبب تخلفه أو تأخره عن الغـداء !!! ماأدري حنا في كلية الملك فهد الامنـيه أو في نـادي رياضي ؟!! يعني سامي لو غـاب عن تمرين قبل نهـائي الكأس راح يستـبعده ؟!!!

لكن هـنا الوم الاداره فالمـفترض تدخل فالغـداء وغيره ليس من صلاحيات المـدرب التدخل فيها .. فدوره داخل الملعب فـقط ..

@ آدميوس كاد يشارك عبدالله سليمان بعد تعادل الطـائي لكن .. تراجــع .. والسبب ..... ؟؟

@ آدميوس يشاهد الجمهور وهو يهتف للعنزي بقوه .. و يعاند ويجعله يشارك ... اذا كان هو يريد المحافظه عليه المفترض اخراجه حتى لا يحـتـرق " اذا كان كويس في رأيه " ..

@ آدميوس أثـبتت مباراة الامس تخبطه .. فأول المباراة لعب بمهاجم .. ثم ثلاث مهاجمين .. ثم مهـاجمين !!!

@ اذا كان يرى دفاع الهلال سيء وهو بالفعل سيء جدا.. لماذا يشارك شريده وخليل ... يوجد المفرج المتحمس وسليـمان .. ؟؟؟

@ أيعـقل أن أن يتأخر الهـلال بهدفين وآدميوس مستمر على اللعب بمـحورين وامام الطــائي !!!

@ الشلهوب ارهق كثيرا لانه يلعب في صناعة اللعب بمفرده ويرجع يساند .. ارهق كثيرا .. لماذا لم يخرجه ويشرك المـتـحمس سعد الدوسري خصوصا انه مباراة جماهيريه ويريد اثبات نفسه وتقديم نفسه امام جمهور الهــلال ؟!!


[ALIGN=CENTER]@@ كــياديــات @@
[/ALIGN]


- لاول مره أقول ان المـدرب يتـحمل خسارة فريق .. وادميوس يتحمل خسارة الهـلال بنسبة 95 % .

- دفاع الهلال نفسه .. تأخر وخشونه .. وبرود ومزاجيه في اللعب ... عطونا سليمان ولا فرانك وريحونا من شريده و خليل ..

- آدميوس أن استمر بنفـس عقـليته فمشكـله .. وان استمر بـنفس خطته حتى امام الفرق الصغيره فالله يعين الهـلال من الخــليج :( !!

- آدميوس استمراره مرهون بتعديلاته .. ان استمر بـخوفه وبدفـاعه وبعانده و بعسكريته يجب أن ...... (( يطــرد ))

- اعتقد أن الهلال ستكتمل صفوفه مع مباراة الاتحاد وسيفوز لكن اتمنى الا ينسينا الفـوز أخطا آدميوس ...

- عبدالله بن مساعد .. بعد مباراة الامس .. استـمرارك الى نهـاية الموسم أتوقع تـم وبنسبة 100 % .

شكرا اخوي كايدهم علي هالموضوع ..............
بصراحه قلت الكلام انت قلت الكلام اللي كثير من مشجعي الهلال وخصوصا اللي حضروا المباراه ودهم يقولونه عن تخبطات اديموس الفاشل بجميع المقاييس . والدليل علي ذلك مع عدد المباريات التي لعبها الهلال بقياده الفاشل اديموس لم نري ولا في اي مباراه تغيير من التغييرات افاد الفريق لانه ليس من المدربين الذين يقراؤن المباراه ويقراؤن الفريق الخصم .
ولاكني هنا اخالفك الراي بالنسبه للاعب عبدالشريده فهو اللاعب الوحيد ذو المستوي الثابت طول مباريات الهلال هذا الموسم واللاعب الحماسي الوحيد من لاعبي الهلال .
اما شبه اللاعب محمد العنزي لاأعلم متي يريح ويرتاح ويعرف ان اللاعب فكر كروي في الاول والاخير وليس مطامر في الملعب ومراكض بدون اي فائده للفريق . والكل من حضور المباراه شاهد كيف ساهم في اصابة احمد الدوخي بارجاع احد الكرات للخلف مع ان المفروض ان يلعبها للامام .
واخيرا وانا في الملعب امس كم تمنيت ان يصاب شبه اللاعب هذا ويغادر الملعب ويريح ويرتاح. واستغفر الله كنت اتمني ان تكون الاصابه شديده حتي نرتاح منه حتي نهايه الموسم .
اسف لهذا الكلام ولكن يكفي رفع الضغط وحرق الاعصاب ياهوه .

بصراحة اخوي كايدهم

انا معك في ان اديموس يتعامل مع المباريات بخوف شديد وانه السبب الكبير في خسارتنا

الكثير من النقاط في الدوري ..

بس من وجهة نظر شخصية الهلال عنده مشاركات خارجيه كثيرة والتركيز مطلوب في حالة مثل حالة

الهلال حاليا واعقتد ان اقالة اديموس حاليا راح تربك الفريق بشكل كبير

وان شاء الله مع اكتمال الصفوف بنشوف هلال ثاني

تحياتي

ممكن اقول حاجه

ممكن تنتظرون الحكم بعد مباراة الزعيم والاتحاد

وشكرا

اخوي كايدهم اكيد انك تركت الزعيم بتأ ثيرات خارجيه مع احترامي لك انك متا ثر بعقلية -------- لما ذا تصب غضبك علي المد رب وتشرح الخطه انا اري ان يتعاقدون معك مثل ما بعض الجهله يطا لبون بأن يكلف زميلي حسين البيشي بتد ريب الفريق مع احترامي له في شخصه---------------------------------------------------المعشوق----------------------------------------------------

هلا والله كايدهم

ادي موس هذا ما راح ينتف الا بضياع اغلى البطولات حينها والله الوضع سيان بالنسبه لنا اذا ضاعت بطولة العرب والدوري لانها اهم بطولتين هالسنه في رايي وعلى هالمدرب ووضعه اقول مشو خشومكم بطولات

العنزي وما ادراك مالعنزي متخصص رفع ضغط على فكره كايدهم ليه ماتتوسط لنا عند بن مساعد وتقنعه يحوله من لاعب الى عضو في الشؤون الاجتماعيه لنادي الهلال يكتفى بوضيفه وحده على الاقل عطوه راتب بس فكونا منه ولعبه

الشلهوب اااااااااااااااااااااااااااااااااااااااااااااااااه الله يخليك لكل عين ترجيك قتالي وحماسي ياحبيلك بس

الشريده والله ظلمتاه يا كايدهم لكن نزول مستوى احمد خليل اعتقد هو الي اثر عليه

سبحانك اللهم اشهد الا اله الا انت استغفرك واتوب اليك

مشكوووووووووووووور ياكايدهم

أخوي كايدهم.....والله العظيم فرحتني كثير....لانك قلت الكلام اللي ود كل هلالي يقوله....بس أتمنى من بعض أعضاء المنتدى ما ينعتونك با الخفاش الليلي أو مندس أو فيروس ينخر في جسد الزعيم....لا والله حشاك تلك النعوت التي انت منزه عنها.....بارك الله فيك يا كايدهم والله يكثر من أمثالك في منتدى الزعيم؟؟؟




أخوك / بومحمد / الاحساء

شكرا لك يا كايدهم
والسؤال هنا:
مــــــــــــــــــــــــــــــــــاذا كان يعمل هــــــــــــــــــــــذا الادديمووس فترة التوقف؟؟؟؟؟؟؟؟؟
مدرب الطائي برضو جديد على فريقه وانظروا ماذا فعل؟

اهلا فيـصل .. سليمان مهما كان مستواه سيظل افضل من خليل و شريده مع احترامي لهم ..

الله يسمع منك ..

اهلا الزكرتي .. العنزي فاشل بمرتبة الشرف ..

تحياتي ..

اهلا سامي..التمياط ..

المهم الهلال يوقف نزيف النقاط .. و يعوضنا بانتصارات ..

تحياتي ..

اهلا فهد_المشيطي ..

الهلال من عندي ان شاء الله انه فايز حتى لو جاء اسوء مدرب في العالم لان نفسيا .. الحاله ستتغير كثيرا ..

لذا مباراة الاتحاد ليست مقياس برأيي ..


اهلا المعشوق ..

مافهمت شيء ياليت تحاول توضح ردك ..

اهلا هلالي واقعي ..

ادميوس ارتكب جرائم في مباراة الطائي اتمنى في حالة استمرار ذلك ان تكون مباراة الاتحاد آخر مباراة له ..

هدف بالمقص .. حياك ..

اهلا بخيت .. الله يعافيك .. وشكرا على الاشاده .

اهلا الماهر ..

شاهدت بعض الاعداد لادميوس خلال فترة التوقف و المستوى نفسه الذي كان امام الطائي ..

محلك سر !!!


تحياتي للجميع