[ALIGN=CENTER]السلام عليكم

اخواني كنت قد نشرت في السابق موضوع عن قصر الحمراء

قصر الحمراء

فحبيت اني اضيف هاذي القصيدة وهي للشاعر المبدع
ناصر القحطاني ..

حتى يكتمل الموضوع

ان شاء الله تحوز على اعجابكم



[poet font="Simplified Arabic,4,darkblue,normal,normal" bkcolor="transparent" bkimage="backgrounds/19.gif" border="inset,4,gray" type=2 line=200% align=center use=ex length=0 char="" num="0,black" filter=""]
على الحمراء السلام وكل حي يذكر امجاده=وانا تاريخي امجاد وبراهيني مجودّها
قصيدة شعرنا الشعبي عروس بتاج وقلاده=سفيرة لهجة طلت على الدنيا قصايدها
على البال ابن زيدون وغراميات ولاّده=وسواليف لابن رشد اتذكرها وارددها
ياهالقصر العظيم اللي هل التصوير ترتاده=ياتحفة غير اهلها مستحيل احد يشيدها
ياتنهيد العجوز وضحكة المولود بمهاده=يانفحه عاطره لبنية مازم ناهدها
ياجرح ماعلى بال الزمان المقفي ضماده=لفيتك وانت بارض من غلاها ما اتباعدها
على الروضه وقفت ووقفتي ماهي على العاده=ومن باب الشريعه ساحة الريحان قاصدها
مشيت وجيت في بهو الأسود اتذكر الساده=والبي صوت جنات العريف اللي مواعدها
الابراج .. الدهاليز .. الحصون .. السقف وعماده= حجا الجدران .. نقش اقواسها .. مرمر قلايدها
خرير الماء على الحوض الله الله ما اعذب انشاده=صور عشر الرجال تقرب السّجه وتبعدها
أجي ديوان ابو الحجاج مابه غير مقعاده=ولا حصلت لك من حاشيته الا مساندها
مليت الكف بتراب شرد ذهني مع اسياده=وتلت دمعتي تنهيدة كنت اتنهدها
انا ادري بك حزين ياعربي طوّل حداده=على خير امة صفحاتها بيض تساودها
وانا ماجيت سايح .. جيتك بمصحف وسجّاده=من حجاز اكرم الأكرام واشرفها وسيدها
أنا المتغرب اللي نادته قطعه من بلاده=صويب شاقته حمر القصور وجاء يشاهدها
صوابه فيه من غرناطه وفيها من اجداده=رجال كل واحد قوّم الدنيا وقعدها
رجال جغرفوا شعث الفجوج وجات منقاده=رجال غيروا تاريخ الامصار وعقايدها
رجال ما اشغلتهم عن مناويهم ولا غاده=ولا حتى قصور ماسها يحضن زبرجدها
خذوها من هنا حتى ورا النهرين وزياده=وساقوا عقربيات صهيل الخيل راعدها
زمنهم كان صعب وكانت الارقاب سدّاده=والانفس تنجلب والحدب تلقى من يجردها
لك الله كانت الدنيا لهم ساحات ورياده=متى نتبع خطاويهم وكلمتنا نوحدها
متى بس انتصافى والسحاب يدن رعاده =متى احلام الربيع المبتعد نقدر نجسدها
متى .. مدري متى .. لكن مصير الحق نعتاده=مادام جباهنا مافارقت روضة مساجدها
ناصر القحطاني
[/poet]




تحيااااتي للجميع

اخوكم بروق نجد[/ALIGN]