[ALIGN=CENTER]بسم الله الرحمن الرحيم

السلام عليكم ورحمة الله وبركاته

اخواني الأعضاء والزوار المحترمين ... يسعدني ان اكمل لكم موضوعي رحلة في عالم الناس
والذي لم اكن اتوقع ان له صدى لدى كثير من الأعضاء والزوار ,,
وبالمناسبة احب اشكر كل من هاتفني او راسلني وطالب مني ان اسرع في تنزيل الجزء الثالث ومابعده
وهذا مايثلج صدري ....
وهدفي اولآ وأخيرآ هو ايصال معلومة بطريقتي وتجربتي المتواضعه الى اخواني ومن نثق بهم كي
يتسنا لهم معرفة الحياة وظروفها
ومن الكلام المأثور عن الخليفة العادل سيدنا عمر بن الخطاب رضي الله عنه قال :
(( أخششنو فأن النعم لا تدوم ))

-------------------------------------------
ننتقل الى الموضوع ورحلة في عالم الناس
القصة الأولى
أذكر في احد رحلاتنا للبر قابلت احد زملائي في محطة البانزين وسلمت عليه
ولزم علي ان اسير عليهم بمخيمهم ,, وكان مخيمهم يبعد 50 كم عن مخيمنا
مشيت بعد صلاة المغرب وخوانن الدوسري (( ابو خالد )) ورحنا على موتره
مشينا جلد من محلنا الى محلهم ,,, يوم وصلنا عقب وقت نزلنا وكلٍ لبس فروته ,,لا والله صوت
المسجل اغاني اول مرة اسمعه وضحكهم تقل ماهم به ,,
صوتنا ياولد وطلع علينا الي عازمنا (( معزبنا )) وهلا ورحب ودخلنا الخيمه وانا اول من دخل
لا والله الخيمه مليانه من الله يكرمكم الخمام ,, ويقمز حديهم يوم شافن وقال (( الرجل الحجري )) !!
ويقومون يضحكون !!! ودخل ابو خالد ويقمز الثاني وقال وهذا (( رجل الغابة )) !!!
يوم قامو يضحكون تقل خبول ,,,
الوكاد ماقصرنا بهم وطلعنا مقفين ,, والرخمه الي عازمنا يتولينا ويقول : ياخي خلكم شعبيين !!
ركبنا السيارة والدوسري السواق .... لا والله انا غال وشاب نار وابو خالد اكثر
قلت ماودي نروح وانا مابردت تسبدي منهم ...
قال : وش تامر وانا حاضر ..
قلت : وش رايك بالماطور !
قال بصرك0
ماطورهم متشطر عنهم شوين ,,
والله ننزل ونطفيه ونفك وايره ونحطه بحوض الموتر 00
ونتوكل على الله ,,, ونسمع صارخهم وصياحهم ,,,
والظاهر انكم توافقوني انهم يستاهلون ان ناخذ ماطورهم !!!!!!!!!!

7777777777777777777777777
القصة الثانية
انا والدوسري وقحطاني من اهل القويعية يقاله ابو حمد
قلنا نبي البر
خذينا خيمتنا وعزبتنا والتويس وتوكلنا على الله
يوم جينا محطة ابو حدرية نعبي بانزين لقيت بالمحل واحد اعرفه زين ومبطي عنه
قلت : وين نيتكم .
قال :للبر ,
قلت حنا بالمحل الفلاني سير علينا ...
وصلنا محلنا مغير حنا الثلاثة ,,, وسوالف على جال النار وقصيد وعلوم تسر
طلقين الشوارب 00
يوم راح من الليل اوله لا والله هذا الموتر متوجه لنا ,,
* السلام
**عليكم السلام
لاهو خوينا الي عازمينه 0
معه سوبر ونزلوا الزقرت الي معه 0
وهلينا بهم بس ماهم راعين بر 0
والقحطاني اقشر ولا يحب التمغنج من الرجال0
يوم ضاق صدره 0
بعضهم لابس ثوب ولفاف على رقبته وبعضهم تكميلة رياضة
وجلساتهم تستحي بعض الحريم تجلس مثلهم0
قلت يابو حمد .
قال لبيه0
قلت نبيلنا قهوه تقعد الرأس
قال ابشر
وانا أخبره لا شاف النوعية هذه جلدهم بالشغل 0
قال ابو حمد للشباب اللطيف
قم انت وانت :هذه الدلال والبريق والبيالات غسلوهن 0
وانتم تعالوا معي
هم خمسة وسادسهم النعجه الي جايبهم
راحوا يدورون الماء لاهو بجركن من الكبار
و (( ال لي )) حوله وهم مايدرون وش يسون
كلن يراعي خويه
انا وابو خالد متلطمين وميتين من الضحك
عارفين ابو حمد وطبعه ...
ابو حمد أخذ اثنين من اللطفاااااااااء
ويعلمهم وشلون يقطعون الرمث
ونسمع صياحه عليهم 000
يقولهم ,, امسكه مع أشروكه وجره
واتاريهم يكسرون قصونه من فوق هههههههههههه
المهم مارجع الا كل واحد فوق ظهره حزمة رمث 00
قال يالله روحوا واحطبوا 00
برد وشلتا 00 والضعوف مايدرون وين هم به من المفاجئه
النعجة خويهم قايل لهم به طرب وأرزفه وناسه هههههههه
مايدرون انهم على ابو حمد ناصين ههههههههههههه
راعين الماء يوم عجزو من الشفط ,,, قامو يمايلون الجالون عشان يجيهم ماء
الله يجيركم ويقبل الجالون كله ويتنثر الماء عليهم ويروح نصف الجالون
لاوالله ابو حمد فوق روسهم 00
ويقولهم وراكم ماتعرفون يالرخوم يالبساسه ههههههه
ويجلس ساعة يعلمهم عملية الشفط هههههههههههه
وبعضهم يشرق بالماء وبعضهم يشرب الماء الوكاد ما جاء الا حديهم عرف عملية شفط الماء من الجالون باقل الخسائر
هههههههههههههههههههههههههههه0000
الخبزة الجمرية :
--------------
يوم جلسنا شوين
قلت يابو حمد لاهنت
قال سم
قلت الجمرية
قال ابشر
والله ويجيب الطحين ويقوم يعجنه لين ضبطه
واللطفاء ماغير فاتحين فوهاتهم من الهوله
حفد النار وحط العجينه فوقه وادفنه بالجمر
يوم جلسنا شوين وأستوت حفد عنه وطلعه
لاوالله غاديه مثل بلك الرصيف هههههههه
ويقطعه ويحطه بصحن قال يالله مدو يديكم
ومدوهن وهم ماودهم
حسبي الله على ابليس يابو حمد أعدم اسنونهم هههههههههه
يوم خلصنا ويفرش الفرش بقاع الخيم وقال لهم هذا منامكم
ويشغل رادوه على لندن ويحطه عند راسه وينجضع
جلسنا شوين انا وابو خالد واللطفاء على جال الوجار سوالف وضحك
لاوالله جايب معي (( مسهل للبطن )) ابيه للدوسري وابو حمد ابي اضحك عليهم تال الليل
بس صار من نصيب اللطفاء فلذات الأتسباد ههههههههههههههههه
قلت للدوسري يبي لنا بريق شاهي انا بصلحه
بس لاتشرب منه
قال نويت
قلت جاك العلم
خويهم الدب انسدح عند ابو حمد ونام 0000 شخيره والرادو يتنافسون
ضبطة الشاهي وحطيت (( مسهل للبطن )) وقهويت الطربات ههههههه
والله وكثروا الله يجيركم بعضهم شرب 3 كاسات
خخخخخخخخخخخخخخخ
قاموا لسيارتهم يبون النوم
ورحنا انا والدوسري لفرشنا نراقبهم
يوم راح وقت تقول ساعة يوم نزل اول واحد
ولبد وراء الموتر ويقوم الدوسري ويعوي عوا ذيب
ههههههههه ويفز ويهج للموتر
وحنا ميتين ضحك
وكل شوين نازل واحد الله يجيركم
نمنا وتركناهم
وشوين الا ابوحمد الله يجزاه الجنة يقول :يالربع قوموا الصلاة
قمنا وتوضينا ,, راح ابوحمد للي بالموتر يقومهم
قوموا الصلاة
ويرجع لنا قال وراهم نايمين بالموتر!!!
ياخي يبون يموتون !!!!!!
ريحتن قشراء !!!!!!
ههههههههههههههه
قلنا صل يابوحمد يالحقونا
صلينا وبعد الصلاة شب ابوحمد النار وضبط القهوه
وقاموا الي بالموتر وصوتوا للضربون خويهم
قال ابوحمد له : قل لأخوياك يصلون ويجون يتقهون
قال : اي يتقهون انت وعجينك عفستهم علينا 00
هههههههههههههههههه
وعلمنا ابوحمد بالسلفه وقال مقدين بهم
وانتم وش تقولون
********************************
وأسف على الأطاله
ولكم خالص التقدير[/ALIGN]

الـحـاتـمــي ...



مــر مــن هــنـــــا ....


ويـقـول : والله يا انت شايل على النواعم ,, شيلة غير طبيعية !!


وش فيهم النواعم ؟!


ناس نظيفين يهتمون بأنفسهم وملابسهم و يحطون ( مقوي أظافر )!!


أتخيل شكلك يابو سليمان ( واحد ثوبه معفول , و داق اللطمة , و معه ددسن غمارتين موديل79 !! )

راجع لك يا بعدي ...

إقتباس إقتباس من مشاركة الحاتمي الـحـاتـمــي ... مــر مــن هــنـــــا .... ويـقـول : والله يا انت شايل على النواعم ,, شيلة غير طبيعية !! وش فيهم النواعم ؟! ناس نظيفين يهتمون بأنفسهم وملابسهم و يحطون ( مقوي أظافر )!! أتخيل شكلك يابو سليمان ( واحد ثوبه معفول , و داق اللطمة , و معه ددسن غمارتين موديل79 !! )

هلا بالي يمرمر بكل الشوراع
وش الي ثوبي مفعول
ثوبي مفعول لأجله

الا اقول ماودك تطلع معي للبر يالقراوي

[ALIGN=CENTER]هلا إبو سليمان

إقتباس ويقمز حديهم يوم شافن وقال (( الرجل الحجري )) !! ويقومون يضحكون !!! ودخل ابو خالد ويقمز الثاني وقال وهذا (( رجل الغابة )) !!!

شكلك ما عليك ثوب .. شكلك لابس خيشه

والله إن مزحكم ثقييييييل

أجل اخذتو الماطور

بس اكيد يوم أخذتو الماطور .. رحتو وشريتو لهم شمعات بداله عشان النور

الله يرجكم

ـــــــــــــــــــــــــــــــــــــــــــــــــــــــــــــــــــــــــــــــــ

إقتباس بعضهم لابس ثوب ولفاف على رقبته وبعضهم تكميلة رياضة وجلساتهم تستحي بعض الحريم تجلس مثلهم0

مب حياء .. يمكن خايفين من هل جلوف الي جالسين معهم

إقتباس قال ابو حمد للشباب اللطيف قم انت وانت :هذه الدلال والبريق والبيالات غسلوهن 0 وانتم تعالوا معي هم خمسة وسادسهم النعجه الي جايبهم

من الناحيه هذي متسدين = مقدين ===> مادري شلون تنكتب

يقولك الصديق تعرفه بالسفر وطلعت البر ;)

الي يطلع ويجلس يبي احد يخدمه .. ما يعجبني أنا احب الواحد الحرتس = الي يتحرك ويشيل ويحط .

إقتباس يقولهم ,, امسكه مع أشروكه وجره واتاريهم يكسرون قصونه من فوق هههههههههههه

زين ما قصوه بدريل

إقتباس برد وشلتا 00 والضعوف مايدرون وين هم به من المفاجئه

انواع التعذيب الله يغربل بليسكم .. إرحمو شوي :sad:

إقتباس ويجلس ساعة يعلمهم عملية الشفط هههههههههههه وبعضهم يشرق بالماء وبعضهم يشرب الماء الوكاد ما جاء الا حديهم عرف عملية شفط الماء من الجالون باقل الخسائر

أجل إمتلت بطونهم من المياهه
الله يرجكم .. كان حطيتو لهم بزبوز

إقتباس والله ويجيب الطحين ويقوم يعجنه لين ضبطه واللطفاء ماغير فاتحين فوهاتهم من الهوله

يحسبونه الصحن الدوار

إقتباس حسبي الله على ابليس يابو حمد أعدم اسنونهم هههههههههه

كان قلتولهم يغطونه بشاهي عشان تلين

إقتباس يوم خلصنا ويفرش الفرش بقاع الخيم وقال لهم هذا منامكم ويشغل رادوه على لندن ويحطه عند راسه وينجضع

ينجضع .. للي ما فهمو الكلمه .. ينجضع = ينسدح

إقتباس قلت للدوسري يبي لنا بريق شاهي انا بصلحه

ما قلت أبزينه إلا وراك بلا .. مهي لله

إقتباس بس لاتشرب منه قال نويت قلت جاك العلم

عارفن لك .. يدري بسواليفك

إقتباس ضبطة الشاهي وحطيت (( مسهل للبطن )) وقهويت الطربات ههههههه

يا نذلك الله لا يجعلن بمكانهم .. أفكارك جهنميه

مساكين حسرت بهم يا إبو سليمان

إقتباس يوم راح وقت تقول ساعة يوم نزل اول واحد ولبد وراء الموتر ويقوم الدوسري ويعوي عوا ذيب ههههههههه ويفز ويهج للموتر

إقتباس ويرجع لنا قال وراهم نايمين بالموتر!!! ياخي يبون يموتون !!!!!! ريحتن قشراء !!!!!!

من شي شربوه هل مساكين ..

حسبي الله على شيطانك

إقتباس قال ابوحمد له : قل لأخوياك يصلون ويجون يتقهون قال : اي يتقهون انت وعجينك عفستهم علينا 00

إي والله عز الله إنكم عفستوهم .. أنا لو منهم كان ولعت بكم .

إقتباس وعلمنا ابوحمد بالسلفه وقال مقدين بهم وانتم وش تقولون

وافق شن طبقه

انا اقول والله إنكم حسرتو بهم اكثر من اللزوم .. ولا هم المساكين وش عرفهم بها السوالف .

....................................................

على العموم يعطيك العافيه خالي أبو سليمان .. وسعت صدورنا الله يوسع صدرك بالعااافيه

تحياتي لك يالغالي [/ALIGN]

[ALIGN=CENTER]هلا ابو سليمان

الله حيه

ايه يالعزوه هذي المواضيع اللي توسع الصدر;)



لي باك ومحجووووز يالغالي وراجع لك انشاءالله



بس خلني ارجع للجهازي وابشر بالرد السنع

بس اسمحلي اقتبس هالاقتباس على الطاير

إقتباس قلت يابو حمد . قال لبيه0 قلت نبيلنا قهوه تقعد الرأس قال ابشر وانا أخبره لا شاف النوعية هذه جلدهم بالشغل 0 قال ابو حمد للشباب اللطيف قم انت وانت :هذه الدلال والبريق والبيالات غسلوهن 0 وانتم تعالوا معي هم خمسة وسادسهم النعجه الي جايبهم راحوا يدورون الماء لاهو بجركن من الكبار و (( ال لي )) حوله وهم مايدرون وش يسون كلن يراعي خويه انا وابو خالد متلطمين وميتين من الضحك

ههههههههههه


راجع لك يالطربه قريب انشاءالله


تحياتي لك[/ALIGN]

سلام خالي ابو سليمان
ويعطيك العافيه على هالسوالف السنعه اللي تذكرنا برجال زمان

خالي ياريت تكتب لنا عن قصص زيد انا سمعت انه ما فيه شمري صغير وكبير الا يعرفه
خصوصاً قصته مع خالاته


شكراً ,,,,,,,,,,,,

المملكه الهلاليه

إقتباس عــــ الهلالي ــارف راجع لك يا بعدي ...

ياهلابك بكل وقت ياعويرف

إقتباس 100%هلالي على العموم يعطيك العافيه خالي أبو سليمان .. وسعت صدورنا الله يوسع صدرك بالعااافيه

هلابك يالغالي
ويسعدني تعليقاتك ومرورك الكريم

إقتباس سنعوسـ حايل ـي هلا ابو سليمان الله حيه ايه يالعزوه هذي المواضيع اللي توسع الصدر لي باك ومحجووووز يالغالي وراجع لك انشاءالله بس خلني ارجع للجهازي وابشر بالرد السنع

هلا وغلا أبن عم
من زمان وانا ادورك
وننتظر ردك السنه بعد حيي

إقتباس المملكه الهلاليه سلام خالي ابو سليمان ويعطيك العافيه على هالسوالف السنعه اللي تذكرنا برجال زمان

هلابك يالمملكة ومرورك الغالي

إقتباس خالي ياريت تكتب لنا عن قصص زيد انا سمعت انه ما فيه شمري صغير وكبير الا يعرفه خصوصاً قصته مع خالاته

من زيد تقصدين!!!!

تحياتي لك

[ALIGN=CENTER][ALIGN=CENTER]اغترب واشقاء وتكثر حيرتي
واعترف مالقاء مثيل لديرتي
ياقريبه في خيال اللي بعيد
ياحبيبه والوله يمك يزيد

اااه يبرزان ويالبقه وسماح
مشتاق ياعفنان للوقت اللي راح
ولزباره والقرايا والجبل
كل حاره فيها ربعي والاهل

ياعروسه والحلى فيك هايل
يابتسامه تبدتي في وجه حايل
وش تبين اقول يملح الشمال
وهو انا معقول اوصف هالجمال


مدري وش دخل الاغنيه بالموضوع بس جالس اسمعها قلت اسمعك يابوسليمان معي
[RAM2]http://www.6aar.com/music/253.ram[/RAM2]

وهذا رابطها ,,,الفنان سلامه العبدالله[/ALIGN]


هلا خالي ابو سليمان

الله يوسع صدرك يالغالي مثل ماوسعت صدورنا بموضوعك وسوالفك الزينه

اما بالنسبه لموضوع مدري وش اقتبس منه وش اخلي كله روووعه واذا بغيت اقتبس راح اقتبسه كله يالطربه

اما مواقفك يالرجل الحجري في رحلة مع عالم الناس مع عيال اليوم وشباب المستقبل اللي هم عيال النيدو والاندومي وتربية الشغالات والخدم على قولة جدتي الله يرحمها ----->>((مغل عليهم بقووه ))
هذي تبيلها مجلد ومنتدى كامل
وننتظر منك الجزاء الرابع والخامس والسادس الى الجزاء المليووون بعد المئه والف

ملاحظه
((( الجزاء الثاني ماقريته وابيك تجدع الرابط بردك على الموضوع والجزاء الاول مافاتن قريته بمنتدى فضاء ومنتدى حايل بس الجزاء الثاني شكله حصري وخاص على شبكة الزعيم )))


نرجع للموضوع (( وشو عقبه:)

إقتباس لا والله الخيمه مليانه من الله يكرمكم الخمام ,, ويقمز حديهم يوم شافن وقال (( الرجل الحجري )) !! ويقومون يضحكون !!! ودخل ابو خالد ويقمز الثاني وقال وهذا (( رجل الغابة )) !!! يوم قامو يضحكون تقل خبول ,,,

وش يعرفهم للسلوم وعوايد الرجال عيال النيدو

إقتباس قلت ماودي نروح وانا مابردت تسبدي منهم ... قال : وش تامر وانا حاضر .. قلت : وش رايك بالماطور ! قال بصرك0 ماطورهم متشطر عنهم شوين ,, والله ننزل ونطفيه ونفك وايره ونحطه بحوض الموتر 00 ونتوكل على الله ,,, ونسمع صارخهم وصياحهم ,,,

سنايدي والله
خير ماسويتوا بهم بس لو انتم مخوفينهم بالليل زياده على خوفهم من الظلام

إقتباس والظاهر انكم توافقوني انهم يستاهلون ان ناخذ ماطورهم !!!!!!!!!!

نوافقك وبس
انا ابصم لك بالعشره

إقتباس وصلنا محلنا مغير حنا الثلاثة ,,, وسوالف على جال النار وقصيد وعلوم تسر طلقين الشوارب 00

والنعم والله بكم

إقتباس قال ابو حمد للشباب اللطيف قم انت وانت :هذه الدلال والبريق والبيالات غسلوهن 0 وانتم تعالوا معي هم خمسة وسادسهم النعجه الي جايبهم

هذولاء وش يعرفهم للدلال
عصير سن توب يخب عليهم

إقتباس ويعلمهم وشلون يقطعون الرمث ونسمع صياحه عليهم 000 يقولهم ,, امسكه مع أشروكه وجره واتاريهم يكسرون قصونه من فوق هههههههههههه المهم مارجع الا كل واحد فوق ظهره حزمة رمث 00

وش يعرفهم للرمث وشروكه...
هذولا حتى الفحم مايدرون وشو تبيهم يعرفون للحطم والرمث والارطاء;)

إقتباس والله ويجيب الطحين ويقوم يعجنه لين ضبطه واللطفاء ماغير فاتحين فوهاتهم من الهوله حفد النار وحط العجينه فوقه وادفنه بالجمر يوم جلسنا شوين وأستوت حفد عنه وطلعه لاوالله غاديه مثل بلك الرصيف هههههههه ويقطعه ويحطه بصحن قال يالله مدو يديكم ومدوهن وهم ماودهم

بعدي والله
تسان قايل لهم غطوها بالشاهي حتى تلين ولاتكسر اسنانهم شكلهم متعودين على الخبز الايطالي

ااااه لاصار وقت مطر والشعبان توها سايله والارض مرتويه وشبيت نارك بحدا الشعبان تحت لك طلحه وصلحت لك فنجال وكاسة شاهي وضبط الجمريه

بس المكان حصري بشعبان اجاوسلمى والا تطلع الطلعه مالها للذه

إقتباس حسبي الله على ابليس يابو حمد أعدم اسنونهم هههههههههه

إقتباس يوم خلصنا ويفرش الفرش بقاع الخيم وقال لهم هذا منامكم ويشغل رادوه على لندن ويحطه عند راسه وينجضع

ههههههههه ليه ماجبتوا للطفاء بلاي ستيشن وتلفزيون وديجتل يمكن فيه برنامج اطفال والا فلم متابعينه الطفاء

اما رادو لندن ذكرتني بشايب الى اللحين ماينام الا اذا شغل الموجه على اذاعة لندن

اما ينجضع طلع الغبار معها ههههههههههه

إقتباس ولبد وراء الموتر ويقوم الدوسري ويعوي عوا ذيب ههههههههه ويفز ويهج للموتر وحنا ميتين ضحك

ههههههههههههههههههههه
حالة قس قس

إقتباس صلينا وبعد الصلاة شب ابوحمد النار وضبط القهوه وقاموا الي بالموتر وصوتوا للضربون خويهم قال ابوحمد له : قل لأخوياك يصلون ويجون يتقهون قال : اي يتقهون انت وعجينك عفستهم علينا 00

إقتباس وعلمنا ابوحمد بالسلفه وقال مقدين بهم وانتم وش تقولون

نقول مقدي وماقصرت بهم وخلهم يتعلموون علوم الرجال والا لايطلعول للبر
وبعدين الحياه مدرسه
واللي سوتوا بهم درس من دروس كثيره راح يتعلمونها من الحياه والدنيا الله يكفينها شره

إقتباس وأسف على الأطاله ولكم خالص التقدير

تسلم يالغالي واننتظر منك الجزاء الرابع على احر من الجمر

وتقبل تحياتي
سنعوسي حايل[/ALIGN]

خالي ابوسليمان :
(من زيد تقصدين!!!! )
هذا زيد الله يسلمك معروف عند كل شمر خصوصاً اللي في الشمال
واذا انت ماتعرف عنه شي اسأل كبار السن وهم يقولولك وش سوا مع شمر
انت بس قل لهم تعرفون زيد اللي خواله شمر
وانا اعرف بعض القصص عنه لكن ما هي كاملة

شكراً ,,,,,,,,,,,,,,,,,

[ALIGN=CENTER]و عليكم السلام و رحمة الله و بركاته ..

يا هلا و غلا ..

أخيرا نزلت هالجزء يا ابوسليمان ..!!

إقتباس مشينا جلد من محلنا الى محلهم ,,,

جلد و إلا عظام ..؟!!

<<< مسوي ما يعرف معناه ..

إقتباس ويقمز حديهم يوم شافن وقال (( الرجل الحجري )) !! ويقومون يضحكون !!! ودخل ابو خالد ويقمز الثاني وقال وهذا (( رجل الغابة )) !!!

أجل ((الرجل الحجري)) يا أبو سليمان ..!!

ما عليه .. اللي ما يعرفك ما يثمنك ..!!

إقتباس الوكاد ماقصرنا بهم وطلعنا مقفين ,, والرخمه الي عازمنا يتولينا ويقول : ياخي خلكم شعبيين !!

مقدي بهم .. و الله ما ينقعد مع هـ((الرخوم)) ..

و اللي ((قاهرن)) معزبكم .. قال ايش: خلكم شعبيين ..!!

إقتباس قال : وش تامر وانا حاضر .. قلت : وش رايك بالماطور !

و الله أنك خطير يا ((أبو سليمان)) ..

إقتباس والله ننزل ونطفيه ونفك وايره ونحطه بحوض الموتر 00 ونتوكل على الله ,,, ونسمع صارخهم وصياحهم ,,,

عدّي ((كني )) أشوفهم ..

إقتباس والظاهر انكم توافقوني انهم يستاهلون ان ناخذ ماطورهم !!!!!!!!!!

إقتباس وسوالف على جال النار وقصيد وعلوم تسر طلقين الشوارب 00

كفو .. و الله و نعم ..

إقتباس ابو حمد أخذ اثنين من اللطفاااااااااء ويعلمهم وشلون يقطعون الرمث ونسمع صياحه عليهم 000 يقولهم ,, امسكه مع أشروكه وجره واتاريهم يكسرون قصونه من فوق هههههههههههه المهم مارجع الا كل واحد فوق ظهره حزمة رمث

الله يقطع شيطانك

إقتباس وبعضهم يشرق بالماء وبعضهم يشرب الماء

إقتباس لاوالله جايب معي (( مسهل للبطن ))

قايلك أنك خطير ..

إقتباس وانتم وش تقولون

يستاهلون هالخكاريه ..

&&&

الله يونسك بالعافية يا ((أبو سليمان)) مثل ما ونستنا ..

و في انتظار الجزء الرابع ..

تحياتي ..[/ALIGN]

خالي ابو سليمان :السلام عليكم ورحمة الله وبركاته

((واسم زيد مشهور بين شمر واهل حايل
بس هل هو شمري))

انا قلت لك خواله شمر يعني هو مو شمري
هو من قبيلة عنزه
وانا اعتقد بل اجزم انه هو سبب شهرة اسم زيد عند شمر


شكراً ,,,,,,,,,

[ALIGN=CENTER]

إقتباس هم خمسة وسادسهم النعجه الي جايبهم راحوا يدورون الماء لاهو بجركن من الكبار

[/ALIGN]

ههههههههههه ... ورا مادليتوهم على الدحول مهوب ابرك

إقتباس [ALIGN=CENTER]راعين الماء يوم عجزو من الشفط ,,, قامو يمايلون الجالون عشان يجيهم ماء الله يجيركم ويقلب الجالون كله ويتنثر الماء عليهم ويروح نصف الجالون [/ALIGN]

حرام عليكم كان عطيتوهم مصاص


[ALIGN=CENTER]

إقتباس ويجلس ساعة يعلمهم عملية الشفط هههههههههههه وبعضهم يشرق بالماء وبعضهم يشرب الماء الوكاد ما جاء الا حديهم عرف عملية شفط الماء من الجالون باقل الخسائر

[/ALIGN]

هههههههههه ... وين مصلحة الصرف الصحي عنهم

إقتباس [ALIGN=CENTER]خويهم الدب انسدح عند ابو حمد ونام 0000 شخيره والرادو يتنافسون ضبطة الشاهي وحطيت (( مسهل للبطن )) وقهويت الطربات ههههههه والله وكثروا الله يجيركم بعضهم شرب 3 كاسات[/ALIGN]

ابوسليمان ... ترى اي دعوة منك للبر ..... مرفوضة مقدمآ

[ALIGN=CENTER]

إقتباس قال ابوحمد له : قل لأخوياك يصلون ويجون يتقهون قال : اي يتقهون انت وعجينك عفستهم علينا 00

[/ALIGN]

[ALIGN=CENTER]اجل صار عندكم طفح مجاري [/ALIGN]

يسلمو ياغالي ... وتكفى زدنا من هالعلوم السفرة