هذة القصة اعجبتني وياليتها تعجبكم :-

فيه واحد كل مايطقها تجي عوجاء ( ماعنده حظ ) جلس المسيكين يندب حظه ...
جاه واحد وقال له :-
ياأخي رح لجزيرة الحظ يمكن تحصل حظك نايم ..... صحه وبتصير محظوظ .
الرجال سمع الكلام وعلى طول توجهه لجزيرة الحظ .
وفي الطريق قابله ذيب وسئله :- وين رايح يالأخو.
قال :- رايح لجزيرة الحظ ... علشان أصحي حظي النايم .
قال الذيب :- تكفى شف حظي معك ... أنا معدتي تعبانه ماأقدر أكل .
قال :- طيب ..........
مشى أخونا وقابل مزارع وسئله نفس السؤال ....وطبعآ نفس الجواب .
قال المزارع :- تكفى شف حظي معك ... كل ما زرعت الزرع ماينبت.
وعده ومشى صاحبنا ... وقابل ملك ونفس السؤال مع نفس ألأجابه .
قال له الملك :- شف حظي معاك أنا ليش ماتزوجت الى ألأن ... وعده خير ومشى .
وصل أخونا الى الشاطىء ... لقى حوت سئله الحوت :-
وين رايح ماعندك الى البحر .
قال أخونا :- أبي جزيرة الحظ .
الحوت :- باأوصلك للجزيرة ... بس بشرط أنك تشوف حظي / أنا كل مابلعت مايقعد في جوفي... وافق الرجال وطلع على ظهر الحوت ووصله للجزيرة .
راح أخونا ولقى حظه ... نايم ( يشخر ) صحاه اللين صحا حظه ورجع للحوت .
الحوت :- شفت حظي .
الرجال :- نعم بس وصلني للشاطىء أول .
وافق الحوت ووصله للشاطىء .
قال له خوينا :- حظك يقول أنه على رأس المعدة فيه جوهره سادة معدتك أقذفها وتتطيب .
الحوت مبسوط :- ماقصرت أنا بأقذف الجوهره لك تستاهلها .
الرجال :- لا شكرآ .... أنا حظي خلاص قام .
رجع خوينا وقابل الملك وسئله الملك :- الأخبار ياصاحبنا .
الرجال :- بصراحه شفت حظك ... وشلون تتزوج وأنت أنثى .
الملك :- مادامك عرفت سري ... تزوجني ونقتسم الملك سويآ .
الرجال :- لا شكرآ .... خلاص أنا حظي قام .
مشى خوينا ولقى المزارع :- هاه شفت حظي .
الرجال :- نعم ... شل التراب اللي في مزرعتك وبتلقى تحتها ذهب ... شل الذهب ورجع التراب مرة ثانيه وبتحيا مزرعتك .
المزارع :- مادامك علمتني تعال نشيل التراب سوى ونقتسم الذهب والمزرعه مع بعض لك نصفها بس ساعدني .
الرجال :- مشكور يالحبيب ... خلاص أنا حظي قام .
مشى الأخ ولقى الذيب ينتظره على أحر من الجمر أخونا علم الذيب بسالفته كلها .
الذيب :- أن شاءالله شفت حظي .
الرجال :- نعم ... مشكلتك أن معدتك ماتطيب الا اذا أكلت أقرد واحد في الدنيا .
الذيب :- والله ماشفت أقرد منك ... كان يهجم عليه ويفترسه .

أسف على الأطاله سمعتها وأعجبتني جدآ وحبيت تتطلعون عليها ... وشكرآ .