01/10/2003, 03:29 AM
|
عضو سابق بلجنة تطوير المجلس العام | | تاريخ التسجيل: 28/02/2003 المكان: الأحساء...
مشاركات: 588
| |
(*_*) أنا باطتها باطتها هي خاربه خاربه خلونا نعميها....(*_*) [ALIGN=CENTER] انا الصراحه طقت كبدي من الحساويه
صدق حبوبين وطيبيين أكثر من اللازم وموضوعي اليوم عنهم وعن الأحساء ككل . أنا مولوده
في الظهران
وأصلي من نجد بنت عم الهاوي الدلخ بس انا موب دلخه مثله لا
علشان كذاكلامي مو مثل الحساويه
بس فيني من طبعهم كثير
جمعت صفات أهل نجد وأهل الاحساء..
من هي الأحساء ومن تكون؟؟؟:
هي بلدة ملاذ لكل أنسان هرب من جحيم اهله أو شد الرحال إليها
لكثرة خيراتها وتسمى بلد الخير..
لطلعت منها يقولون لك رافقتكم السلامه من بلد أهل الخير
مع تحيات هيئة الإغااثه العالميه الإسلاميه
ولرجعت يقولون لك... الحمد لله على السلامه مع تحيات..إلخ
نرجع لمحور حديثنا..
فيها أكثر من مليون نخله وسعفه وطبينه
النخله تعرفونها السعفه برضوا تعرفونها لكن الطبينه ؟؟ ويش هي
الطبينه؟؟ هي ما يحرق من النخله ومكوناتها فلما تطلع ريحة الحرق يسمونه طبينه
لماذا يحرق؟؟؟
لكي يطرد الحشرات من النخله وبالذات السوس
ماهو السوس؟؟ السوس أنواع أخطرها السوس الأحمر إلي ينخر النخله نخار
يخليها ماتسوى ساويه
شنهو النخار
النخار هو لما السوس يجي لداخل الشي ويآكله لين يقول بس
وآخرتها يطيح ولا يفسد ولا إلخ؟....
نرجع لمحور حديثنا ..
فيها الكثير والكثير من العيون أشهرها عين أم نجم الكبريتيه
الأوليين إذا مرضوا يرحون يتنقعون فيها وتشفيهم بفضل الله
ثم بفضل مياها الساخنه والكبريتيه..
أعتقدوا الناس فيها...؟؟ فلذلك ردمت عن بكرة ابيها.. وصارت خاويه
خير شر لو يعيدون فتحها يكون أصرف لنا ترى...
أصرف من الري والصرف ؟؟ ماهو الري والصرف
هو مشروع لري وصرف المياه...؟؟ لماذا؟؟؟
للمزارع والنخيل والبساتين...
أكبر صرفين تلقونهم بطريق مدينة الطرف يخفووووووووون
المهم أستفاد الأوليين منه كثير وأقصد الفلاحيين..
لكنه أودى بحياة الكثيريين والسبب عدم وضع الحواجز الملائمه له...
وهو يعتبر مثل النهر بس مصغرينه لكنه يبلع سيارة بإلي فيها
الري.. هو ري المزروعات عبر أنابيب غير شكل لشفتوها تقولون
خوش أنابيب..
المهم
بوابته الجنوبيه مدينة الطرف...
مدينه كبيرة وبعيده أبعد مدينه
فيها اكبر صالة للزواج وهي أماسي إلي تشفونها بدعاية تايد
نرجع لعاصمتها؟؟؟
الهفوف وفيها السوق ,,,العالم كله فيه ويكثر بالسوق المغزلنجيه
بس أبشركم العام الماضي ما قصرت الهيئه فيهم محتهم ماخلت إلا نسبة 1%
أو أقل ولله الحمد وجزاهم الله خير...
وكمان مدينة المبرز كحينه لدخلتوا دواعيسها ترى على قولة خالتي زباله
المهم برضوا فيها أكبر مجمع سوقي وهو البستان مول.؟؟؟
في العطله الصيفيه تقام فيه المسابقات وكمان جابوا لنا هالسنه
أطول رجل بالعالم صوروا معه ناس كثيرة منهم اسامه ومناور < أخوانها
قلنا لمضاوي طسي صوري تقول ما ابي>> وهي خايفه
المهم
كمان فيه 3 قرى البلديه أصدرت أمر بجمع هؤلاء القرى
وبيخلونهم مدينه وحده توهم يتطورون
المهم راح يطلقون عليهم مدينة جواثا أمحق مدينه
المهم تدرون ان وحده من هالقرى مثل محافضة الدوادمي
توهم السنه يفتحون عندها شيين صيدليه ومحل كمبيوتر
تخيلوووووووووووووووووووووووو
وفيها ما يسمى بالبسطه...
توزع على أيام الأسبوع بين قرى ومدن الأحساء أشهرها يوم الثلاثاء في الحليله
سوق الربوع>> أنتبه تقول الأربعاء
لأن مره رحنا نسال كذا ماعرفه الولد يوم قال له أخوي الربوع وصف له
المكان
وهذا أكثريته تحصلون الرجال فيه بس في الآونه الأخيره الحريم أقتحموه ههههه
سوق الخميس مخصص للرجال فقط النسوان على عد أصابع يدك
وفي السوقين تلقون كل من هب ودب
نسيت أقول لكم ويش هي البسطه؟؟
هي عبارة عن ناس يجون يبسطون ويبيعون لك .. بس أي شي تحصله نرجع .. لمحور حديثنا...
الحين خلصنا من المدن نرجع للنخيل؟؟؟
أشتهرت الأحساء بوفرة نخيلها.. ومياهها...
وشده خصوبة تربتها... وخضرواتها اليانعه... وأيضاً الحرفيين
وهي رمز التراث.. توجد بها عدة معالم أشهرها..
قصر أبراهيم... قصر يرجع للدوله العثمانيه>>نسيت أسمه
هذا مهمل لدرجه أنه تحفر من عومل التعريه...
فيها أشهر جبل وهو جبل القاره وصخرته العجيبه..
أيضاً فيها حديقة للحيوان بمدينة الطرف...
أيضاض بني فندق الأحساء أنتر كونتريال ويملكه أثنان
العفالق<< بنتهم نسيت أسمها والوليد
بن طلال العام الماضي..
وقبل ان يكتمل بناؤه حجزت فيه جميع الغرف للعطلة الصيفيه أكمل
عام واحد الآن
على بنائه وهو بموقع جداً جميل.. أعتبره معلم حضاري
من العيون>>> عين اللويمي>>> عين أم الماءوترى نطقها غريب شويه ههههههه
وما زالت الأحساء تزخر بخيراتها.. لكن..
ويفرحون بالمطر كثيراً أذا نزل.. ربما الكثير يدخل إذا كان هناك مطر
إلا الحساويه فإنهم يخرجون من بيوتهم لرؤية المطر وحلاوته..
وذالك لندرته..
أيضاً يوجد بر نسميه البر الأصفر
:أشهر بر عندنا بالأحساء
يكثر فيه الحمام البدي>> طيور البط الخضيري وغيرهم>> الزرقي
الخمه<< نوع من الزرقي تقريباً
ترى الزرقي قمة الخياسلطبختوه تشمون ريحته من على بعد
وليتها حلوة
بس منقاره يصلح أنكم تفرقون فيه سعوركم علشان تسوون سوطين بعد هطول الأمطار يطلع الفقع اللذيذ >> للتماسيح فقط
ويطلع بيصلووووووووووو<< ياحبي له وهذا بصل بس غير
يطلع بدون زراعه من ربي بعد هطول الامطار وطعمه جداً رهيب..
ومن اسمه ترى صغير مره تصغير للبصل ههههههههه
اممممممم كمان نسيت أهم معلم وهو حجز الرمال أو المنتزه الوطني بالأحساء
وهو بجانب مدينه العمران..
الناس تروح تصيف فيه وتقضي وقت ... ويش باقي ما ذكرته عن الأحساء
ايه طرقها.. يا حلوهاااااااا حلوووووووووووواه < بدت تتريق
أذا مشيتوا ما تقولون بالسيارة آآآآآآآآه
لأن طرقها جداً مشققه وحفر بكل مكان أكثر من عدد السيارات
وأكو طرق ززززززززززززززفت بس مو أزفلت
وما يعدلونها.. إلا إذا بيجي أحد الأمراء بس ...
فيها الكلية التقنيه وجامعة الملك فيصل وجامعة الإمام..
فيها كليه للعلمي وكليه للأدبي...
وجامعه واحده تقريباًُ ههههههههههههه
نظام زفت بالجامعات.. وأزفت بالكليات..
مدرسة الأنجال الأهليه أحسن وأفضل وأرقى واغلى مدرسه
لكن مافيها مواصلات للأسف..
ويش باقي
باقي شنو يآكلون
أشهرها الكبسه.. مشخول السمج . الجريش .. الأرز الحساوي..
الهريس.. العصيده<< للشتاء، الخبيصه هههههه<<فلته تراها
وتشتهر بدجاجها البلدي الأصيل إلي ماينشبع لا من البيض ولامن لحمه
ولهم ميزه خاصه انهم بياضيين درجه أولى ونسلهم ممتاز جداً...
فيها غنم<< أبد مو راعيهم الهاوي
وفيها تيوس وعنوز << أبد مو أنامل
فيها حاجات حلوة ورهيبه.......بس تبي من يقدرها
طبعاً هذا ما لدي تنرككم الآن مع أيميلي ويش يقول عنهم
اذا صلى الفرض وانتهى من صلاته .. وانتهى من التسبيح
التفت على اللى في يمينه وسلم عليهم والتفت على اللى في شماله وسلم عليهم
2- اذا شافك وقابلك في الطريق سلم عليك سواء كان يعرفك او ما يعرفك
3- اذا جاورته ما لقيت من وراه اذيه , يعني ارقد وآمن
4- تلاقيه بسيط , طبيعي , سموح , وسيع صدر , وعلى نياته
5- اذا طق عليك الباب عطاك سله فيها ارطب خلاص او غر واذا جى
وقت الصرام ما نساك من التمر الزين
6- تلاقيه غارس في بيته فسيله وتشوفه مهتم فيها بنفسه
7- تلاقي عنده سيارتين , الاولى كابرس يروح عليها الشغل ,
والثانيه سوبر حق طريق مكه
8- تلاقي طموح ابناءه اذا تخرجوا من الجامعه انهم اما يصيرون مدرسين
في الحكومه او مهندسين في شركة ارامكوا , وازيدك من الشعر بيت ..
كل واحد منهم يبي يتزوج مدرسه ويسكن في شقه لحاله
9- اجتماعي من الطراز الاول , يعني ما تمل من سوالفه
10- يزعل لكن قلبه ابيض بسرعه ينسى وعلشان كذا ما تلاقيه حقود ..
واذا كان حقود يعنى شاذ عن القاعده
11- اذا شاف شي غريب اول مره يشوفه او يسمع فيه .. قال .. الله شذشذا ..
12- اذا قلت له .. على كيفك .. رد عليك وقال.. ما يحصل
13- اذا جاء شهر رمضان طق عليك الباب وعطاك صحن هريس
من طبخ ام عياله وتلاقيها متنغصته حق زوجتك
14- اذا طلع تقاعد .. تلاقي طموحه عماره في الخبر او الدمام ..
ومزرعه في الحسا فيها بركه سباحه .. وتنور حق المندي
15- يخاف من العين .. علشان كذا تلاقيه يقول لك .. قول ما شاء الله
16- اذا كان ساكن في الدمام , الخبر , الظهران , الجبيل او اي مدينه اخرى ,
وجا ء يوم الاربعاء حرك ونزل الحسا , و فوق كذا يحب يقضي العيد يم اهله
وجماعته هناك..
17- ما ينساك في العزايم والمناسبات , يعرف الاصول وكريم
18- اذا شميت ريحة المشموم " الريحان "
في بيتك اعرف ان زوجته كانت تزور زوجتك
19- يستانس وينبسط الى من شاف له ناس من اهل الحسا ..
20 - - اذا لقى واحد مضيع او يسأله عن مكان وهو في الحساء
وهالمكان في الخبر او الدمام قاله تعال وراي اوصلك
21- تلقاه 20 و4 ساعه وهو ياكل حب ( فصفص ) حتى وهو نايم ياكل
يا حبني للأحساء...
أعطيكم نكته طيب
الله يسلمكم هذي رسائل يرسلونها الحساويه
طيب طالعوا الأغلاط الإملائيه
وحسن تركيب المعاني هههههههههههه
الأولى...
يعلم الله أحبك وأغلك<< لاحظوا أغلك
الثانيه>>>إذكنت سهران أرسلك عيوني تسهر معك
أذكانت نايم ارسلك رموشي تقطيك<< لاحظوا تقطيك
الثالثه>>> العيوناشلون أمله . سحر ذوبني ابخجله
بوسه من عندك حبيبي تسوا الدنيا كله
لو سمعها راشد الماجد يعتزل
وهذي نكته على الطاير..
أفلام حساويه..1_ صرام التمر... 2_غرام القاره.. 3_ إنهيار القيصريه..4_آها عاد
وتلاى القيصريه أشهر سوق عندنا بالهفوف تحصلونها وتراها صدق انهارت
بعد حادثة الحرق الأليمه التي حدثت ونشرت بالجرائد آن ذاك..
الحين تعدلت وصارت أحسن من أول... بس كلشي تلقاه فيها...
لهجت الحساويه مختلفه لكنها معروفه
وطاش ما طاش ماقصر في إبراز لهجتها ولكنهم ليسوا كلهم كذا
بعضهم يختمون كلامهم بالشين وبعضهم بالجيم بعضهم بالكاف
كلن وتطوره
مثل>> شخبارش>> شخبارج>>> شخبارك
وإلي شافني اول ماسجلت يحسبني من الدول المجاوره هههههههههههههه
لأني كنت أكتب بالجيم ههههههههههههههههه طيب الحين اترككم مع بهجة الدنيا ولاية الأحساء ثاني اكبر ولاية بالمملكة
نسيت أقول فيها أستاد رياضي بس بالسنه حسنه يفتحونه ههههههههههه
وإليكم الصور...
الأحساء حديثاً
الأحساء قديماً
جبل القاره..
الري الصرف وأيضاً تطوروا وحطوا لهم منتدى أحسن مافيه أنه أخضر خخخخخخخخخخخخخ
عموماً نصل لختام موضوعي هذا ارجوا اني أمتعتكم فيه..
وشكر خاص جداص لكل من... قارئة الفنجان<< ماتعرفونها...
والظل المفضوح<<< ماتعرفونه ههههههههههههه
على مساعدتهم لي في الصور الماثله أمامكم أعلاه...
أيضاً أعذروني ان كان هناك غلط إملائي.. لأن الموضوع كتب في حينه
أيضاًَ أن أخطئنا فمن أنفسنا والشيطان وأن وفقنا فمن الله..
نسال الله العلي العظيم أن يبلغنا رمضان ..
وآخر دعوانا أن الحمد لله رب العالمين.. ملاحظة اخيره.. أستغرق كتابة الموضوع ساعتان وزياده [/ALIGN]
اخر تعديل كان بواسطة » تيماوي في يوم » 01/10/2003 عند الساعة » 07:51 AM |