[ALIGN=CENTER]مساكم الله بالخير[/ALIGN]
انا بصراحه عندي اقتراح في نظري اشوف انه حلو و يقدم شي جديد لعبدالله الجمعان ;)

مركز خط الوسط ;)

يمكن البعض او الاكثريه راح يقول وش به ذا مع الدوري الظاهر انه خرف او مو مقتنع بالي قلته و الي يقول ماله داعي

بس انا عندي شواهد كثيره تخلي الجمعان يصلح يلعب نص و هي :
;) اجادته للعرضيات و التمريرات الطويله
قوة تسديداته من خارج المنطقه الجزاء و تركيزها الي مو بطال

و هذا كمان احسن يجنبه من الاحتكاك مع المدافعين و عدم النرفزه و الكروت الملونه ;)

و عندي ادلة على اجادة الجمعان لتجهيز الاهداف و هي :
هدفين المنتخب السعودي في منتخب البحرين الي كانت لحسن اليامي الجمعان الي جهزهم
هدف حسين العلي الخامس في الطائي العام اماضي بعد رفعه بالمقاس
هذا الي بس جا في بالي في كتابة الموضوع و انا متاكد انه صنع اكثر من كذا

اما بالنسبه لتسديداته من برى المنطقه عاد ما يحتاج ادله كثير فشباك ( الحزم - الاهلي - النصر - الاتحاد - الشعله - النجمه - و كثير من الانديه تشهد له

و برضوالا ستفاد في اندافعاته الى داخل المنطقه للرفعات و العرضيات و اجادته لضربات الراس
يمكن البعض يقولون ما عنده مهارات فنيه و فرديه اقولهم طالعو ل(بيكهام) ما عنده مهارات بس الي يجيده من تمرير و تسديد تكفيه

اتمنى من الجميع التفكير في الموضوع بترويه و تمعن و خذلك كوب شاهي و كيس فصفص و فكر بتشوف ان كلامي صح ;)

اتمنى من الجميع الادلاء و المشاركه برأيه و الي مو عاجبه الفكره يقولي وش السبب
وشكرا

تحياتي

I totally agree

اقـتـراح جميـل ... وسـبـق قـلـته لكـم واحـد .. وضحكــوا

[ALIGN=CENTER]اهلا اخوي(هلالي جداوي) فكرنا في الموضوع جيدا وهذا رأي في اقتراحك....
وهذا ردودي في بعض الفقرات الي كتبتها....
#اجادته للعرضيات و التمريرات الطويله..
O صح هذي معاك..

# قوة تسديداته من خارج المنطقه الجزاء و تركيزها الي مو بطال ...
O قوة التسديد معاك، تركيز واحد من عشره ممكن...

# و هذا كمان احسن يجنبه من الاحتكاك مع المدافعين و عدم النرفزه و الكروت الملونه ...
O والله لوتحطه حارس ، حيحتك مافيها كلام ، لان اللي في طبع مايغيره ابداً...

# و برضوالا ستفاد في اندافعاته الى داخل المنطقه للرفعات و العرضيات و اجادته لضربات الراس...
O قصدك دفدفه مو اندفاع لان لما ينطلق على قولك يدف كم لاعب من الفريق المنافس قبل ما يوصل للكوره ،اما اجادته لضربات الرأس
انا أسألك كم كوره دخله برأسه من يوم شفنا مع الزعيم...؟

واًسف اذا كان رأي مختلف معاك ...
وشكرا لك....

اخوك الزعيم_9_18_20_15[/ALIGN]

اقتراح مضحك وليس جميل

الفايده من الجمعان بس في الضربات الثابته ولو إني أشوف بندر المطيري مظلوم فيها ..

بندر المطيري أفضل و أقوى من الجمعان في الضربات الثابته ... يكفي هدفه في مرمى الهند في مبارات السعوديه الشباب (تصفيات كاس العالم) .. ضربه ثابته من نص الملعب قريب من خط التماس ...

الجمعان صراحه ماشي على البركه أو بمعنى أصح لاعب مزاجي 100% يوم يكون خيالي و 10 يكون مشجع وسط الملعب ...

تحياتي لك أخوي

@ وجود الجمعان في الوسط من صالح الفريق والفائدة ستكون كبيره !!!!

@ الجمعان يجيد تجهيز الكرات وكذلك سيكون جاهز لأى كرة ترتد من دفاع الخصم وتسديده كما عرف عنه مرة تخيب وإخرى تصيب !!!!!!!!.

@ إقتراحك جيد اخوي هلالي جداوي وياليت المدرب يجرب ......!!!!

يارجال وش يودي الجمعان للوسط ؟ خله في الهجوم وعساه يفلح .. لاعب الوسط يبي له لاعب ( مخ ) والجمعان بصراحه ( مخ مافيه ) انت ماتشوف كيف يتصرف بعنجهيه مع كل كره تجيه وماخذ الدعوه بالقوه وارجو ان تعود معي بالذاكره لمباراتنا مع النصر العام الماضي والتي كسبها الهلال بهدفين احرزهما الجمعان وشف كيف سجل احد الاهداف !!!! منفرد بالحارس وماعنده احد يروح ( يمزعها ) فيه !!! واشوى ان الكره رجعت له مره ثانيه ولا طلعت برى واشوى ان الحارس طايح والا كان ماجابها ..... وعلشان تدري ان الكره مخ .. تذكر مباراة السعوديه مع تايلند في تصفيات كاس العالم في تايلند سامي الجابر وضع كره بطريقة الوضع في الزاويه البعيده مع انه كان خارج الـ 18 ولكن الكره اصتدمت بالقائم .. اللي ابي اقوله ان الكره حتى لو هي خارج الـ 18 مهوب لازم تسدد بقوه فما بلك بداخل الصندوق وانت منفرد بالحارس !!!


الزبده ان الجمعان مايفكر ولاعب الوسط يبي له لاعب يلعب بمخه قبل رجله .

تحياتي ؛؛؛

الجمعان رأس حربه أفضل شي له لأن كراته البعيده غالبا تطير حمام لكن اقترابه من المرمى تزيد من فرصه للتهديف واللاعب يجدي الكرات الراسيه والكرات الثابته افضل من المطيري بمراحل .
قناص يحتاج لتدريبات خاصه في المنطقه لازم يتعود يخلص الكره بسرعه في منطقة ال 18 .
أعتقد أديموس يفهم أكثر مني ومنك
ريــــــــــــــاض

مساء الوررررررررررررررررررررررررررررررررررررررررررررررررررررررد


للأسف لياقة الجمعان لن .. تسعفه ..

عبدالله عرفته هداف وسيظل هداف ..

وهو مهاجم المملكة الأول ...

ولاداعي لإن نقتل موهبته ..


تحياتي ..

إقتباس إقتباس من مشاركة دوا كــحه الفايده من الجمعان بس في الضربات الثابته ولو إني أشوف بندر المطيري مظلوم فيها .. بندر المطيري أفضل و أقوى من الجمعان في الضربات الثابته ... يكفي هدفه في مرمى الهند في مبارات السعوديه الشباب (تصفيات كاس العالم) .. ضربه ثابته من نص الملعب قريب من خط التماس ... الجمعان صراحه ماشي على البركه أو بمعنى أصح لاعب مزاجي 100% يوم يكون خيالي و 10 يكون مشجع وسط الملعب ... تحياتي لك أخوي

( الجمعان مرعب البلوي ) .

مشكورين يا شباب على الردود و المرور

Abu Yazeed : شكرا لرايك ;)

yazeed_9 : انا و انت تفكيرنا واحد بس محد فاهمنا و مشكور على المشاركه

دوا كــحه : انا كان موضوعي عن الجمعان و لعبه لمركز الوسط مو بس الفاولات على العموم مشكور على المشاركه

حبي تيماوي : صحيح لو يجرب المدرب الحين في فترة التوقف يكون شي حلو و شكرا على المشاركه

haseb: اتمنى ان يكون ردك باسلوب افضل و اذا الفكره ما اعجبتك قول ما تصلح من دون تعصب و شكرا على مشاركتك

الهلالي مره: كلامك صحيح ميه بالميه بس خلوه يجرب اعطو الحر فرصه يمكن يكون افضل لاعب نص مر على المملكه و ليه لا و عندي لك مثال ( طلال المشعل ) من كان يتوقع يصير هداف بعد ما كان ظهير ايسر ;)

riyad: صدقت بس ولو كثر التمارين ان شاء الله تجيب فايده و شكرا على المشاركه

سراب الدمع : شوف على طاري اللياقه بفهذا صحيح مو شرط عندك القهوجي يلعب على الواقف بس تمريراته خطيره و شكرا على مرورك

المعترض : شكرا على المشاركه

تحياتي ;)