البارحه يوم الخلايق --- اقول تراك مصخته انت والبارحه

طيب اليوم الساعه 12 بالليل اف 12 بالليل يعنى دخلنا يوم ثانى اجل البارحه

كنت جالس مع اخوى الاطخم ومن زود حلاه نسميه عتاب كنت اتناقش معه وانا ممد كراعين ونتقهوى

وطبعا لازم وانا اتقهوى احلى بفخذ دجاجه فسألته سؤال خطافى وش تعرف عن العولمه انتم

ماتدرون ليش سئلته لانه هو الواحيد اللى معه شهاده ومتعلم حاصل على شهاده محو الاميه منازل

فقال لى بعد ماسوا سبلكس خلفى العولمه مثلها مثل السباحه يعنى اذا سئلك واحد انت تعوم ولا لا

وهو يتكلم وانا مطير عيونى مدرى وش السالفه وتونى بأعرم من فخذ الدجاجه الا هالقطو عارم منها

قمت ورفست مع جنبه ولا رده الا جدار الملاحق ماعاد الاهى يعرم من فخذ دجاجتى قلت لاخوى ياخى

وضح اكثر مافهمت قال طيب شف انت الحين خال صح ولا لا قلت تكفى ياعفريتت نوال الزغبى والله

لو انك سئيده قال باالله عليك كم جنى دخل فيك ولا قعد اكثر من يومين قلت والله من كثرهم ماعاد

ادرى كم عددهم قال تدرى ليش قلت ليش قال لانك مركب غصب واحد وغصب اثنين

ياخى ركب دش صاحى وخله يجيب الهوت بيرد وشف ان طلعو مره ثانيه

قلت يعنى هذى هى العولمه قلتها وانا اناظر القطو بنص عين ناوى يلحس العظم بس قهرته وقعدت

اتسوك بالعظم قال ايه فهمت ولا لا شوى الا ورفس الباب خالى الطويل ومن الروعه بلعت العظم

وغصيت فيه واناظر باخوى هالشين ابيه يدحجنى قال هين تذكر يوم اقول لك عطنى زقاره وانت تقول

ياخى من قال لك تخلص تتنك قمت من حره الموت واذب عليه البكت كله ياالله خلصنى بأموت ماعاد

اتنفس قال ايه تذكر يوم انى اقول لك معك سلف وتسوى نفسك ماتسمع قمت وطلعت المحفظه الين

مافيها الا خمسه ريال ذبيتها عليه قال لا عطنى نصها قمت وشقيتها وعطيته نصها قال طيب وش

تبى الحين انا لله وش هالبلشه ناظرت بخالى يعنى تكفى افزع قال والله تونى متوضى ولا لى نفس

اتجدد مره ثانيه --- وش دخل الوضى بالموضع والقطو يناظرنى ويتبسم كانه يقول احسن تستاهل

المهم حنو على بالاخير ودحجونى وانا التفت عليه من الحمق وامسكه مع شوشته وارفس فيه

واسحبه بالحوش الين وصلت الباب وانا ارفسه برجلى واقول له اقرب برميل زباله تسدح عنده ----

اكيد القطو وين راح تفكيركم


مايستفد من الموضوع ---- ايه هين

1- اتضح لى بالاخير ان العولمه محل تفصيل سراويل بالبطحاء

2- اذا صار اخوك اطخم منك لاتسولف معه

3- لاتجلس قطوه بمجلس رجال الا ومعها محرم

[ALIGN=CENTER]

إقتباس كنت جالس مع اخوى الاطخم ومن زود حلاه نسميه عتاب كنت اتناقش معه وانا ممد كراعين ونتقهوى

ياهووووو ياعتااااب ... من قددده والله خخخخخخخخخ ==>>> على بالها عتاب تشبه كرستينا

إقتباس ماتدرون ليش سئلته لانه هو الواحيد اللى معه شهاده ومتعلم حاصل على شهاده محو الاميه منازل

يؤيؤيؤيؤ ابو نحاسوووووو شدعووه تفضح اخوووووك وتقووول انه متعلم
وماخذ شهادة محو الامية .... تبينا نصكه بعين

إقتباس وتونى بأعرم من فخذ الدجاجه الا هالقطو عارم منها قمت ورفست مع جنبه ولا رده الا جدار الملاحق ماعاد الاهى يعرم من فخذ دجاجتى قلت لاخوى ياخى

حراااااام ...... ماعنددددك رحمه انت

كل شيء الا القطوووه ماترفسها ... ترى هالقطوه خطبتها للقطو الاسود اللي يدور بحاراة الرياض كلها

إقتباس وانا التفت عليه من الحمق وامسكه مع شوشته وارفس فيه واسحبه بالحوش الين وصلت الباب وانا ارفسه برجلى واقول له اقرب برميل زباله تسدح عنده

عظم الله اجر القطو اللي عايش عندك

إلا تعاااااال ابو نحاسوووووه وش سميت قطووتك ==>> تحسب العالم مثلها .. يسمون القطوه باسماء

إقتباس 1- اتضح لى بالاخير ان العولمه محل تفصيل سراويل بالبطحاء

لالالالالالالالالالالالالالالا
يقولون انه محل تفصيل فنايل بشارع الوزير خخخخخخخخخخ

إقتباس 2- اذا صار اخوك اطخم منك لاتسولف معه

اصلا ماراح يعطيك وجه

إقتباس 3- لاتجلس قطوه بمجلس رجال الا ومعها محرم

لوووووووووووووووووووووووووول

بس اخاف تشوفون محرمها وهو يعطيها طرااق على وجهه إذا لعبت باغراضكم[/ALIGN]

^
^
هذي للحين حييية






لي عودة معك يابو خلاقين


وتراني امزح يافيروسة

[ALIGN=CENTER]

إقتباس اتضح لى بالاخير ان العولمه محل تفصيل سراويل بالبطحاء

الله يرج ابليسك..,,

تحياتي واناأخوك..,,;)[/ALIGN]

إقتباس ولا لا شوى الا ورفس الباب خالى الطويل ومن الروعه بلعت العظم وغصيت فيه

[ALIGN=CENTER]ماقلت لك لاعاد تلعب بعظم الحاشي في سنونك ... الله يهديك[/ALIGN]

إقتباس ناظرت بخالى يعنى تكفى افزع قال والله تونى متوضى ولا لى نفس اتجدد مره ثانيه ---

[ALIGN=CENTER]معه حق ... كان بلعت عظم قـــــــطـــــو أزين لك[/ALIGN]

إقتباس المهم حنو على بالاخير ودحجونى

[ALIGN=CENTER]كان أتصلت علي ... توني شاري بسطار مطعم بالحديد الفولاذي [/ALIGN]

إقتباس وانا التفت عليه من الحمق وامسكه مع شوشته وارفس فيه واسحبه بالحوش الين وصلت الباب وانا ارفسه برجلى واقول له اقرب برميل زباله تسدح عنده ----

[ALIGN=CENTER] مــــــنـــــهو ..... صاحب المقولة المشهوره ...
قل له :- نــــــــــــــــــــــــــــــم [/ALIGN]

[ALIGN=CENTER]أنا ماقلت شيء ... أنت اللى قـــــــــــــلــــــــــت[/ALIGN]

الـحـاتـمـي ........



مــر مـــن هــــنـــــــا ...........



ويـقـول : سجل عندك في ما يستفاد من الموضوع ....

4 - عند الشعور بالاضطراب ومحاولة تجميع الأفكار ,,

قم بتناول حبة ( بنادول) واذهب الى الفراش باكرا !!

هلا وغلا بابي النحاس D ( قلت ابي وليست ابا لأن الباء حرف جر تكفى ياسيبويه)
المهم بعد قرائتي لحديثك المسهب حول العولمه ** اتحداك تعرف معنى المسهب **
المهم لماقريته استشفيت من كلامك ** وهذي استشفيت اتحداك بعد تعرفها ** انك فاهم العولمه فهم جيد ولكن ‍‍!!! للاسف انك ماتطبقها على ارض الواقع والدليل هو:

إقتباس وتونى بأعرم من فخذ الدجاجه الا هالقطو عارم منها قمت ورفست مع جنبه ولا رده الا جدار الملاحق ماعاد الاهى يعرم من فخذ دجاجتى

وين تطبيق العولمه في هذه الجمله؟؟؟ المفروض والواجب عليك انك ماترفس القطو مع جنبه !!! بالعكس المفروض تشكره انه عرم من دجاجتك لن مجرد ماانه عرم الفخذ حق بنت المذن بتكون العولمه ظهرت وبانت على ارض الواقع ** ترا هالأرض للبيع كان لك نظر ** لأنك والقطو صار بينكم عيش وملح وصرتوا عالم واحد واكلتوا من نفس الأكل وجلستوا بنفس المكان وهذي هي العولمه اللي تتكلم العالم عنها بس انت للأسف ماطبقتها وقمت رفس القطو المسكين ودمرت شعار العولمه( Globalization ) تراني عارفها بالقلينزي من قدي

لوووووووووووووووووول منت صاحي والله

إقتباس إقتباس من مشاركة ابو الذهب فقال لى بعد ماسوا سبلكس خلفى العولمه مثلها مثل السباحه يعنى اذا سئلك واحد انت تعوم ولا لا وهو يتكلم وانا مطير عيونى مدرى وش السالفه

سبلكس خلفي الله من التشبيه , بعذرك مطيرن عيونك الله يلوم اللي يلومك

إقتباس وتونى بأعرم من فخذ الدجاجه الا هالقطو عارم منها قمت ورفست مع جنبه ولا رده الا جدار الملاحق ماعاد الاهى يعرم من فخذ دجاجتى

بسم الله وشو قطوه قاعدين في مزرعه ولا عندك قطو حيوان أليف بس بيني وبينك ما اظن حيوان أليف وترفسه في جنبه حرام عليك ارفق على الحيوانات >>>> يقولك من واقع تجارب مع القطاوه ايام الثنوي