السلام عليكم ورحمة الله وبركاته


انا ودي اقول بسسسسسس ان الهلال خسر ما قلنا شي وانتو او واحد من الشباب هنا بالمنتدى

اعترف ان الهدف الثالث سببه خالد عزيز وان بعض الاعبين ما طلعوا مستواهم
وش ذنب اديموس في هذا هو اللي قال للاعب وقف ولا قال لعزيز اغلط خلهم يجيبون هدف


يا عالم ياهووووووووه فتحو عقولكم شوي مو كل هزيمه قلنا المدرب
وثانيا من عند اديموس وسط عشان يلعب فيه غير الشلهوب

هذا والشلهوب جناح ايسر صار على اخر الزمن يلعب ورا المهاجميييييييييييييييييييين

يعني فريقنا لعبت فيه الاصابات والله مافيه ورا المهاجمين احد الحربي وراح الله يرجعه بالسلامه

وييييييين التمياط

-----------------------------

كلمه اخيره

لا تحملوا كل هزيمه في المدرب فليس هو السبب الرئيسي شوفو الاعبين في المباراه وشوفو

من الاعبين اللي دخلهم واذا طلعنا بهالمستوى وهذا لاعبينا الحمدلله والشكر تمام والله

بس لا نضيع مثل ما ضيعنا ونفوز حتى لو بهالاعبين لأنه لا ذنب لأديموس في تضييع الفرص ايضا

يا رجال

بعض الجماهير يتبعون أي كلام يلمس عواطفهم ويكون فيه تنفيس عن ثورتهم

مقال يوديهم يمين ومقال يرجعهم يسار

ونسوا ان الهدوء والعقلانية هي احسن اختيار

صراحه اشوف ان اديموس لايسئل عن الهزيمه هذي بل قلة خبرة اللاعبين الجري وعزيز ومحمد العنزي وغير كذا الحظ واقفلهم شوي ...
احنا شفنا الهلال مع النصر كان صراحه قمه ضغط على النصر بكامل نجومه وأستطاع ان يرجهع الى نصف ملعبه وضاعت كرات خطيره للهلال هذا يدل ان الفريق ماعليه قوي اذا راعينا من الي يلعب للهلال من عناصر ..؟؟؟؟
كذلك شفناه مع نجوم الاهلي وش سوى الهلال في الأهلي ..؟؟؟
صراحه عندي مافيه اي نجم تقدر تعتمد عليه هجومي الا الشلهوب وغيره الله يخلف ...
اديمووس يسعى لتطوير الهلال بالكامل وهو مدرب حماسي جدا ومهتم كثير بتطوير اداء الهلال من مايسمى الثقافه الكرويه ...الى الأسلوب المناسب للخطط
ارى اننا نحتاج مثل هذا المدرب الي يسعى الى التطوير والدراسه والأهتمام مهوب مثل الي ياخذ رواتب وزيجارته بيده ويوجه وفي الاخير فاز الفريق في المباراه ولا مافاز جاب بطوله ولا ماجاب اهم شيء استلم رواتبه ولعب متعته الشطرنجيه على افراد الفريق في كل مباراه وروح لبلاده ...؟؟ وفي نفسه ماخسر اي جهد ...؟؟
اديموس يسعى للتطوير ولصناعة فريق قوي للمستقبل وبالله عليكم من المدربين فرض على الهلال معسكر شهرين قبل الدوري ؟؟؟؟؟؟؟
المدربين السابقين مايحضرون للمملكه الى اذا بقى على الدوري نص شهر جاء وهو ماله نفس بعد...؟؟؟ لكن اديموس يبحث عن هدف وهدف كبير صدقوني
غير كذا المدرب اذا وضح انه جاد في عمله ومخلص يجب ان نصبر عليه عشان نعرف وتبان بصماته الحقيقيه في تطوير الفريق على الأقل لمدة ثلاث سنوات ....وهأنا اقول هذا هو ضالة الهالل كتطوير فريق بأكمله وأطالب الأداره الهلاليه الصبر عليه لثلاث سنوات وعدم الأستعجال حتى وأن كانت النتائج مخيبه للأآمال لأن النتائج الحقيقيه تظهر بعد مده طويله وليست بالقصيره ...وهذا مدرب جاد في عمله وثقه في الأمكانيات اذا لماذا تريدونه ان يرحل .

تسلم على المرور والرد يا مسافر وتسلم يالمجهر وحقيقة كلامكم عين العقل لأنه مدرب ناجح جدا جدا جدا