طبعاً هذه تكملة الجزء الثاني من المسلسل المكسيكي مزنة وصنيدح ( الجزء الثاني ) ...
ومن فاته الجزء الأول يجده هنا ...

http://216.74.117.135/vb/showthread.php3?threadid=10868

طبعاً دعونا نستكمل القصة الجميلة ... وأبطالها معروفين من الجزء الأول ...

طلال : أيه يالأسطورة قل لنا سالفتك كاملة ...
سفر : ياخوي أزعجتونا بلا قصص بلا هم ... خلونا نسولف واللي يرحم والديكم ...
طلال : سفر بتسمع السالفة وإلا ريحنا أطلع من الغرفة خلنا ننبسط ...!! ( أفاااا والله الطرده )
الأسطورة : أيه صادق ياطلال ... سفر ريحنا من الإزعاج ... ( أفاااا إجتمعوا علي شلة النصب ..!! )
سفر : خلاص الله يعين بأسكت ... لكن شف تنصب علينا لا ...!! ترى ماني ساكت ..!!
الأسطورة : يارجال أنت النصاب اترك عنك ...!! ( ياحليله يسبق للنصب ...!! )
طلال : يالله يالأسطورة وش سالفتك فكك من سفر تراه إزعاج ...!! ( ايه والله من حبك للنصب ياصنيدح ..!! )
الأسطورة : هذي السالفة يالغالين صارت علي قبل 9 شهور تقريباً بعد ما تخرجت من الجامعه وتخبرون كلية هندسه ... قلت خلني أروح لليابان أكمل ماجستير ... لأن أغلب الناس قالوا اليابان بلد متطور وقلت خلني أجرب ... المهم حجزت ورحت للمطار ... طبعاً كانت الرحلة على الخطوط اليابانية ..!! ( والله ما أدري عنك يالاسطورة هو فيه عندنا خطوط يابانيه أو لا ..!! ) ... ورحت للجوازات وختمت جوازي ... طبعاً اللي ماعنده جواز لا يسمع هالكلام ..!!! ( حسبي الله على بليسك ...!! ) ... وركبت الطيارة أنا اول واحد طلع الطيارة لأن الكابتن صاحبي الروح بالروح ...!!!! ( ياراسي كيف صاحبه ...!!! ) ... وسلمت على الكابتن وعلى المضيفين والمضيفات ... وكنت حاجز درجة اولى ..!! ( والله شكلك سياحي ويخب بعد ...!! ) ... المهم أكتملوا الركاب ... وأعلن صاحبي الكابتن عن الاقلاع ... ( مصر أن الكابتن صاحبه ..!! ) ... وأنا كان جالس جنبي شايب ياباني ... عمره أظن 80 سنه ... وحالته سيئة يمشي بمعكاز ...!! وجلس يتكلم معي بالانجليزي ويسولف معي ... ( أيه هين قابلني ..!! ) ... المهم أعلن الكابتن بعد ثلاث ساعات طيران ... أننا بنهبط في فرنسا للتزود بالوقود لمدة ساعة ...!!!

سفر : أقوووووووول وقف وقف ...!! أي فرنسا هذي ..!! فرنسا في أوروبا والرحلة كلها آسيوية ..!!!
الأسطورة : لا فرنسا في آسيا ...!!!
طلال : أيه صادق يالأسطورة ... وش عرفك أنت يا سفر ...!!!
سفر : أقول طيب أنت وياه من بطل أوروبا في كرة القدم ؟؟؟
الأسطورة : سفر هذيك فرنسا ثانية ...!!! ( أهب ما اقوى عينه ..!! )
طلال : أيه هذيك فرنسا اللي عاصمتها باريس اوروبية هذي فرنسا عاصمتها فرنسا في آسيا ...!!! كمل كمل يالأسطورة ...!!!!! ( ياساتر إجتمعوا النصابين ...!!! )
سفر : أمري لله كمل ...

الأسطورة : المهم وقفنا ساعة وأقلعت بعدها الطايرة ...وبصراحة من وقفنا في فرنسا وأنا أشوف هالشايب اللي جنبي عليه حركات غريبة ...!! شكلة مو طبيعي ..!! لكن قلت في نفسي ماعلي منه ... وأنا جالس أقرا مجلة يابانية ..!!! ( كيف يقراه هذا ..!! ) ... والشايب يطمر علي فجأة ويطلع مسدس ... ويمسكني بقوة رهينة ...!!! ( أفاااا قبل شوي تقول يمشي بمعكاز ..!! ) ... وقام يهدد بكل صوته ... أنه أي حركة بيقتلني ...!! ووصل الخبر للكابتن الياباني صاحبي ... وقال للمضيفين لا أحد يتحرك كل شيء إلا صاحبي لا يذبحه ... ( وش هالصحبة ياولد ...!! ) ... ودخل الشايب غرفة القيادة وانا معه بالمسدس وقال للكابتن وصل المعلومات لبرج المراقبة وقلهم لازم يفكون زوجتي من السجن وأترك خطف الطائرة ...!!! ( ياولد قل غير هالكلام ...!! )...المهم نزلنا مطار طوكيو ... والشايب متجود فيني والطائرة في المطار وكلنا فيها ... وجلسنا يومين في المطار على هالحال ...!!!!! وقدرت بخبرتي أقنع الشايب قلت أنت كبير عطني المسدس وأنا أوريك فيهم ... وأنت خلك مع غرفة القيادة تتفاهم معهم ...!!! ( أفففف والله من النصبه ...!! ) ... ووافق الشايب لأنه حس أني صادق ... وأنا أخذت المسدس منه وصرت أتشرط على اللي بالطائرة ما عدا صاحبي الطيار ... وبعد اليوم الثالث وانا خلاص مبسووووط وافقت اليابان على شروطه وإطلاق سراح زوجته ... وأنتهت مشكلة الطائرة ونزلنا المطار ... وصار الشايب يعزني معزه خاصة ... لكن تدرون وش المفاجأة ...!! الشايب هذا طلع هو مدرب بروسلي الخاص واللي علمه الكونغ فو ...!! ( حسبي الله على بليسك وش خليت لصنيدح أجل ...!! ) ... المهم عزمني عنده ... وعلى الغداء جانا بروسلي ...!!! ( لالالالالا بروسلي اللي له سنوات ميت وأصلاً ماهو ياباني ...!!! ) ... وتغدينا مع بعض وضحكنا سوا ... قلت في نفسي ياولد بلا ماجستير بلا هم خلني أتعلم الكونغ فو من بروسلي والشايب ...!!! وبالفعل جلست معهم شهر وانا أتعلم والحمد لله صرت فنان في الكونغ فو ...!! ( والله لو يمسك صنيدخ ليعلمك الكونغ فو على أصوله ...!! ) ... وصرت أتكلم ياباني بعد أسبوع فقط ...!!! لأنه لغة سهله مرررررررة ... !!! ( السهل والله الأرانب اللي ذبحتنا فيها ...!! ... ورجعت بعدها للرياض وقلت أكمل الماجستير هنا ... وإلى اليوم وأنا اكلم الشايب صاحبي وبروسلي صاحبي ... وأي واحد منكم يبي فزعة يقولي ...!!!

سفر : أقوووووووووووول ماتبي العب كونغ فو على راسك ...!! أنت ما تخلي عنك هالنصب ..!!
طلال : ياشيخ تكفى يالأسطورة خذني معك المرة الجاية نفسي أشوف بروسلي من زمان ...!! ( نصاب ومصدق نصاب ..!! )

فجأة دخل علينا الغالي إبراهيم النجيدي ...

إبراهيم : سلالالالام شباب ... مادريتوا وش صار علي البارح ..!!! ( لا الدعوه طالت من جد ...!! )

تدرون نكملها في الجزء الثالث ...<br><font size=1 color="#000080" face="tahoma">[عدلت بواسطة ســ9ــامــ9ــي التاريخ:18-03-2001 الساعة: 03:39 PM]</font>

هاهاهاهاهاهاهاهاهاا الله يرجك ياسفر
 

السلام عليكم ..كخخخخخخخخخخخخخخ اجل اليابان اجل؟؟ بالله قل للاسطورة يسلمني على خويتي اليابانية يوروشيما!!!كخخخخخخخخخخخخ :) كلمت وحده في التشات يابانية عطلول حطيتها خويتي!! كخخخخخخخخخخخخ :):)

الله يرجك يا سفر .....حلووووووووة القصة ...بانتظار الجزء الثالث :) بس لاتبيخها زي طاش ماطاش 8 اجزاء !!! وجع ! :):)

تحياتي واشواقي

هههههههههههه ماجستير وفي اليابان ههههههههه دور غيرها يالاسطوره

الله عليك ياسفر ايه طلع فضايح هالنصابين

واحد رجل ثلجي وواحد متعلم الكنغ سو مدر فو والله يعينك على هلارانب

مدري كيف تحملت ياسفر لين سمعت كل هلنصب

والله عورني راسي من نصب هالاثنين مره واحد يقول لي انا نايم فوق السحاب لي ثلاث ايام والثاني يقول انا قاعد مع ابورسلي صديقي

ااااااااااااااااااااه ياراسي

هههههههههههههههههههههههههههههههههههههههه
قصه محزنه على قناة النصر كل يوم خصاره
هاهاههاهاهاهاهاهههاهااههههههههههههههها
هاهاهاااااااااااااااههههههههههاهاهاهاهاه<br><font size=1 color="#000080" face="tahoma">[عدلت بواسطة ســ9ــامــ9ــي التاريخ:18-03-2001 الساعة: 02:16 AM]</font>

و الله الضعيف يا سفر

و انا اسمع عنك علوم قبل كذا و الشباب فكاك يفك على فكاك
ما خلو شي للنصابين لا و احيان يقولون عليك نصاب بعد الله يكون بعونك بس على اجر ان شاء الله

ههههههههههههههههههههههههههههههههههههههههههههههههههههههههههههههه
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
هىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهىهى
تهى تهى تهى تهى تهى تهى تهى تهى تهى تهى تهى تهى تهى تهى تهى تهى
تهو تهو تهو تهو تهو تهو تهو تهو تهو تهو تهو تهو تهو تهو تهو تهو


رااااااااااااااااائع ياسفر والاروع النصابين طلال والاسطوره
الله يهديك ياسفر شوهت سمعتهم
وننتظر الجزء الثالث على احر من الجمر

أقول ياسفر ........ أثرك نصاب عالمي ؟

المهم وين عشاء ... الزئبق ... وينه .


ترى العشاء .... بدون تكليف .

راجع كتابتة ... زئبقك الحنون ... وشهو طالب ؟؟؟ ياطالب ماجستير ... قال .

أخلص وين العشاء أنت والربع الباقين .

نفسي في عشاء خفيف .... يعني على الماشي ... مايخالف ... كله واحد .


موافقين أخلصو يالله ... من زمان ماكلنا نواشف ... وعلب مصدية .

هاهاهاهاهاهاهاهاهاهاهاهاهاه.....
يالأسطورة وشو له ماجستير......
انت اجذته ماجستير في النصب...
هاهاهاهاهاهاهاهاهاههااهاهاهاههااه..
متى الجزء الثالث.....
حلو .... يا سفر....

أخوي النصاب الكبير وفكاك الركب الخطير صفر :

أشكرك على تاليفك لهذه القصص المثيرة والجميلة وياليت ماتنتهي هذه الحلقات وتوصل للألف (( زي المسلسلات المكسيكية :) )) ولكن عتبي عليك إنك تتهمنا بالنصب وانت شيخ النصابين وبعض الأعضاء هداهم الله صدقوا اننا نصابين واننا قلنا هالكلام:(

المهم ياسفر كله ولا الأسطورة ...... الأسطورة معروف بأخلاقه العالية الرفيعة وصدقه وعدم اجادته للكذب .... اخترع ألف قصة علي أنا بس الأسطورة لا وألف لا:)

شف يا سفر
 

السلام عليكم ورحمة الله وبركاته



اشكرك على تاليف القصه اللي اجمل مافيها انك جبت الغالي الاسطوره فيها والا هي عاديه مره

ثاني شيء الجميع هنا يعرف مصداقيتك انت ومصداقيه الاسطوره بالعكس الاسطوره دائما متالق في مواضيعه الصادقه بعكس بعض الناس اللي كل يوم طلع لنا بسالفه صارت له في سفره انا اتوقع ان هالقصه كنت بتقولها عن نفسك ياسفر بس شكلك قلت خلني اخليها على الاسطوره نجم منتدانا



انا هالمره بمشيها لك تقول كلام عن الغالي الاسطوره بس ثاني مره لا اشوفك قايلهاااااااااا



فاهم :)









اخوك عاشق نواف

فيه مثل يقول من عاشر القوم أربعين يوم صار منهم شكلي معاكم بطلع نصاب :) هههههه
الحين من النصاب سفر والا طلال والا الأسطوره .... والله هبلتوا بي

هاهاهاهاهاهاهاهاهاهاها ,,,

أجل الأسطوره طلع من العالم اللي تبيع العشره بريال http://alzaeem.com/vb/images/icons/icon7.gif
بس عاد تصدق ياسفر أني أتعاطف معك أذا كنت بين الغالين طلال والأسطوره ,,,

في المره الأولى طلال نقزك في الرد , وفي المره الثانيه بغوا يطردونك ما أدري كيف أن تستحمل كل اللي يجيك ,,,

بس تدري هذا أن دل على شيء فأنما يدل على وسع صدرك وكبر قلبك ( ايه هين ) ,,,

نرجع لموضوع الأسطور, أجل الرجال ماهو سهل والله وأنا اشوفه ماغير يهدد فينا على الماسينجر ولا نقدر نقول له شيء علشانه صاحب بروسلي وحريف كونق فو ( على نياتي مصدق القصه ) http://alzaeem.com/vb/images/icons/icon9.gif ,,,

وعلى قولة الحكمه اليابانيه القديمه ( هون شي كوراشي اندومي ) http://alzaeem.com/vb/images/icons/icon7.gif ,,,

وبعدين ياطلال أنت وعاشق نواف انا معكم أن الأسطوره ذو أخلاق عاليه وهذي مافيها كلام , لكن مسألة أنه ماينصب هذي كثروا منها وأسألوني أنا الغلبان كل يوم وهو ينصب علي وانا ساكت ولا أقول شيء , أصلا ما أقدر أقول تعرفون منصب وسمعه وصعب الواحد يقول له شيء ولو قلت عنه حاجه ماراح أحد يصدقني , أنا يادوب حتة عضو غلبان أما هو وبالذات الحين بعد ماصار مشرف من يقد يقول له شيء ,,,

الا أذا ربي سخر له مشرف زيه يطلع فضايحه وذيك الساعه أشهد على كذا وكلكم يعرف الساكت عن الحق شيطان أخرس واناما أقدر أسكت على قول الحق http://www.eqla3.com/file/ubb/icons/icon800.gif

في الأخير أحب أقول أن اللي دخل على الغالين سفر وألأسطوره وطلال في هذي المحادثه هو الغالي على قلبي جدا مشرفنا الأولاني وتعرفون ماينلام سفر يوم ضيع مسكين من اللي شافه من الأسطوره ذاك اليوم وماخلاه يجمع الله يكون في عونك ياسفر على كل اللي شفته ومازلت تبي تشوفه من الأثنين طلال وسفر http://alzaeem.com/vb/images/icons/icon12.gif

ومسوين فيها عاقلين يا طلال و الاسطورة ها ها ها ها ها ، مزحة ( من جد رايح فيها أمزح مع مشرفين )

السلام عليكم:
سفر الله يهديك لاتفتري على الاسطوره الرجال مو راعي كذب هو بس راعي نصب على الخفيف يعني ما يكذب كذبه زي هذي .....

الظاهر في الجزء الثالث بيقابل الاسطوره في اليابان جاكي شان ويتعلم منه حركات وبيجي يطقكك يا سفر او على قولت طلال صفر .......

اخوكم الطير سداح
(عطو سداح فرصه)