من اللي كات الموضوع
أبو سليمان ... ماهوب معقووووووول
تصدق رحت اسوي بحث على اليوزر قلت اكيد واحد مفعل اشتراكه بنفس الاسم
..
والله مشتاقين لك ولمواضيعك يا بعد حيي وميتي أنت
..
يالغالي والله إن كل قصة تضك الواحد لما يبتسي ( يبكي ) ..
دايم نسمع من الشيبان كلمة
( الله يخلف )) وما اشوف شيء احسن منها في هالمواقف هذي ..
- انا حصلت لي سافة بعد ..
كنت على طريق القصيم قادما من الدمام .. طبعا عديت الرياض ونزلت من عند الغاط .. يجنك ذيك النفد ( كثبان رملية
) والوقت بعد غروب الشمس .. والوقت شتاء ..
وقفت عشان اسوي براير ( يعني صلاة
) وانا واقف اصلي .. سمعت سيارة تمشي شوي شوي ...
وصوتها يقرب لي :sad:
المهم .. خلصت من الصلاة .. إلا ألتفت .. والقالي شاب لطيب في سيارة جديدة
.. والكفر مبنشر وهو يمشي عليه ..
وقف عندي .. سلام .. عليكم السلام .. ممكن تنور علي عشان اغير الكفر .. إيه ممكن ما طلبت شيء
( كان فيه مباراة للهلال .. واقول في قلبي وش اللي جابه وماهوب وقته
) بس قلت يا رجال ما تدري وين الخيره ( بوه
) ..
نورت عليه في السيارة .. وانزل اشوف إلا هو منزل العفريته ومفتاح العجل .. بس ما يعرف يغير الكفر
..
اخذت المفتاح وفكيت الصواميل
.. وشوي شوي إلا انا اللي اشتغل ( ماهيب مشكلة بس هو يمديني على المباراة
) المهم الله يجزاه خير نزل الكفر هو ما قصر
..
واعتذر مني وقال : والله يا اخوك ما اعرف اغير الكفر
<---- بالله هالاشكال وشلون يمسكون خطوط ..
ووشلون استلموا رخصة
..
وبختم كلامي بقول ببيتين الشعر :
تقولون دنيانا علينا تغيرت ### تغيرتوا انتم ماعرفتوا غيورها
الأيام هي الأيام مازاد عدها ### هذه لياليها وهذه أشهورها
اي والله صادق
.. هذا وهو قايلها قبل مية سنة .. وش يبي يقول لو يجي الحين ..
أما الأساس .. هو بلاشك البيت أو الأسرة .. مثل ما تفضلت ..
وعلى طاري التربية تذكرت الأبيات هذي :
وينشأ ناشيء الفتيان منا ### على ما كان عوده أبوه
وهذا بيت عن الزمن ومن اللي تغير :
نعيب زماننا زالعيب فينا ### وما لزماننا عيب سوانا
إييييييييييييييييه الله يخلف
..
ألف شكر لك يا ابو سليمان على هالموضوع والله لا يخلينا منك يالغالي ..
بس تصدق إن الموضوع باللغة (( الحايلية )) وشكل الشباب يبي لهم مترجم
..
تحياتي لك يالغالي ،،،
رحلة سياحية في عالم الناس 
الوضع العادي
