رحلة سياحية في عالم الناس
 

[ALIGN=CENTER]
السلام عليكم ورحمة الله وبركاته
موضوعي هو عن الناس في مجتمعنا
من الذي تغير بهم
هم ام الدنيا

خل نبحر في عالم الناس ونشوف من الي تغير
وأسمحو لي بأن اكتب باسلوب العامية فهو محبب الي

8888888888888888
يقول الشاعر

تقولون دنيانا علينا تغيرة $$$$ تغيرتوا انتم ماعرفتوا غيورها
الأيام هي الأيام مازاد عدها $$$$ هذه لياليها وهذه أشهورها
القصيده هذه له فوق 100 سنة
ولكن لاباس نبحر مع الناس ونشوف مين الي تغير

سأروي بعض القصص التي حدثة لي
يقول المثل
لولا المربي ما عرفت أربي
اذآ الوالدين لهم دور في شخصية الأبناء

نبداء بالقصص

رحت يوم من الأيام الى الحلاق ،،،، وأذكر ليلة عيد رمضان
لقيت المكان مليان من اللي يبون يحلقون!!!
جلست وخذيت لي مجلة تاريخه منتهي له 5 سنوات
الوكاد قمت أقلب بالمجلة والا أسمع واحد يحاكي الحلاق الهندي
يقوله قص لي فرنسي !!!!!!!
عمره حوالي 11 او 12 وخويه على الكرسي الثاني يقوله
ياقديم كبوريا أحسن !!!!!!!
الوكاد مادري وش سوى الحلاق بس الي شفته هامة الواحد كومة شعر
واللي حول الأذان مابه أبد أبد !!!!!!
قلت بخاطري هذولا صغار الحين يخانقونهم أهلهم ويرجعون يحلقون الكومه

شوي ويقول واحد معه بنيته قل حلقه ولادي فرنسي !!!!
حسبنا الله ونعم الوكيل
وشوي يقوم واحد هو وولده
قال الولد : شل من هنا وخل الي هنا وقص هنا وابي زلف
قلت أكيد أبوه أصقه
اثاري الحلاق عارف للدب الي اسمه ابو !!!!
يوم مغط شعر الأبو لين طلع شيب راسه !!!
قلت لا والله الا ماله رقعه !!!!!!

بس قلت هذولاء صنف من البشر
به غيرهم ،،، لاتحكم بسرعة

*********************
قلت نروح للشباب الفتوه خل نعوم وسط اوكارهم وافكارهم
أذكر أيام الدراسة بالجامعة بحايل كلمونا شباب من الرياض
قالوا المغرب رحلتنا تاصل حايل,,,
أنقسمنا ناس يرحون يجهزون الخيمة والقهوه والعشاء
وناس يحترونهم بالمطار ,,,
الوكاد رحت انا وواحد الله يذكره بالخير للبر نجهز المخيم
قالوا معك فلان يابوسليمان !!!!
قلت بخاطري انالله وش ابيبه هذا ؟؟ أخض له رضاعه !!
يدرس بالمتوسط !! وش تتوقعون منه
المهم رحنا لمحل جنوب حايل يقاله أضلضل
وصلنا بعد المغرب
قال وين تبينا نصير !! قلت أبعد عن الشعيب لأنا وقت مطر
وبالمربعانية ،،، خلك بالرفاع هذا00
نزلنا بالظلمة العفش !!
فرشنا الخيمة 5 × 7 عامودين
وانا بصراحة الي معي كسر مجاديفي !!
بس يوم سمعة ضربه للوتد والتفت عليه
لا والله عاصب شماغه على راسه وبيده هاك الصفاة
الي لو يتجمعون بعضهم ماشالوه
يوم والله طاب خاطري ,,, رفعنا خيمتنا وفرشناه
قال / عزوتي أبي أروح أروي ماء
والله وزينت الوجار وشبيت النار على أقبالته ,, ويجلس هاك
اللية ملازم الوجاربريق رايح ودلة جاية000
قلت بعدي ,, هذا والله الي يبيض الوجه

بالمقابل
أذكر أني لقيت ناس تالي الليل يأشرون لي على الطريق
وقفت لاهم شابين من شباب المستقبل !!!!
سلام ,, عليكم السلام
نزلت سلامات
قالوا لا والله التاير
قلت وش به؟
قلوا نسم !!
قلت بخاطري لا والله الا انتم المنسمين
قلت افتح الشنطه
ويفتحه بقرف
قلت يامل الموليه هذه الستبنه وراكم ماتغيرون المنسم !!!!
قال الراكب ناقصين وسخ
قلت وغيره !! وش المطلوب
قالوا وصلنا معاك لأقرب بنشري يجي يغيره !!!!
قلت انشاءالله
انا عندي بنشري ابي ارسله لكم بس لا تتحركون من مكانكم
لين يجيكم!!
ورحت بين ضاحك وباكي !!!!

والثانية الي أقشر منه
صار لي قصة من شباب من أهل حدى الديار!!!!!
وأنا بالشرقية ,, رايح للهاف مون
ومريت الخبر ابي لي حاجة
يوم جانن واحد من الأجواد
قال لي ظرفه هو والي معه
وسويت مثل مايسوي الناس
وروحو لأهلهم
وبعد فتره رجعو لي مسيرين
والله أستضفتهم بالمزرعة وأستانسنا
يوم جاء المسراء ,, ودعونا ومشو
وكان معي خوي لي دوسري الله يذكره بالخير
وجلسنا عند نويرتنا نــتعلل ونقصد لبعض
والله يوم راح نصف ساعة من ممشاهم
الا صوت البواري ططططططططططاط طاط طااااط
طلعت من الخيمة وأشوف صوب الصوت الا به نور سيارة يشر
الفلشر
الوكاد قلت لخوي بروح أشوف من هذا
رحت ولا ربعي الي عندي مشوين
غاطسين لهم بصبخا
سلامات يالربع
ويوق السواق من الدريشه
قال شوفت عينك
قلت الحين أجيكم

رحت جبت الحبال والمرابيع وسيارتي جيب نص
والدوسري معه جمس دفرنشين
جينا وربطنا حبالنا وهم بسارتهم جالسين
وانا مستحي توي مضيفهم
حاولنا كم مره،،،، بس ماطلعت السيارة
قلت للدوسري كود نرفعه بالعفريته ونحط المرابيع حدر التواير
قال بصرك ،،، وهم بالسيارة!!!!!!!!
برد وشلتا وحنا وسط مستنقع ماء وطين
قلت أفتح الشنطه نبي العفريته
قال لا تكفى ابوسليمان تتوسخ !!!!
أنا ولد أبوي00
الحين حنا بوسط الطين ولاهمك
وحديده خايف عليه تتوسخ
وأنتم ليه ماتنزلون
قال الكبير منهم
أخاف تتوسخ الجزمه (( الله يكرمكم ))
ويوم قفلت معي
وأنا أخذ ملي يديني من الطين
وأفتح البيبان عليهم
وأمسح الطين بوجيههم
قوموا يامل الموليه لهشوارب
الحين انا والدوسري فطيس عندكم
الوكاد نزلوا وياليتهم مانزلوا
رفعنا السيارة وحطينا المرابيع
والله والله يالربع
ان بعضهم ماخلص من لبس اكياس البلاستك برجلينه
قالي الدوسري شف وش يسون
صراحه موقف يضحك ويزعل
كلن معه كيس بلاستك يلبسه
عشان ماتتوسخ الجزمه (( أكرمك الله ))

طلع موترهم وراحو بسلامتهم

وتقولن دنيانا علينا تغيرة *** تغيرتوا انتم ماعرفتوا غيورها

وللموضع تكمله بأذن الله[/ALIGN]

وعليكم السلام والرحمة يا ابو سليمان ..

يالله أنك تحييه ..

صدقني مواقفك تضحك وتبكي يا بعدي ...

كثير من الناس تغيرت وإلا زماننا ما تغير ولا شئ بس طباعنا وتصرفاتنا هي اللي تغيرت ..

وصدق الشاعر يوم قال ..

تقولون دنيانا علينا تغيرة $$$$ تغيرتوا انتم ماعرفتوا غيورها
الأيام هي الأيام مازاد عدها $$$$ هذه لياليها وهذه أشهورها



الوالدين هم أساس التربية .. وهم الأساس اللي يبني الأبناء حياتهم عليه .. فمتى ما كانت تربية الوالدين تربية صحيحة تأكد أن الأبن سينشأ على مارباه والديه ..

ومتى ما كان العكس سيكون الناتج عكس تماماً إلا من رحم ربي ..

تحياتي لك

من اللي كات الموضوع :confused:

أبو سليمان ... ماهوب معقووووووول :bigeek::bigeek:

تصدق رحت اسوي بحث على اليوزر قلت اكيد واحد مفعل اشتراكه بنفس الاسم :D:D..

والله مشتاقين لك ولمواضيعك يا بعد حيي وميتي أنت :):)..

يالغالي والله إن كل قصة تضك الواحد لما يبتسي ( يبكي ) .. :cry:

دايم نسمع من الشيبان كلمة :(( الله يخلف )) وما اشوف شيء احسن منها في هالمواقف هذي ..:(

- انا حصلت لي سافة بعد ..

كنت على طريق القصيم قادما من الدمام .. طبعا عديت الرياض ونزلت من عند الغاط .. يجنك ذيك النفد ( كثبان رملية :D ) والوقت بعد غروب الشمس .. والوقت شتاء ..:)

وقفت عشان اسوي براير ( يعني صلاة :D ) وانا واقف اصلي .. سمعت سيارة تمشي شوي شوي ...:eek: وصوتها يقرب لي :sad:

المهم .. خلصت من الصلاة .. إلا ألتفت .. والقالي شاب لطيب في سيارة جديدة :D.. والكفر مبنشر وهو يمشي عليه ..:dead:

وقف عندي .. سلام .. عليكم السلام .. ممكن تنور علي عشان اغير الكفر .. إيه ممكن ما طلبت شيء :D ( كان فيه مباراة للهلال .. واقول في قلبي وش اللي جابه وماهوب وقته :rolleyes: ) بس قلت يا رجال ما تدري وين الخيره ( بوه :cool: ) ..

نورت عليه في السيارة .. وانزل اشوف إلا هو منزل العفريته ومفتاح العجل .. بس ما يعرف يغير الكفر :D ..
اخذت المفتاح وفكيت الصواميل :sleep: .. وشوي شوي إلا انا اللي اشتغل ( ماهيب مشكلة بس هو يمديني على المباراة :D ) المهم الله يجزاه خير نزل الكفر هو ما قصر :razz:..

واعتذر مني وقال : والله يا اخوك ما اعرف اغير الكفر :dead:

<---- بالله هالاشكال وشلون يمسكون خطوط ..:mad: ووشلون استلموا رخصة :upset:..

وبختم كلامي بقول ببيتين الشعر :

تقولون دنيانا علينا تغيرت ### تغيرتوا انتم ماعرفتوا غيورها
الأيام هي الأيام مازاد عدها ### هذه لياليها وهذه أشهورها

اي والله صادق :(.. هذا وهو قايلها قبل مية سنة .. وش يبي يقول لو يجي الحين ..:sigh::sigh:

أما الأساس .. هو بلاشك البيت أو الأسرة .. مثل ما تفضلت ..:)

وعلى طاري التربية تذكرت الأبيات هذي :

وينشأ ناشيء الفتيان منا ### على ما كان عوده أبوه

وهذا بيت عن الزمن ومن اللي تغير :

نعيب زماننا زالعيب فينا ### وما لزماننا عيب سوانا


إييييييييييييييييه الله يخلف :D..


ألف شكر لك يا ابو سليمان على هالموضوع والله لا يخلينا منك يالغالي ..

بس تصدق إن الموضوع باللغة (( الحايلية )) وشكل الشباب يبي لهم مترجم :D:D..



تحياتي لك يالغالي ،،،

الدنيا الله يكفينا شرها هي اللي تغيرت وضعاف النفوس يتغيرون معها
والا الناس الطيبه شرواك تظل متمسكه بعاداتها وتقاليدها وتواكب التطور
وتأخذ منه بما يعينها على مجاراة الواقع :)

على هبة البراد يابو سليمان هاللي جت هاليومين حمستنا للمكشات
وطلعتن معك انت والبارق مهيب شينه >> تعرفون تغيرون البنجر :D

[ALIGN=CENTER]بو سليمان مع أن الكلام حايلي:D

بس أختك بنت رجال:D

أفهمته كل ابوهوامه:D;)

يا سنايدي

والله رووووووووووعه موضوعك

بس شي يوم تآخذ الطين وتفركه بوجيههم:D

حرررررررررررررركه:D

كان مو بس أفركه أفركهم هم كلهم بالطين:D

وأنزلهم ,اخليهم هم إلي يشتغلون:D وأنا اتفرررررررج

أذكر يوم رحنا لمكه هالسنه

فيه 3 خكاريا

البنطلون لز لز فيهم:D وقصات حركات والبشره بيضااااااااا:D
وكمان لاأنسى الكبوس البناتي الذي يضفي جمال
قال لي أختي

ناااااااااااظري الخكاريا:D

ألتفتوا علينا:D

بس أشوى معنا أخوي:D

خخخخخخخخخخخخخخخخخخخ

بجد شي يبكي ويضحك

وشر اللبلية ما يضحك ;):D:cry:

هم يبيكي وهم يضحك :D:sad:

يسلمووووووووو بو سليمان لا صار بالدنيا شي

شكلهم بطوا كبدك وخلوك تكتب :D


تحيتي: كروووووووووزة;)


تقولون دنيانا علينا تغيرت ### تغيرتوا انتم ماعرفتوا غيورها
الأيام هي الأيام مازاد عدها ### هذه لياليها وهذه أشهورها[/ALIGN]

هلا ومسهلا بالجميع

اجل شلون لا وصلنا لفلذات تسبودنا بالثانوي ايام الأختبارات

الله يعطيك العافيه يا ابو سليمان على الموضوع اللذيذ :D
صح كلمه افهمها وكلمه أعديها :D
لكن الأهم إني فهمت الزبده :)

تقولون دنيانا علينا تغيرت ### تغيرتوا انتم ماعرفتوا غيورها
الأيام هي الأيام مازاد عدها ### هذه لياليها وهذه أشهورها

صح لسان من قالها :)
وبإنتظار الموضوع الثاني ,,

وعلى ورده " الكرز " تكتب حال البنات هاليومين :D

الـحـاتـمــي .......


مــر مـــن هـــنـــــا ......


ويـقـول : وسعت صدورنا بهالسوالف اللي تضحك وتصيح بنفس الوقت !!

بس ما اقول الا : يا زين من جلس معك بمجلس واحد ..

هلا
موضوع البنات مالي به شغل
له اهله

يالي تمر وتمرر مامريتن ليه يومك هناك
ياهلا بالحاتمي ومبروك انشاءالله الزواج

@ ههههههههههههههه ادور على واحد يترجم بعض الكلمات !!!!!!!!!!!! وترأي جالس اتخيل شكل اللي مردغتهم بالطين وأضحك .

@ يعطيك العافية على هالموضوع الرايق يارايق !!...!!


@ حضور مميز لثلاثي المرح .

ياااااااشيييخ روووووووووح

ربنا يوفقك ياشيخ ويوسع صدرك زي ماوسعت صدري بهالموضوع


ياقلبي يابو سليمان .. مع ان السواليف جد .. بس والله اني اقراها واضحك :D


تكفى لا تحرمنا من هالنمونة يابو سليمان .. ولا يهون ( البارتس :D :D ) هههههههههههههههه


هههههههههه

هلا ابو اسامة
هلا بعزوتي
مايحتاج ترجمة !! منين جاي يالطربه
بس منيتي نشيل لنا زقرت توهم متعينين بجويبك
ونبي نوديهم للسعيرة
أغديك عرفتهم $$$$ هههههههههههههه

هلا الإعصار
هلا بجدي
تخبر يوم اكلمك ابي اعايدك وتقول لي دقيقة ياعم
وتعطي التلفون شايبك وتقول هذا واحد قروي الظاهر يبي يعايدك
ههههههههههههههههه

^
^
^
^

هذي من مخباتك عاد ياجدوو .. لأنه ماعمري فتحت جوالي في الأعياد .. أقفله قبل العيد بثلاثة أيام وافتحه بعد اليوم الرابع بثلاثة ايام بعد ،،

بعدين ماعندي شايب في البيت :( ..
الا ان كانك تقصد ابوي .. عاد ابوي توه شباب :D لو بحلف انه فيه كم كلمة مافيه امل يعرفها

على فكرة .. ( بصراحة أحس اني قاط في موضوعك :) )

أذكر أيام الجامعة كان معنا واحد حايل وتوه طازه هو وأخوه مابعد كملوا اسبوعين في الرياض

الحاصل .. جاني ذاك اليوم ويقولي والله مافيكم خير ياهل الرياض .. قلت ليه ؟ ( وبلغة أخرى وراوووو :D ) .. قال لي انه اخوة تعرف على مجموعة من الشباب واحد منهم تكفل وعزم الشلة .. يقول خوينا عاد اخوي من بعد صلاة المغرب وهو يتلبس ويتبخر .. وخر عنه .. الرجال معزوم عند واحد من اهل الرياض :D .. يقول لي عاد .. مالت عليكم .. راح اخوي لبيت الرجال ويلقى الشباب متجمعين عنده يلعبون بلاي ستيشن :D ويقول انه اخوه تحمل .. وجلس معهم على الأقل يشوف العشاء .. مادرى الا ويركبون السيارة ويوديهم المعزب لكنتاكي هههههههه ويزعل الحايلي من هالحركة .. وياخذ لموزين ويرجع لبيتهم احتجاجاً على الوضع وقاطع شلة ( الخكارية ) على قولته