مكالمات الجوال .. قمة القلق :(
 

# عندما كان تكلفة أسعار مكالمات الجوال مرتفعة نسبياً كنت أسعد شخص بهذه الخدمة ... كان الجميع يحسب وقت المكالمة بالثانية حتى لا تزيد التكلفة .. ثوان بسيطة ثم تنتهي المكالمة التي تمثل قمة الإختصار

# كلما تم تخفيض سعر المكالمات زاد وقتها بين المشتركين .. فمن كان يقضي معك دقيقة مكالمة في الماضي أصبح الآن يتحدث لمدة خمس دقائق ، وبدلاً من استقبال مكالمتين أو ثلاث في اليوم .. أصبحنا نتلقى مكالمة ربما كل عشر دقائق .. وأصبح شغلنا الشغل .. رد على الجوال .. هات الجوال ..

# أعتقد أننا أكثر الشعوب في العالم تدقيقاً في تحية الهاتف .. كل العالم يتحدث بالسيناريو المعتاد ( 1- ألو :) ، 2-الغرض من الاتصال )
بينما سيناريو المكالمات لدينا يكون كالتالي :
الأول : ألو .. السلام عليكم

الثاني : وعليكم السلام ورحمة الله

الأول : كيف الحال .. وش الاخبار
الثاني : بخير عساك بخير .. كيفك انت

الأول : والله تمام .. كيف اموركم عساكم مرتاحين

الثاني : الحمد لله مية المية

الأول : وش جديدك ووش العلوم !

الثاني : أبداً لا جديد <=== الظاهر هالجملة تنقال في مكالمات الجوال مليون مرة في اليوم :D

الأول : أخوي ..حبيت اسألك عن الموضوع الفلاني ..........ألخ

تأملوا كيف كانت التحية طويلة ومملة رغم أن الطرفان قد يلتقيان أكثر من مرة في اليوم بل ربما كان لهما لقاء قبل هذه المكالمة بدقائق !! ، وليت الأمر يقتصر على البداية .. فالبعض له طقوس خاصة في كيفية ختام المكالمات بشكل مبالغ فيه !!

مالذي يمنع أن تكون المكالمات لدينا سريعة وتلبي الغرض وتخفف عن المتصل عليه
الأول : ألو .. السلام عليكم

الثاني : هلا فلان .. وعليكم السلام

الأول : بالنسبة للموضوع العلاني ... ( الغرض مباشرة دون تمطيط )

# بالنسبة لي شخصياً .. أكثر من أسعد برؤية اسمه على جوالي هو الغالي ( جداً جداً ) أبو منار لأنه مدرسة بحد ذاته في كيفية التحدث واللباقة والاختصار ، وهو بصراحة من النوع اللي ترد عليه من أول رنة ، وكذلك كوكتيل رغم مايحمله عادة من أخبار سيئة :cool: ههههههههه

# حينما تتصل بصديقك فيجب أن تقدر موقفه قبل مكالماته لأنك لا تعلم ماهي ظروفه وأين مكانه وقدرته على التحدث أو الإختصار ، خصوصاً في ساعات عمله !!!

# اختر الأوقات المناسبة للإتصال .. فلا يعني أن الجوال جهاز شخصي يخولك الإتصال به في أي وقت ، وأتذكر هنا أحد الأصدقاء :) اتصل بي مرة قرابة الساعة الثالثة فجراً !! من باب ( والله شفت اسمك اون لاين في المنتدى قلت نتصل نسلم ) :D

# في حالة عدم الرد على مكالمتك ( لا تصير لزقة وتدق ثانية وثالثة ) :D حتماً لدى الطرف الثاني ظروفه التي تمنعه من الإجابة !!

# ان كنت سريع في الكتابة بأزرار الجوال والمكالمة التي تنوي إجرائها قصيرة يفضل كتابتها كرسالة قصيرة SMS وهذه مدرسة يتميز فيها زميلنا أبو لما :) ، الإجتماعات والمناسبات القصيرة يمكن الدعوة لها برسالة قصيرة .

# في حالة معرفتك بأن الطرف الثاني لم يخزن رقم هاتفك من الأفضل أن تعرف بنفسك مباشرة ( الو .. السلام عليكم .. معك فلان الفلاني ) ، وابتعد عن محاولات الاستظراف :) ( ماعرفتني ... وماشابهها ) فهي لم تعد مستساغة حالياً !!

# ان كنت تعتقد بأن مكالمتك سيزيد وقتها عن ثلاث دقائق مثلاً .. من الأفضل طلب الأذن من الطرف الثاني واخباره بأن المكالمة قد تطول على الأقل من باب علمه بالشيء .

# بعض المعلومات والأخبار و ( السوالف ) قد لا تستحق الحديث عبر الجوال .. وفرها للقاءات الشخصية المباشرة .

# حاول أن تتلافى مقولة ( ماعندك هاتف ثابت قريب ) :bigeek: لأنها قد تؤدي إلى إنهيار الطرف الثاني عصبياً :upset: ( العالم ماهي فاضية للجوال عشان تفضى للثابت :eek: )

# جميع ماسبق ليس قواعد أو شروط .. بل هي وجهة نظر شخصية وبعض الأمور تستدعي نسف جميع ماسبق .



أتمنى أن لا يكون الموضوع اعتيادياً .. من الممكن أن نطرحه كسؤال عليكم ( استفتاء يعني )

ماهي الأمور التي تتضايق منها خلال مكالمات الجوال

واشوفك ماترد علي :upset:

لكن الشرهه ماهي عليك .. الشرهه على من يدق عليك :D

مشكوووووووووور يالاعصار على ها الموضوع اللي في الثمانيات من رجل ابو يعقوب :thumbup:

أول شئ بسم الله الرحمن الرحيم لأن هذه اول حروف اكتبها بها المنتدى الراااائع بأعضائه

وبالنسبة للموضوع أنا اعاني منه كثيييييييير ::sweat:

تصدق احيانا اقعد مع الشخص اكثر من عشر دقايق واذا سكر مني احاول اتذكر ليش متصل وأعجز

من كثر كلامه ،،، الله يعيننا

لكن المشكلة في المجتمع اخوي الاعصار كثير من الناس يزعلون اذا خشيت في عينه مباشرة

لازم تقدم المقدمة الروتينية ثم تخش في الموضوع عشان مايزعل ولا يقول عليك وسيع وجه

وبالنسبة للسؤال اكثر الأمور اللي تضايقني اللي يدق عليك عشان يسولف وبس بدون اي هدف


مشكوووووووور يالاعصار ومن كذا وزود :yes: :yes: :yes:

@ ول يابو حميد شكلك كنت تتنصت البارح علي أنا وثامر !!!!!!!!!!!!!!!!;););)


@ تحياتي ابو حميد وموضوع في الصميم ................. لا والمشكلة إذا استلم الواحد الفاتورة خذ ياسب في شركة الإتصالات وكأن الشركة حالفه عليه يهذر بالساعة والساعتين على التلفون !!!!!!!!!!!!!!!!!.


@ يعطيك الف عافية على هيك موضوع !!!!.

السلام عليكم بدون ألو

يأخي إذا أنت مشغول لا ترد:D

#الظاهر فيه شئ اسمه تقفيل الجوال ;)


في هذه الحاله أرسل رساله


وش دعوه ياخوي والله يانت حااااار ، وسع صدرك


مشكور أخوي ، وأنا مايقهرني مرررررره إلا إذا رن الجوااال بالمسجد وخاصة إذا كانت نغمات موسيقه ، مع العلم إنك ماتدخل مسجد إلافيه إعلان ( لو سمحت أغلق الجوال أو حطه على الصامت )
لكن ماحولك أحد ،،،،

وتقبل تحياتي

http://www.eqla3.com/pic/Hp22.gif

والله اني جالس اتذكر متى انت متصل :rolleyes:
بس انت هوين في المكالمات يابوعبدالرحمن


ماشاء الله عليك والله ماعندك وقت :) .. أول مشاركة لك في المنتدى !!:bigeek:

عموما تساؤلك هو اللي موصلنا لوضعنا الحالي .. كثير من الناس يزعلون ..
تبي الجد .. حنا ماضيعنا الا هاللي يزعلون :upset:




هههههههههه عشان تعرفون بس كيف الادارة تتابع المشرفين وتحركاتهم .. تحياتي لك



والله ودي .. بس ظروف عملي تتطلب مني إبقاء الجوال مفتوحاً للضرورات القصوى .. أحداها عودتي للدوام قبل الساعة الرابعة فجراً :( :cry:<=== ذكرتني الله يهديك وجتني الصيحة
يالمداوي خربت علي الموضوع كله خلاص :sad: :dead:

حار !! ... لاه .. اجل توك ماشفت شي .. لما تدخل المنتدى وتسجل دخول ولا يقبلك بتعرف تقول هالكلمة مضبوط :D

تحياتي لك المداوي

[ALIGN=CENTER]قمة القلق لما تشتغل على النت ويدق الجوال :D

يا كررررررررررهي للحركه ذي

:D:D:D

يسلموووووووو بو حميد [/ALIGN]

[ALIGN=CENTER]
http://www.wtv-zone.com/BannerzRus/3/fll/fl40.gif

حيا الله الإعصار ...
عسى بس ماازعجناك ياطويل العمر ... عاد العذر والسموحه تعرف لازم التصبيخ بالصحون وغسل المواعين :D

نجيء للموضوع :)

كانك داري يالاعصار اننا نجلس بالساعات :D

بصراحه احنا ماعندنا مقدمات مثلكم على طوول .. الو شفتي العضو كذا وش سوى وش رد ... وعاد اذا كانت اللي متصله علي الهلاليه ... تشوف تمر ساعتين ماحسينا بالوقت .. وإذا سكرنا مااسرع ماتدق او انا ادق :D

وإذا كانت المكالمه مع وحده برا النت تشوفنا نسال عن الاخبار اكثر من مره :D

إقتباس:

# بالنسبة لي شخصياً .. أكثر من أسعد برؤية اسمه على جوالي هو الغالي ( جداً جداً ) أبو منار لأنه مدرسة بحد ذاته في كيفية التحدث واللباقة والاختصار ، وهو بصراحة من النوع اللي ترد عليه من أول رنة ، وكذلك كوكتيل رغم مايحمله عادة من أخبار سيئة ههههههههه

يـــســـتــــأهل ابو منار وكوكتيل :)

إقتباس:

# حينما تتصل بصديقك فيجب أن تقدر موقفه قبل مكالماته لأنك لا تعلم ماهي ظروفه وأين مكانه وقدرته على التحدث أو الإختصار ، خصوصاً في ساعات عمله !!!

اصلا لازم تسال وتقول .. انتي مشغولة وإلا فاضيه .. وإذا كانت مشغولة عاد نتكلم في وقت ثاني ;)

إقتباس:

# اختر الأوقات المناسبة للإتصال .. فلا يعني أن الجوال جهاز شخصي يخولك الإتصال به في أي وقت ، وأتذكر هنا أحد الأصدقاء اتصل بي مرة قرابة الساعة الثالثة فجراً !! من باب ( والله شفت اسمك اون لاين في المنتدى قلت نتصل نسلم )

خيررررررررر ....

إقتباس:

# في حالة عدم الرد على مكالمتك ( لا تصير لزقة وتدق ثانية وثالثة ) حتماً لدى الطرف الثاني ظروفه التي تمنعه من الإجابة !!

صـــــح

إقتباس:

في حالة معرفتك بأن الطرف الثاني لم يخزن رقم هاتفك من الأفضل أن تعرف بنفسك مباشرة ( الو .. السلام عليكم .. معك فلان الفلاني ) ، وابتعد عن محاولات الاستظراف ( ماعرفتني ... وماشابهها ) فهي لم تعد مستساغة حالياً !!

يووه صعبة اعترف لها بسررعه .... عسى ماهبل فيها واجننها .. وارسل لها مسجات .. وعاد بيكون حظها حلووو إذا كنت مجتمعه مع بنات خالي :D

إقتباس:

# ان كنت تعتقد بأن مكالمتك سيزيد وقتها عن ثلاث دقائق مثلاً .. من الأفضل طلب الأذن من الطرف الثاني واخباره بأن المكالمة قد تطول على الأقل من باب علمه بالشيء .

ثلاث دقائق بس ...... قل ربع ساعه نصف ساعه يمكن :D

إقتباس:

# بعض المعلومات والأخبار و ( السوالف ) قد لا تستحق الحديث عبر الجوال .. وفرها للقاءات الشخصية المباشرة .

طيب إذا كانت في منطقه وانا في منطقه .. مثل حالتي انا وكاديوووه ... وصعبة تجيء

ماهو الحل ؟؟؟؟

إقتباس:

# جميع ماسبق ليس قواعد أو شروط .. بل هي وجهة نظر شخصية وبعض الأمور تستدعي نسف جميع ماسبق .

فعلاً ماهي قواعد ولا شروط .... فقط وجهة نظر :D

إقتباس:

ماهي الأمور التي تتضايق منها خلال مكالمات الجوال

1- إذا كنت نايمه واحد اتصل علي :cry::cry:

2- اللي يبون يشترون الرقم ==>> كثرة هالطريقه :upset::upset:

يسلموووووو خيوو الإعصار على هيك موضوع ... ويامال العافيه يالغلا :)

http://www.wtv-zone.com/BannerzRus/3/fll/fl40.gif
[/ALIGN]

[ALIGN=CENTER]هلا بالأعصار

@ أقول على طاري الجوال وش رايك أعطيك أرقام لعابين مدري وش قصتهم هاليوميين؟؟؟؟؟؟

تقولى من هم

@ وش رايك بعد تقولى طريقه نخفف فيها مكالمات أنا و فرفوره ( الله يعين اللى يسدد فاتورتي )

@ وش رايك بمطبخنا زين؟؟؟؟؟؟؟؟

تحياتى لك [/ALIGN]

رائع الموضوع مثل اللي كتبه..
من جد اهي مشكلة يعني اذا دقت علي بنت وسولف معي 5 دقايق اذا ما ارد عليها بكالمة مثلها واكثر يالله تعال اسمع انواع الحش فيني..

مشكور اخوي وربي لا يبلينا..

هلا بولد الإعصار ..

كلامك لا غبار عليه .. وخصوصا لما يمغط فيك بالمكالمات فتستحي تقول له انا مشغول أو مع السلامة ...

- أكثر شي يرفع الضغط لما تلقى في جوالك 20 مسيد كول على اتصال قبل يوم او يومين اتصلت فيه ولا رد واخرتها تتصل عليه تقول الله يستر موضوع خطير ويفاجأك ببرود بس انا حصلت منك اتصال قبل يومين :confused:

- وفيه نقطة بعد وهو ان يكون الإتصال من أجل هدف معين مو بس سلام أو كلام مكرر والا سواليف وعلى قولة ولد الاعصار خل السواليف للقاءات.

تعليقات:

يمكن تقول اكثر شعب فاضين :) ما عندهم لا شغل ولا مشغلة ..

صدقت والله !

تكثر على حسب جنس مستقبل المكالمة :)


موضوع راائع مع انك مزعجنا بالإتكيت من مصاعد واتصالات .. وتاليتها ما عندك الا الدجة ...

كوكتيل

الحين عرفت وش اللي في بالك و ودك تقوله لي من زمان ..

الـحـاتـمــي .......


مــر مــن هــنـــا ........


ويـقـول : أكثر شئ يضايق عند مكالمات الجوال ... اذا قال اللي انت متصل عليه :

عطني فلان كان هو حولك أبسلم عليه !!

[ALIGN=CENTER]:confused::confused::no::confused::confused:[/ALIGN]

هلا بالإعصار باشا ..

الجوال وما أدراك مالجوال ..

بس عندي مشكلة يالغالي وشلون أرد وأنا مقاطع الجوال ؟؟ يعني مهنا علم به إلا قبل سنتين والحين الوضع تغير .. يعني مالي إلا أعلق بعض التعليقات ..



الفضاوة اللهم يا كافي .. تسوي بلاوي وانا أخوك ..
ربعنا تضيع كل الفاتورة على سلام وعليكم وأخبار وما أخبار ووش سويت ووش ما سويت وآخرتها زعل من الإتصالات صحيح أن الإتصالات بهم حقهم بس برظوه ربعنا ما يقصرون ..

بعضهم يقول ما رد إلا وهو فاضي وما عنده شغله .. وإلا يبي يمن علينا بوقته << النمونه هذي هي اللي دمرت الشعب :( ..

طيب كان الرجال ما ودك تشوفه مثل صبي الجوف ؟؟
وش تسوي خلها على تلفون أبرك بس وإلا لا ؟ :D :D

تحياتي لك ,.,
وياليت كل يوم يصير هواش عشان نشوف موضوع لك :smilewink

مرحبا بالإعصار .. بين كنفات المجلس العام :D..

وش هالموضوع .. بس شكله جاي بعد معاناة حقيقية :D..

## من ناحية كثر الكلام في الجوال فمثل ما قال الشباب .. عشاننا أكثر شعب فاضي :D هذا اولا .. ثانيا .. عشاننا عرب :( وهذي الحقيقة ..!!

نحب كثر الكلام في كل شيء ..:rolleyes:

## من ناحية التخفيض .. هذا والله اللي هبل بالعالم :( يعني فيه ناس كثار بعد التخفيض فاتورتهم أغلى :bigeek:..

والشيء الثاني ( رخص رسوم التأسيس ) يعني حنا أول كان الواحد يشوفنا يقول وش هالشيوخ :cool:.. الحين كل من هب ودب صار معه جوال .. حتى الشغالات معهم جوالات ..:upset: لا ويحطون نغمات موسيقية بعد ..:D:D

## نجي لأكثر شيء يضايقنا من المكالمات ..:)
كثرة المكالمات أو نقول ( بثارتها ) يعني يجيك يتصل عليك عشر مرات ورى بعض .. وانت ما رديت في الأولى :(:(..
طيب ترى حتى مكالمة وحدة يوصل الرقم له ..:D
وإن كان ما وده يرد لو تتصل عشرين مره ماهوب راد :D

الشيء الثاني انك تتصل على واحد ولا يرد ويعطيه ( مسيد كول ) ويطنشك :D..

وأكيد بعد اللي انت قلت .. طول المكالمة ( اللي مالها سنع ) :(:(..


على العموم موضوع رهيب بالمرة :D..

والله يا انت مصرقع بعد <--- وش دخلها ذي :blueroll:


ألف شكر لك إعصار باشا .. وعسى المنعنش أعجبك :sleep:..


تحياتي لك ،،،

هلا أخوي الإعصار ..

فعلا مكالمات الجوال صارت حاليا قمة في القلق والإزعاج ..

بعضهم يتصل عليك عشرين مرة ورى بعض لايكل ولا يمل وكأنه ماعنده شغلة إلا أنت .... ولو ترد عليه تدري أنه ماعنده سالفة ....؟؟؟

وبعض الناس على رائحة الأكل من يوم تتعشى والا تتغدى الا هو يدق عليك :D

وبعض الناس يدق عليك ويقرق عليك سوالف ربع ساعة وأنت تشوفه في اليوم أكثر مما تشوف فيه نفسك وأهلك ;)

على كل حال فلكل شيء إيجابيات وسلبيات
ومن سلبيات الجوال أنه صار مع كل من هب ودب وأن << من هب ودب يبلشونك باتصالات مال أمها داعي
أما إيجابياته فهي كثيرة ولست بصددها ....!


ولانقدر نقول الا الله يعيينا على الجوال وبلاويه ويصبرنا
تحياتي ,,

أثرك طلعت جلده ياولد الاعصار :D
هذا وش نسميه ثقل والا بخل :cool:

شكلك من يوم طلعت الجوال وانت اللي تسدد فواتيره :D وبرمجت نفسك على كذا
لان فيه ناس تقرق واجد كثير ولا عمره شاف فاتوره :mad:

الله يخلي لنا الاتصالات << جايه جوال مجاني لمت 500 ريال :rolleyes:
صرنا نرسل من المجاني ونستقبل من الخاص :D

وجميع النقاط اللي ذكرتها متوفره لدى الشعوب العربيه وخاصتآ النساء

اذا اتصل شخص وقت الصلاة وكنا بديره وحده ( ما صلـّـى ) :mad:
اذا اتصل عليك زميل الصبح وقال لك جى المدير :D والا وقع عنـّـي :D
المشكله اني دايم اسويها بس يسوونها فيني معصي :D
اذا جتني رساله وعه :mad:

ما اطول عليكم نعطي فرصه لعضو آخـــــــــــــر :)
تحياتي لك ;)

علشان كذا ما أرد عليك :D

أختصر وأبشر :)

أتـفـقـنـا؟ :)

كلامك صحيح الاعصار
تصدق واحد غاثني اربعين اتصال ولا ارد
وماهو راضي يفهم
اخيرا قررت اطلع جوال ثان استخدمه وقت العمل لانفك من كثرة الاتصال وارتاح
ولكن وش رايك بهالموقف
اسمع
طلعت مع خالي وهو كبير في السن
وجلسنا في مكان يقال له الشارة على طريق المدينة لتناول العشاء
وواحد من الشباب هلكني اتصال
يمكن اكثر من عشرين اتصال
وانا احطه صامت صامت
والخال ليه ما ترد عليه؟
وانا اتعذر
بعد كم يوم اتصل خالي يبيني ضروري
والجوال ناسيه بالموتر
ويوم رجعت لقيت اتصال واحد فقط من الخال
اتصل واتصل ما يرد علي
ههههههههههههه
الاخ طلع زعلان كان يتوقع ان ي مارديت متعمد هههههههههه

الكرز : هي تفرق يعني .. سواء على النت ولا برا النت .. قمة القلق وبسسس


الفيروسة الزرقاء : بالتأكيد ان كان الطرف الثاني خارج المدينة التي تقيمين فيها .. سيكون له وضع خاص مختلف عن جميع المقاييس .. :)

الهلالية وللأبد : المطبخ مضبوط مية المية مع اننا ماذقنا شي :D احسن طريقة لتخفيف المكالمات .. تقفيل الجوال :)


redheart : جديدة حركة الرد ذي .. على نمونة ان سيرنا عليكم اليوم .. دوركم بكرة تسيرون :D


كوكتيل : هلااااااا صديقي :D

اضافة ممتازة .. مستر كوكو .. مواضيع الاتكيت في المصاعد جايتك لا تستعجل :D

بس حركة تدري ليه .. ماعلقت على كلمة الأخبار السيئة ههههههههه كأنك معترف فيها :D


abu_riman : الحين عرفت وش اللي في بالك و ودك تقوله لي من زمان ..

والله يابو ريمان اني مافهمت قصدك من هالرد .. ياليت توضح


الحاتمي : يخوي عطه من قاصرها .. وقل له لا .. مهوب حولي :D:D



---------

للردود بقية

الحمد لله انا مريح رأسي :) ما عندي لا جوال و لا ما يحزنون:D

تحياتي للجميع :)

[ALIGN=CENTER]
اعصـار ..

عن نفسي صعبه اقول لأي شخص ..

السلام عليكم ..

ترا بمـرك الحين أو شف موضوعي ثـبته :D ..

لابد من تمهيد بسـيط على الاقل ..

فمابعد صرنا امريكـان :D ..

وثاني مره حط تصفح خـفي ولعد تجيك اتصالات الفجريه :D[/ALIGN]

[ALIGN=CENTER]اشوى منيب اعرفك:D

ياهلا اعصار باشا
بالنسبة لي جوالي نادر تلقاه على نغمه حاطه على الصامت هزاز ومريح بالي:D
واذا اتصلت على احد اول سؤال لي انت مشغول والا فاضي لو المكالمة ماتاخذ اكثر من دقيقة:D
واذا انتهينا عسى ما ازعجتك لو ربع ثانية وكذا ترتاح من الحش الاعصاري:D

بس الحركة اللي تقهر طالعين فيها مبزرة<<قاهرينه
اذا جاء يخلص من المكالمة يقول قد سمعت صوت القطار:D...وبعدها تسمع طوط طوط:D

وسلمت على الموزوع..اللي هيك :thumbup:[/ALIGN]

هلا بالاعصار
شف هاللى راد ماعليك منه ترا ماعنده سالفه :D
شف انا مايرفع ضفطى الا اللى يدق دقه ويسكر يعنى اتصل على :upset: ابد مهوب يقصد البارق هو وجواله سوا:D

اهم شي لا تدق علي وانا نايم والا في محاظرة سلم :D

عودة


صدى الأمس : ياخي المفروض ماتعلم احد .. ماشاء الله تبارك الله :) .. ياخي والله غرت منك ..
اذا كان الرجال ماتقدر تشوفه مثل صبي الجوف :) ياخي هذا يستاهل .. ابوعبدالرحمن حالة خاصة تتحطم أمامها جميع الشروط والعوائق .. بس خله أول يرد على مكالماتي <<<<< :D


البارتز :D:D : ياخي انت احسن واحد في العالم .. تصدق الظاهر ماقد سمعت صوتك على الجوال .. مالاحظت :) ؟
اضافة ممتازة للموضوع .. ونعناعكم ماذقناه .. مستوى الخدمة عندكم زيروووو :)

الفلسفة الكروية : مداخلة رائعة .. تدري احسن شي في الجوال .. انك تقفله وتريح بالك ولا تفتحه إلا اذا احتجت بسسسسسسسس .

سهل 888 : هلا ابو الثمانيات .. يحق لك تنبسط مدام السالفة فيها جوال مجاني .. اجاباتك على السؤال .. في الصميم :)

مخاوي البطولات : الله .. جرى ايه ياواد يامخاوي .. مألتش لا ترد دنا بشجع الاختصار وبسسس

المسلم : هههههههههه زين سوا خالك .. ههههههههههه

الفيصل : هلا بملك الملتميديا في الشبكة .. توني اقول لصدى الدجة اللي ماعنده جوال لا يعلم .. ولا ترى بنصكه بعين :D

كايدهم : اوكي القضية ماهي قضية سلام وبس .. الشاهد هو اختصار التحية قدر الإمكان .. دقق لما تكلم بالجوال وشف كيف التحية التقليدية تاخذ الوقت الأطول من وقت المكالمة .. التصفح الخفي له أوقاته :D

صمت العيون : لا انت مضبوط .. المفروض تطلع كتاب في اتكيت الجوال ههههههه :D

ابو الذهب : اهل دقة ثم يسكر معروفين وانا اخوك

هلالي فخور : متى تنام .. عشان أدق عليك :D

صدقت والله :) ...

أنا يجيني إنهيار عصبي لما أي شخص يقول هالكلام :upset: ...

والشي الثاني :) ...

اكره ما عندي لما أشتغـل على النت ويجي واحد ويكلمني على الجوال ويسولف ويطول بعد :upset: ...

ومثل ما قلت سواء على النت ولا برى النت :) ...

والله فيه أشياء كثيرة في بالي بس الجوال قلق × قلق :) ...

تحياتي لك ،،،

موضوع شيييييييييي


يسلمووووووو ابومحمد


شكل هالموضوع موجه لي خخخخخخخخخخ


بس وش تسوي .. لزقه اصلي مافيه فكه


يعطيك العافيه