قبل مده ليست بالقصيره, كنت قبل ما احضر مباراة للهلال, احاول افكر في طرق علشان ينهزم الهلال, واعجز!!
كان الهلال في اغلب المباريات الداخليه ضاغط, وماسك زمام المباراة(الله يذكرك بالخير يا زمام المباراة.... لنا فتره طويله ما مسكناك), وكانت هزائم الهلال عباره عن بطولات للفرق الثانيه, موب علشان الهلال فريق قوي وما يهزم بسهوله, علشان الهلال كان دايم افضل..
ما فيه فريق ما ينهزم, ولا فيه فريق ما يصاب بالإحباط, بس ما فيه الا فريق واحد ينهزم ويصاب بالإحباط, والجميع واقف يتفرج...

انا سبق وقلت ان الهلال ذاتي الشفاء, تخيلوا قبل مده كان لا انهزم الهلال في مباراة, معناها الله يعين الفريق الي قدامه المباراة الثانيه, وكان نادر جدا ينهزم الهلال في مباراتين متتاليتين, اما الحين بديت اغير قناعاتي!!

يا جماعه, انا كنت اقول ان التصفيات الأسيويه لها ايجابيات, ومن ايجابيتها النخبه وكاس ولي العهد, الحين انا اقول ما نبي فضايح, ترى الهزيمه بهدف زينه..

يا جماعه هو انا بلحالي الي فاقد الهلال؟؟
يا جماعه وين المتعه بلعب الهلال؟؟
يا جماعه الناس كانوا يهابون الهلال... وين راحت هيبته؟؟
يا جماعه فريق فيه الدعيع, والثنيان, وسامي, والتمياط, والشلهوب, وسليمان, والدوخي.. ويلعب كذا؟؟
يا ناس حرام عليكم... تاريخ الهلال.. تلطخ..وشرف الهلال...انهان
مباراة الرائد ما هي الا الظواهر التي تسبق الزلزال, والهلاليون فقط من يحدد موقع الزلزال.

@@
* يقول جائزة فريق القرن لازم تروح لفريق اللعب النظيف.. الصراحه وسيع وجهه.
* يا من تطالبون بشطب الجمعان.. ما سألتوا انفسكم ليش فعل ما فعل؟؟.
* اكثر ما اخافه, هو غياب الشلهوب بغياب الهلال, ويعود الهلال, ولا يعود الشلهوب.
* عبدالله سليمان... الأن والأن فقط ترد على الجميع.
* يا جماعه الدعيع ثروه... ولازم نحافظ عليها.
* يعجبني سياسة الصمت من ادارة الهلال, ويا ليت اعضاء الشرف يتبعون نفس السياسة.

وشكرا

صحيح انااوافقك كل اللي قلته لكن الله يرجع لنا هلالنا اللي نعرفه

عزيزي ياسر يعطيك العافيه

عزيزي يوسف الرشود..

شكرا على المشاركه

________________________
عزيزي واهلالاه..

الله يعافيك..

وشكرا للجميع

والله يا اخو ياسر كتبت نفس الموضوع بس الإداره المثاليه في المنتدي

قصته بمقص الرقيب هذا حالنا ذبحتنا الثاليه

من بعد ما دخل علينا الاحتراف واحنا فاقدين المتعه صاروا يهتمون بجلب لاعب مشهور وينسون الاهتمام اللاعبين اللي عندنا وينسون ان المدرب الجيد هو اساس كل شي .

لعمري يا ياسر و لله درك لقد اصبت كبد الحقيقة أخ على مستوى الهلال يا ياسر بس وش نقول الشكوى لله هذا اللي نقدر نقولة

يا اخ ياسر والله ان كلامك صحيح بس لاتنسى من كان السبب وهم من رحلو المدرب الرائع بلاتشي الذي حقق مع الهلال 3 بطولات من اصل 4 بطولات ولاكن هناك ناس لاتقدر جهود المدربين الرائعين ---------- ارجومن الاخوان ان لا احد يزعل مني لانني اتحسر واتالم كلما تذكرت هروب المدرب بلاتشي - - - - - - - - -- -- ولكم مني اجمل تحيه وتقدير

عزيزي الجهني..

تأكد ان ادارة الموقع يهمها بالمقام الأول راحة الأعضاء, وهذا المنتدى منك واليك, وما دام فيه توارد خواطر بين انا وياك, فهذي هي الساعة المباركه.

وشكرا على المشاركه

_____________________________
عزيزي عاشق النمر..

ما اعتقد ان الإختراف هو السبب, ولكن قد يكون سبب من الأسباب..

وشكرا على المشاركه

_____________________________
عزيزي عواكيس..

شكرا والشكوى لله..

_____________________________
عزيزي خالد الخالدي..

المشكله ليست في ترحيل المدرب, ولكن المشكله في جلب البديل, وكلنا نتألم على زمن بلاتشي, ولكن ليس الهلال الذي يعتمد على مدرب واحد ولا غيره, ولنأخذ من الأتحاد وديميتري عبره.

وشكرا على المشاركه