هذا الصيف وعن طريق أحد المكاتب السياحيه تحصل الجناح بـ2700 ريال ليله واحده فقط .
شامله خدمات للغرف 24 ساعه من مربيه للأطفال وخادم يخدمك على مدار 24 ساعه
باب الغرف يفتح بواسطه الريموت كنترول
جميع الاجنحه تكون بنظام الدورين .
يوجد جاكوزي في الدور العلوي
أنس شي أسمه رسبشن
يعني مافيه تدق على رقم صفر وتقول أبي وأبي
كل شي تبيه تضغط الريموت كنترول سواء تفتح الباب او تشغل التلفزيون او تطلب الخادمه أو الخادم
وأيضا تدخل المدينه المائيه الي تبعد عن البرج بـ 100 متر فقط مجانا ومعه منشفه بعد مجانا
وأذا كنت مو من سكان البرج تدفع رسوم للدخول للمدينه المائيه حوالي 150 ريال للشخص الواحد والمنشفه سعره 15 ريال
.
الواحد أذا راح ياخذ يوم واحد بــــس لأنك لو دفعت كل يوم 2700 ريال ترجع على رجولك للرياض
الواحد ياخذه يوم واحد عن قوله ماشفت برج العرب
لو حسبت يوم كامل تتمشي فيه في دبي سواء بسوق ومدينه ترفيهيه للأطفال راح تكلفك بحدود 1500 ريال الى 2000 ريال والبرج تدخله بـ 2700 ريال . وأذا دخلت للبرج راح تحصل كل الي تبغاه من فرجه وجلسه على البحر ومدينه مائيه للكبار والصغار وكل هذا مجانا
يعني يوم مستحيل أنك تنساه
يالله يارب أنك ترزقنا بيت بجنب برج العرب
مع تحــياتي .