بصراحه خبر مفرح لان المشعل افضل مهاجم في المملكه واذا اجتمع سامي والمشعل مانحتاج لاعب عالمي مهاجم لا هذا الثنائي لوتفاهم لكفى مصاريف اللاعب العالمي
نحتاج الى صانع لعب على مستوى عالى فقط
اما احسين عبد الغني فهو افضل ظهير ايسر في المملكه وفي اسيا لولعب باعصاب هادئه
شكرا لكy2k على هذا الخبر

ما له داعي عندنا ثنائي ذهبي
في الجهه اليسرى(النزهان ولطف)
وثنائي في الهجوم(الكاتو والجمعان)
يعني ماله داعي
عرفتووووووووووووو

الاخ العزيز y2k .

الحقيقه انا ماراح اتكلم عن المشعل او عبدالغني لان هناك من هو افضل من

عبدالغني من المحترفين وفي دول عربيه كا محمد عماره من مصر وكذلك

الظهير الايسر لفريق الزمالك والله ناسي اسمه الان وبدون اي منه من الاهلي وغيره

اما ماشدني في تعقيباتك هو انك مئمل كثير ان الوليد راح يجيب لاعب عالمي

وفي الحقيقه اقولك لاتحلم خاصه بعد تصريح ابنه الي يستفز كل هلالي

وياليته سكت ولا جاوب في جريده الرياضي فا اقول يا خالد بن الوليد ترى نادينا

غالي علينا كجمهور ولو تترك الاداره لنا فرصه بالدعم والله ماراح احد يترك

النادي لو بالقليل والنادي ماراح يوقف على دعمك لان فيه من هم مكفين النادي

واتمنى ثم اتمنى من اداره النادي بان تترك اللاعب العالمي علينا وانا على ثقه

بان الجمهور سينهي هذه المشكله وسيوفر المبلغ بكل ارتياح وشكرا .

طلال معقول يعني بنصير نستفيد من الركنيات على الاقل ونستفيد من طوله
لاكن عبدالغني اعتقد اذا جاء بنصير نلعب اغلب وقت المباراة بعشرة لاعبين
( ولايهون لسانه النظيف )

الله يبشرك بالخير يا y2k وإن شاء الله يتحقق ذلك وياليتها تكون انتقال مو بس إعاره خاصة حسين عبد الغني لأن موقعه مو بالسهوله إيجاد لاعب لسده والدليل إنه إلى الأن لايوجد لاعب متمكن في هذا المركز في الهلال, وحسين يتميز بأنه مقاتل ويلعب بحماس بغض النظر عن النتيجه وبالنسبه للنرفزه قرصتين مع إذنه ويعقل.

ماقصرتY2K
بس مع اعتذاري طموحنا اكبرمن طلال المشعل نبغالاعب عالمي(جورج وياه,سوكر,شفشنكو(مافيه امل),روماريو)ترا بتلعب مع غلطه سراي,بالميراس.....
بالنسبه لحسين فهو مكسب لايضر الاعب مشاكله(حاجي,مارادونا,كانتونتا)واهم اكثر لعيبه يسببون مشاكل؟؟؟؟؟؟؟؟؟؟؟؟؟؟؟؟ويكفي حسين انهم ظموه مع منتخب العالم.....

يا اخوان انا والله بصراحه ماعمري اقتنعت بطلال المشعل ويذكرني ببدايات ابراهيم السويد طلال المشعل صاحب حض كبير حتى الكور احيانا تصدم فيه وتخش هدف بس
ولا عمره مرن لاحد من زملاه
لاعب اناني وعبيد افضل منه بكثير
يعني العالم كله مافيه لاعب يقدر يضمه الهلالي لصفوفه.... عجيبه

انا ومن اعتقادي الشخصي ان الهلال لا يحتاج لا طلال و لا حسين الاول مستواه هابط والثاني ينرفز ويعصب وبصراحة ما ينفعوا للهلال يجب على الهلال ان يبحث عن لاعب اجنبي يملا جهة الظهير الايسر فقط وهذا الافضل

تخيل الهلال يلعب بأضهره هم الدوخي وحسين عبد الغني .بالله سكر عيونك وتخيلهم يلعبون مع بعض. اما طلال المشعل فصدقوني ما صار لعبيد بيصير له

* ابو مصعب { والله مااستبعدها}
* شفاف{ هذه أمنية جميع الهلاليين}
*الكف الأزرق { كلامي صحيح ، ولكن اتمنى ان تسير الأمور على مايرام}
*جابر العثرات { انتظر بعد ثمانية أيام}
*ريمانه { لاشكر على واجب ، والله يوفقالجميع ويحفظهم ويجمعنا في الأفراح الهلالية}
*bandr9 { كلامك حلو، بس يعرفون كيف يتعاملون معه باألوب حضاري ويفيدنا}
*المستلكع{ حياك الله ، والمهم يشاركوننا في البطولة بأي نظام وتحت اي بند المهم يلعبون معنا يلعبون معنا يلعبون معنا.............}
*بدر الرياض{ لازم يكون لدينا طموح وأن فكرت بالأول او الثاني تحصل على الخامس او السادس واللي يطالع لأسفل يوقع ( هذه اجمل شيء تعلمناها من الجامعة) والا نسيت البحرين كيف اخرجوا الكويتين}
*خالد الخالدي { مشكور وماقصرت يابو وليد رد مهذب من انسان مؤدب يدل على اخلاقك الرفيعة ومعدنك الأصيل ، وان شاء الله تتحقق امانينا}
*مجنون الهلال الدولي { فعلاً رائع بكل ماتعنيه هذه الكلمة}
* العمري علي { هذا عشمي فيك دوماً ، اما بالنسبة لحسين عبدالغني فهو نجم وعيبه الوحيد النرفزة الا اذا تعامل معه الهلاليون معاملة الكبار (ولو تلاحظ حسين في المنتخب يختلف عن حسين في الأهلي والسبب ؟) ووليد نجم اتمنى ان ينتقل للهلال}
* دمي ازرق { ويعافيك حبيبي، وان شاء الله يشرفنا الهلال كعادته دائماً }
*زعيم الأبداع { مشكور ، وكلامك واقعي جداً}
*allord { انت متأكد من كلامك؟}
* هلالي واقعي { بالنسبة للأمير الوليد فهو دائماً يدعم الأندية ، فما بالك بفريقه وهو يشارك في بطولة عالمية ، اما جماهير الهلال وانت وانا اثنان منهم مانقصر ولو احتاجوا لنا فنحن رهن اشارتهم وجماهيرالهلال هم سر بطولاته}
*عاشق النمر { معليش بنظبط حسين قبل البطولة بكلنتين حلوتين}
*daflyguy { ان شاء الله يلعبون وبعدها لكل حادثه حديث ، ( حلوة قرصتين في اذنه)}
*يوسف الحرقان{ الجود من الموجود ( طلال + حسين+لاعبين عالميين+توليو+كوكبة نجوم الهلال +روح هلالية اعتقد فريق عالمي)}
*enad{ ياليت يلعب طلال مع الهلال ويساعده الحظ في هذه البطولة ( ومن وجهة نظري بأن طلال المشغل نجم غير عادي)}
* اسرار السعودية {وجهة نظرك على عيني ورأسي ولكن مابقي وقت ( من اليوم فقط 130 يوم على مباراة غلطة سراي التركي ) والاختلاف لايفسد للود قضيه.
*kartasha { الدوخي وحسين أفضل ظهيرين حاليين والمستقبل امامهم كبير}
&&&&&&&&&&&&&&&&&&&&&&&&&&&&&&&&&&&&&&&&
مع احترامي وتقديري لمن لم يعجبه ردي له وليعلم بأن مكانته في قلبي أكبر ، ولكن لضيق الوقت ولكثرة الردود استعجلة بهذه الردود والتي لاتعبر عن ما بداخلي ، ولكم خالص حبي وتقديري.

اخوي الغالي (y2k),,

ياهلا والله فيك وفي اخبارك ياغالي , واخبارك دائما موثوقه (ماشاءالله عليك ) ,,,

بالنسبه (لحسين) فانا من ضمن المؤيدين للتعاقد معه لان مستواه في تصاعد من ناحيه , ولعدم وجود الوقت الكافي للبحث عن ظهير ايسر مناسب لكاس العالم ,,

اما (طلال المشعل) فلا اعتقد انه سيفيد الهلال في كاس العالم , لاننا نحتاج الى لاعب عالمي وصاحب خبره ومعرفه باالملاعب الاوربيه ومهاجم متمكن الى جوار (سامي الجابر) ,,,

وتقبل خالص تحياتي لك ياغالي ,,,

مشرفنا الغالي @@@ الأسطورة

انت من القلائل الذين اتفقوا معي في جلب حسين عبدالغني للهلال في هذه البطولة العالمية ( مع احترامي لبقية الأعضاء) ولكنني ارى بأننا في حاجه ماسة لحسين ، وطلال سيفيدنا في ظل غرور معظم لاعبي الهلالي وتعاليهم على الكره والله يستر .
############## أقول لك حاجة يا .... ###########

حتى في ردك أسطورة ياأسطورة ويامشرف ويامهندس وياقمر المنتدى.

حبيبى y2k :
بغض النظر عن المستوى فحسينوه له مواقف مشينة ضد الهلال كطرد الدوخى فى كاس
المؤسس وبعد هدفه الاستروبيا فى جدة واكثر من حركة بائخة شاهدتها بنفسى فى الملاعب !!!ولذلك اعترض عليه كنموذج فريد فى كره الهلال ولايستحق الدفاع عن
شعار الهلال !!!وياا نا ياهو فى اسبانيا !!!!

جوج وياه لا و الف لا.................
اعالره لالالالالالالالالالالالالالالالا.....................
شراء عقد نعم لطلال لا لحسين تايسون

[ملاحظة]بإقتباس من رسالة : ابو مصعب
الاخ الغالي y2k ارجو تصحيح معلوماتي ولكن حسب علمي ان نظام الاحتراف عندنا لا يسمح بالاعاره



واذا كان يسمح ومعلوماتي غلط فاعتقد انه مانحتاج لهم مهاجم عالمي وظهير افريقي ............. ومدرب كفء ونجوم الزعيم ومنة الله ولا خلقه ...




تحياتي ... [/QUOTE]