#1  
قديم 17/03/2001, 02:40 AM
الصورة الرمزية الخاصة بـ كوكتيل
عضو ادارة الموقع الرسمي لنادي الهلال
تاريخ التسجيل: 12/08/2000
المكان: الرياض
مشاركات: 899
تعلن شبكة الزعيم عن أسفها عن توقف الشبكة بعد ان دام إنقطاعها لحوالي 8 ساعات وذلك بسبب انفصال الروتنق عن بعض الشركات التي تقدم خدمة إستضافة المواقع مما دعى إلى ظهر رسالة TCP error وكان السيرفر الخاص بالزعيم والذي تم إستإجاره من شركة InterServer.com وقد تضررت شبكة الزعيم بسبب تلك المشكلة ولهذا إستعانت الشركاء بخبراء من شركة سيكوكو لإصلاح خلل إنفصال الروتنق عن الشركة وتم إصلاحها ...

وعادت المياه لمجاريها .. ومعليش على اللي صار إمسحوها بوجه خبراء شركة سيكوكو (خابرينها تبع الساعات مهوب سيرفرات)


إدارة الموقع
  #2  
قديم 17/03/2001, 02:54 AM
زعيــم مميــز
تاريخ التسجيل: 06/09/2000
المكان: الرياض
مشاركات: 1,906
الحمدلله على سلامة الشبكه
<=====(يحسبها مسافره)
أخوي كوكتيل مشكورين يالغالي على جهودكم الله لايحرمنا منكم يالغالي
كان الله في عونكم وعوننا على هالأنقطاعات المفاجئه..
  #3  
قديم 17/03/2001, 03:18 AM
الصورة الرمزية الخاصة بـ الإعصار
عضو ادارة الموقع الرسمي لنادي الهلال
تاريخ التسجيل: 13/08/2000
المكان: الرياض
مشاركات: 6,157
كوكتيل جعل المنتدى يوقف كل يوم مدام انه بيخليك تكتب وتشارك ;)
بعدين سيكوكو أخبرها في الشرقية وفيه واحد من الاعضاء هنا في الشبكة يدرس فيها مدري هل لها علاقة سيكوكو اللي فيها الخبراء
  #4  
قديم 17/03/2001, 03:37 AM
الصورة الرمزية الخاصة بـ ابومنار
تاريخ التسجيل: 14/12/2000
المكان: بين الشرق والغرب
مشاركات: 3,094
لا ... غلطان يالاعصار هذيك اللي في الشرقية اسمها شكوكو ..

( على العموما ) ترا والله لمنتداكم فقة مهيب سهلة ... فـ ... لا تعودوها .. لاننا صراحة صرنا نحس ان فيه شي فاقدينه لاننا تعودنا ( كل يوميا ) نجي هنا ....

ترا ما بين الاقواس مقصودة .. وترا فيه ناس تقولها واسال تعرف ;)

الا صحيح .. كوكتيل .. وانا اخوك نبيك تشارك معنا مشاركة فعلية .. ولو ان الحمل التقني عليك ... لكن فيه اوقات ما تحتاج الشبكة لتحديث ... فالله يخليك لعين ترجيك ... ادل بدلوك كل ما سنحت الفرصة ..

شاكريييييين ومقدرين هالمجهودات اللي اقل ما يقال عنها انها خراااافية ....
  #5  
قديم 17/03/2001, 03:41 AM
الصورة الرمزية الخاصة بـ دمي أزرق
زعيــم مميــز
تاريخ التسجيل: 11/01/2001
المكان: الخبر
مشاركات: 1,791
Unhappy

الحمد لله على السلامه والله لا يخلينا منكم أبدا ، والله اني تعبت من بعد المباراة وانا أحاول اني أدخل على شبكة الزعيم لكن الحمد لله قدرت أدخل من الساعه 03:15 صباحا وكله يهون لأجل الزعيم .

يعطيكم ألف عافيه على مجهوداتكم الجباره يأخواني كوكتيل والاعصار .
  #6  
قديم 17/03/2001, 03:49 AM
زعيــم نشيــط
تاريخ التسجيل: 04/01/2001
المكان: الرياض
مشاركات: 523

ماقصرتو والله يعطيكم العافيه والحقيقه مقدرين تعبكم واهتمامكم واتمنى ان نكون عند

حسن الظن .
  #7  
قديم 17/03/2001, 03:56 AM
زعيــم مميــز
تاريخ التسجيل: 17/08/2000
المكان: الرياض
مشاركات: 2,643
Thumbs up

المفروض ما نستغرب منكم هالمجهود الكبير اللي بذلتوه لأنكم وبكل بساطه هلاليين حقيقيين
كثر الله خيركم ومشكورين مشكورين مشكورين
  #8  
قديم 17/03/2001, 10:17 AM
زعيــم فعــال
تاريخ التسجيل: 24/12/2000
المكان: الرياض
مشاركات: 403
الإخوة إدارة الموقع
السلام عليكم ورحمة الله وبركاته , وأسعد الله صباحكم
الله يعطيكم العافية على مجهوداتكم الجبارة والمقدرة لإصلاح بيتنا الثاني
( الزعيم )(.... الموقع , والنادي بعد ).........والله تعذبنا البارحة ,,,
... تذكرون رسالة التلفزيون ..منول..
(نأسف لهذا الخلل الفي الطارئ.. وسنعاود البث بعد قليل ) ..ولو كشفت اني شايب ....
ورا ماتحطون مثلها , على الأقل ما ندقدق تليفونات على الربع بانصاف الليالي ,
علشان نسألهم ...يامحمد الزعيم شغال عندك ولا لا , واثره نايم ( اثره بمعنى اتاريه )
واستحيت ولا عاد اتصلت على أحد... وقلت الصباح يصير خير ,

والحمد لله على سلامة الزعيم ( هالمرة الموقع فقط ) .
  #9  
قديم 17/03/2001, 10:45 AM
الصورة الرمزية الخاصة بـ كوكتيل
عضو ادارة الموقع الرسمي لنادي الهلال
تاريخ التسجيل: 12/08/2000
المكان: الرياض
مشاركات: 899

الحمد الله الوضع سليم

مجنون سامي (أبو تسع تسعات) على كثر هالتسعات بس ما تغطي على أبو خمس ماعليك إن شاء الله مهوب صاير إنقطعات مفاجأة ويمكن نستعين بكم صافرة إنذار للضرورة

الإعصار أقول جعلهم يتوطون في حوظ بطنك تبيها كل يوم تخرب على شان نطارد وراهم وبعدين تراهم مهوب فيذا ... هم فيذاك

أبو منار يا شين اللي يبي يكحلها واعماها .. شيكوكو هذي خابرينها جزيرة حقت اليابانيين اللي فيها هوريشيما على أيام القنبلة الذرية .. بعدين الحمل التقني والفني كاشخين فيها هاليومين

دمي أزرق والله هلالي مخلص باين من لون دمك

هلالي الرياض وهلالي واقعي والله ما قصروا كل الجماهير الهلالية اللي مهما كان يبي يثبتون أنهم أروع جمهور

الإمبراطور مشكور على كل شي بعدين ماعطونا فرصة نكتب نأسف لهذا الخلل !! بعدين لو خليتها على (أثره) يمكن الشباب يفهمونها أما (اتاريه) محدن فاهمها ..

كوكتيل
  #10  
قديم 17/03/2001, 11:33 AM
زعيــم نشيــط
تاريخ التسجيل: 17/12/2000
المكان: الرياض
مشاركات: 768
الاخ العزيز كوكتيل ......

السلام عليكم ورحمة الله وبركاته ...كل عام وانت بخير...
مشكورين على هذا الجهد .....والله يعطيكم العافيه....
صراحة كانت ليله حزينه مساء البارحه بسبب الانقطاع المفاجىء
لكن ما عوضنا الا فوز الزعيم.....
صراحة بدون منتدى الزعيم الواحد ما له نفس يشغل الانترنت.....
ومشكورين مرة اخرى........
  #11  
قديم 17/03/2001, 02:29 PM
الصورة الرمزية الخاصة بـ مطل اشيقر
زعيــم مميــز
تاريخ التسجيل: 25/12/2000
المكان: نادي الهلال
مشاركات: 1,928
معليش يا الشركة لكن والله سهرتون البارح وتورطنا الدوام وأوله راح الله يخلف علينا
وهالمره سماح على شان خاطر الهلال وبس


   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 02:10 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube