[poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
ما سمعت بقصة البنت القليلة في حياها
والحقير الي تركها دون دم ولا قتيلة
صدقا كل العجايب بالحياة الأ نساها
كل شي الا يروح ويبتعد … ذي مستحيلة
أول القصة بدت من يوم هالخاين بداها
أقسم أنه مايمر اليوم إلا البنت ذي له
صار له ما كان يبغاه وقدر يكسب رضاها

يشتكي من جور الأيام وجبرها تشتكليله
حبها من كثر ما هو حبها يتبع خطاها
حبته من كثر ما هو حبته صارت تجيله
بعدها حط الهموم بدنيته سبة غلاها
ملها صارت سبب في ضيقته يبغى بديله
لا بغاها كل صعب يهون هذا لا بغاها
والا هوكذاب يعشق غيرها جهال جيله
ابتدت رحلة العذاب البنت في سكة عناها
ما تسيل الدمع لجله … دمها كانت تسيله
ذلها وياما ذلها سبة وفاها
توها ما ملته بعيونها باقي تشيله
تسأله (( وين الوله والشوق أول ما لقاها ))؟؟؟
مشكلة بعض البنات اليوم حكمتهم قليلة
ماتخونه تحسب أنه مثلها صاين هواها
هي تظن الحب من قبل الزواج أقرب وسيلة
لا …. خطا وأكبر خطا والحين هي شافت خطاها
ودها تدمح خطاها بس .. ما باليد حيلة
كان يتمنى يفوز بحبها راح ووطاها
لو بغت داست على قلبه ولا عاشت ذليلة
إيه أجل من تنحى للذل والخوف ورجاها
لا بعد أكثر وصل فالبنت ….. صارت تنحي له !!
كل شي صار فيها والسبة غباها
ما تركها بالعذاب تهيم لين اشفى غليله
يا الأله اللي خلق زمزم لها جر من دعها
تستجيب اللي دعا لك بالرضى في كل ليله
كل شي سبح بحمدك وقال أنك وكيله
ربنا من تشهد انك واحد عجل هداها
دلها للخير وأبعد عنها فعل الرذيله
واجعل القران حب وشوق يسري في دماها
فايز اللي يترك الدنيا … وقرآنك خليله
[/poet]