الهلال بحاجة لمدافع شاب وحيوي..."لكي يجاري Mango و تورينيو وغيرهم "وأقترح أن يكون...
 

[ALIGN=CENTER]السلام عليكم ورحمة الله وبركاته
أسعد الله أوقاتكم بكل خير [/ALIGN]
بلاشك أن الجميع مستاء من مستوى هلالنا في المباراتين الأخيرات .. والمستوى الغير المقنع واللي لم يرضي جماهير الهلال لاصغيرهم ولاكبيرهم ...وأتى هذا الإستياء لأن الفريق عسكر ولأول مرة منذ سبع سنوات خارج المملكة واستعد استعداداً منظماً ... ولكن جاءت النتائج على العكس تماماً ...

المهم في الموضوع ,,,وأنا ماودي أوجع روسكم بالكلام عن المستوى وخلافه لأن الجميع شرشحوا المدرب وماقصروا ...وأيضاً لأن المنتدى مليان مواضيع من هالنمونة .......لكن كلامي بإذن الله راح يكون عن الدفاع ...علة الهلال منذ سنوات عديدة والمركز اللي لم يملئه أحد باقتدار بعد النعيمة سوى الشريدة والأحمد "منصور" .....


صراحةً يوم شفت دفاعنا في مباراة الإتفاق وبعدها مباراة الشباب وكيف كان البطء هو السمة البارزة في هذا الخط ,,, ناهيك عن سوء التغطية والإتكالية وكيف هبلوبناMango الشباب وبشير الإتفاق....والله أوجعني قلبي وحسيت أن مهاجمي الفرق المحلية "بيلعبون في حسبة أبو اللي جابنا "...


الهلال ياسادة ...بات بحاجة ماسة لمدافع شاب ..سريع ..مقاتل على الكورة ....مايخاف من الإلتحامات ...ورجولي ....وأهم شئ في هالصفات هو صغر السن ...لأننا طفشنا من المدافعين العجايز اللي من طقة عبدالله سليمان وأحمد خليل وأنت جاي ..

حنا نبي واحد يخدمنا للسنوات القادمة ..."بإذن الله "


والله عندي لاعب في راسي ولكن ربما بعضكم مايعرف هاللاعب ...

اللاعب هو متعب الشمراني ..لاعب الهلال في درجة الشباب...
هالولد عاجبني ماشاء الله عليه ممتاز والتحاماته رائعة وإذا لعبنا فيه بجانب الشريدة راح يتعلم من قتالية أبومبارك ورجوليته....وإذا تعذر انضمامه للفريق الأول ..فإن على الهلال أن يتعاقد مع مدافع عليه القيمة ...مثل زكريا الهداف ...أو سياف البيشي ...أو فيصل السليمان ...أو صالح صديق "تخيلوا عاد:D ",,,,,,المهم يكون المدفاع ممتاز وصغير السن ...


طبعاً أنا طمرت مركز المحور وهو الطامة الكبرى للفريق في هذه الأيام ...وذلك لأن الخثران وبدرا لما يرجعون بيملون هالمركز بكل اقتدار "إن شاء الله "

هلا بشرشبيل ...........

والله بالنسبة لي انا ارى ان هناك اكثر من مركز وخاصة الظهير الايسر اللي الان ماجاء واحد يستاهل

ان يملى هذا المركز .......... مع العلم ان هناك في الشباب اكثر من شخص بس متى يعطون الفرصة ..

تحياتي ......

الفريق بحاجه لصانع العاب مميز وهو ما يحتاجه الزعيم في هذا الوقت,,,,,,,,,,,,,,

هلا:

كلا111111مك سليم
و مستحيل تلقى مدافع كامل
فكل مدافع لازم له مدافع يكمله
يعني يعوض النقص اللي فيه

قصدك اغلبكم مهوب بعضكم:D:D

مدري عن هاللاعب وصراحة اول مرة اسمع عنه
لاكن انا براسي مدافع من زمان ابيه للهلال وهو لاعب الرائد((بندر العليقي))
وسلملم

والله انك صادق ولاتنسى ان الشريده مو دايم لانه كبر يعني سنه سنتين وخلاص
لازم يبحثون عن لاعب صح والله اني انقهرت يوم راح تكر للاتحاد
بس فيه لاعب غيره صغير اتوقع يفيد الهلال الا وهو فيصل العبيلي
جسم وصغير بالسن وبالنسبه العليقي اعتقد انه كبير مو ذاك الزين وخابر ان النصر يفاوضونه
وما ندري بس وش رايكم بالعبيلي

داااائما مشكلة دفاعنا هو لعبهم على خط واحد

وبعدين هدف الشباب الثاني تخيلوا كم لاعب هلالي جو الــ 18
كان فيه 8 لاعبين هلاليييين

و 3 شبابيين


يعني من جد الدفاااااااع راااااااااايح فيهاااااااااا


الله يستر من الجااااااااااي

هلا والله شرشبيل ..

انا اقـول اذا اجنـبي .. اتمنى يكون مهـاجم .

واذا محلي مدافـع ..

شريده - خليل - المفرج - المطيري - سليمان ..

يقدرون يعطونك سنه بمستوى مميز .. .. اما اذا تفكر بعد سنه .. سنتين .. فيها ان شاء الله الف حلال ..


واتمنى مايكون حكمك على دفاع الهلال من المباراتين اللي راحت لانها ليس مقياس كون الفريق ماكان في وضعه الصحي ..

تحياتي

تبغى الصراحة الفريق كله يبغاه تعديل
من زين المسعري وفيصل الصالح والدوخي الي بعيد عن مستواه والغامدي اللي يذكرنا بمصطفى ادريس والجابر الشايب والثنيان العجوز والتمياط الدلوعة والبقية بعد
وين هلال اول الي يخاف منه جميع الافرقة في الدوري والبطولات العربية والاسيوية

[ALIGN=CENTER]اخوي العزيز ...

موضوعك حلو ومهم ....

وبالنسبه لدفاع الهلال في المباريتين اللي راحوا سبب ضعفه هو الاظهره اللي دون المستوى ( بندر المطيري ** خالد عزيز او الدوخي ) ولا ننسى دور المحور اللي من المعروف انه يخفف الضغط على الدفاع ويقتل الهجمه من بدياتها وهذا الشئ ما يجيده المفرج للأسف :no:

فلو بدلنا المطيري بالجري ... والدوخي والمفرج بأحد لآعبين الصداقه كان شاهدت دفاع اخر قوي ومتماسك .

[/ALIGN]

وعليكم السلام ورحمة الله وبركاته
هلا اخوي شرشبيل
حقيقه موضوعك حساس وفعلاً اصبت فيما قلت
يجب على الادارة الهلاليه احضار مدافعين صغار وسريعين ويجيدون التغطيه لان الهلال بعد السنه رايح يروح فيها لو مايدارك الامر
لكن من وجهت نظري لابد من اعطاء الفرصه لبعض لاعبي درجة الشباب ولكن مو بالفريق الاول في الفريق الاولمبي في كأس الاتحاد وعند نجاحهم تعطى لهم الفرصه في الموسم القادم ماهو زي ماحصل في بطولة الصداقه حينما استعانوا بالنزهان في قلب الدفاع وكذلك محمد عويضه الظهير الايسر على الرغم من نجاح عويضه في هذا المركز .
لابد من احضار مدافعين من اندية الدرجه الاولى او الثانيه في هذا المركز لانهم ( بتراب الفلوس )
ملاحظه :
عدم بروز مدافعين شباب في الفريق الاول ونجاح لاعبين شباب في انديه أخرى هذا يعود إلى سياسة الهلال في عدم اعطاء الفرصه عبرسنوات لمواهب درجة الشباب في هذا المركز وغيره
تحياتي لك