انا اشتريت قطعة الاون لاين ولكن ماعرفت اشغلها..رجاااء اللي يعرف لها يعلمني رجاااااااء - نادي الهلال السعودي - شبكة الزعيم

ظل الخيال.... · #1 21/08/2003, 03:52 PM

السلام عليكم ورحمة الله وبركاته..,

انا اشتريت المودم حق البلايستيشن2 ((الاون لاين)) لكن ماعرفت اشغلها ولاعرفت العبها ابد.....الرجاء لمن يعرف لها يعلمني...وانا اشتريتها بـ 230 هل سعرها مناسب ولا لا...

بس المهم وشلون العب بها خاصه بالوننج 7..........

تحياتي

ظل الخيال....

عاشق اليوفي · #2 22/08/2003, 06:48 AM

اخوي ممكن تقولي من وين شريتها من زمان وانا ادورها

ظل الخيال.... · #3 22/08/2003, 06:45 PM

اهلين اخوي عاشق اليوفي...

القطعه حصلتها في الرياض....ادخل مع مخرج عشره ثم امسك الخدمه اللي يوديك لمخرج 11 ثاني لفه سيدين على اليمين ادخل معها بعد ماتمشي لك يمكن 100 متر التفت على يمينك فيه محل يبيعها لكنه يبيعها بـ 270 ..لاتروح لمه شف فيه محل قباله بالضبط اللي هو يصير على يسارك بالسيد الثاني.....تلقى عنده القطعه بـ 230 .....

بس القهر ماراح تعرف لها صعبه انا عجزت اشغلها....,,

تحياتي

ظل الخيال....

عاشق اليوفي · #4 23/08/2003, 03:11 AM

مشكور اخوي ظل الخيال على الرد

وانشاء الله اذا عرفت اي شيء عنها راح اقولك

sky dive · #5 23/08/2003, 01:55 PM

خخخخخخخ توها توصل عندكم ، انا شفتها قبل شهرين مع واحد صاحبي اشتراها له " قريبه "

من أمريــكــا قبل 8 أشهر وبســعــر تقريباً 150 ريال بس بصراحه انا حتى عجزت أفهمها وأخذتها

عندي بالبيت أجربها وحاولت أركبها هي ركبت في الجهاز بس المشكله في كيفية تشغيلها ، وعلى

فكره ترى يجي معها cd شغلها بالجهاز وبعدين انا جلست اعبي في الخيارات اللي يعطوني بس

وصلت مرحلة ما قدرت أتعداها فما أدري وش السالفه بالضبط