السلام عليكم ورحمه
الكل عارف ان الهلال عسكر بهولندا معسكر كان على قد الرضى من المستويات الي شفناهم فيها و النتايج الضخمه ولكن من رجعت نجوم الزعيم و عسكرو بابها هذا هو الاختبار الاول ليش لان كلنا نعرف مستويات الفرق الي بالسعوديه عكس الي بهولندا ما ندري عنهم ولا شي وكان اول مبرياته مع ابها وللاسف انتهة بالفوز فقط هدفين مقابل هدف و ايضا مع الخليج هذا البرنامج الي يطبقونه الهلال بالمعسكر الداخلي بالضبط يطبقونه الاتحاد و عسكر بابها ولعب مع ابها اتوقع بعضكم يدري النتيجه و هي اربع اهداف نظييييييييفه و البتشكيله تقريبا الرديف و سجل منها هدفين المحترف الجديد لهم اتوقع اسمه سيمبا و هدف لكل من السهيل و امين و هذا االاتحاد بيلعب مع الخليج و الله يستربس ابي واحد يريحني الهلال الي يسويه صح ولا لاء في موضوه تقريبا مثلي تسائل عن المستوى ورد عليه اخونا الموهوب بان هي بس تجربه طيب هذاالا تحاد بعد هو تجربه بس ما قول الا الله يستر على مبارة الاتفاق و اتمنى ان الهلال اليوم يريحنا ضد التعاون و في امان الله



(( الا عشاق الهلال بالشرقيه اتمنى منكم مساندة الزعيم اما الاتفاق و الي بتكون ان شالله الاسبوع الجاي 30/6 يوم الخميس باستاد الامير محمد بن فهد ))

[c]
عزيزي الغالي ..

اولا المباريات الودية لا تحكمها النتائج اطلاقا ..
وفوز الهلال بتسع اهداف في احدى المباريات في هولندا لم يعني لنا شيئا سوى ضعف الفريق المنافس

ثانيا الاتحاد لم يلعب مع الفريق الاساسي لابها .. اعتقد انه شباب ابها على حد علمي ..

عموما .. النتيجة ليست مقياس ابدا لاعداد الفرق في المباريات الودية

فالمدرب يتفرغ في المباراة لتطبيق بعض الخطط الفنية .. وتجريب اكبر قدر من اللاعبين مما يفقد الانسجام بين المجموعة اثناء المباراة

يعني تخيل نفسك تلعب مع فريق وجنبك لاعب ما تدري الا وصار محله لاعب ثاني !!

فالعملية هي تجريب وتطبيق خطط .. وليس من اكثر من جاب اهداف !
[/c]

يابن الحلال الله يهديك بس
هدا النصر فاز بخمسطعش على بزران مجمعة مدري من وين قبل الصداقة
ونتايجه كانت زي لونه .. والهلال بدون عسكره وضجة وهيلمان النصراوية ... شوي ويجيب البطولة اللي ما بعده عنها الا الشلة اللي خبري خبرك ..
العبرة والفايدة من هالمعسكرات ماتبان الا ادا جد الجد ...

السلام عليكم

اخوي امبراطور الهلال زي ما قال الموهوب المباريات الودية لا تحكمها النتائج اطلاقا.

وازيد عليه واقول ان الهلال كان كل شوي يبدل ليتيح اكبر فرصة لللاعبين ولو انه يبي الفوز كان لعب

بالتشكيلة الاساسية وانتهى الموضوع.

تحياتي

يالغالي هاذي ميزه الزعيم


يكتفي بالفوز فقط !!!

اما ألاتهاد .........مايرتاح الى اذا جاب اربع خمس أهداف!!!


وعلى فكره تراها ميزه حلووووووووووه..........

النتائج ليست مقياس



ففي مباراة يتفوق أحدهم وفقا لمعطيات المبارة وظروفها


ربما طرد يغير المباراة أو غياب عناصر


أو فريق يملك مفاتيح الانتصار على آخر


وفريق يجرب عناصر شابه وآخر يعتمد على أساسيه

ولو كانت النتائج تحكم لكان الدوري يحسم من نتائج الفرق


ودوما البطل لا يعرف قبل

المباريات الوديه مو مقياس;);)
[
COLOR=blue]ولا تنسى الاتحاد صار له موسمين ما غلب الزعيم[/COLOR]

إقتباس إقتباس من مشاركة متورط النتائج ليست مقياس ففي مباراة يتفوق أحدهم وفقا لمعطيات المبارة وظروفها ربما طرد يغير المباراة أو غياب عناصر أو فريق يملك مفاتيح الانتصار على آخر وفريق يجرب عناصر شابه وآخر يعتمد على أساسيه ولو كانت النتائج تحكم لكان الدوري يحسم من نتائج الفرق ودوما البطل لا يعرف قبل

اقول يا الامبرطور اشرب ببسي ومعاليك من احد لا أتحاد ولا غيرة مايهمنا الا الزعيم يا بعد حيي وسلامتكم

المباريات الوديه ابد ما تكون مقياس
الاهلى المصرى فاز على ريال مدريد العام الماضى
ومن يومين تعادل مع ريال سوسيداد وفاز النادى الاسبانى بركلات الترجيح
هل يعنى الاهلى المصرى فى قوه فرق اسبانيا او هناك منتخب عربى فى قوه ريال مدريد
وللاخ الذى ذكر ان الاتحاد لعب مع شباب ابها معلوماتك خطاْ
وليس من الضرورى التقليل من نتائج الاخرين حتى نثبت اننا الافضل... ابها لعب بنفس التشكيل
الذى لعب امام الهلال ... وقام نادى الاتحاد بتغير 19 لاعب فى المباراه ....!!! هذا هو كاندينيو ... ولا تعليق

هههههههه ابشر يا زمرد الازرق بس بيني و بينك الحين ها تقدر تقول شوي ارتحت بعد النتيجه الي مع التعاون بس و الله الاخوان يقولون بعد ان مستوى التعاون ضعيف يالله العون على ربي