|
استعدوا لمؤامرة بعنوان " الشيحان مصاب " [ALIGN=CENTER] الموهوب - خاص يعتزم الاعلام في الايام القليلة المقبلة اطلاق اشاعة جديدة بعنوان الشيحـــــانمصــــاب ابطالها الصحفيين التاليين سعود عبدالعزيز ( الجزيرة ) علي حمدان - عبدالعزيز المريسل ( عالم الرياضة ) سوف ترون" قريبا " كيف يخترعون الاصابة للاعب عبدالله الشيحان في سبيل ابعاد اللاعب عن الهلال وفي سبيل اقناع الجماهير الرياضية بان اللاعب مصاب علما ان اللاعب تحسنت اصابته بشكل كبير جدا وجاهز للعب من بداية الموسم بحول الله وقوته طبعا هذه الاشعات ما هي الا سلسلة يقوم بها بعض الاعلاميين الرياضيين ( هداهم الله ) اما حقدا على زعيم البطولات واما حبا في اثارة الاشاعات وتحريك سوق الصحف وما قضية الاحمد التي اثارها الاعلام واستقالة المغيربي واصابة تراوري وموضوع ضاري الا غيضا من فيض هذه السلاسل من الاخبار .. القصة تكمن في ان هؤلاء الثلاثي ومعهم رابع اعتقد انه لن يشترك معهم في المؤامرة اجتمعوا في احد مقاهي الرياض ( الدروازة ) واتقفوا على نشر هذه المؤامرة والتي يهدفون منها الى تفكيك البيت الهلالي ولكن اعتقد ان ادارة الامير عبدالله بن مساعد تعلم كيف تتعامل مع تلك المؤامرات التي لن تكون جديدة علينا ابدا والله يكفي الزعيم شر هؤلاء الذين يتسلقون على اسوار الزعيم من اجل ان يهدموه .. ولكن هيهات ! (القصة رواها لي احد الثقات من مشجعي نادي الهلال كان جالسا معهم ولم يعرفوا انه هلالي ) انا هنا لست ضد او مع التعاقد مع الشيحان بقدر ما انا احاول ان اوصل للجماهير الاعزاء ما يفعله الاعلام الرياضي لتحقيق مكاسبه ومطالبه وما علمته انه حتى لو كان الشيحان متعافي فيجب ترويج قصة الاصابة حتى لا يستفيد الهلال من اللاعب مما يؤثر على اللاعب نفسيا .. حتى وان كان بخير وان كان اللاعب مصاب او عاودته الاصابة فهذا لا يقلل من خطر "بعض " الاعلاميين على البيت الهلالي وواجب علي ان اوصل هذه الرسالة الى اكبر شريحة من الجمهور الهلالي من اجل اطلاعهم واخبارهم حتى يكونوا جاهزين لتلك الاشاعات[/ALIGN] |
يا شباب ما يحتاج تثبيت :) <--- الحين اللي يشوفه يقول المشرفين جايين للموضوع ومعهم علبة مسامير صلب وشواكيش :) بس حبيت انوه :) لان تثبيت هالموضوع يمكن يسوي مشاكل :) وانتوا ادرا طبعا :) |
أخوي الموهوب الشيحان الموسم الماضي ما لعب مباراة كاملة مع الشباب الله يرضى عليك و معروف ان القطع الي في ركبته قطعين موب قطع واحد ( رباط صليبي جانبي و رباط صليبي أمامي ) يعني شف كم يبغاله عشان يرجع زي أول و غير كذا يا غالي ترى نادي الشباب ذيابه ما يكرشون الا الي يعرفون انهم منتهين و لك في فؤاد و المهلل و مرزوق و الداوود و السمار عبره هذا غير ان أدارة الهلال يبون يأخذونه أعارة و الشبابيين يقولون لا خذو عقده بكبره و أصرار الشبابيين يدل على انه لاعب منتهي يعني تصور موب راضين يعطونه 300 الف ريال مقدم عقد لأنهم شايفينها واجد عليه و في تصريح السليم الي نزل قبل شوي في أدارة الأخبار صرح قال ان الموضوع شبه غاضين النظر عنه بالعربي يا الموهوب خلهم يقولون الي يقولونه الثلاثي المرح الصحراوي و زبانيته و خلهم يخنبقون بأيديهم و رجلينهم |
مشكووور اخوي الموهوووب على هذا الموضوووع ...... و الله يعطيك العافية على المجهوودات الكبيرة الي قاعد تقووم فيهاا ... و زيي ما قلت انت ان الصحافة دائما ما يكونون هم سبب المشاكل و نشر الاشاعات و مووب كل ينقاال بالجرايد صحيح ..... و سلامتك |
يسلمووووووووووووو الموهوب على ما تقدمه لنا في شبكة الابطال نعم فالصحافة تخلق العديد من الفتن والمشاكل لاجل تدمير الهلال ولكن الهلال غني باعضاءه ولاعبيه وجماهيره ............. |
الاخ الموهوب الغالي انا اخالفك الرأي واضم صوتي للاخ المودماني وبصرح ومن وجهة نظري المتواضعة ان اقل لاعب من ابطال الصداقة يسوا الشيحان المصاب (مع احترامي للاعب وماقدمه لنادي والمنتخب) بس كماقال المودماني ان إدارة الشباب ماتهرول عبث وياشعاع الهلال ترى الصحافة ماتوصل للتدمير كلمة كبيرة وياما صحفيين فتحوا عيون الادارة على أمور كانت خافية معليش انا هذا اعتبرة تجني على الصحافة والله المستعان |
s13s الله يعطيك الف عافيه يالموهوب عمومآ وفي كل الأحوال إذا كان الشيحان مصاب ولا ما هوب مصاب ترانا والله ما نبيه للأسباب التالية = 1 - عمره قرب للثمانيه والعشرن ( ولو إنه أجنبي كلنا ما عليه لا كن تراه سعودي ) ????? 2 - الإصابه ----- ولو إفترضنا إنه تعافى 100 في 100 أكيد ما راح يرجع مثل اول 3 - النجوم اللي يلعبون في نفس المركز ( الجمعان - الشلهوب - الخثران - الجري - الفرج ) كلهم ممتازيين وصغار في السن وأبناء النادي 4 - وأخيرآ وليس آخرآ -------- ( لو فيه خير ما رماه الطير ) -------- الطاوووس |
شباب ارجع واقول انا لست مع او ضد التعاقد مع الشيحان وهذا ليس محور الحديث :) واترك امر الاختيار من هم اقرب للحدث مني ومنكم " ادارة النادي " ادرى بالمصلحة العامة ! انا فقط اتطرق لما يوجهه نادي الهلال من تحديات اعلامية وسط مزاعم ان الهلال يقف الى جانبه الاعلام !!! واسمحوا لي ببعض المداخلات إقتباس:
إقتباس:
إقتباس:
وهذا لا يعني انهم هالمرة يطمعون في المبلغ اللي بيجي من الشيحان :) تحياتي للجميع |
أتوقع ألا يعلب الشيحان للهلال وسيثبت الزمن كلامي بعد أيام قلائل. |
[ALIGN=CENTER]السلام عليكم :) .. هلا والله بالموهوب :). . يالغالي كلامك صحيح 100 % :yes: .. ومااخفي عليكـ .. من يوم عرفت شبكة الزعيم وانا ماقراء الأخبار الرياضية في الجرايد :yes: .. وفيه [ حـكـمـة ] ثبتت في راسي واللي هي [ الـصحـافـة .. وجـع راس و سـخافـة ! ] .. طبعاً مانعمم على الكل .. لكن .. الغالب تقريباً :) .. سبب اتخاذي لهذا القرار .. هو [ البـحـث عن الراحـة ! ] .. فعلاً ياأخي الكريم .. متابعتك للصحافة وأخبار الهلال من الصحافة يجبرك على تناول حبة [ بـنـادول ] يومياً !! .. وصدقّ من قال [ شــبــكــة الــزعــيــم تــكــفــيــكـ ] ! :yes: .. تقاير بالصوت والصورة .. أخبار موثوقة 100% ومن [ قـلـب الـحدث ! ] :yes: .. الله يديمها لنا ويديمك لها :) .. نأتي للكلام اللي قلته بخصوص الصحفيين وقضية عبدالله الشيحان .... بعيداً عن قضية عبدالله وانتقاله للهلال من عدمه .. لكن سأتحدث عن صلب الموضوع [ الصحافة ] :) .. رغم علمي ان هذا الكلام [ عـقـيم ] .. لانفع له .. فمهما [ انتقدنا ] و [ سبّينا ] الصحافة .. فلا نفع في ذلك :( .. فالقافلة تسير والكلاب تنبح ! لكن هذا الشيء اعتدناه في اي صفقة يكون احد اطرافها شي اسمه [ الهـلال ] .. مهما فعلوا .. وحاولوا .. ودبّروا .. ومكروا .. فلن يستطيعوا - بإذن الله - فعل شيء يسيرٍ من [ نواياهم ! ] .. :) المسألة ليتها تكمن في [ الصحافة ] فقط ! .. المسألة تعدت حاجز الصحافة فدخل فيها [ رؤسـاء أنـديـة ] ! .. فنتج عن ذلك هذه المعادلة : صحـافـة + رؤسـاء بـعض الإنـديـة = مـحـاولـة إفـشـال أي صـفـقة للـهـلال ! فالآن أصبح اللاعب الذي يريد الانتقال من فريقه .. يطلب من أحد الصحافيين أن يذكر خبراً مضمونه [ مفاوضات الهلال لهذا اللاعب!! ] .. كي ينتقل الى فريق آخر .. وأكاد أجزم بنجاح خطته ! .. وذلك لأن رؤساء [ بـعض ] الأندية بعدما يسمعون [ طاري ] تفاوض الهلال مع هذا اللاعب فإنهم يدخلون في التفاوض بـ [ مـاديـاتـهم ! ] .. ليس الهدف من ذلك إفادة فريقهم .. بقدر ما أن الهدف يتعلق بـ [ إحـبـاط صـفـقـة الـهـلال ] !! .. تفكير عجيب ! وفقكم الله ،، :) [/ALIGN] |
الله يعطيك العافيه يالموهوب على تواصلك الدائم وعلى متابعتك الدقيقه وان دل على شيء يدل على حبك للازرق بغض النظر زي ماذكرت تعاقد الزعيم مع الشيحان ام لا تبقى الصحافه000000!!!!!!!!!!!!!! تحياتي لك ---------- بعض الاعضاء لم يفهوا ماتعنيه اخ الموهوب تمام؟؟ |
ورا ماراحوا للدانة ازين لهم ؟!!! |
اخي الموهوب شكرا على جهودك بشكل عام والله يعطيك الف عافيه.. بالنسبة لسعود عبدالعزيز من خلال متابعتي لجريده الجزيرة ياشيخ ينرحم والله ، كل يوم طالع لنا بهجه جديده .... عاداته مايخليها .... قبل لايعطي الهلال موافقته النهائيه على مشاركته في بطوله الصداقه لللجنه المنظمة ، جاء قرار مشاركه النصر ، عقبها طلع علينا وطبل يقول ان الهلاليين كانو ناويين يشاركون بس بعد مشاركه النصر ترددوا وطاحو بورطه انهم راح يقابلون النصر ، لكن اطمنهم واقول ان النصر راح يكون في مجموعه والهلال في مجموعه والوعد ياهلال في دور الاربعه عشان يسوي النصر فيكم عمايله كالعاده... لاحظ هذا وحره القوليين حقت الجمعان اللي فيهم مابعد بردت ، وش نتوقع بالله من صحفي بالعقليه هذي ، يالله لك الحمد والشكر بس.... وبعدين لاتبعد اخوي الموهوب شفهم طابيين في تراوري طب واخر الاخبار اليوم الخميس في جريده اليوم ان تراوري مصاب اصابه مزمنه ،،،، واذكرك بكرا لاجاه فلقه في راسه بيقولون شفتو اصابه مزمنه ،، طبيعي الكوره مافيها لاعب ضامن نفسه اللاعب معرض للاصابه باي وقت ممكن في التمرين ... تحياتي........ |
. شباب كلامك على العين والراس لكن من وناحيتي اقول اذا كان المسأله الاصابه فهي بسيطه فهناك الكشف ينخل ابو الشيحان .....وهذي كما قلت سهله . لكن اللي مش سهله هو عقليه اداره نادي الشباب وحساسيتها من نادينا ..والله سيفكرون 1000 مره لكي يعيرون أو يبيعون عقد الشيحان .... الهلال لم يتنازل له الشباب ( على ما اظن ) ولا لاعب ولكن النصر والاهلي والاتحاد استفادت من التنازل ( ولو كانو منتهين او فيهم عله ) ولكن الهلال لا .....والايام بيننا ...... اتحداكم اذا تنازلت اداره الشباب عن اي لاعب شبابي للزعيم . سلملم:bluesky: |
((سعود عبدالعزيز ( الجزيرة )).. ((علي حمدان - عبدالعزيز المريسل ( عالم الرياضة )).. تحذيرك لنا حلو.. ومشكور والف شكر لك يالغالي.. ومو غريبة انو الهلال يتعرض لمثل هالحملات.. هذا شي الشي الثاني.. انو مثل ماقلوا الاخوان الشيحان لاعب كبير و و و و .. ولكن اصابتة مررررررة قوية لكذا صعب يرجع وانا اشوف مثل الاخوان انو لعيبة الصداقة افضل منة والبحث عن راس حربة مفروض يوقف بسبب وجود الجمعان والعلي والصويلح.. وتحياتي لك اخوي.. |
| الوقت المعتمد في المنتدى بتوقيت جرينتش +3.
الوقت الان » 09:54 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd