الهلال بـ30مليون يعجز عن جلب كريري والشيحان والنصر يجلبهما بـ5ملايين والله قهر
 

نادي النصر المفلس يخطف اللاعبين قبل ان يخطفهم الهلال صاحب ميزانية الـ30مليون !!!!
نادي النصر المفلس يجلب لاعبا برازيليا مشهورا ( ليس ذنبه إذا فشل المهم انه جلب اللاعب )ونادينا صاحب الـ30مليون لاحس ولاخبر ( حتى اللاعب اللي جايبينه مصاب 100% )
النادي المفلس يجهز لخطف الشيحان وكريري ونادينا ابو الملايين يبحث عن سلفة من اجل صفقة الشيحان ( عار والله عار )
اكتب هذا من شدة قهري على الأمور الإدارية في نادينا الزعيم( ايوالله من شدة القهر )
أجل نادي مفلس من كل شئ حتى البطولات دائما يسعد جمهورو بلاعب عالمي بارز ومشهووووووور
وفوق هذا كله ( صانع العاب ماهر )
وحنا من عشرات السنين نحلم بلاعب يجيد صناعة اللعب بفن وهندسة ولم نجد للأسف
ومن زود الغبن يقولون أن نواف التمياط صانع العاب ( ايه هين )
نواف لاعب فنان من الطراز الأول
ذوأخلاق عالية
باستطاعته أن يرفع فريق الهلال وبإستطاعته أن يهبط به
ولكن





















ولكن ولكن ولكن
























لايجيد صناعة اللعب وهذه هي الحقيقة
وهذا هو المركز الذي يبحث عنه الهلال صدقوني
بس وين اللي يفهم من رجال الهلال ويجلب لنا لاعب يجيد هذا المركز مثل ( سيزار , جونيور , اسميجاني )
وآآآآآآآآآآآآآآآآآآآآآآآآآآآآآآآآآآآآه ياسيزار لو يجيبه الهلال آآآآآآآآآآآآآآآآآه بس .

هناك أمور خاطئة في نادينا والله يستر من تاليتها الله يستر
وآخر هذه الأمور طريقة ( إقالة الأحمد أو استقالته )
إذا كان الرجل قد أخطأ فلماذا كل هذا الخوف من إقالته ؟!!!!
وإذا كان لم يخطئ فلماذا الإقالة إذا ؟!!!!!
اجتماع وراءه اجتماع ووراءه اجتماع والنتيجة ( فالصوا )

وأختم مقالي بـ:
ماذا فعل نجيب الإمام في سياحته ؟
وأين اللاعبين الذين ازعجنا بهم ؟
ولماذا لم يحضرا قبل كاس الصداقة ؟

يارب استر عيوب زعيمنا
وعيوب كل مسلم .

صادق بكل كلمه قلتتها اخوي
لكن الهلال قدها ويقدر يجيب الشيحان ان شاء الله

كل ماقلته حقيقه واقعيه

كتبت في اغلب مقالاتي عن ادارة الهلال وفشلها في التعاقد مع لاعبين مميزين الادارة الله يسامحها اذا بقى يومين على انتهاء المده المحدده ركضت وجابت اي لاعب حيالله موومهم يكون نجم والا معرووف والا والا اهم شي انه اجنبي

الادارة الله يسامحها عودتنا لحد اليئس اننا ماننتظر اي لاعب اجنبي بااارز

المره هذي جيبين نجم بس برجل وحده

الله يسامحك ياادارة الهلال
والله لولا نجوم الهلال الي توفقو والا كان الهلال ينافس على الهبوط

الامير بندر بن محمد ماقصر جاب لنا لاعبين ممتازين بس هاللاعبين يبي لهم وقت علشان يمثلوون الفريق الاول

اما الادارة فهي نائمة في سبات عميق
الايام سوف تحكي ما تعمله الادارة

بدرا لاعب فاشل ولم يبرز الا باخر مباريتين والان هو مصاب ويبون يجددون معاه سؤال يطرح نفسه من الذي مقتنع في بدرا
ادمنسون لا يريده وهو المدرب والاعرف بمصلحة الفريق ورغم ذلك يحاولون التعاقد معه
ان دل على شي فانه يدل على ان هناك ايادي خفيه هي السبب في تعاقد الادارة مع لاعبين فاشلين

نحن الجمهور نناشد الادارة الهلالية بان تعاقد مع لاعبين نجوم وليس كوميديين

نناشد الادارة بالتعاقد مع الشيحان وكريري واتمنى من كل قلبي الودعاني

الله يصبر قلوبنا الصابره
ادارتنا احسن ادارة بالتعامل والاخلاق والطيبه والتكريم لكن بالتعاقد افشل ادارة

30 مليووون ومايقدرون يتعاقدون مع الشيحان وكريري
واصحاب الخمسه ملايين يبون يخطفونهم اااااااااااه بس

وردد ماطولك ياليل

مساء الوررررررررررررررررررررررررررررررررررررررررررررررررررررررررررررررد

رئيس الهلال وعد بلاعبين مميزن ..

ولكن أقترن وعده بشرط هام ..

وهو :: أن ينفذ أعضاء الشرف وعودهم في دعم النادي ...

@@ أكرر الوفاء بوعودهم .. وليس إستجدائهم .. بمبالغ إضافية ..

لإن التخطيط المالي للفريق .. أعتمد على رأس المال المُعلن يوم تنصيب الرأيس ...

وإلا هذا الحين الكثير من أعضاء الشرف .. لم يسددوا ماوعدوا به !!

للأســــف ..


تحياتي ..

ودي بس اعرف من اللي يدعم النصر في الخفاء

الفريق واضح انه مدعوم مدعوم

عبدالعزيز بن فهد يدعم النصر بسخاء

تنبهات على هلالي حفر الباطن:
أولاً : نشكرر على حبك الصادق للزعيم.
ثانياً: الأمير عبدالله لم يتولى رئاسة الندي إلا بعد وعود أعضاء الشرف بالدعم.
ثالثاً: بعض الأعضاء وف بما وعد ، والآخر لاحس ولاخبر.
رابعاً: إدارة الهلال الجديدة جددت لعدة لاعبين الشريدة ، خليل ، الدعيع ، النزهان ، المفرج ، التمياط ،وغيرهم أليس هذا يكلف الإدارة مادياً بلى ورب الكعبة ، وخصوصاً أن بعض الأعضاء لم يوف بوعده.
خامساً:نحن لانشك أبداً في إدارة النادي ، لم يمر في علمي رئيس واضح مثل عبدالله بن مساعد خصوصاً في الأمور المادية.
سادساً:نحن مشكلتنا أننا نتكلم لأن الكلام سهل ، لكن واقع الندي لايحسد عليه ، وهل تتوقع أن رئيس الهلال لايرضي أن يجلب السرور لجمهور الندي هيهات هيهات. وشكراً كتبتها على عجل.

كلامك ياخوي صحيح ولا غبار عليه

اخى العزيز انا لست معك فى ان يجلب الهلال لاعبين جد د فالنادى والكيان الكبير دائما ملىء بابنائه الاكفاء وانا شخصيا مع اعطاء الفرصة لكل لاعبى الازرق الصغار لاثبات الوجود مع عمل توليفة منهم مع اصحاب الخبرة لصقلهم وذلك لن يكلف النادى الملايين وخصوصا ان اللاعبين الصغار هم من يلعبون بروح قتالية واخلاص لناديهم احسن من المحترفيين او القادمين من اندية اخرى حتى مهما كانت مهاراتهم
نعم ماذا فعل النصر بهؤلاء الاعبيين الذين اشتراهم بالملايين (تورينو وبوسكاب ) ايضا لم ياخذ بطولة ..نعم رفعوا مستوى النصر ولكن يجب ان تعلم انهم باعو النصر بدرى بدرى سعيا وراء المادة
ابناء الهلال الذين ترعرعو وتربو وتدربو فى النادى هم من يستحقون الفرصة وليس الشيحان وغيره واتركوهم للنصر فهو دائما مستنقع ومحطة لبواقى الاندية لا مال ولا جمهور واعى ولا لاعبيين ولا ادارة ولا حتى بطولة ...وعاش الازرق ..شكرا واسف على الاطالة وارجو ان تتقبل راىء بصدر رحب
فنحن مهما اختلفنا نتفق على حب الازرق....:yes: :yes: :yes: :yes:

صح لسانك والله

صادق بكل كلمة

وهذا كلة من زود إهتمامك بالزعيم شكرا لك مره أخرى

آآآآآآآه يالقهر......
صادق في كل كلمه قلتها.......

اخوي هلالي الحفر انا معك الاداره ماهي قادره تتعاقد مع نجم يتفق عليه الجميع صحيح لكن ترى العيب مو من الاداره من الاعضاء اللي مالتزمو بوعودهم ...
وبالنسبه لنواف التمياط حرام عليك نواف متى مافتك من الاصابات ورجع لمستواه معد تحتاج لصانع لعب لانه بصراحه صانع اللعب الاول عندك هنا ......
اما بالنسبه لسيزار آآآآآآآآه بس لاتفقع قلبي انا اللاعب هذا مادري كيف طاح عليه النصر على فكره العام تراه يلعب بربع مستواه وشايل النصر ودليل كلامي شف المباراه اللي مايكون فيها وش يصير النصر تضيع الطاسه عندهم مافيه لاعب يوزع اللعب وفوق كذا تورينو بعد لاعب بصراحه كبير.....
على العموم اخوي هلالي الحفر شكرا على طرحك اللي اكيد الغرض الاول والاخير مصلحه الزعيم وشكرا لبقيه الزعماء....

***** تعقيب على كلام اخي هلالي دوم بدرا لاعب والله متمكن لولا عيب واحد وهو الخشونه الزايده والا افضل لاعب في الوقت الحالي في خانته مافيه كلام ، بعدين المدرب اول من طالب بالتجديد مع بدرا والكل عارف كذا لانه مقتنع فيه مررررره .... اتمنى من بدرا انه يبتعد عن الخشونه لانه بصراحه لاعب كبير......... واذا بيستمر بسلامته ماعليه حسوفه ..... لان الهلال فريق اللعب النظيف....
تحياتي......

[c]
اخوي الغالي

هد اعصابك وروق ..

والصبر تراه زين


انت الان مصاب بحالة استعجال لبداية الدوري ,,, وشكلك مشتاق لنادي الهلال يلعب لا اكثر ولا اقل


عليك ان تثق في ناديك قبل النظر الى الاندية الثانية

الغريب انك تناظر نادي ما حقق بطولة من 9 سنين ..

انا راضي العب بدون لاعب محترف بس ما اقعد بطون بطولة 9 سنين ؟؟

يا اخي عندما ترغب في اجراء مقارنة .. لازم تعرف من الطرفين اللي انت تقارن بينهم ..

كل ما عليك يا غالي .. ان تثق في ادارتك .. وصدقني راح تشوف هلال يسرك باذن الله

اخووك الموهوب
[/c]

هلالي 2008
شكرا على المشاركة والمشكلة ليست بضم الشيحان أو غيره المشكلة ليه تفاوض لاعب وانت تعرف ان مالديك مال يغطي مبلغه والا تفتح عيون الأندية فقط وصدقني نحن نعرف ان الهلال بغنى عن لاعبي جميع الأندية فقط المشكلة التفاوض ومن ثم الإنسحاب .

هلالي دووم
شكرا على المشاركة وتأييدي بماذكر وتسلم .

سراب الدمع
مساء الوووووووووووووووووووووووووورد
وصدقني ماقصدته في كلامي هو عدم الإستعجال ومفاوضة اللاعبين ومن ثم تأتي أندية اخرى وتخطفهم مما يجعل الجمهور الرياضي يعتقد ان تفاوض الهلال لاشئ وان ياستطاعة أي نادي كسب اي صفقة يريدها الهلال عكس ماكان ايام الغالي ( بندر بن محمد )وشكرا على المشاركة .

الأزرق الناصع
مدعوم والا ماهو مدعوم مايصل لإدارة نادينا اكثر من مايصلهم ولكن إدارة نادينا يااما انها تستعجل او انها لاتعرف تخطط وتختار وشكرا على المشاركة .

دام عزك
اعتقد ذلك وليس هذا مانقصده بل نقصد التخطيط السليم .

ابوخبيب
صدقت ايوالله كلامي نابع من حبي الكبير للهلال
واحترم وجهة نظرك الصائبة جدا ولكن نطمع بالمزيد ومشكور على المشاركة .

الساهي
مشكور على المشاركة والتأييد وتسلم يالغالي .

هلالي حتى الموت
شكرا على المشاركة واكرر انا ضد ان يقوم النادي بالتفاوض مع لاعب محلي ومن ثم الإنسحاب بعذر المال لأن الأمور واضحة وطالما انه لايوجد مال فلماذا التفاوض إذا ومن ثم الخسارة ؟

اكتمال الهلال
شكرا على المشاركة والله انك صادق ايضا .

البتار
شكرا على المشاركة وتأييدي بكل ماذكرت .

الجامح
شكرا على المشاركة واحترم وجهة نظرك ولكن صدقني التمياط لايصلح صانع لعب مهما فعل ووالله اني احب التمياط واحب لعبه ولاارتاح إذا لم اشاهده في التشكيلة الأساسية ولكن الحق وربما اكون غلطان انه لايصلح لصناعة اللعب .

الموهوب
شكرا على المشاركة وماذكرته صحيح 100% ولكن من ردودي ستعرف مااقصده وكما قلت انت حبي وحرصي على الهلال اريد منه ان لايوجد له شبيه
اما مشكلة النصر وعدم تحقيقه اي لقب ( عساه من هالحال واردى إنشاء الله ) فهذا ليس دليلا على ان الهلال افضل منه في الصفقات الخارجية ولكن لأن نيتهم سيئة ولاعبينهم المحلييم كديش والدليل مافعل ( ترينيو وبوسكاب الموسم الماضي ) والثقة موجوده في إدارة النادي والحمدلله بس نطمع بالمزيد .