الإيطالي (( لورينزو إينسيني )) لاعب رقم 10 يا ادارة الهلال لاعب نابولي الإيطالي لورينزو إينسيني لاعب مظلوم ومكانه في أكبر ثلاثة أندية في العالم لاعب فنان بكل ما تعنيه الكلمة أفضل لاعب إيطالي في مركزه لاعب عالمي في طريقته فعلآ صانع سوبر ستار وجناح أيسر وخلف المهاجم وقائد بجدارة راح ينسينا سيباستيان جيوفنكو وكارلوس ادواردو واللي قبلهم واللي بعدهم لا بيريرا ولا فييتو ولا ماريقا لاعب عن اثنين اجانب ضربة معلم يابن نافل تكفى يالولبد بن طلال اللاعب حر الآن ونادي تورينتو الكندي مهتم وناوي عليه نفس طريقتهم مع جيوفنكو.. وقعوا مع جيوفنكو أغلى لاعب إيطالي والآن قرأت انهم ناوين التفاوض مع هذا الصانع و المهاجم في نفس الوقت لاعب قيمة فنية عالية جدآ جدآ نفس جيوفنكو في عز شبابه أفضل من جيوفنكو .. وكلنا نعرف الفرق الكبير الذي أحدثه سيبا في خارطة الهلال ضالة الهلال هو لاعب رقم 10 وصعب تجد لاعب متاح في هذه الخانة تحديداً الحارس سهل وكثير حراس مميزين تستطيع التعاقد معهم لكن خانة صناعة اللعب ولاعب معروف ومميز صعب جدا وهذا متاح الان وينتظر المفاوضات من تورينتو لاعب متكامل تسديدات راسيات صناعة سرعة دقة في الصناعة والتمرير بنية جسمانية رهيبة قرينتا قااااااااائد من الطراز الفاخر كرات ثابتة ومتحركة وركنيات خبرة وإتقان غير طبيعي تكفى يابن نافل |
السلام عليكم لاعب غير طبيعي بما تعني الكلمه لا يروح يابن نافل |
عناد فيكم بن نافل والمفرج بجبولك شايب يختم مسيرته الكرويه ويعتزل في الهلال |
بيجيكم شايب قريب عشان صفقة عالمية |
انا اشوف بيريرا فنان في مباراه الفيصلي جميع الاهداف كان خلفها بيريرا لذلك نحن نحتاج جناح يمين ومحور وحارس اتمنى تسريح كاريلو وفيتو وكويلار مع المدرب بالشتوية |
إقتباس:
فعلآ لاعب متكامل وما تمل من لعبه ونظرته الواسعه والشمولية للملعب والروح القيادية لاعب ناضج ولعب لمنتخب إيطاليا بجميع فئاته السنية اليوفي يتمناه من زمان لكن هو مايحب هذا النادي |
إقتباس:
لكن الله يهديه الظاهرة وراعي السداسية خربها في موسم تتويج النصر اشكر مرورك.. والله يوفق الزعيم |
إقتباس:
لا بإذن الله الهلال في أيدي أمينة لكن التوفيق بيد الله سبحان الله صفقات فييتو وبيريرا ما كتب لها النجاح رغم إنا كنا متفائلين ومؤيدين بقوة اتمنى من مسيرين النادي وجماهير الزعيم لا ياخذهم الاحباط لاتخاذ قرارات خاطئة والشواهد كثيرة وآخرها احمد موسى في النصر اسعدني مرورك |
بيريرا يحتاج يسجل هدف وتنفك عقدته وبعدها تشوفون هذا اللاعب |
إقتباس:
واتفق معك ان بيريرا لاعب فنان وإمكانيات هائلة لكن يهمني في المحترف الأجنبي أولا حب الشعار والظهور الأول خاصة في ثلاث او اربع مباريات وهل هو راضي ومرتاح في المجموعة ويرغب في الاستمرار واحداث تأثير واضح مقارنه بسعر عقده؟ بيريرا كشخصية لاعب قوي ومؤثر ويحترق من أجل الفوز اشوفها ضعيفه في أغلب المباريات صحيح يصنع وهذا مركزه الأساسي بس كخطورة وحسم ولاعب تعول عليه وقت الأزمات ماني شايف رد من اللاعب داخل الملعب سوى قليل لا يقارن بسعره وربما يختلف معي البعض وحتى الكرات الثابتة اتيحت له أكثر من فرصة ولم يستطيع إظهار إمكانيات تلجم اي منتقد.. وكذلك الركنيات والادوار الدفاعية مختفي تمامآ.. اش مشكلته بالضبط ماني عارف هدف سالم علي الفيصلي سجله من مركز بيريرا يعني سالم شايل عنه حمل كبير انا احتاج محترف يجبر الكل على عدم انتقاده جمهور ومدرب وحتى المنافسين كورنادو الاتحاد مثلآ هل تجد احد من جمهور الاتحاد او حتى المنافسين ينتقده؟.. إلا إذا الجهاز التدريبي في الهلال فيه خلل عموماً بيريرا هو بيت القصيد في اصل الموضوع اللي كتبته ومعه فييتو ولورينزو إينسيني هو الحل والبلسم.. اثنين في واحد صانع مميز يغنيك عن محور هجومي وعن مهاجم ثان مع حارس اجنبي إينسيني أفضل لاعب يسدد بمشط القدم ويركن الكور ركن على طريقة ميسي وصلاح هذي فقدناها مع نيفيز والشلهوب وسيبا إينسيني هذي ميزته الأساسية أجل تاليسكا وش يميزه غير ركن الكور؟ مافيه ولا ميزه غيرها ومع ذلك شوف سعره ونتائجه هذا يستطيع إخفاء تاليسكا وكورنادو وفيه مميزات سنين ضوئية بينه وبينهم انا يهمني شي واحد الآن الا وهو مونديال العالم احتاج لاعبين مؤثرين نصل للنهائي ونظهر بمظهر تاريخي فرصة من ذهب تستقطب اسماء عليها القيمة وتدفع الغالي والنفيس من أجل بطولة وتظاهرة عالمية تسجل في تاريخك وتصنع لك استحقاق عالمي وتسجل اسمك مع كبار أندية العالم خصوصاً مع تواجد منافسك العربي الوحيد الاهلي المصري وتتفوق على الكل إذا صانع مميز وهداف وقائد مع حارس مرمى وإذا تحتاج جناح يمين وبيريرا عقده ضخم جدا وفييتو كذلك تستطيع تنسيقهم وتستفيد من اسعار عقودهم الباهضة بما يفيد الفريق اشكرك على رأيك ومرورك والله يوفق الزعيم ويعجل بعودته |
إقتباس:
إلا إذا البلا في الأصلع مع ان بيريرا اتيحت له مباريات كثيرة ومع أندية سهله للغاية ومع ذلك مكانك سر الفكر مشغول بين جارديم وبيريرا والشتوية وكأس العالم للأندية والزعيم خامس الترتيب ومافيه مجال للتفكير الكيل طفح وانا اخوك بين ليلة وضحاها كنا وين واصبحنا وين يجب التحرك من رجالات الهلال فوووورا هذا وقتهم وهم اهل مواقف أصعب من هذي وباختصار الأصلع بداية الحل من وجهة نظري ثم مراجعة أصحاب العقود الفلكية حتى لو نخسر بعض المال في سبيل إعادة كبير اسيا لمكانه الطبيعي وأفضل شاكر لك ومقدر.. تحياتي |
إقتباس:
اتفق معك اخي عاشق الزعيم505 نعم بيريرا ماعنده ميزه التسجيل وحتى الكور الثابتة لم يوفق فيها مثل جوفينكو لكن ضعف التسجيل اللي عند بيريرا ممكن تحله لو احضرت جناح يمين هداف مع سالم الجيد تهديفياً مع ماريقا كرأس حربه طبعاً الميزه هنا ان إينسيني يقدر يلعب جناح وكذلك بيريرا فممكن نستقطبه ونستفيد من ميزته التهديفية لكن تظل المساندة الدفاعية مشكلة لإينسيني وبيريرا ومع استقطاب سعود عبدالحميد راح نرتاح من هذه المعضلة الدفاعية لكن يجب دعمه بمحور اجنبي قوي وذكي و ذو بنية جسمانية جيدة الحلول كثيرة لدى الادارة واتمنى ان تستفيد من الوقت لجلب لاعبان وحارس بالشتوية |
العالم يا جمهور العصبية سيتابع فريقكم في بطولة العالم لا افضل ان يكون جمهور الهلال سبب اي خبر او محاولة ضد تركيز او تأثير في النتيجة لا قدر اللة يعطيكمالعافية |
إقتباس:
اللاعب يطلب 5 مليون يورو سنوياً شوف قيمة فييتو كم ياخذ سنوياً وهو طايح في الدكة وجوده مثل عدمة مع العلم ان إينسيني يكوش على فييتو وبيريرا مجتمعين سواء لعب جناح والا صانع والا مهاجم ولاعب يشيل الفريق صح |
إقتباس:
والظاهر اننا نعاني مع السمسره 7 اجانب بأرقام كبيرة زأخرتها بالدكه اضف عليها وجود اكثر من محترف اجنبي بنفس الخانة وهذي تتحملها الادارة الله يستر وما يكون موسم كارثي |
الانديه تعاقدت مع اجانب مع فتح فترة التسجيل والهلال اغنى فريق في البلد الى الان ما تحرك وبيتحرك اخر يوم ويسجل اي شي او يقول السمسار رفع السعر اخر لحظه .. قلتها قبل 100 مرة طريقة التفاوض مو كذا خاصة في الشتويه ماعندك وقت الادارة عارفه قبل لا يبدا الموسم ان فييتو سئ واحتياط ولم يتم تصريفه وعارفه ان جوميز هذا اخر فترة ويحتاج تبديل في الشتويه هل تم ايجاد بديل الفريق مقبل على نهائي بعد بكرا طيب وبعد النهائي هل المدرب بيمشي او لا طيب مين البديل وايش احتياجاته هل تم تجهيز ملفات اجانب بدلاء فييتو وجوميز المفروض الملفات جاهزه ومعروضه على المدرب البديل لجارديم الي ممكن يمشي في اي لحظه انا كنت متوقع هاللخبطه هذي كلها في الدوري وكنت افضل المدرب بعد اسيا مباشره ويحضر البديل ويختار بدائل الاجانب للشتويه ويستعد لكاس العالم ولكن سوء اداري وعناد جارديم ضيع وقتنا واحبط اللاعبين وعارفين انه ماشي ماشي ومو متحمسين معه وشكرا |
إقتباس:
الرئيس واللاعبين قدموا لنا ثلاثة او أربعة مواسم متواصلة بدون توقف كلها إنجاز تلو الآخر وضغط شديد من دوري وكأس ملك ودوري آسيا ونهائيات ومونديال العالم.. الخ لدرجة إنا كنا حاطين رجل على رجل ونستمتع... تجانس إداري وفني وتخطيط وعمل جبار حتى معسكر الفريق كان في وقت قصير جدا طيب أعضاء الشرف وينهم ماهي عوايدهم كل هذا البرود كان مفروض يكون فيه مساندة واجتماعات وتخطيط ووضع عدة سيناريوهات وتنبؤات أولية وتعزيز لهذا التفوق التاريخي خصوصاً انك في وضع مادي ممتاز ما حصل تمامآ اشبة بفريق يتقدم بنتيجة كبيرة ثم يتراجع فجأة ويقبل الهزيمة نقول يارب نسمع أخبار قبل كأس العالم ويتكفل أحدهم بحارس مرموق واخر يتكفل ببديل لقوميز وثالث يفرحنا بمحور هجومي نجم معروف ما يحتاج يتأقلم ولا خرابيط.. بانيقا وامثاله من اول مباراة يخليك تنسى اللي دفعته في عقده والنوع الآخر من اللاعبين تجلس تداري عليه عشر مباريات وهو دابلن كبدك.. عشان كذا طالبت ب إينسيني لان الشتوية قليل تحصل لاعب تراهن عليه وهذا أراهن عليه لو يروح البرشا والا الريال وعنده مشاكل مع مدربه وسعره نفس سعر فييتو ويرغب في تجربة خارج إيطاليا ولاعب معروف ومنضبط وقائد في فريقه ومنتخب إيطاليا وضالة الهلال في مركزه الحساس اما جارديم عز الله ماني متأمل منه شيء لو اجيب له سبعة اجانب جدد لكن نشوف أمام شاموسكا يوم الخميس ويتحدد كل شي الاهم مانبي نفقد ثقتنا في أعضاء الإدارة والرئيس والمطلوب نساعد في إيجاد الحلول واشكالبة الهلال ليست عميقة كما نشاهد عند غيرنا فقط تعديل بسيط على الوافدين الجدد وتعديلات ويعود الهلال للأحسن بإذن الله شكراً لاراءك ومرورك الجميل |
مشكلة الهلال ليست في المادة مشكلة الهلال حاليا في من يفاوض ويختار طريقة التعاقد |
الوقت المعتمد في المنتدى بتوقيت جرينتش +3.
الوقت الان » 03:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd