كرت أحمر لمن يختار أجانب الهلال
 

عقود بالملايين
مفاوضات ماراثونية
والنتيجة أجانب دون المستوى
لا اقول ذلك بسبب التعادل
التعادل يعتبر مكسب في ظل ظروف الهلال
ولكن :
ايعقل ان لايوجد عندك لاعب اجنبي وسط من طراز عالي.
للأسف اكاد اجزم انه لوكانت هناك عين فنيه ثاقبه لاحضرت بعقد بيريرا وفيتوا
10 لاعبين مابين اجانب ومحليين.
بيريرا ماتأقلم ولايبغى يلعب.
جحفلي ومدالله لو كانا بالطائي
لن يجدا لهما مكان.
كأس اسيا اولوية.
الدوري لابد من دعم الفريق بالشتوية.
لولا الله ثم سالم والفرج والشهراني وناصر الدوسري والمعيوف
لكان اجانب الهلال في وضع حرج
ولكن هؤلاء النجوم المحليين مغطين عليهم
بالعربي ساترين عليهم .

بيريرا لم يقدم شيء كبير بمقابل عقده الكبير فيتتو السيء يقدم مستوى افضل منه

بصراحة لجوفينكو فقده

وكمل الباقي مدرب ابله ماعنده حلول مفلس

كرت احمر لمن يدرب اجانب الهلال

أخوي سبق و علقت بموضوع سابق عن بيريرا ..

اللاعب حرفياً بكل مباراة يصنع لك هدف ..
وبكل مباراة يحط لك كور أنت و ضميرك ..

مسألة التسجيل و المطالب بكل أجنبي إنه يسجل غير منطقي ..
على كذا لازم كل مباراة أقل شيء تنتهي 7 للهلال لأن كل أجنبي ضروري يسجل وإلا تراه فاشل !

المسألة مسألة مركز .. اللاعب الأجنبي وش مركزه؟ وش أدواره؟
بيريرا صانع لعب .. لاعب وسط .. يربط السنتر بالهجوم ..
يطلع لك كور نظيفة .. و هو كعقلية كروية لاعب فذ .. و أحكم عليه من المباريات القليلة اللي لعبها بإنه داهية بصناعة الهجمة..

بالدوري هالسنة لعب 5 مباريات فقط لحد الآن .. مباراتين منهن مالعبهن كاملات .. وحدة 6 دقايق و الثانية 30 دقيقة ..
يعني نقدر نقول لعب 3 مباريات بالدوري .. 261 دقيقة بالضبط ..

تدري كم صنع؟ .. صنع 4 أهداف ..

لاعب توه ما قال بسم الله .. خمس مباريات دوري .. و صانع 4 أهداف .. و فاشل ؟؟

يا جماعة بس شوي منطق .. لاعب وسط أدى دوره .. و توّه جاي .. و ديرة جديدة و عالم جديد بالنسبة له ..


الهلال يمر بمرحلة جميلة .. تأهل لنهائي آسيا .. و يلعب مباريات جميلة مع شوي مطرسة من المدرب بعض المرات ..

لكن الهلال عنده سالم و سلمان و ياسر و ناصر و كنو .. كل واحد أجمل من الثاني ..

النشاز بس عدم استفادتنا من ( بعض الأجانب ) ..

ماريقا و بيريرا كويسين .. كجديدين ..

فييتو يمشي الحال بس مهب طموح و مركزه مانحتاجه فيه ..
كاريو ماله مكان واللاعب ماهضمته بعز مستواه مابالك الحين..
الكوري زيادة عدد اسم مدافع ..
قوميز شيّب مع إنه مازال هداف..
كويلار قايم بدوره كمحور دفاعي .. لكن هل تحتاجه مع زحمة هالمحاور اللي عندك؟


الهلال بس يبي له شوي تعديلات .. وفرصة للاعبين الشباب ..

اليامي خاصة .. لازم يلعب بمركزه ..

خليفة الدوسري لازم ياخذ فرصة كذلك ..

مصعب الجوير عمره 18 سنة .. و ضروري يلعب يكسب خبرة ..

نفس الحال للمهاجم الفذ عبدالله رديف ( 18 سنة ) و اللي لو اهملوه ممكن نخسر موهبة حقيقية ..

عبدالله رديف خاصة ممكن ألعبه بديل أول .. حتى قبل صالح الشهري ..



الهلال مشكلته إن بعض أجانبه في خانات مايحتاجها .. مهب إن الأجنبي سيء .. كلهم يمشون الحال ..

لكن قوميز مثلاً لو كان بديله مهاجم مثل إيقالو الشباب .. أو توامبا التعاون .. مثلاً .. تتوقع بتواجه مشكلة هجومية؟

لاعب مثل ألوسكي .. لاعب الأهلي اللي ماشاء الله ماتدري هو ظهير وإلا جناح .. هو يسار و إلا يمين .. تخيل لو معك ..

كيف بتكون الثنائيات بينه وبين سالم ..؟

تقدر رجع الشهراني لمركزه الرئيسي يمين .. و تلعب بألوسكي ظهير يسار .. و تقضي على مشكلة الأظهرة 3 سنوات قدام ..

تخيل لو الكوري بديل عنه لاعب وسط آسيوي .. أو جناح آسيوي .. سواءاً من الشرق أو الغرب ..

وتجيب قلب دفاع غير آسيوي .. مثل حجازي ..؟ قلب دفاع بمواصفات قلب دفاع .. مهب نسخة كربونية من البليهي و جحفلي بس الشكل كوري ..

فالمقصد .. بيريرا أعتبره من أنجح الصفقات .. من بعد صفقة إدواردو .. بس يبي له وقت و يخفف وزن شوي .. و بتشوفه أفضل صانع لعب بالدوري ..

طولت عليك بالرد :d

بس أنا أحب أسهب بالكلام .. دامنا بمنتدى و المجال مفتوح ..

شاكر لك يا صديقي

مخّك نظيف يابو ساري وأتفق مع كل ما ورد في تعليقك عدا جزئية بيريرا
لاعب ياخذ كرت في كل مباراة بلا داع .. ماذا يعني ؟!
بهجة آخر

إما أن يتم ترويضه مبكراً أو سيغادر بعد أن تفقد فرصة تسجيل البديل بحجة البحث عن إحدى جينات ورثة مارادونا مع مسئولي الإحتراف لديك !

اللاعب يصعب إعطاء رأي قاطع بشأنه ..
صحيح لمساته جيده ولكنها رخوة
وإلتحاماته ناعمة
أما تسديداته فهي صفر سواء من كرات ثابتة أو متحركة
ولكنه يظل أفضل من يمثل الهلال حالياً حتى إشعار آخر لعدم وجود بديل إطلاقا في هذا المركز

سؤال بسيط هل يوازي ماقدمه حتى الان مع قيمة عقده؟
اللاعب اما لم يتأقلم او يعاني من اصابة
هذا ليس بيريرا؟

المشكلة أندية الوسط تجيب لاعبين بأسعار أقل كثيراً وأكثر أبداعاً