تكفى ياهلال لاتفرط اكثر من نزيف النقاط + اجلب من تحتاجه بالشتويه
 

السلام عليكم

مساء الخير s13ss13s

حقيقه اصابات الدفاع وكذلك غياب المعيوف

اصبحنا نبحث عن البدلاء ولكن لاحياة لمن تنادي

بالمدرب يرجع محور قلب دفاع ؟ ؟

ترى ماهو عيب اخذ من درجة الشباب اكثر من خانه واعطى فرصه لهم

لاتعك وتضع لاعب ماهو في مركزه حرام يااخي مايحدث من نزيف نقاط

ومباريات في يدك

في فرص كثيره بس تحتاج لمسه الاخيره

انت تصل تصل الى الباب بس ركز يرحم والديك انت معا

ياهلال لاتفرط اكثر من النقاط

واتمنى ملف الشتويه جاهز من الان

اجلب لمن تحتاجه بالفعل

وانا كلي امل اشوف هلال غيرر مع الفتره الشتويه

مباراه الاهلي

اتمنى اشوف الهلال باافضل مستويات

والله يوفقنا

فعلا المدرب والمفرج وكريري يشتركون في عدم الجرأة في إشراك اللاعبين الشباب خصوصا البيشي وناصر والعبدان والطريس ويشتركون في عدم معرفة مراكز اللاعبين بحيث ممكن ترى حارس علشانه نجم يلعب راس حربة ! بينما يفترض ان يكون لكل لاعب بديل في نفس المركز يشارك دايركت في غياب الأساسي او نزول مستواه
الهلال يملك لاعب اساسي وبديل مميزين بكل مركز عدا الظهير والوسط الايسر وراس الحربة حيث لا يوجد بديل للشهراني بالظهير الايسر ولا يوجد وسط أيسر سوى الفرج ويتم تكليفه بالمحور ولا يوجد مهاجم مع قوميز واتمنى على الإدارة التعاقد مع مهاجم هداف مثلا الكولمبي ميغيل بورخا أو عفيف ولدنا لاعب السد بدلا من خربين ومحليا نستفيد من المقايضة مع الشباب نعطيهم كردي ويعطونا الحربي حيث هم يحتاجون ظهير ايمن ونحن نحتاج ظهير أيسر ويتم بيع عقود الجدعاني وكردي والشهري وكنو لعدم توافقهم مع اسلوب لعب الهلال
الحراسة لدينا المعيوف والوطيان والغامدي ويرجع الواكد ونصرف الجدعاني
ظهير ايمن البريك والعليان ونصرف كردي والموسم القادم نصرف العليان ويكون اليامي بديل
الظهير الايسر الشهراني ونتمنى تعاقد مع الحربي او الدبيش الشباب
قلب دفاع ايمن جانغ وجحفلي وقلب دفاع ايسر البليهي والمفرج
المحور الدفاعي كويلار والبيشي الذي لعب في آسيا وعطيف وناصر
الوسط الايسر الفرج ونتمنى تعاقد مع لاعب مميز
الوسط الأيمن سالم وكاريلو والطريس وهتان نحتاج بيع عقد أحدهم
صناعة اللعب جوفينكو والعبدان وربما فيتو
الهجوم قوميز
إذن نحتاج ظهير ووسط ايسر ومهاجم اذا لم يكن هناك لاعب مميز نستطيع تصعيد ومشاركة الناصر للوسط الايسر كبديل للفرج في غيابه او نزول مستواه والحربي الشباب كبديل للشهراني بالظهير الايسر ونحتاج تصعيد ومشاركة الغامدي او رديف لاعبي درجة الشباب كمهاجمين ومن لم يرد اسمه يتم بيع عقده

للأسف أصبحنا ما نعطي اللاعب الشاب فرصته ..

إذا مالعب في حال غياب الأساسي .. متى بيلعب؟ ..

يا ما نجوم طلعوا و تألقوا من أول مباراة سبب إن الفرصة جتهم و طلعوا أفضل من عندهم ..

بعدها أخذوا ثقة و انطلقوا ..

ما نبي نبعد .. خذ التمياط كمثال .. كذلك الشلهوب .. كذلك عبدالله الجمعان .. وغيرهم كثير ..

كلهم لعبوا بسن صغيرة مع فريق من الحارس للهجوم أساطير .. و من أول مباراة بصموا على نجوميتهم ..

الثنيان يا رجل كان صغير جداً و يلعب مع عمالقة .. مع هذا كان مخلي الجهة اليمنى مسرح كروي ..

الغشيان كان يلعب أساسي بالهلال و كأنه من سنين يلعب .. مع إنه بدأ مع الفريق الأول عمره 17 أو 18 ..

الأندية السعودية مهب الهلال بس لازم تعطي الفرصة للصغار .. يمكن مع زخم النجوم اللي حوله يطلع و ياخذ ثقة ..

للاسف ..
الكوره القديمه كانت تعتمد على المواهب وكان عندنا مواهب ..

لجل كذا لما يشارك كاساسي يبدع ,,الثنيان , التمياط وغيرهم ...لانه بالاساس عندهم موهبه

الكوره الحديثه قتلت المواهب وصارت الكوره ( صناعه ) ما تعتمد على مواهب ولكن تعتمد على ارقام..لياقه, قدرة تحمل , عوامل نفسيه


الكوره الحديثه صارت خطط وتقسيم الملعب وكل شخص فين حدود تغطيته ومساحته...

صارت الكوره علم بحد ذاته و يدرس ..


لجل كذا ما صرنا نشوف لاعبيين صغار السن يلعبوا كاساسين الا بعد ما يتخطى مراحل معينه وتقدر تخليه يجاري فريقه و فريق الخصم..

ما عندنا مواهب ...عندنا صناعه لاعبيين ولازم يتخطوا مراحل معينه لجل يشاركوا


مساله ( جيب لاعب من الفريق الرديف او الالومبي ) وخليه يشارك انتهت... وهذا حاصل في كل دوريات العالم الا فيما ندر واصبحوا اقل من عدد اصابع اليد الواحده.