[ALIGN=CENTER]بسم الله الرحمن الرحيم
مسائكم الله بالخير جميع
وشلونكم عساكم أهون و أركد ترى الصحة على شوي شوي
وكل شيءٍ أهون من اللي أكون منوه والدنيا ما تجي بالمهاوش
والله يخس رجل مرك "زوجتك"
أنا شفت الغريب
قاعدن يألف علينا قلت انا وش حيثي ما أسوي مثله و إلا هو يعني من جنب القدة ما غير يحوفه ولا هو يدري من وين هي متوجهه
أن تسان عندي علم "موب الظاهر" أن ثلاثة ارباع جمهوري طايرتن بوهتهم وفاجين الخشه والربع الباقي ماهوب فيه وين راحوا ما ادري بس العلم الوكاد عند البارق
ايه نرجع لسالفتنا "هو اهنا سالفة" بس المهم أني بسولف علاكم و نأخذ عليماتكم و المريه الغفلة يعني ترى ماباليوزر أحد و أنا قاعد أقلب هالنت مريّت ولقيت أن الدعوه فاضية ولابوه أحد وبس هذي السالفة الأوله
نجي للثانية أنتم من قبل كم يوم ما أدري كم أسبوع او كم شهر والوكاد كم سنه
مرسلين لين مسابقتن عن التتن وش رأيه فيه الرأي رأي الجميع وأنا معكم بالي تبون وموتٍ مع الجماعة رحمه ولا هوبمن عادتي اني أقول رأيٍ مخالف للجميع بس أنا
رائي ان التتن ماهوب بالحيل زين ويقولون أنه يجيب الكحه بس ما نيب متوكد و أخر خبري بالتتن يوم إن أمي تسألن بالماسنجر وتقول يا عكوسه عساك مرتاح و تأكل زين
عاد انا قعدت أفكر و حطيت لها وجهٍ يدخن
هذا أخر خبري بالدنيا وماصحيت إلا عقب ثلاثة أشهر
يوم فتحت التلفزيون و اشوف صورة المطلوبة الأولى لأمريكا محاربة الحرية والديمقراطية الأرهابية أم عواكيس
الله يحفظ أمي ويخليها لي يارب عاد امي تخاف من افياش الكهرب وش حالتها عقب هالإعلانات ايه مالكم بطول السالفة التتن تراه يعور البطن إلا أن تسان تشرب عقبه بيرندا يمكن يهضمه وبهالمناسبة الجميله ودي اهديكم هالقصيده
يا للي تشرب التتن .. لا تشرب التتن .. ترى التتن ماهوب زين ..
ترى التتن ماهوب زين ...
ما غير صدرك يحن .. وكل الليالي تون ... وتطيح من النظر والعين ...
وتطيح من النظر والعين ...
إلا على طاري هالتتن هو التتن ينشرب و إلا ينشفط
؟؟ تراني لميح وذهين علي اكتشافات اللهم يا كافي !
على طاري التتن تذكرت سالفة شويب قصيمي
يحب الدين وأهله وما من علم واجد يالله يقرأ الفاتحه وكم سورةٍ معها وكان عنده مصري
بالفلاحة مع كم واحد من هالجنسيات المختلفة و شاف الشويب
هالمصري
مجتهد ومحافظ على الصلوات وصيام وعباده قال الشويب
ليش ما أخليه يأمنا ويصلي بنا بمسجد المزرعه ما دام كل هالتقوى والعبادة المهم بداء هالمصري
يصلي بهم ومن يوم للثاني وهالشويب
يزيد حبه للمصري
و بداء يقربه له بالحيل ويقول الشويب
للمصري
أنت بحسبت واحد من عيالي و هالمصري
ما غير شادٍ حيله بالعبادة صيام وقيام وهالشويب
ما غير يزيد من قدر "و إلا طوفريه " هالمصري
ويرفعه فوق لين المصري
وثق بنفسه حيل وحس أن الشويب
ما يسمع فيه قال
ما بدهاش راح للشايب
وقال
يا عم الحج "حج و إلا عمره" دنا نبي قال
انت وشوا قال
انا نبي قال
إلا والله أنت ذنبي الخلا وأقرب طيارة !!!!
إلا على طاري الطيارة تذكرت هاك الرجال البثر
إلا ما أحدٍ يواطنه ولا يواطن يجلس معه غثيث وثقيل دم الله يجيرنا وياكم من هالشيء المهم هالرجال
كان يداوم بمجلس واحد من رجال الحارة
عقب صلاة العشاء يتقهون ويسمرون همن يتفرقون وهالرجال
يجيهم من دون دعوه والجماعة طاقتن تسبودهم منه قال راعي البيت للجماعة ترى باتسر بسكر الباب واللي يجي منكم يدخّل يده من الكوة ويفتح الباب و همن لادخل يسكر الباب لعل خوينا
يشوف الباب مسكر ويحسب أنه اليوم ما فيه أجتماع يوم جاء من باتسر جاء الرجال الاول
والرجال الثاني
وفتحوا ودخلوا وسكروا الباب يوم جاء الرجال
ثقيل الدم ويلقى الباب مسكر ويدخل يده ويفتح الباب من دون ما يدري يوم دخل قالهالغثيث
لراعي البيت يابو فلان تبيني اسكر الباب او أخليه مفتوح قال راعي البيت
أنت فلان قال الغثيث
ايه قال
ما دام أنك دخلت خل الباب مفتوح
وسلامتكم[/ALIGN]
التتن و حثيربتات 
المجلس العام .. ومرحبا بك .. بس معليش ترى التكييف خربان ..
(ماصلة ذي)
.. بس رد عليه ردن مسكت <--- مسكت والا رهيب <--- قدييييييم
..
الوضع المتطور
