لو نسمي الأشياء بمسمياتها الحقيقية .. لدخلنا في دائرة الغيبة وسوء الظن !

هذا اللاعب كان بإمكانه أن يكون الرقم الأول ولكنه أبى بإرادته !

أتمنى أن يليق به الشباب .. فلا زال في العمر متسع !

العابد موهبة من بداياته كان واضح إنه نجم لا يشق له غبار..
لكن سبق و ذكرت إن اللاعبين الزجاجيين مشكلة الهلال..
وفريقنا له سوابق بالاحتفاظ باللاعب كرعاية اجتماعية..
و تمضي السنين و هو مخاوي الدكاترة بالعيادة..
لا أنت استفدت منه ولا اللي وفرت فلوس بسبب عقده الكبير..

عزوز الدوسري مثال.. و الغنام مثال.. و غيرهم..

الآن عندنا الفرج و عطيف و العابد..
عقود كبيرة و مواهب تعتبر الأفضل بآسيا..
لكن يلعب نص شوط و باقي الموسم مصاب..

فيه نوعية لاعبين ماشاء الله إصاباته قليلة و تركيبة جسمه جينياً قليلة الإصابات..
وهالنوعية اللي نحتاجه..

العابد قدم في تصفيات كاس العالم للمنتخبات مستوى كبير..
وكان له دور كبير بتأهل المنتخب..

لكن شف الفرق بينه مثلاً و بين سالم من ناحية خدمة الهلال..
سالم الله يحفظه بأغلب المباريات يلعب و اصاباته قليلة ماشاء الله تبارك الله..
وهو نشأة حواري.. و معروف لاعبين الحواري أفضل موهبة و اقل اصابات بسبب انهم متعودين يلعبون اي وقت و اي مكان..

الزبدة..
وجوب جلب لاعبين يخدمون الفريق بشكل أكبر..
ماينكبوننا وقت مانحتاجهم باصابات و غيابات..

للأمانه كرهت هذا اللاعب منذ 2015
عندما تخلف عن بعثة الهلال المتجه لايران في اسيا وخذل الهلال وجماهيره

اللاعب انتقل للشباب ..اتمنى له التوفيق ..

انتهت الحكايه اللاعب انتقل الى الشباب

بالتوفيق للاعب نواف العابد مع ناديه الجديد بس طبعا مو قدام الهلال

انا اشوف الهلال فرط فيه للاسف حتى وان كانت اصاباته كثيره الا انه راح يجي يوم وتحتاجه

بالتوفيق له بعيدا عن الهلال

مع الأسف الشديد فرط فيه النادي
الله يوفقه مع ناديه الجديد
لكن المميز للاعب انه سيصبح بإذن الله ركيزة في نادي الشباب ويثبت أقدامه في المنتخب وهذه افتقدها مع الهلال في الآونة الأخيرة.
صحيح النادي لا يقف على أي لاعب أيا كان لكن اللي يشوف الموجودين يتسائل هل نواف كان عبئا على الفريق؟
أجل من المقتنع بمستويات هتان وجحفلي المتواضعة ومع ذلك موجودين بالنادي!!!

نواف العابد لاعب مهاري و فنان من درجة الأولى و الهلال كان دايم تاركه على دكة البدلاء و ترى نواف افضل من هتان ومن لاعبين كثير بالهلال و مشكلته ما احد عطاه فرصه بعد الإصابة و خصوصا بوجود 7 لاعبين اجانب و اخاف يندم عليه الهلال بعد الموسم ذا كان من الأفضل إعارة سنة مع أفضليه الشراء في نهاية الموسم أتمنى له التوفيق

العابد ابن من ابناء الهلال
لاعب كبير ماحد يختلف عليه
ما ساوم الهلال
ونتمنى له التوفيق
هذا على المستوى الشخصي

لكن
اذا جينا للحق
اللاعب انتهى و وصل للثلاثينات
اللي تحتاج انضباط خارج وداخل الملعب
وهذي لا تتواجد في العابد
كما ان اللاعب ما عنده الحافز والقتالية لحجز الخانة كأساسي مثل سالم الدوسري مثلا
اخذ فرص كثيرة حتى يثبت نفسه ويرجع لمستواه
لكنه غير مهتم
اراها صفحة وطويت

مو معقول الهلال ماعنده صانع. لعب سعودي
نواف تمياط بعده شلهوب بعده يخلف الله
ماعد نشوف خانه يمسكه سعودي يبدع يفكنا من اجنبي

أبارك للعابد إنتصاره الأول في أول مباراة يشارك بها مع ناديه الجديد
ضد ذولاك !

ويارب من ذا وأردى