لغز قديم جدآ .... للأذكياء فقط ؟ - نادي الهلال السعودي - شبكة الزعيم

J.A.J · #1 13/03/2001, 09:14 PM

أنت في غرفة مالها الابابين وعلى كل باب حارس ( واحد كذاب والثاني صادق جدآ )

واحد من البابين ينجيك / والثاني يوديك ورى الشمس .

عندك سؤال واحد فقط تطرحه لأي واحد منهم ( واحد منهم فقط ) أنت تختار .

وش راح يكون سؤالك ليدلك لباب النجاة ؟؟؟؟؟؟؟؟؟؟؟؟؟؟؟

أذا لم تتم الأجابه عليه الى يوم الجمعة الساعة 9 مساء .

سوف أعطيكم الحل بعدها مباشرة .

عنان · #2 13/03/2001, 11:24 PM

الجواب على بركه الله

اسأل واحد منهم: لو سألت الى عند الباب الثاني وين الباب الصح وش بيقولي؟؟
واروح مع الباب الثاني

تكفى قل اني ذكي ( عشان تكونون اثنين انت والوالده الله يحفضها لى )

شايب الهلال · #3 14/03/2001, 12:05 AM

مساكم الله بالخير

يالله المستعان

الجواب صح ياعنان

عاشق النمر · #4 14/03/2001, 01:47 AM

اسئل الكذاب واذا كذب عليك طب في بطنه ( عربجي ماعندي تفاهم )

J.A.J · #5 14/03/2001, 02:53 PM

عنان جوابك صح صار عندك 100 ريال . ( ننتقل للسؤال الثاني 200 ريال ) .

شايب الهلال تأخرت في الأجابه شوي .

عاشق النمر ( المرة الجايه بأحط لك نمر وذيب عند كل باب علشان ماتقدر تطب في بطن أي واحد منهم .

عنان بالله عليك من أعطاك ألأجابه ....... ؟؟؟؟؟؟

عنان · #6 14/03/2001, 04:56 PM

اخوي J.A.J
هذي الاجابه عطانيها راعي البقاله يوم شريت تويكس بدال النص الى بقي لي

فيه اقتراح ليه ما نستمروالى يجاوب صح يحط سؤال او لغز وش رايكم؟؟؟؟

[عدلت بواسطة عنان التاريخ:14-03-2001 الساعة: 05:01 PM]

J.A.J · #7 14/03/2001, 07:02 PM

أنا معاك ويالله الدور عليك ... بس لازم اوضح الحل أكثر للراغبين .

تجي لأي واحد فيهم وتسأله :-

لو سألت صاحبك عن باب النجاة وش بيقول صاحبك ؟

طبعآألسؤال كله موجهه للكذاب بذكاء واللي جوابه راح يكون على باب الهلاك .

على طول أنت تأخذ عكس الجواب .

دورك ياعنان .

عاشق النمر · #8 14/03/2001, 10:30 PM

يالله يعنان ادخل برجلك اليمين
يالله عاد لا تغلى

وانت يا J.A.J ( جاج ) هاهاهاهاها اخس ياللبناني جاج
المهم ماعلينا لا تحرش بي مره ثانية والا ترى مادخلت الانترنت مره ثانـــــــــــيــــــــة ( ترى ببطل ) (: (: