من المشاهد في القنوات بعد مباراة الهلال والاتحاد من شيطنة الهلال وانه تم ظلم الاتحاد. رغم ان الاتحاد هو المستفيد من عدم طرد اكثر من لاعب
لكن المشاهد ان جميع الأخطاء التي ضد الهلال هي التي تعرض فقط
وهذا من سنوات وبعد كل مباراة للهلال
اتمنى إطلاق قناة. ولو في اليوتيوب تعرض جميع الحالات التحكيمية في مباراة الهلال بشكل محايد ويكشف الحال المتردية التي وصلت إليها القنوات الفضائية.
القناة سوف يكون لها صدى كبير ومشاهدات كبيرة

اوافقك الرأي والكلام مليوون بالميه ..
استغرب تشنجهم المضحك والعجيب من المباراة الاخيريه للهلال برغم ان الحالتين صحيحه ميه بالميه وكل محللين اقروا بصحة قرار الحكم !!
لا ويجونك يطلعوا حالات ثانيه للاتحاد ويخلوا حالات للهلال ومفروض يعلقوا فيها !!
وش هالعبااطه وهالاستهبال اللي عايشينه وتشبثهم بشيء من لاااشيء !! بس موتهم وقهرهم لييه يفوز الهلال واحنا حاطين املنا بهزيمته بهالمباراة ؟!هههه
حتى المقدم وهو يسال خبير تحكيمي والاخيري يقول له الحالتين وتحكيمه فيهم صحيحه وألا المقدم شوي وتطلع عيونه وكيف صحيحه وشوف الخط وشوف هذااا .. طيب قول للخبير تكفى قول مو تسلل وارتاح قبل ماتطلعوا على الهوا !! هههههه
واللي يقهرك بوجود اعلاميين هلاليين لاحول لهم ولا قوه ماعندهم اي لماحه أو نباهه للرد على هالاشكال المتعصبه ..
بالمقابل تعال نشووف مبارايات للفقر وللطحلب وأيضا للاتحاد وربي يافيهااا اخطااء صرريحه سابقا او هالموسم يندى لها الجبين وماشفنا فتحوا برااامج مخصصه وتتكلم فيها عن المظلوميه والاخطاء الشنيعه و و!!
الفقر مباراياته العام ولقطة حمدلله المشهوره والقفز على المدافع عشان يجيب هدف . والطرد اللاصحيح للاعيبة الاتفاق ومباراة الشباب والبلاوي اللي فيها ومباراتنا معهم وبلنتي اللي للفرج وغير وغير من المبارايات الكثييره لاعد لها ولاحصر اللي فيها دف وااضح للفقر .. طبعا والمنشطات اللي تنبلع بكل مباراة وقضية فحص لاعيبة الفقر اللي بالدكه وتطنيش اهم لاعبين واللي هما حمدلله ومرابط !! ورئيسهم بأعترافه انه هو من غيّر كلاتنبيرج وحط خليل جلال وانه يختار الحكام اللي يبيهم لفريقه وللهلال !! ههههههه
ووش نخلي ووش نقوول
اهاااا وطبعا الطحلب شوفوا مباراياتهم بالذات لو حكم محلي وربي قمة المسخرره .. اخرها مباراتهم ضد الفتح وحسين عبدالغني اللي تحذيف بلاعيبة الفتح وانبراشات وماشفنا ولا كرت .. ولو كان حكم حقاني كان حسين عبدالغني من الشوط الأول طرد !! لكن طبعا طنش طنش عااادي هذا مو الهلال نركز فيه !!
اما الاتحاد وربي ماانسى لهم مباراتي الكوكب والاتفاق أتوقع بكأس الملك وربي تحكييم قممة المسخرره وطبعا الكوكب والاتفاق المتضررين وبكل قووه وماشفناا أي برامج تولول او تنااايح على هالمسخره التحكيمييه المضحكه !!او حتى علقت بكلمه ؟!
ليه ؟؟ لان مو الهلال طبعاً !!
من جد الصيااح والصرااخ على قدر الألم وبإذن الله الهلال قاادر على ان يزيدهم قهر وغيض ..

وانا من خلال موضوعك وربي مثلك انادي بإطلاق قناة يوتيوب وتعرض كل ظلم يتعرض له الهلال بكل مباراة
لأن من جد اللي نشوفه بهالبرامج قممة الوضاعه والحقاره ..
كل شخص يتكلم بميوله وتعصبه وكرهه مو على حقائق ونقد وموضوعيه !! بل حسسب اللون فقط ..
الله المستعان على هيك وسط وعقول !

اعتذر على الرد الطوويل

لكن أتوقع الامر يستحق

اتفق معك في ضرورة إطلاق قناة للفريق على اليوتيوب تشمل لقطات من التمارين وبعض المباريات وتوضيح أخطأ التحكيم وخلافه

اي قناه اعلاميه هلاليه مضمون لها النجاح لكثرة جمهور الهلال


اتفق معك واتمنى يتبناها المركز الاعلامي لوجود الكوادر والدعم لديه

موجود قناة نادي الهلال السعودي
على اليوتيوب
متابعين لها بالملايين وتقدم كل ما يخص الهلال
إضافة إلى منصات كبيرة جدا في كل وسائل التواصل
تويتر وانستقرام وسناب وفيسبوك
وغيرها
كلها رسمية وباسم واحد
فهد بن نافل لديه الكثير لتحقيق طموحات الزعماء
ويحتاج منا الدعم فقط