الحمد لله على نعمة الهلال ..اللهم لك الحمد ولك الشكر على الفوز والظفر بالثلاث نقاط

مبروووووك لجميع الهلاليين
فوز مستحق

ما اقول مبروك على الفوز اقول مبروك على سلامة لاعبينا والف لاباس على عطيف والله يطمنا عليه

هذي مصارعة ماهي مباراة ما ادري متى نفتك من التحكيم الاسيوي

الف مبروك الانتصار خارج الديار
مبروك للزعيم الملكي العالمي
كبير آسيا

.

المنافس باختاكور

بإذن الله نتجاوزه

الله يستر من اصابة عطيف

حسبي الله ونعم الوكيل في التحكيم ولاعبي الفرق الآسيوية خشونة في اللعب


وألف مبروك الفوز

متى يتم اعتماد تقنية الفار في دوري أبطال آسيا

هذي ميزة أجانب الهلال اللي كنا نفتقدها حتى وهم سيئين من نصف فرصه ينهي لك المباراة.

قوميز يسوى وزنه ذهب .. لاعب يخلص لك المباراة إذا احتجته.. إذا أغلقت المنافذ يجد حلا لها بطريقته.. ليس مهاجما يسجل أهداف لا قيمة لها .. معظم أهداف قوميز حاسمة ومصيرية ياتجيب نقاط المباراة أو تنقلك للدور اللي بعده.

المباراة القادمة أمام بختاكور بالرياض .. إن شاء الله تفوز وتنهي الدور الأول بالعلامة الكاملة (9) نقاط.

تخيل بس قوميز ينصاب ..
بنلعب لين يرجع من اصابته ما سجلنا هدف واحد ..

هذا لا قالوا لك لاعب ينقذ مدرب ..

ألف مبروك و الحمد لله على الفوز .. ما نقول شيء ..
لكن والله يا المستوى من كم مباراة يذبح و يجلط ..
ولو تبي تتابع للمتعة صدقن لو تشوف سباق هجن يمكن أحمس من لعب الهلال ..

مافيه جمل تكتيكية بالكور الثابتة أبداً .. مافيه طريقة واضحة لاستغلال الركنيات ولا تحس أصلاً فيه تكتيك عام ..
تحس اللعب على البركة و على مهارة اللاعب نفسه ..

حسن تمركز قوميز و انهاؤه الخرافي ماشاء الله بعد الله هو سبب فوزنا بكثير من المباريات ..

أسرع من لقمة الهدف مافيه .. تسيطر على المباراة و تمرر و تمرر و تمرر ..
لين الفريق الثاني يمل منك و الجمهور يمل منك بالأخير تنقطع و تنصك بهدف ..

اللاعب الهلال نفسه تحسه مايتدرب على شيء ..
لا يتدرب على الانهاء ولا على التمرير و لا على التسديد ولا على الارتقاء ..
نفس مستويات اللاعبين هي هي من سنين .. تلقاه فنان بس مايعرف يسجل هدف ولا يعرف يتصرف بالكورة ..

لو به مدرب صاحي .. مسك كل لاعب و خلاه يتدرب ساعة بس إضافية على نقاط ضعفه ..
يمسك سالم يقول له يا سالم .. ساعة كاملة سدد على المرمى و يحطون له خشبة بوسط الباب يقولون لا تشوته بالخشبة .. شته بالزاوية ..

يمسكون الشهراني يقولون أنت وحش بكل شيء .. بس ياخي ساعة وحدة العب عرضيات بعد التمرين ..
ونفس خشبة سالم اللي كانت حارس .. يحطونها بوسط الثمانطعش يقولون ارفع لها ..

ياخذون نفس الخشبة ويحطونه داخل الثمانطعش حقتنا ..
ويعلقون كورة بحبل فوق الخشبة .. ويخلون الحافظ و البليهي و الكوري و جحفلي ساعة يناقزون على الكورة ..

إذا على الخشبة أنا أدبرها لهم من أقرب عمارة تبنى .. بس خلهم يتدربون جابوا لي الضغط بمباريات سهلة ..

لاعبيننا ماعليهم كلام من ناحية الموهبة .. كلهم موهوبين .. بس مايتدربون ياجماعة الخير ..

(( مع الممارسة يأتي الإتقان ))

مهما كنت موهوب و تعرف .. بدون ماتتدرب و تمارس الشغلة يومياً ماراح تتطور و راح تفقد موهبته يوم بعد يوم ..

‏
الحمدلله والشكر
الف مبرووووك لكل الزعمااااء والزعيماااات

‏:ba::ba1::ba::ba::ba1::ba:
‏:alzaeem: بالتوفيق داااااااائماً للزعيم الهلالي :alzaeem:
‏:ba::ba1::ba::ba::ba1::ba:

شــــــــــعارنا دائماً
‏:ba::ba1::ba:( يداً بيد من أجل الزعيم ):ba::ba1::ba:
‏:ba::ba1::ba: اللهم وفق الهلال فوق كل ارض وتحت كل سماء :ba::ba1::ba:
‏https://6.top4top.net/p_1432uk8j81.png
‏

اتحاد فاشل ولا هذول حكام تقول ناسي كروته بالبيت

لكن ان شاءالله الهلال يلقنهم درس سنه ثانيه ع التوالي

مبروك الفوز مع ان مستوى الاعبين سيئ المدرب لازم يسوي لهم ربع ساعه تنفيذ ركنيات قبل كل مباراة لجميع الاعبين دفاع وهجوم

ما راح تشوف متعه في لعب الهلال و الفرق الي تلعب ضده كلها دفاع
المباريات الكبيره للهلال اذا كان اللعب مفتوح و خصمك يلعب عادي مو متحفظ و على المرتده
بس الخشونه الزايده في مباراه الامس من الأهلي الاماراتي ما لها داعي
يكفينا إصابات
و الحمد لله على نعمه الهلال