اسمح لي اختلف معك
التدوير طال جميع اللاعبين وجوفينكو لعب كبديل ولم يشارك في مباريات واستبدل في أخرى وانا اراه حاليا من افضل لاعبي الوسط.
جيد في صناعة اللعب والتمركز وتسديد الكرات الثابته والمتحركة وهذا ما يبحث عنه اي فريق
اما ادواردو فهو يلعب على كيفه وفي اي مركز يختاره وبالتأكيد شفته مع جميع المدربين وكيف تم مهاجمة جيسوس من أجله ، اللاعب متعالي على الفريق وبمجرد يحتك معه لاعب تجده يترك الكرة وايضا اذا مستحيل يمرر لأي زميل له كرة هدف واذا استمر بهذا الشكل سيخلق حساسية بينه وبين زملائه بالفريق ولكي تعرف أسلوب ادواردو وتعاليه شف كيف رد على المذيع عندما قال لم تقدم بشكل جيد في مباراة الفيصلي على طول قال انا ثالث افضل لاعب في بطولة العالم وجلس يضحك
اخيرا انا أرى المنافسة بالدوري والتركيز على بطولة كاس الملك والآسيوية ويكون الدوري تجربة وفرصة لجميع الاسماء حتى يكون لدينا فكرة كاملة عن التغييرات نهاية الموسم
صحيح نحتاج تعاقدات مع حارس مميز وظهير ايسر ومهاجم محلي مع مدالله واذا صح الاتفاق مع اليامي حارس الاهلي والعبيد ظهير ايسر المجزل فهذا جيد ودليل على فهم حاجة الفريق ومحاولة تعزيز نقاط الضعف ويبقى محاولة الحصول على مهاجم الرائد الغامدي بالمقايضة مع الواكد وكردي والحافظ ونعيد لهم الشهري
اما الاجانب فلدى الادارة خيار جيد بتبديل ادواردو وخربين بعفيف و الأرجنتيني موري اذا صح الاتفاق معه

اسمح لي بعد اختلف معك أخوي ثاير

ادواردو يعتبر من أهم اللاعبين في الهلال.. و كلامه صحيح.. اللاعب راجع من إصابة..
ولا تنسى .. و هذي حطها في الاعتبار .. إن إدواردو سجل في الدوري 9 أهداف .. و ترتيبه الرابع بين الهدافين ..
بعد السومة و حمدالله و قوميز ..
مثل ماقلت لك هو لاعب جوكر حسب هوى المدرب مرة يلعب به محور مرة جناح مرة محور هجومي .. و مرات كلها بنفس المباراة..

استبدال ادواردو ضرب من الجنون في هالوقت ..
اللاعب مازال مرعب .. و كثر الله خيره يغطي مركز جديد عليه ..

واللي بدأ هالبدعة هو خيسوس ..
هو اللي صرّح و قال إنه يعرف إدواردو و خابصه خبص و إنه يلعب محور ..
وبعد ماراح خيسوس استمر ادواردو بهالمناطق لأن جيوفنكو متواجد ..

أولا انت تتكلم عن لاعب مثل جميع منتخبات إيطاليا
وكأن مع اليوفي قبل أربع او خمس سنوات تقريبا
ومع تورنتو الكندي حصل على جائزة أفضل لاعب وأفضل هداف وأفضل صانع
ومن ضمن ارقامه مع النادي الكندي ساهم في 32 هدف من أصل 36 مباراة
ثانيا اللاعب جاء للهلال ليحقق دوري الأبطال
وفعلا تحقق الهدف بالاصرار والحلول والامكانيات الحقيقية للاعب مؤثر.. ذهاب واياب ما شعرنا فيه بالعجز والتخاذل والاستسلام بل كان هجوم جامد وله هوية وشخصية البطل حتى تهاوت قوة الفريق الياباني واصبح يدافع أمام قوة ضاربة وطوفان كاسح مرعب
حكاية الدوري شبعانين دوريات نحمد الله ونشكره ومحقق الهلال اثنين دوري وكأس الملك قبل موسم ونص وباستطاعت الهلال تحقيق الدوري بلاعبينه المحليين بعد

ثالثا وين مركز إدواردو والا غير إدواردو اللي تقول ان جيوفينكو اخذ المركز..؟
اللاعب اصلا علامة فارقة في مراكز كثيرة.. مركز الصناعة ومركز المهاجم ومركز المهاجم الوهمي وحتى في مركز الطرف يستطيع يلعب ويبدع أفضل من الموجودين كلهم مو بس إدواردو
ويستطيع يلعب حتى لو مع صلاح والا سواريز والا فيرمينو والدون وميسي بعد
اللاعب مثل ما ذكرت جاي لتحقيق بطولة استعصت كثيرا وبمبلغ يعتبر الأعلى في الدوري السعودي مع احمد موسى ولكن هل تقارن سيبا وانجازاته وحضوره باحمد موسى ونستكثر في سيبا اللي اندفع فيه..؟؟

اخيرا ياليت كل لاعبين الهلال بنفس روح وعطاء الشهراني والمعيوف وجيوفنكو.. صحيح كاريلو وسالم وقوميز ممتازين لكن اتكلم عن اللي يحرثون الملعب وبروح عالية
يارجل حتى في مباراة الشباب امس الفريق كله كان نازل ومع ذلك قدم جيوفينكو كم كورة وفرصة للتسجيل حتى من الركنيات وقاعدين يتفرجون وقبلها في كل مباراة سيبا له بصمة في كل فوز

الزبدة هذا لاعب مهم واعتبره أفضل محترف اجنبي في آسيا والدوري
وتستطيع توقع معه تجديد وانت مغمض
ع الاقل آسيا 2020 يكون أول اختيارات المدرب

والله معليه اللي مايشوف جيوفينكو شايل الفريق هو واحد من اثنين يا انك ماتشوف او انك ماتبغى خير للهلال

امس ما شفنا غير المعيوف بعدها جيوفينكو والباقي كلهم جلطات

ادواردو نعزه ونغليه لكن في الاخير ماهو ادواردو اللي نعرفه اول كان يشيل الفريق الان لو غاب ما تحس فيه

بالتوفيق للهلال

اقول كيف الحال
ايش اخباركم طيبين ان شاء الله

إقتباس الرسالة الأصلية كتبت بواسطة ابوساري اسمح لي بعد اختلف معك أخوي ثاير ادواردو يعتبر من أهم اللاعبين في الهلال.. و كلامه صحيح.. اللاعب راجع من إصابة.. ولا تنسى .. و هذي حطها في الاعتبار .. إن إدواردو سجل في الدوري 9 أهداف .. و ترتيبه الرابع بين الهدافين .. بعد السومة و حمدالله و قوميز .. مثل ماقلت لك هو لاعب جوكر حسب هوى المدرب مرة يلعب به محور مرة جناح مرة محور هجومي .. و مرات كلها بنفس المباراة.. استبدال ادواردو ضرب من الجنون في هالوقت .. اللاعب مازال مرعب .. و كثر الله خيره يغطي مركز جديد عليه .. واللي بدأ هالبدعة هو خيسوس .. هو اللي صرّح و قال إنه يعرف إدواردو و خابصه خبص و إنه يلعب محور .. وبعد ماراح خيسوس استمر ادواردو بهالمناطق لأن جيوفنكو متواجد ..

بالتأكيد الاختلاف في وجهات النظر طبيعي واقدر لك ذلك ولو اتفقت معك على أن المدربين لم يستغلوا موهبته ولكن انا احتاج اجابة وشهو مركز ادواردو ؟ وبعد ذلك ستكتشف هل هو لاعب مهم جدا ولا يمكن الحصول على أفضل منه .

إقتباس الرسالة الأصلية كتبت بواسطة aommasi اقول كيف الحال ايش اخباركم طيبين ان شاء الله

بخير يالغالي .. انت ايش اخبارك
عسى ما تضايقت من بعض الردود
اول شي انت وادواردو عينين في راس
والله ماظن انك تحب إدواردو أكثر مني
وكلنا نعرف الجلاد والسوبر والتاريخي والمرعب
السحر الحلال.. كتب وحفر اسمه من ذهب في سجلات وانجازات الزعيم
لكن اعتقد انه حقق كل شي للهلال ما فيه بطولة ولا إنجاز الا وله بصمة اصلا من يوم حضر للهلال والانجازات تتضاعف ولن ننسى وجة السعد والصفقة المدوية حينها
لكن اعتقد انه انتهى وما قصر ولاعنده أكثر من اللي حققه
وربما لو جدد موسم راح يكون إضافة لاشك ولكن اشوف من الصعب الحكم على مسألة التجديد من عدمه الان
ننتظر لنهاية الموسم هذا ولكل حادث حديث
بس في الفترة الحالية وعلى وشك انطلاق تصفيات آسيا 2020 نحتاج جيوفينكو أكثر من حاجتنا لادواردو لأسباب كثيرة فتحركات جيوفينكو وصناعته والحلول التي يمتلكها نحتاج إليها هذا الموسم لنهاية آسيا
وعلى فكرة لا نؤيد رحيل إدواردو بدون احضار لاعب أفضل منه
أو يستمر اذا لم يتوفر البديل الأفضل
لكن سيبا اعتقد من الصعب تحصل أفضل منه بسهولة

بالاخير الهلال لا يقف على لاعب مهما كان اسمه
رغم اننا نبحث فقط عن الاستقرار والثبات على التشكيل والانسجام
كل التوفيق للإدارة والمدرب وأعضاء شرف الهلال في اتخاذ ما يرونه مناسب للهلال

ادواردو اللي تتكلمون عنه وصل لنهائي ابطال اسيا لوحده
ماكان معه جيوفينكو ولاقوميز ولاكاريلو

إقتباس الرسالة الأصلية كتبت بواسطة الحربي00100 ادواردو اللي تتكلمون عنه وصل لنهائي ابطال اسيا لوحده ماكان معه جيوفينكو ولاقوميز ولاكاريلو

ولم نحققها الا باستبعاده ، الموضوع ليس ضدية ولكن فائدة الفريق وانت ترى في مبارياتنا آسيويا وفي بطولة العالم كيف يتم التركيز على جوفينكو بالذات بأكثر من لاعب مما أعطى لبقية زملائة فرص أكبر والمقارنة هنا من يفيد الفريق أكثر وللعلم خمس مواسم كثيرة على اي لاعب أجنبي

إقتباس الرسالة الأصلية كتبت بواسطة ثائرالهميجان ولم نحققها الا باستبعاده ، الموضوع ليس ضدية ولكن فائدة الفريق وانت ترى في مبارياتنا آسيويا وفي بطولة العالم كيف يتم التركيز على جوفينكو بالذات بأكثر من لاعب مما أعطى لبقية زملائة فرص أكبر والمقارنة هنا من يفيد الفريق أكثر وللعلم خمس مواسم كثيرة على اي لاعب أجنبي

شكلك ناسي.. تراه ما لعب النهائي لاذهاب ولا اياب اصيب في الدقيقة 7 مباراة الذهاب ولو لعب لتغير الشي الكثير
ومن باب اولى يلعب جيفنكو مكان عطيف او كنو ونشوف كيف مستواه