وعليكم السلام ،
الف مبروك النتيجه والثلاث نقاط
وإن شاء الله تتواصل الإنتصارات إلى نهاية الموسم
،
،
خربين يلعب للمجموعه ، عجبني في مباراة الإتفاق في اكثر من حاله
عكس إدواردو اللي يفكر بـ نفسه أكثر من الفريق و المجموعه اللي تلعب معه ، مثآل
هجمة بدأت بعد ثنائيه بين خربين وهتآن من الطرف اليسار ،
إدواردو المفروض يسحب المدافع معه برى السته من بدري وبدون تفكير
كل المساحه إلى القائم الاخير كان ممكن يستفيد منها الشهري بـ التحرك هذآ ،
البرزيلي كان أناني و سوا العكس كله عشان يسجل هدف ، لمخ خربين والشهري !
راح بالمدافع داخل السته وعمل زحمه ثم رجع سحب نفسه متأخر برى السته ؟!
و بكل بجآحه يعتب على خربين ليه مآ يمرر له !
بعد الهجمه هآذي ، البرازيلي عآقب السوري
حصلنا على ضربة جزاء وخربين أخذ الكوره على اساس ينفذهآ ، لكن
ادواردو مآرس الأنانيه و مآسمح لـ عمر يسجل هدفه الخامس ويتعادل مع روما الإتحاد
في ترتيب هدافين الدوري السعودي ، ليه ؟
لأنه ادواردو يفكر في نفسه اكثر من اللاعبين اللي معه ، يتنافس معهم
حقيقه أثبتهآ البرازيلي بـ ردة فعله الغريبه بعد هدف قوميز ، حتى ما فرح !
سلبية جديدة في الدقيقه 41 والنتيجه تعادل 1-1
مجهود كبير وإفتكاك من كويلار قابله إستهتار في الإنهاء من ادواردو
إن شاء الله بس هاللقطه مآ يرجع يسويهآ في مباراه مصيريه ؟!
حاله ثانيه سلبيه ، في المسانده الدفاعيه من اللاعب ادواردو
على طوله مآحاول يضايق اللآعب ويمنعه يطلع فوق الشهراني ،
على العكس ، تحسه كان متأهب للإنطلاق لـ مرتده وكأنه متأكد من الحارس !
والنتيجه ربك ستر ولطف ، تحسب لـ البليهي
إدواردو كان سلبي حتى وهو في حائط الصد ! ، صنم
هدف التعادل الإتفاقي يتحمله بالدرجه الأولى إدواردو ثم الواكد ،
أجمل مآفي المباراه الجماعيه اللي حضرت بعد نزول كآريو وقوميز ،
4 تمريرات وتسديده ، متابعه من كآريو و هديه لـ إدواردو و هدف رابع !
خارج المباراه أتكلم ،
بكل صرآحه و بدون مجامله
ادواردو يحب الفريق يخدّم عليه لـ تسجيل الأهداف أكثر من اي حاجه ثانيه ، حتى لو الفريق ينغلب
الشيء هذا تثبته 17 هدف صنعها في 125 مبارة مع الهلال من 2015 إلى مبارة الإتفاق الأخيره !
السؤال : هل اللآعب هذا مركزه مهاجم ؟ ، لا
مركزه صانع لعب - خلف المهاجم - وسط متقدم
ورغم هذا ارقامه في الصناعه ضعيفه و سيئه جداً ، يعني بـ المختصر
بوجود خربين الصغير 25 سنه و قوميز الهداف الخبير ، الهلال ما يحتاج مهاجمين أجانب
الفريق يحتاج بالدرجه الأولى صانع لعب مثل طيب الذكر التايب ، إللي من العدم يخلق لـك فرصه
او حارس اجنبي ينافس المعيوف على الخانه في ظل ضعف امكانيات البديل في مركز الحراسه
ضروري الإداره من الآن تفكر في الشتويه او على الأقل الموسم الجاي في هـ المركزين بالذات !
إدواردو ينتهي عقده في 30.06.2020 ، خمس سنوات كفايه
إن شاء الله ما يصدمون الجمهور ب التجديد لـ هاللآعب !
الله يوفق الزعيم الملكـي