كاريلو في مباراة الاتحاد اسيويا كان في أسوأ حالاته فقط يستلم ويسلم الكرة. نزول هتان وهو اقل منه فنيا ولكن حرك الجهة اليمنى افضل من كاريلو. كاريلو عندما يستلم الكرة يتمشى وغير مفيد. وحركاته الهجومية ضعيفة

فعلا!!
هتان كان فعال اكثر
تمنيت لو اخذ وقت اكثر !

بصراحه شي غريب ولعبه غريب جدا يوصل لمنطقه الجزاء ويعكس اي كلام واذا رجعت له الكورة سدد في الحارس بدون حتى ما يشوف لك حق تشك فيه ّّ

للمرة الثانية اتمنى بن نافل يستفيد من بيع عقده
ونفتك منه
الطامة مسجلينه في آسيا ومركنين خربين وادواردو
ياليت خلينا بوتيا مدافع بداله والكوري محور

ما نسيت تقاعسه عن مباريات الحسم
في الدوري
وكأس الملك
والبطولة العربية
وكأن السبب الأول في خسارتها كلها
يدعي الإصابة في احنك الظروف
لكي لا يلعب 25 مباراة لكسر عقده
لكن الشرهه على اللي جابه
والله المفروض يتحاسب على استعارته سامي
مدري متى نخرج من تخبيص الموسم الماضي
و إدارات التغيير والاحلال اللي طلعت لنا من تركي

وش تتوقعون من لاعب الادارة هى ركضت وراه ودفعوا مبلغ محترم فيه

الأهم من هذا ضمن راتب ما يحلم فيه ولثلاث سنوات

اقول يا رب يجي كويلار
ونضيفه بدل كاريو
لان المحور ضايع

وياليت يدخلوا خربين بدل الكوري
لو كانوا يفهموا

إقتباس الرسالة الأصلية كتبت بواسطة بلجيك ما يفل الحديد إلا الحديد إدواردو كان مفتاح المباريات المعقدة الحين ماعدنا يسجل غير قوميز

المشكلة كاريلو هو نفسه من السنة اللي راحت .. بس الشباب مستغربين مستواه الحالي ناسينه

والحين يبون ليوناردو بدال إدواردو .. لأنه تشبّع .. صار شبعان بالحيل .. سمين كروياً

والله ثم و الله إني أحط قوميز و إدواردو بالآسيوية .. أبرك لي من جيوفنكو + كاريلو + الكوري مع بعض ..

أجل الإتحاد يخليك تمسك أعصابك كل المباراة .. ضاعت مليون فرصة لهم .. لو مسجلين وحدة كان منتعشين و صعبوا التأهل علينا ..

مع إني أشوف التعادل السلبي لمصلحتهم ..


لكن الشكوى لله يا صديقي .. دام القائمة ما يمدي نعدّل فيها .. نقول الله ييسر لهم و يجملونها بالإياب على ملعبنا ..

------------

إضافة ..

تذكرت بعض ردود الشباب على مستوى كاريلو المباراة اللي راحت .. يقولون تعليمات المدرب علشان مايجهد نفسه لمباراة الإتحاد ..

طبعاً التعليمات إنه يمرر خطأ و يبربس بالعرضيات و يسحّب رجليه و كل شيء يسويه خطأ .. علشان الإجهاد ههههههه

كاريلو والله حرام يلعب بالهلال

ولا يهون جوفينكو المفلسسسس

هنا دور الادارة . وبحث السبب مع كاربلو
العام الماضي كان هو سبب خسارة الدوري بسبب الاصابة رغم خروجه من مباراة الاهلي عربيا بدون اصابة
المباراة النهائية اختفى ونزل أشرف . واختفى عن مباريات الدوري ثم رجع لمنتخب بلاده ولعب . ثم رجع للهلال في مباراة النصر ونزل الشوط الثاني .

على الادارة تحفيز كاريلو حتى لو كان ماديا

كاريلو على حساب ادواردو خطأ فادح
بوجود سالم و هتان كان يفضل الاستغناء عن كاريلو
مباراة الإياب صعبة جدا بهذا المستوى

والله ودك من يجمع اللي كانوا يصايحون وصجونا بالتعاقد معاه وتجلدهم جلد مبرح قلنالكم الاعب والله ما يستاهل المبلغ اللي بيندفع فيه وفيه اللي افضل منه وارخص

لكنكم جمهور عاطفي عرف الفقراوي السويلم يلعب عليكم خلاكم تتعاقدون معاه وبمبلغ كبير وبتنشيفة ريق بعد وقلتها هذا وجهي اذا النصر جابه

ادواردو حتى ومستواه طايح الا انه افضل منه وحرام نخسر ادواردو وخربين عشان كاريلو

عندنا هنا ما يناسب اجوائنا وتعايشنا الا الاعب البرازيلي اما تروح اوروبا وتبيه يلعب في جونا انت غلطان

اتفق معك اللاعب ليس هذا المنتظر منه شاهدناه فب كوبا امريكا وكاس العالم اللاعب عنده اكثر من كذا بكثير اتمنى ان توصله رسائل الجمهور + رقابة وتحفيز اداري قدامنا بطولات

من أمن العقوبة .. أساء الأدب !
سالم و كاريلو برود ولعب ع الواقف !
لو المدرب يفعّل الخط الإحتياطي وأي لاعب يحس
إنه ما قدّم شي أو يلعب ع الواقف المفترض المدرب يطلعه على
طول .. باهبري و نواف موجودين .. إذا كاريلو أو سالم
أو غيرهم لم يقدم المطلوب .. آوت على طول ..
الدكة تربي أحياناً ..
وإذا الدكة ما ربٌت .. الخصم واجب ..

::