مبروك الفوز الذي جاء في بداية الدوري، وكما هو معلوم اهمية الفوز في المبارة الاولى، واتمنى الاستمرار في نقمة الفوز خصوصا على فرق الوسط والمؤخرة حتى النهاية لانها مهر الدوري في الختام.

تعجبت اليوم من مستوى بعض اللاعبيين خصوصا كارليو الذي ظهر عليه الاستهتار واللعب على الواقف ولا اعلم كيف نفهم نفسية هذا اللاعب.

جوفينكو ايضا مجهوده ضئيل جدا وصناعته للفرص عادية جدا ونمطية وليس بها اي شي مميز. ونفس الكلام ينطبق على ادواردو.

التنظيم الدفاعي كان سيء جدا جدا والفراغات في الكرات المرتدة مرعبة ، والمعيوف تلاعب باعصاب الجماهير في اكثر من كرة من غير مبرر.

لازلنا في البداية واتمنى تدارك الوضع واللعب بجدية اكبر (ورجولة) خصوصا في مبارة الاتحاد القادمة.

بامانة الفريق لا يختلف كثيرا عن الموسم الماضي حتى الان ويحتاج لعمل كبير وجدية كبيرة خصوصا في وسط الملعب.

الف سلامة لللاعب الفنان عطيف واتمنى ان تكون اصابته بسيطة وعودته سريعة لانه سر المتعة الحقيقية في الهلال.

،

نكون صريحين ، المشكله في المدرب مو في اللآعبين !
المدرب للحين لمسته على الفريق مآ بيّنت ،
الشوط الثآني في جده مآيحسب له ، يحسب لقوميز وباقي اللعيبه
الفريق منسجم مع بعضه من الموسم اللي رآح ، يعني لو بمدرب طواريء راح تفوز !

الفريق يستقبل اهداف غبيه ، الدفاع مافي انسجام والسبب المدرب
لآعب جديد دخل على التشكيل اللي هو الكوري ، لخبط الإنسجام اللي بالدفاع ؟
البريك مصآب و عجز يلقى حل له يسسد الخآنه بالشهرآني ثم يعفس اليسار

طريقة المدرب وتكتيكه بالملعب مآفي أمل تعرفهآ ،
لاهو إستحواذ ولا مرتدات ولا كور طويله ولا تمريرآت قصيرة ولا اي حاجه
أخطاء في التمرير يآ كثرررهآ ، في التمركز في التغطيه
اخطاء في المسانده وسحب التسلل ، اخطاء في كل شيء
الأجنحه في الهلال إلى رحمة الله والسبب ، المدرب
قلوب الدفاع للحين شغال يجرب مع الكوري مين ينفع ، الوديآت وش كنت تسوي ؟!

ضروري الإداره تجيب فني متخصص يواجه المدرب بأخطائه اللي قاعد يسويهآ
تجلس معاه تقول له بالحرف ، الفريق بدون هويه ؟ مستوى مآفيه يآ كوتش ؟!
المشكله فيك وفي تكتيكك اللي مآندري وشهو ؟!

يآرب آشوف فريق ثآني قدام الإتحاد

المدرب جديد ولا نستطيع الحكم عليه فالوقت مبكر
لكن من مباراة اليوم مبين ان المدربإلى الآن لم يتوصل لطريقة نهائية في طريقة لعب كاملة للمجموعة ...
كل خط الوسط لم يقدموا المأمول ولكن ليس من العدل مقارنة جيوفنكو بإدواردو او كاريو
جيوفنكو يختفي مثلهم لكن تبين له محاولات لاثبات الذات بعضها مؤثر مثل تمريرته للشهراني في الهدف الثاني وتسجيلة للهدف الثالث
هتان باهبري تحسب له تمريرته لـ قوميز في الهدف الاول وتمريرته التي بعدها واحتسب فاول لــ قوميز وتحركه بدون كرة في الهدف الثاني مع الشهراني ..
لكن بالنسبة لـ كاريو كان لابس طاقية الاخفاء ما نشوفه إلا بمشاركات خجولة لا تعد ولا تذكر .. إدواردو أبرز مافيه اضاعته لفرصتين لكن غيرها لا يذكر ...
سلمان الفرج رغم نزوله المتأخر صنع فرصتين جعل المهاجم في مواجهة الحارس ولا ذنب له في إضاعة المهاجمين إدواردو وعمر خربين لهذه الفرص ...
وقميز كان مجتهد من البداية ويكفيه قلب النتيجة بهدفين ..
الكوري تسببه بضربة الجزاء غريب كنو لا يزال دون المأمول
باختصار المدرب لا زال لم يجد التوليفة المناسبة للفريق في الشق الهجومي .. بالنسبة للشق الدفاعي فالشق أكبر من الرقعة ما دام ليس هناك محور دفاعي بمستوى عالي وكذلك ليس في لاعبين الوسط من يجيد التغطية الدفاعية مثل طيب الذكر ويلهامسون وعطيف هو الوحيد اللي يعول عليه في ضبط ايقاع الوسط ..
الفريق يحتاج لعمل تكتيكي كبير لكن اتوقع ان المدرب ليس مشكلة حتى الآن
فأبها أسهل من الرائد ومن الجيد ان تبدأ مبارياتك بتدرج حتىنصل للمستوى المأمول
وكل الامنيات بالتوفيق للزعيم

غريبة كثير كان ينتظر نهاية المباراة الأولى من أجل النقد رغم أن الفريق قدم مستوى جيد بجميع لاعبيه ومتصدر الدوري!
لو تعادلنا مثل الأهلي أو فزنا بالحكم مثل الفقر أو انحشرنا مثل الاتحاد وش راح يصير المنتدى ؟
إدارة ومدرب ولاعبين في اول مباراة بالدوري يفوزون بأربعة ويظلمهم الحكم بعدم احتساب ضربتي جزاء وينزل عشرين موضوع تحلطم بصراحه تفاجأت من كثير من المواضيع .

إقتباس الرسالة الأصلية كتبت بواسطة ثائرالهميجان غريبة كثير كان ينتظر نهاية المباراة الأولى من أجل النقد رغم أن الفريق قدم مستوى جيد بجميع لاعبيه ومتصدر الدوري! لو تعادلنا مثل الأهلي أو فزنا بالحكم مثل الفقر أو انحشرنا مثل الاتحاد وش راح يصير المنتدى ؟ إدارة ومدرب ولاعبين في اول مباراة بالدوري يفوزون بأربعة ويظلمهم الحكم بعدم احتساب ضربتي جزاء وينزل عشرين موضوع تحلطم بصراحه تفاجأت من كثير من المواضيع .

المستوى مره جيد ، ميـه ميـه جداً جميـل
متصدرين الدوري من اول جوله ، بفآرق كبيـر
ثلآث مبآريآت الفريق مسيطر فيهآ وشبآك معيوف نظيفه بسم الله علينآ ،
استحواذ كل مبآرآه 75 بالميـه أقل شيء ، تيكي تآكآ من لمسه فريق خطير !


مآشآء الله على مستوآنآ بس

لم يتجاوز اي احد في الانتقاد او الانتقاص من اللاعبيين، هننأنا بالفوز وانه ضروري في المبارة الاولى ، لكن الفريق الذي يعج باسماء كبيرة جدا لم يقدم المامول منه في الشوط الاول وكاد ان يتكرر سيناريو الموسم الماضي.
نحترم رأيك اخي الكريم

إقتباس الرسالة الأصلية كتبت بواسطة الدونجوان الأزرق *من مباراة اليوم مبين ان المدربإلى الآن لم يتوصل لطريقة نهائية في طريقة لعب كاملة للمجموعة ... *بالنسبة لـ كاريو كان لابس طاقية الاخفاء ما نشوفه إلا بمشاركات خجولة لا تعد ولا تذكر *باختصار المدرب لا زال لم يجد التوليفة المناسبة للفريق *الفريق يحتاج لعمل تكتيكي كبير لكن اتوقع ان المدرب ليس مشكلة حتى الآن

،

المدرب 54 يوم مع الفريق ، معسكر في النمسآ ومباريات وديه وتمارين يوميه
و مآتوصل لطريقة لعب ؟
بنلعب ربع النهآئي يوم الثلاثاء في آسيآ وهذآ لين اللحين مآتوصل ؟
3 مباريات رسميه جرب فيهآ 21 لآعب ، وبرضه مآتوصل ؟
متى إن شاء الله يتوصـل !

المشكله أن الفريق مآفيه تغييرآت كثير عن الموسم الماضي ،
جابو مدافع كوري ، و خربين والحافظ والمفرج عوّدو من الإعاره !
يعني مو مطلوب منه يولف توليفه جديده بكل مباراه ،

حاجه ثانيه ، المدرب واضح انه مو صآرم مع اللآعبين
تمريرات غلط كثير واحتفاظ بالكوره اكثر ، مآفي جديّه
الإنضبآط المفروض المدرب يفرضه على اللعيبه ، بطريقته
حتى لو بالصيآح مثل خيسوس

بالنسبه لكآريو ،
آتفق معك مآقدم شيء ف المباراه ، وفوق هذآ كآن يلعب بإستهتآر
والبلآ أرجع وآقول من المدرب !

الهلال فريق كبير و مآينفع له إلآ مدرب كبير ،
مدرب من نوعية ريجيكآمب خيسوس برودوم قيريتس لاودروب
مو تجيب واحد 15 سنه تدريب عنده 5 بطولات ؟!
والله حتى اللعيبه مآ ينتبهون لكلامه ،

أتمنى يسكّتني هالمدرب ونرفع آسيآ ولآ الدوري معه
بس والله مآظنتي !


الله يوفق الزعيم الملكــي

إقتباس الرسالة الأصلية كتبت بواسطة sultan 07 ، المدرب 54 يوم مع الفريق ، معسكر في النمسآ ومباريات وديه وتمارين يوميه و مآتوصل لطريقة لعب ؟ بنلعب ربع النهآئي يوم الثلاثاء في آسيآ وهذآ لين اللحين مآتوصل ؟ 3 مباريات رسميه جرب فيهآ 21 لآعب ، وبرضه مآتوصل ؟ متى إن شاء الله يتوصـل ! المشكله أن الفريق مآفيه تغييرآت كثير عن الموسم الماضي ، جابو مدافع كوري ، و خربين والحافظ والمفرج عوّدو من الإعاره ! يعني مو مطلوب منه يولف توليفه جديده بكل مباراه ، حاجه ثانيه ، المدرب واضح انه مو صآرم مع اللآعبين تمريرات غلط كثير واحتفاظ بالكوره اكثر ، مآفي جديّه الإنضبآط المفروض المدرب يفرضه على اللعيبه ، بطريقته حتى لو بالصيآح مثل خيسوس بالنسبه لكآريو ، آتفق معك مآقدم شيء ف المباراه ، وفوق هذآ كآن يلعب بإستهتآر والبلآ أرجع وآقول من المدرب ! الهلال فريق كبير و مآينفع له إلآ مدرب كبير ، مدرب من نوعية ريجيكآمب خيسوس برودوم قيريتس لاودروب مو تجيب واحد 15 سنه تدريب عنده 5 بطولات ؟! والله حتى اللعيبه مآ ينتبهون لكلامه ، أتمنى يسكّتني هالمدرب ونرفع آسيآ ولآ الدوري معه بس والله مآظنتي ! الله يوفق الزعيم الملكــي

لا أريد أن أدافع عن المدرب ولكن أنا من أنصار الثبات لا يمكن التغيير الآن والمدرب الذي سيأتي لا يملك العصا السحرية ليغير في 15 يوم
لا اخفيك انا متفائل بالمدرب هذا بدون أن أعرف السبب ومع الأيام يمكن أن يكون التفاؤل صح او يكون إحساسي ما عنده سالفة
54 يوم فترة جيدة كبداية لأن البعض في الوديات يعطيك 50 من مستواه
ومن متابعتي للهلال من 30 سنة اقدر أقول لك مشكلة الهلال 100%
الآن مشكلة الهلال دفاعية بحته وهي من ثلاث عناصر :
1- المحور الدفاعي
2- لاعبين الأطراف
3- الدفاع نفسه
لا أعتقد ان المدربيمكن أن يخلق من لاعب عادي محور ناجح لكن يمكنه التضحية ببعض القدرات الهجومية لكي يعزز القدرات الدفاعية ... وأعتقد ان هذا ما جعل المدرب يواجه بعض المشاكل حتى الآن
فترات الهلال الذهبي كان يتمتع بأقوى خط وسط مساند للدفاع وللهجوم في نفس الوقت وكان هذا كفيل بان دفاع الهلال لا يختبر إلا نادرًا ويمر الدوري مرات بــ 6 أهداف في مرماه
الآن لا كنو ولا كاريو ولا جيوفنكو ولا هتان يملكون القدرات الدفاعية والمشكلة أنهم لا يكفون الفريق هجوميًا لذلك أكثر مفتاح نلعب فيه الأظهرة الشهراني والبريك
لاعب محلي من طراز خالد عزيز او خميس العويران او عمر الغامدي أو يجيبون لاعب عالمي من طراز رادوي او حتى ميليسي أو أفضل منهم ...
بطولة آسيا أمنية ولكن لا أستطيع التعويل بان قريقنا سيذهب بعيدًا لكن أتمنى أن تكون رؤيتي خطأ ونفوز بالكأس
الآن انت تعتمد على أنصاف لاعبين في مراكز مهمة
أثق بأرائك وتشرفت بتعليقك على ردي وسبق وقرأت لك كم رد وأعجبني وكلامك فعلاَ يحتاج أن نفكر فيه بجدية ...
لكن هل لديك تشكيلة متاسبة للقاء الاتحاد ؟؟
أتمنى ألا أكون اطلت عليك وتقبل تحيتي وتقديري

،

إقتباس *لا أريد أن أدافع عن المدرب ولكن أنا من أنصار الثبات لا يمكن التغيير الآن

انا معك من انصآر الثبآت لكن ،
إذآ الذهآب والإياب أمآم الإتحاد أستمر تخبيص المدرب فيهآ ،
وطلعنآ من الآسيويه وفريقنآ كله نجوم دوليين لا والله إلا يغيرونه أحسن

إقتباس *بطولة آسيا أمنية ولكن لا أستطيع التعويل بان قريقنا سيذهب بعيدًا لكن أتمنى أن تكون رؤيتي خطأ ونفوز بالكأس

بطولة آسيآ الهلال ممكن يحققهآ ، بس مع هذا المدرب مآتحمست
عبدالسلام الشآبي مدرب آبهآ ، جآب هدفين على ملعبنآ وبين جمآهيرنآ
سييرآ الإتحاد و فيتوريآ آلفقر و تشآفي السد ح يسجلون أكثر من هدفين ، أتوقع !
إن شاء الله آكون غلطآن ،
قدام الإتحاد آنآ آشوف مامعه إلآ كنو والكوري محآور ،
يرجع يستفيد من الكوري قلب بين الحافظ والبليهي ، الشهراني ظهير يمين والفرج يسآر
كاريو جوفينكو سالم وقدامهم منقذ المدرب قوميز !

إن شاء الله المدرب مآيتفلسف ويروح يلّعب كردي لأنه لو سوآهآ فإنه من جد مدرب خرافي
مباراة آبهآ كآنت فرصه يجرب أمير لكن راح يجرب كادش اللي كآن معه بالمعسكر ؟!
والفرج في الظهير افضل من كآدش بمرآحل ،

يآرب الفريق يظهر بصورة مختلفه عن المباريات السابقه ، خصوصاً الدفاع
و إن شاء الله نفرح يوم الثلاثاء بالفوز مع المستوى اللي يليق بنآدي الهلال
آلف شكرر على ردك وكلامك الرائع أخي الكريم ، الله يوفق الزعيم الملكـي !