الشهري للهلال بالإعارة لمدة موسم واحد .. - نادي الهلال السعودي - شبكة الزعيم

عبدالعزيز الثنيان · #1 20/08/2019, 12:14 AM

وافقت إدارة الرائد على إعارة مهاجمها ( صالح الشهري )
للهلال لموسم واحد فقط مقابل مليوني ريال بالإضافة
إلى إنتقال لاعبين من الهلال للرائد ..

بالتوفيق للزعيم ..

؛؛؛؛؛؛

CHARIZMA · #2 20/08/2019, 12:31 AM

انتقال الظهير الايمن الناشئ محمد الدوسري فقط على غرار البريك لما انتقل لرائد ورجع لاعب اساسي في الهلال..

ومبروك صفقه امير كردي الظهير الايمن تمت لمدة ثلاث سنوات قادمه.

متبقي المحور ان شاء الله تتم على خير .

قبل لا احد يطير ( بالعجه ) :

* اللاعب امير كردي كان لاعب محترف بالنادي الأهلي سابقا و حصل على الجنسيه السعوديه وسيلتحق بالهلال والقائمه الاسيويه كلاعب سعودي .

* عمره ٢٧ سنه والتعاقد تم بناء على رغبة المدرب وفي ظل عدم وجود اي لاعب محلي افضل كظهير ايمن .

* كلاعب احتياط او حتى منافس لخانه البريك اتوقع افضل الموجود عالاقل افضل من محمد الدوسري.

قوز هلال · #3 20/08/2019, 12:58 AM

من ترخص تمحص الله على موسم راح عاقبونا قبل مانكمل نصف المشوار الذيب ذيب

عاشق الزعيم505 · #4 20/08/2019, 01:24 AM

الله يوفقه مع هلالنا..

الطموحات كبيرة بإذن الله يكون فاهم هذا الشيء

بس مليوني ريال
ولاعبين اثنين من الهلال
وتجديد عقده مع ناديه ثلاث مواسم
أشوفها كثيرة والا المفاوض وش بلاه
هذا ووكيل اعماله حارسنا العتيبي

ما يبون نجيب لهم شي من البوفية بعد؟

Hilali.8 · #5 20/08/2019, 02:13 AM

للامانه الشديدة تعاقدات ولا تسوى فلس

والظاهر الادارة مفلسسسسه

mxo · #6 20/08/2019, 02:41 AM

شغل رائع
امير كردي جيدجدا
واغلق اي مشكلة قد تحدث بسبب الاصابات
وصالح الشهري كمحلي وبديل لغوميز بآسيا يعتبر افضل محلي
باقي محور دفاعي ونغلق الملف

كريزي · #7 20/08/2019, 02:58 AM

بيض الله وجيههم ايه كذا نصير مرتاحين والمدرب يستاهل حرام يضيع مجهوده كذا باقي محور ( دفاعي وحارس ) اجانب ويصير الهلال قمر

مارد الهلال الازرق · #8 20/08/2019, 03:23 AM

المجحد وش صار عليه !!! عموما الشهري مستواه متطور وربما بلغ التضوج الكروي في الهلال لكن لو اهتمينا شوي بلاعبي الاولمبي مثل اليامي وغيره ماحتجنا للاعارات والاستعارات واتمنى للمرة الالف جلب ظهير ايمن بديلا للبريك في حال اصيب لا قدر الله وحارس

توتو الشمري · #9 20/08/2019, 04:38 AM

الحمدلله انه تمت الاعاره مع خيار الشراء..
ادارة الرائد شرطت تجديد عقده عشان تبيعه اذا اردنا شراءه..
وهذا طبيعي..
انه بيدخل الستة اشهر اظن في نوفمبر المقبل..
و هو اساساً ماراح يرفع في عقده اذا اراد الهلال شراءه..
عقده بسيط و هو افضل مهاجم محلي بالارقام و الاحصائيه و بديل ناجح باذن الله
لقوميز و خربين..
تبقى الحارس و المحور.. و باذن الله المحور قريب جداً..

و يكتمل الهلال بجميع الخطوط..
المهم لا نستعجل الاداره تعمل و متاكد انها ماتغفل عن احتياجات الفريق..
بس نحتاج الركاده فقط..
الله يوفق زعيمنا

alzaeem only · #10 20/08/2019, 08:13 AM

الحمد لله حتى ترضى..
اشوف التعاقد مع الشهري ضربة معلم اللاعب جدا حيوي وقناص وصغير بالسن اعتقد 25 سنه وهو المهاجم البديل لقوميز في الاسيويه واللي نطالب من بداية الاستعدادات بضم مهاجم محلي عليه الكلام وهذا ما تم اخيرا ولله الحمد..
بالنسبه لكردي فمعلوماتي عنه ضعيفه لكن سمعت ان المدرب طلبه بالاسم بحكم مشاهدته له عن قرب عنما كان مدرب في الدوري اليوناني..
باقي حارس محلي ومحور اجنبي ونقول الهلال اكتمل بدرا وان شاء الله الدوري واسيا السابعه مجرد وقت بحول الله وتوفيقه..

ولد الحكومة · #11 20/08/2019, 08:59 AM

الحمدلله
ان شاءالله نلحق على محور دفاعي قبل الاغلاق وهذا وقت السماسره
الله يوفق الهلال في المرحلة الحاليه والمستقبليه ويعطينا خير هالتعاقدات
تحياتي لكم وفالنا التوفيق جميعآ

aommasi · #12 20/08/2019, 12:51 PM

بالتوفيق له مع الزعيم ان شاء الله

ثائرالهميجان · #13 20/08/2019, 02:46 PM

الله يوفقه مع الزعيم وينفع به واتمنى التفاهم بين مدير الكرة والمدرب بمنح ال جبيع ومحمد منصور فرصة المشاركة بشكل متدرج مع الشهري بحيث يكون هناك عمل على سد احتياجات الفريق بشكل مستمر

نــيـــ 5 ـــســــان · #14 20/08/2019, 02:49 PM

مختار فلاته2.....................

alzaeem only · #15 20/08/2019, 03:11 PM

إقتباس

الرسالة الأصلية كتبت بواسطة نــيـــ 5 ـــســــان


	مختار فلاته2.....................

يا رجل والله مافيه مقارنه والشهري افضل المهاجمين السعوديين