|
شراء عقد عموري جنوون السلام عليكم، البعض عندما نتحدث عن عموري يذكّر الجميع بمستوى الشلهوب وسلمان ووو وضعف مستواهم !!! مقارنة عموري بوجود لاعبين محليين بأنهم أقل مستوى غير منطقي، تأتي بلاعبين محليين وبمراكز مختلفة غير لاعب أجنبي وبمركز فيه ثلاث أجانب. إذا بتشتري عقد عموري فأنت منطقياً ستنهي عقد جيوفينكو وإدواردو بسبب أنهم نفس المركز (خلف المهاجم) . ثانياً عموري سيغيب قرابة شهرين، أي سيغيب عن أهم مباريات الموسم وهو دور 16 بآسيا ودور 8 إذا تأهل الهلال!!!! عموري راجع من رابع قطع بالصليب، ناهيك إن إصابته الأخيرة هي قطع كامل وليس جزئي، عشان كذا احتاج وقت طويل 8 شهور، فعودته لمستواه ستكون صعبة وهو على أبواب الثلاثين. ناهيك عن الخسارة المالية بشراء عقده وإنهاء عقد جيوفينكو وإدواردو !!! . عموري لاعب فنان، ولكن شراء عقده بالوضع الحالي من الجنوووون. وشكراً . |
مجنون الي يسجل عموري بالهلال عشان شوية مغردين نصفهم فقراوية يتمنون الأسوأ للهلال إذا وقعو معه فإعرف أن النادي يدار بعقلية جبانه تهاب الجمهور |
للمعلومية لا انت ولا غيرك عنده معلومه مثبته عن اللاعب وبعدين وش الفايدة من طرحك للموضوع الللي عنده العلم هي الادارة والمقربين من اللاعب وبعدين الاداره هي اللي بتقرر مو احنا على شان نفتي لك بالموضوع شوف طرح مثل هذا تكريه في اللاعب وحكم عليه من غير دليل اقول لك انت وياه الاداره ابخص وهي اعلم منا بأمور اللاعب وهي لها الحق في التعاقد او الشراء او الاستعاره او التمديد ابي اعرف كل يوم موضوع عن اللاعب كنه عدو والمشكله ان المواضيع من ناس ما تعرف حقائق الامور في احد مسلطكم على الاعب |
عموري نوعيه من اللاعبين لا تصلح لدورينا تحديدا في هذا الوقت الي فيه سبع محترفين والسبب ان اغلب الانديه رح تجلب محاور دفاعيه ودفاع صلب عبارة عن صبات اسمنتيه صخريه بشريه وعموري نوعيه من اللاعبين يجب ان يكتب في عقده تحذير : قابل للكسر وبالانجليزي Warning :Fragile |
الهلال لا يقف على لاعب ايا كان اسمه ================================ |
باقي في عقد عموري أكثر من شهر ونص والموافقة كانت فقط على استدعائه لمرافقة الفريق للمعسكر الإدارة أجلت موضوع الحسم لحين اقتراب نهاية العقد ربما سياسة الإدارة تتطلب الانتظار ويتم اتخاذ قرار نهائي من قبل الجهاز الطبي والمدرب والرئيس قرار صائب من الإدارة لاطلاع المدرب على كل العناصر المتوفرة ما نريده فقط الا ننشغل بلاعب واحد على حساب متطلبات أخرى بن نافل وأعضاء الإدارة جميعهم جادين في خطوات الإنجاز الإدارة في منعطف تكديس لاعبين أجانب واعارات وعقود باهضة وتركات الادارات السابقة وأنظمة هيئة الرياضة فلا تشوشرون على الرئيس وهو يشتغل على جوانب كثيرة وقرارات واستثمارات وخطط واستزاتيجيات تهم استقرار الكيان بكل هدوء وعقلانية وعدم تخبط الله يوفق الهلال يارب |
ازعجونا بعموري وكانه رونالدو لاعبين الهلال الفرج والشلهوب والعابد افضل منه ان جلس وان مشى ندعي له الله يوفقه وين ماراح هذا حقه علينا |
إقتباس:
أننا نتحدث عن لاعب مجهول وماعنده تاريخ حافل من عمليات الرباط الصليبي والهلال لم يتضرر من إصابته "الثالثة" في الموسم الماضي ! وكأننا نتحدث عن نادي صغير يغامر بموسمه من أجل لاعب واحد قد تصيب المغامره او تخيب واخيراً اتمنى انك لا تزايد على حبنا للاعب عموري هو إبن من أبناء الهلال وتمنيناه من زمان ولكن حبنا للهلال أكبر من 500 عموري ومصلحه الهلال أهم من إرضاء عموري ومشجعينه العقل نعمه ! |
لعبة شبيحه وسمامسره الهدف منها الأستنزاف المادي رساله لأدارة الهلال نريد صفقات ترتقي بالمستوى الفني لا نريد زبائن للعيادة الطبيه مهما كان اسم اللاعب |
أخوي اللامع.. عمر عبدالرحمن عمره 27 سنة فقط .. وهو لاعب وسط يعني قدامه 5 سنوات بالراحة يقدر يقدم فيها مستوى .. ميزة اللاعب ماهي بقوته و جسمه .. ولا هي بسرعته .. بالعربي مهب جسدية .. اللاعب يمتلك عقل كروي و سرعة بديهة و قدرة عجيبة في صناعة اللعب و توزيع الكور .. رؤيته و مسحه للملعب و الكورة بين رجليه موهبة نادرة في كرة القدم .. موهبته في عقله و مخه .. أما المراكض و المدابتس فعندنا خير .. لاعبين كثير يقدرون يراكضون طول المباراة و المحصلة صفر .. ثلاث أربطة فعلاً مصيبة .. و لكن لو لقيت أخصائي مميز تقدر تضمه للكادر الطبي تنحل مشكلته .. ولا تنسى رونالدو البرازيلي بعد كل رباط يرجع مثل أول .. و مشكلة رونالدو ماكانت ركبته .. كان بالمرض اللي يسبب له السمنة .. ولا تنسى روبن .. يوم انتقل لبايرن ميونخ .. أطباء باييرن قدروا يحلون مشكلته و يخففون من إصاباته .. مع هذا روبن كان عنصر مهم جداً في بطولات الباييرن وخاصة الأبطال .. وعنصر مهم مع هولندا في كأسي العالم 2010 و 2014 .. عموري بقاءه مفيد .. و رحيله غير مضر .. الهلال مايتوقف على لاعب .. وبنفس الوقت وجود لاعب بإمكانيات عموري العالمية و محسوب آسيوي مهم .. إن بقى .. فهو في بيته الأول .. و بين جماهير تعشق الكيان و تعشق كل شخص يمثله .. و إن رحل .. فسيبقى ابن للهلال .. والجماهير تقدره و تحترمه لعشقه للهلال من صغره .. |
إقتباس:
اكيد تمزح ! وليه ما نتفق مع الدكتور الي سوا له الثلاث عمليات رباط صليبي يمكن يعطينا تخفيض !!! وحشكم تعطل الهلال الموسم الي فات بسبب رباط عموري وودكم يتعطل السنه ذي بعد ؟ مصلحه نادي الهلال فوق الجميع "بما فيهم عموري وجمهوره" |
إقتباس:
مو مثلك مجرد مطامر على كل موضوع يخص عموري لونك صدق تحرس عن الهلال اترك اصحاب الشأن يقرور وانت ريح نفسك من المطامره وراء كل موضوع يخص عموري يمكن تعرف تنام الليل وتخفف من ذنوبك من ذم الاخرين لعلمك ترى الهلال وجمهوره ما عمره دار بالطريقة هذي مع لاعبينه ولا هذا اسلوب الهلاليين بنكران وجحد من يخدمهم نحن كجمهور الهلال نعطي كامل الصلاحيات للاداره وهي تفوم بشغلها ولا نتدخل في عملها وانا بقول لك ان كنت هلالي فعلآ ابتعد عن مثل هذي المواضيع لانك بها تكسب ذنوب القيل والقال من غير تأكيد الاخبار وعلى قولتك العقل نعمة يعزك من كل نقمة |
إقتباس:
حتى الأعمى والأبكم والأطرش يعلم أن عموري أجرى ثلاث عمليات رباط صليبي إحداهم مع نادي الهلال أصيب أمام الله وخلقه وبعدين رفض التوقيع مع لاعب عنده ثلاث عمليات رباط صليبي ما يبيلها خبره ياللي مقطع الخبره يبيلها تشغل المزهرية الي فوق الي يسمونها مخ بس علمني من أي كوكب جيت أنت ؟ |
موضوع محل جدال اول شي عموري نحتاجه الموسم القادم وماشاءالله عليه يلعب بفكر قبل القدم اللاعب رغبته للهلال حتى لو على بياض والمرحله القادمه جاي فيها غربله من الاستغناء عن اللاعبين الموجودين واولا خطوه كانت لأحمد شراحيلي والحمدلله بداية التصحيح الله يوفق الهلال في اختياراته وقراراته ويوفق الجميع |
إقتباس:
جيت من كوكب الاحترام والتقدير ولست مثلك جاي من كوكب نكران الجميل عموما شكلك من قوم طقها ولحقها لو بس تفكر بالمزهرية اللي قلت انت عنها كان قدرت اصابة اللاعب من اجل الهلال |
| الوقت المعتمد في المنتدى بتوقيت جرينتش +3.
الوقت الان » 06:12 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd