الهلال يستدعي المعارين

الرياض ـ عبدالإله المرحوم
أبانت لـ “الرياضية” مصادر خاصة أن نادي الهلال سيستدعي متعب المفرج، المدافع الذي مثّل فريق التعاون معارًا الموسم الماضي، إلى تحضيرات الموسم المقبل، إذ لن يُبَتّ في مصيره إلا بتوصية من الجهاز الفني المقبل.
وتسري الخطوة ذاتها على لاعبين آخرين انتهت إعاراتهم، وهم: عبد الله الحافظ “الاتفاق”، ومهند فلاتة “الفيحاء”، ونايف كريري “الفيحاء”، ومجاهد المنيع “الحزم”، وأنس زباني “الباطن”، فضلًا عن الأجانب الأرجنتيني إيزيكيل سيروتي “إنديبندينتي الأرجنتيني”، والسوري عمر خربين “بيراميدز المصري”، والمغربي أشرف بن شرقي “لنس الفرنسي”.
ووفقًا للمصادر، سيطالب النادي المدرب المقبل بإعداد تقرير فني عن جميع من أعيروا الموسم الماضي، تمهيدًا لاتخاذ قرار بشأنهم.
وتنطلق تحضيرات الهلال في 28 يونيو الجاري


^^^^^^^^^^^^^^^^^^^^


كيف يقوم المدرب المقبل بإعداد تقرير فني
وهو لم يطلع على الدوري
وهل سنعود لنقطة الصفر
ونرى اعادة ((اعارة)) بعض اللاعبين المميزين
مثل متعب المفرج وخربين

بعض المعارين أثبتوا أنفسهم و تطوروا..
مثل المفرج اللي بالأساس لاعب امكانياته كبيرة و ظهرت بالعربية ماقبل الماضية..
كذلك سيروتي لاعب ينفع للسعودية كثيرة و طريقة لعبه تناسب الهلال اللي كل الفرق تلعب ضده مقفلة و تحتاج للاعب مهاري عنده حلول بالتمرير و المراوغة..
بن شرقي قدم مستويات طيبة لكن ضد رجعته لأنه واضح رغبته مايبي الهلال من أول ماجاء .. ولو له رغبة الآن بحكم تواجد المغاربة بالدوري و نجاحهم فأهلاً به ..

أتفق معك إن تحديد مصير بعض اللاعبين المفترض مايكون بيد مدرب ماتابعهم ..
لكن ممكن يعرضون عليه فيديو مع بعض المشورة الفنية لحاجة الفريق..

أنا مع رجوع المفرج و سيروتي بقوة..

أين الكارثة في ما ذكرت أخي الكريم بل هذا هو التصرف الصحيح فالمدرب في النهاية صاحب القرار وإن لم يقتنع باللاعب فلن يشركه وهنا تكون الكارثة الحقيقية لكن المهم والأهم أن تكون القرارات لمصلحة النادي وليس كمهزلة العام الماضي فلا نريد إدارة تدار ولا تدير

المفرح لاعب عادي مثل المرشدي والمسلم
مجموعة التعاون غطت على عيوبه

بغض النظر عن الموضوع انت قلتها انها ( خبر ) وياما راح تسمع اخبار هذي الفتره اكثر فتره تسمع فيها عن تعاقدات ولاعبين عمرك ماسمعت فيهم بس مافي شي مضمون كل واحد يبي يسوي سبق صحفي عشان لو صار الموضوع يقولك ( كما اشرنا سابقا ) غير كذا اغلبها اجتهادات صحفيه الى الان مافي اداره كيف يقولك الاداره ستطالب المدرب بتقرير فني شوية منطقيه !!!

إقتباس الرسالة الأصلية كتبت بواسطة ابوساري بعض المعارين أثبتوا أنفسهم و تطوروا.. مثل المفرج اللي بالأساس لاعب امكانياته كبيرة و ظهرت بالعربية ماقبل الماضية.. كذلك سيروتي لاعب ينفع للسعودية كثيرة و طريقة لعبه تناسب الهلال اللي كل الفرق تلعب ضده مقفلة و تحتاج للاعب مهاري عنده حلول بالتمرير و المراوغة.. بن شرقي قدم مستويات طيبة لكن ضد رجعته لأنه واضح رغبته مايبي الهلال من أول ماجاء .. ولو له رغبة الآن بحكم تواجد المغاربة بالدوري و نجاحهم فأهلاً به .. أتفق معك إن تحديد مصير بعض اللاعبين المفترض مايكون بيد مدرب ماتابعهم .. لكن ممكن يعرضون عليه فيديو مع بعض المشورة الفنية لحاجة الفريق.. أنا مع رجوع المفرج و سيروتي بقوة..

اتفق معك
وانا مع ارجاع متعب المفرج وخربين وبن شرقي
اما سيروتي فأنا متخوف منها
اللاعب لم يقدم شئ مع فريقه

إقتباس الرسالة الأصلية كتبت بواسطة ابو عبدالوهاب أين الكارثة في ما ذكرت أخي الكريم بل هذا هو التصرف الصحيح فالمدرب في النهاية صاحب القرار وإن لم يقتنع باللاعب فلن يشركه وهنا تكون الكارثة الحقيقية لكن المهم والأهم أن تكون القرارات لمصلحة النادي وليس كمهزلة العام الماضي فلا نريد إدارة تدار ولا تدير

المدرب وانا اخوك
هو صاحب القرار اثناء المباريات (تكتيك - اختيار التشكيلة واللاعبين)
اما اختيار لاعبين للتعاقد فجربناها مع دياز وجلب لنا عاهه
بعدين كيف يحكم على لاعبين ما تابعهم اثناء الدوري
اكيد راح يحكم عليهم من المعسكر
وهذا اللي نحذر منه
لأن المهازل ستستمر

إقتباس الرسالة الأصلية كتبت بواسطة مع الزعيم وين ماراح المفرح لاعب عادي مثل المرشدي والمسلم مجموعة التعاون غطت على عيوبه

الفيصل هو الاداء داخل المستطيل الأخضر
لو كان اللاعب فعلا عادي
كان ما حصل التعاون على اول بطولة بتاريخه
اللاعب يلعب بجواره اسماء عادية
مثل الزبيدي وعبسي وساندرو مانويل

إقتباس الرسالة الأصلية كتبت بواسطة IBRA10 بغض النظر عن الموضوع انت قلتها انها ( خبر ) وياما راح تسمع اخبار هذي الفتره اكثر فتره تسمع فيها عن تعاقدات ولاعبين عمرك ماسمعت فيهم بس مافي شي مضمون كل واحد يبي يسوي سبق صحفي عشان لو صار الموضوع يقولك ( كما اشرنا سابقا ) غير كذا اغلبها اجتهادات صحفيه الى الان مافي اداره كيف يقولك الاداره ستطالب المدرب بتقرير فني شوية منطقيه !!!

لا تستغرب شئ في هذه المرحلة
المرحلة حرجة
وهنالك من يعمل على اضعاف الملكي
ونسأل الله ان يرد كيدهم في نحورهم

أنا مع عودة المفرج وسيروتي وخربين
من الاساس يفترض عدم التفريط فيهم
لكن الله يجازي اللي كان السبب.

هذا هو الصح وخاصه ان بيدرو ايمانويل عارف الدوري كويس

انا اشوف انه النادي يسلم للشخص المتنفذ الي يبي يدمر الهلال وخلوه يشيل الي يبي من اللاعبين
خلاص اصبحت الشغله لعب عيال واستغفال واستهبال

كله كوم وحركة تركي يوم مباراة الهلال والنجم الساحلي يوم يسوي نفسه زعلان في المدرجات ويوقف الله المستعان فعلا الي اختشوا ماتوا

متعب المفرج خلوووووووووه يولي غير مأسووووووووووف عليه

كل هالعنوان علشان متعب المفرج ! بسلامته اذا جا كثير عليه الاحتياط واذا راح التعاون راح يطلع مقاطع طقطقة جديدة على الهلال . ويمكن الجزيرة عندها مصادر يوم تقول أن أخوه استقال من أجل المساومات...
كل شي تكتبة يكون معقولا الا عن متعب المفرج هناك شي لا نعلمه