الحربي ..
أنت نصراوي أو هلالي علشان أقدر أناقشك أخوي ..؟
لأن واضح من نقاشك إنك نصراوي و حتى اسمك يدل على إنك نصراوي من الأرقام اللي حاطها
إذا أنت هلالي فالحياد ما يكون بهالشكل .. النصر و غيره حققوا بطولات ما أحد شكك بجدارتهن .. الفوز بالبطولات حق مشروع للجميع ..
ويوم لك ويوم عليك ..
لكن هالموسم ظلم فيه الهلال ..
عاد بتعمّد أو بغير تعمّد هذا شيء ثاني ..
نرجع للمباريات اللي تقول فرط فيها الهلال .. تعثرين في وقت حرج أمام فرق صغيرة ثم خسارة أمام المنافس ..
كلها كانت بسبب طرد المدرب ولا فيه مجال للنقاش بهالموضوع .. طردت مدربك و جبت مدرب أصفر اللون سابق ..
ضيع علينا الدوري و العربية و الكأس وكاد يلحقها بالآسيوية لولا الخروج المبكر له و للرئيس لأن باعتقادهم الهلال تدمر خلاص ..
نعم الهلال تعرض لمهزلة في كل شيء .. ايقافات لاعبين و كروت حمراء في كل مباراة ..
إلغاء أهداف عن طريق الفار و التصيّد لأخطاء سابقة في المباراة .. مثل مباراتي الحزم و أحد ..
هدفين ألغوها كانت تعطيك 6 نقاط كاملة في كل المباراتين ..
الأولى تحولت لضربة جزاء .. و الثاني ضربة تماس لصالح الهلال ! ..
في المقابل .. بلنتيات وهمية وايرلسية .. هدف حمدالله الفضيحة على الإتفاق .. اللي كان بتعثر النصر راح يريح الهلال كثير ..
وبنفس المباراة .. نفس مباراة الاتفاق .. حصل طرد لفريق الاتفاق ..
هل يجروء حكم على طرد لاعب نصراوي هالموسم؟ .. بتقولي النصر مايلعب بخشونة ..!؟
نطحة حمدالله في مباراة النصر لديجينك يستحق عليها ايقاف بسبب تهوره كاد يتسبب بارتجاج و نزيف داخلي للاعب و لا عطاه حتى كرت أصفر ..
تمثيله داخل المنطقة و تبطحه أكثر من مرة بنفس المباراة .. ولا كرت ..
بالمقابل كنو ياخذ كرت مجاني علشان فاول بالأساس لصالح كنو تحول بقدرة قادر لفاول للعبيد و كرت أصفر على كنو !
كرت كنو الثاني .. ضربة جزاء صريحة لسالم الدوسري على بتروس هجم منها النصر هجمة مرتدة و أخذ كنو كرت أصفر ثاني و طرد ..
أحد رجع للفار؟؟؟ .. رجعوا للفار في مباراة أحد علشان إلغاء هدف بسبب ضربة تماس .. وفي مباراة الحزم علشان بلنتي للحزم ..
وماقدروا يرجعون لبلنتي سالم اللي الأعمى يشوفه و يلغون كرت كنو؟؟ ..
الاتفاق لعب قدام النصر 40 دقيقة بـ 10 لاعبين ..
الهلال لعب قدام النصر 37 دقيقة بـ 10 لاعبين ..
مع هذا النصر سجل هدف الفوز على الاتفاق بالدقيقة 98
مع هذا النصر سجل هدف الفوز على الهلال بالدقيقة 97
المباراتين كلها ورى بعض .. لا إله إلا الله ..
----- هذا كله كوم و ضغط الهلال بالمشاركات كوم ثاني -----